ARYNews.tv | Urdu – Har Lamha Bakhabar

Tag: کشمیر

  • بھارتی فوج کا نام نہاد آپریشن، مزید 3 کشمیری شہید

    بھارتی فوج کا نام نہاد آپریشن، مزید 3 کشمیری شہید

    سری نگر: بھارتی فوج نے کشمیر میں نام نہاد آپریشن کے نام پر تین کشمیریوں کو شہید کردیا۔

    تفصیلات کے مطابق قابض بھارتی فوج نے اننت ناگ میں نام نہاد آپریشن کے دوران مزید تین کشمیریوں کو شہید کردیا۔

    کشمیری میڈیا سروس کے مطابق قابض افواج نے ضلع اسلام آباد (اننت ناگ) کے علاقے پازل پورہ میں نام نہاد آپریشن کیا اس دوران گھر گھر تلاشی لی گئی اور چادر اور چار دیواری کا تقدس پامال کیا۔

    محاصرے کی کارروائی کے دوران بھارتی فوج نے تین کشمیریوں کو حراست میں لیا اور انہیں عسکریت پسند قرار دے کر گولیاں ماردیں جس سے تینوں نوجوان موقع پر ہی شہید ہوگئے۔

    مزید پڑھیں: کشمیریوں کا انوکھا احتجاج، سیب پر نعرے لکھ کر بھارت بھیج دئیے

    علاوہ ازیں ضلع پلوامہ میں نامعلوم حملہ آوروں نے ایک مزدور کو گولیاں مار کر قتل کردیا، فوری طور پر مقتول کی شناخت نہیں ہوسکی ہے۔

    واضح رہے کہ مقبوضہ کشمیر میں بھارتی ظلم و جبر، مہینوں پر جاری لاک ڈاؤن اور مکمل تاریکی کے ماحول میں مظلوم کشمیریوں نے مزاحمت کے اظہار کے لیے نیا راستہ اختیار کرتے ہوئے سیبوں پر بھارت مخالف اور پاکستان کے حق میں نعرے لکھ کر بھارت بھیج دئیے تھے۔

    تاجروں کو حالیہ موصول ہونیوالے سیبوں پر جو نعرے لکھے گئے تھے ان میں ہم کیا چاہتے آزادی، میری جان عمران خان، پاکستان زندہ باد، میں برہان وانی سے محبت کرتا ہوں، موسیٰ واپس آجاؤ شامل ہیں، جس نے ہلچل مچا دی تھی۔

  • پاکستان کشمیر میں انکوائری کمیشن قائم کرنے کی سفارش کا حامی ہے: ملیحہ لودھی

    پاکستان کشمیر میں انکوائری کمیشن قائم کرنے کی سفارش کا حامی ہے: ملیحہ لودھی

    نیویارک: ڈاکٹر ملیحہ لودھی کا کہنا ہے کہ انسانی حقوق ہائی کمشنر اپنی رپورٹس کی روشنی میں کردار ادا کرے، پاکستان کشمیر میں انکوائری کمیشن قائم کرنے کی سفارش کا حامی ہے۔

    اقوام متحدہ کی جنرل اسمبلی میں انسانی حقوق پر بحث کرتے ہوئے ملیحہ لودھی نے کہا کہ مقبوضہ کشمیر میں انسانی حقوق کی سنگین خلاف ورزیوں ہورہا ہیں۔

    ان کا کہنا تھا کہ پاکستان انسانی حقوق ہائی کمشنر کے اقدامات کی حمایت جاری رکھے گا۔ ملیحہ لودھی نے انسانی حقوق ہائی کمشنر کے کشمیر پر موقف پر شکریہ بھی ادا کیا۔

    انہوں نے کہا کہ ہائی کمشنر کی بھارتی اقدامات کی مذمت کا خیرمقدم کرتے ہیں۔ دریں اثنا اقوام متحدہ میں انسانی حقوق کی سربراہ میشل بیچلیٹ کے ساتھ نشست میں ملیحہ لودھی نے بھارتی جارحیت کو بے نقاب کیا۔

    کشمیریوں کو اُن کا حق خودارادیت سلامتی کونسل نے دیا ہے، ملیحہ لودھی

    انہوں نے بتایا کہ میشیل بیچلیٹ اکیلی نہیں جنہوں نے کشمیر کے لیے آواز اٹھائی، سیکرٹری جنرل اور دیگر عہدیداروں نے بھی بھارتی مظالم کے خلاف بیانات دیے، عالمی میڈیا نے بھی بھارتی بربریت کے خلاف آواز اٹھائی۔

    یاد رہے کہ گذشتہ دنوں ملیحہ لودھی نے جنرل اسمبلی کی انسانی حقوق کمیٹی میں مباحثے سے خطاب کرتے ہوئے کہا تھا کہ وقت آگیا ہے کہ عالمی برادری بھارتی ظلم کا حساب مانگے۔

