اسلام آباد: اقوام متحدہ میں پاکستان کی مستقل مندوب ملیحہ لودھی نے بھارتی وزیر خارجہ سشما سوراج کی تقریر کو جھوٹ کا پلندہ قرار دے دیا، ملیحہ لودھی کا کہنا ہے بھارتی وزیر خارجہ نے بوکھلاہٹ میں اقوام متحدہ میں کھڑے ہو کر اقوام متحدہ کی قراردادوں کی دھجیاں اڑادیں۔
ملیحہ لودھی کا کہنا تھا کہ بھارتی وزیر خارجہ کے بیان کا بھرپور جواب دیا جائے گا، انہوں نے کہا کہ مسئلہ کشمیر اقوام متحدہ کے ایجنڈے میں شامل ہے مقبوضہ کشمیر کو اپنا حصہ قرار دینا اقوام متحدہ کی توہین ہے دنیا جانتی ہے کہ مقبوضہ کشمیر میں کیسے کیسے ظلم ڈھائے جارہے ہیں۔
The Indian FM’ speech is a litany of falsehoods and baseless allegations.The biggest falsehood is that Kashmir is an integral part of India.
— Maleeha Lodhi (@LodhiMaleeha) September 26, 2016
ملیحہ لودھی نے کہا کہ بھارتی وزیر خارجہ کا بیان اقوام متحدہ کے چارٹر کی خلاف ورزی ہے،بھارتی وزیرخارجہ کی جنرل اسمبلی میں تقریر جھوٹ کا پلندا ہے، بھارت نے پاکستان کے اندرونی معاملات کو اٹھایا ہے، اندرونی معاملات کو اٹھانا اقوام متحدہ کے چارٹر کی خلاف ورزی ہے۔
Her entire reference to Pakistan was a vain attempt to divert attention from the grave situation in occupied Kashmir. — Maleeha Lodhi (@LodhiMaleeha) September 26, 2016
انہوں نے کہا کہ عالمی برادری بھی بھارتی رویہ دیکھ رہی ہے، پاکستان نے ہمیشہ مذاکرات میں پہل کی ہے جبکہ بھارت نے انکار کیا ہے۔
Kashmir is an internationally recognised dispute. It is the oldest item on the UN agenda. The whole world acknowledges this.
— Maleeha Lodhi (@LodhiMaleeha) September 26, 2016
یاد رہے کہ آج اقوام متحدہ کی جنرل اسمبلی میں بھارتی وزیر خارجہ سشما سوراج پاکستان سے متعلق روایتی تقریر کرتے ہوئے گھبراہٹ میں اقوام متحدہ کی بھی توہین کرگئیں، انہوں نے کہا کہ کشمیر بھارت کا حصہ ہے اور رہے گا۔
