Tag: کشمیر کی خبریں

واشنگٹن: پاکستان پیپلز پارٹی کے چیئرمین بلاول بھٹو زرداری نے کہا ہے کہ کشمیر کاز سے وفاداری ان کے خون میں شامل ہے۔

تفصیلات کے مطابق پی پی چیئرمین بلاول بھٹو زرداری نے واشنگٹن میں کشمیر کونسل کے رہنماؤں سے ملاقات کرتے ہوئے کہا کہ کشمیر کاز سے وفاداری ان کے خون میں شامل ہے۔

[bs-quote quote=”کشمیر پر بھارت کے غاصبانہ قبضے کے خاتمے تک چین سے نہیں بیٹھیں گے۔” style=”style-7″ align=”left” color=”#dd3333″ author_name=”بلاول بھٹو زرداری” author_job=”چیئرمین پی پی”][/bs-quote]

بلاول بھٹو کا کہنا تھا کہ وہ کشمیریوں پر بھارتی بربریت کے خلاف ہر فورم پر آواز اٹھاتے رہیں گے۔

پیپلز پارٹی کے رہنما نے کہا کہ وہ کشمیر کے عوام کی جدوجہد حقِ خود ارادیت کے ساتھ کھڑے رہیں گے اور کشمیر پر بھارت کے غاصبانہ قبضے کے خاتمے تک چین سے نہیں بیٹھیں گے۔

خیال رہے کہ گزشتہ روز دنیا بھر میں مظلوم کشمیریوں کے ساتھ اظہارِ یک جہتی کے لیے یومِ کشمیر منایا گیا، اور مختلف تقاریب کا انعقاد اور ریلیاں نکالی گئیں۔

Chairman #PPP @BBhuttoZardari meets with #Kashmir Council to express solidarity with Kashmiri people in Washington DC#KashmirSolidarityDay#KashmirMatters https://t.co/pbdVr7r2pM pic.twitter.com/2405nBAoTQ

— PPP (@MediaCellPPP) February 5, 2019

وزیرِ اعظم عمران خان نے ٹویٹ کرتے ہوئے لکھا کہ دنیا بھر کے کشمیری اب ہم آواز ہو کر بھارت سے آزادی چاہتے ہیں، بھارتی فوج باغیوں سے نہیں مقبوضہ کشمیر کی تمام عوام سے جنگ لڑ رہی ہے۔

یہ بھی پڑھیں:  بھارت سے آزادی کے لیے دنیا بھر کے کشمیری ہم آواز ہو چکے: وزیرِ اعظم

انھوں نے مزید لکھا کہ آزادی سے محبت رکھنے والے دنیا کے تمام لوگ کشمیریوں کا ساتھ دیں۔

اسلام آباد: ترجمانِ دفتر خارجہ نے کہا ہے کہ مقبوضہ کشمیر فوجی جیل میں تبدیل ہوچکا ہے، بھارتی دعوے کی قلعی کھل گئی ہے۔

تفصیلات کے مطابق دفترِ خارجہ کے ترجمان نے کہا ہے کہ بھارتی فوج نے مقبوضہ کشمیر کو فوجی جیل میں تبدیل کر دیا ہے۔

[bs-quote quote=”مقبوضہ وادی میں کاروباری مراکز بند، موبائل، انٹرنیٹ سروس معطل ہے۔” style=”style-7″ align=”left” color=”#dd3333″ author_name=”دفتر خارجہ”][/bs-quote]

ترجمان کا کہنا تھا کہ وزیرِ خارجہ کی حریت رہنما سید علی گیلانی سے گفتگو کے بعد کشمیر پر بھارتی دعوے کی قلعی کھل گئی ہے۔

دفتر خارجہ کے مطابق مقبوضہ کشمیر میں حریت رہنما نظر بند ہیں، مقبوضہ وادی میں کاروباری مراکز بند، موبائل، انٹرنیٹ سروس معطل ہے۔

ترجمان دفترِ خارجہ نے کہا کہ بھارت کشمیریوں کی جدوجہد کو دبانے میں ناکام رہا ہے، وہ اپنی ناکامی کو تسلیم کرے۔

خیال رہے کہ آج وزیر خارجہ شاہ محمود قریشی نے لندن ایئر پورٹ پر میڈیا سے گفتگو کرتے ہوئے کہا کہ مسئلہ کشمیر حل طلب مسئلہ ہے، بھارت مقبوضہ کشمیر میں ظلم کر رہا ہے اور عالمی دنیا خاموش ہے۔

یہ بھی پڑھیں:  بھارت مقبوضہ کشمیر میں ظلم کررہا ہے، عالمی دنیا خاموش ہے، شاہ محمود قریشی

شاہ محمود قریشی عالمی کانفرنس میں شرکت کے لیے گئے ہیں، جہاں مقبوضہ کشمیر کی صورت حال پر تبادلہ خیال ہوگا، وزیرِ خارجہ پاکستان کا نقطہ نظر پیش کریں گے۔

انہوں نے کہا لندن میں سیاست پر بات نہیں کرنے آیا، پاکستانیوں کو جوڑنے آیا ہوں، مقبوضہ کشمیر پر کانفرنس میں شرکت کرنے کے لیے آیا ہوں۔

اسلام آباد: دفترِ خارجہ کے ترجمان نے کہا ہے کہ بھارت کی جانب سے کشمیریوں کی جدوجہد کو دہشت گردی کا نام دینے کو پاکستان مسترد کرتا ہے۔

تفصیلات کے مطابق شاہ محمود قریشی نے حریت رہنما میر واعظ عمر فاروق کو ٹیلی فون پر بھارتی اعتراضات مسترد کر دیے۔

[bs-quote quote=”پاکستان ہمیشہ کشمیری قیادت کے ساتھ رابطوں میں رہا، اس میں کچھ نیا نہیں۔” style=”style-7″ align=”left” color=”#dd3333″ author_name=”دفتر خارجہ”][/bs-quote]

ترجمان دفترِ خارجہ نے کہا کہ پاکستان کشمیریوں کی حمایت جاری رکھے گا، کشمیر پاکستان اور بھارت کے درمیان حل طلب مسئلہ ہے، اقوام متحدہ کی قراردادوں کےعلاوہ بھی یہ متنازع معاملہ ہے۔

دفترِ خارجہ کے مطابق شملہ معاہدہ اور اعلان لاہور کے مطابق بھی یہ متنازع معاملہ ہے، کشمیر کا مسئلہ اقوام متحدہ کی سیکورٹی کونسل کے ایجنڈے پر بھی موجود ہے۔

ترجمان کا کہنا تھا کہ کشمیریوں کی جدوجہد کو دہشت گردی کا نام دینے کو مسترد کرتے ہیں، حق خود اردایت کشمیریوں کا بنیادی حق ہے، پاکستان کشمیریوں کی سیاسی، سفارتی اور اخلاقی حمایت جاری رکھے گا۔

یہ بھی پڑھیں:  بھارت کرتار پور کوریڈور سے متعلق بچگانہ حرکتیں کر رہا ہے: دفتر خارجہ

ترجمان نے کہا کہ پاکستان ہمیشہ کشمیری قیادت کے ساتھ رابطوں میں رہا، اس میں کچھ نیا نہیں، پاکستان مسئلہ کشمیر کے پُر امن حل تک یہ حمایت جاری رکھے گا۔

یاد رہے کہ ایک ہفتے قبل ترجمان دفتر خارجہ ڈاکٹر محمد فیصل نے کہا تھا کہ بھارت کرتار پور کوریڈور سے متعلق بچگانہ حرکتیں کر رہا ہے، تاہم ہمارا جواب بچگانہ نہیں ہوگا۔