    ان کا یہ بھی کہنا تھا کہ اقوام متحدہ کو بھارت کی عالمی قوانین دلانے چاہئیں، بچوں کے حقوق کی خلاف ورزیوں پر خاموش بھی شریک جرم ہیں۔

  • مودی سرکارکشمیریوں سے خوفزدہ ، 72 ویں روزبھی کرفیو برقرار

    مودی سرکارکشمیریوں سے خوفزدہ ، 72 ویں روزبھی کرفیو برقرار

    سرینگر: بھارتی ظلم وبربریت تھم نہ سکی، 72 روز گزر جانے کے باوجود مقبوضہ کشمیر میں کرفیو برقرار ہے۔

    تفصیلات کے مطابق مقبوضہ وادی میں بھارتی جارحیت میں آئے روز اضافہ ہورہا ہے، مواصلاتی نظام تاحال معطل ہے، جبکہ بھارتی مظالم پر عالمی برادری کی مجرمانہ خاموشی بھی برقرار ہے۔

    وادی کے ہر شاہراہ اور چوراہے پر قابض بھارتی فورسز تعینات ہیں، بھارتی حکام نے دعویٰ کیا ہے کہ وادی میں پوسٹ پیڈ موبائل فون جزوی طور پر بحال کر دی گئی ہے۔

    کرفیو کے باعث مریضوں کو اسپتال پہنچنے میں سخت مشکلات کا سامنا ہے جبکہ کئی مریض بروقت اسپتال نہ پہنچنے کے باعث راستے میں ہی جاں بحق ہوگئے۔

    مقبوضہ وادی میں اسکول، کالج، تجارتی مراکز بند، ٹرانسپورٹ سروس معطل ہے، نظام زندگی مفلوج ہوکر رہ گئی ہے، لاکھوں کشمیری گھروں میں محصور ہیں۔

    غدا کی قلت، بھوک سے بلکتے بچوں اور مریضوں کی اکھڑتی سانسوں سے مجبور کشمیری باہر نکلیں تو ان پر پیلٹ گنز کا استعمال کیا جاتا ہے جس سے کشمیری نوجوان بینائی سے محروم ہو رہے ہیں۔

    حیران ہوں عالمی میڈیا ہانگ کانگ احتجاج کی کوریج کر رہا ہے کشمیرکی نہیں، عمران خان

    کشمیر میڈیا سروس کے مطابق کشمیری رہنماؤں، نوجوانوں سمیت بچے بھی جیلوں میں قید ہیں، 2 ماہ سے کشمیریوں کو نمازجمعہ مساجد میں ادا کرنے نہیں دی جا رہی۔

    سخت کرفیو کے باوجود بھارت کشمیریوں کے دلوں سے آزادی کا جذبہ نہیں نکال سکا، آج بھی گلی کوچوں میں کشمیر بنے گا پاکستان کے نعرے ہیں۔

  • مقبوضہ کشمیر میں کرفیو اور ظلم ختم کیا جائے، ترک صدر اردوان

    مقبوضہ کشمیر میں کرفیو اور ظلم ختم کیا جائے، ترک صدر اردوان

    استنبول: ترک صدر رجب طیب اردوان نے کہا ہے کہ مقبوضہ کشمیر میں کرفیو اور ظلم ختم کیا جائے، مسئلہ کشمیر کے حل تک ترکی کشمیری عوام کی حمایت جاری رکھے گا۔

    تفصیلات کے مطابق اسپیکر قومی اسمبلی اسد قیصر کی ترک صدر سے ملاقات ہوئی، ملاقات خطے کے ممالک کی تیسری اسپیکر کانفرنس کے موقع پر ہوئی، جس میں کشمیر کی صورت حال، امہ کو درپیش چیلنجز اور باہمی دلچسپی کے امور پر تبادلہ خیال کیا گیا۔

    اسپیکر قومی اسمبلی اسد قیصر نے کہا کہ پاکستان اور ترکی دو قالب ایک جان کی مانند ہیں، پاکستان کو ترکی کے ساتھ اپنی بے مثال دوستی پر فخر ہے۔

    اسد قیصر نے کہا کہ دونوں ملکوں نے ہر مشکل وقت میں ایک دوسرے کا ساتھ دیا ہے، اسپیکر نے اقوام متحدہ کی جنرل اسمبلی میں ترک صدر کے خطاب کی تعریف کرتے ہوئے کہا کہ مسئلہ کشمیر کا کشمیری عوام کی امنگوں کے مطابق حل ناگزیر ہے۔

    مزید پڑھیں: کشمیریوں کی جدوجہد نے ان سے موت کا خوف ختم کردیا ہے: وزیر اعظم

    دوسری جانب ترک صدر رجب طیب اردوان نے کہا کہ پاکستان کو اپنا بھائی اور دوست سمجھتے ہیں، پاکستان کے ساتھ برادرانہ تعلقات کو بہت اہمیت دیتے ہیں۔

    ترک صدر نے جنرل اسمبلی میں وزیراعظم عمران خان کے خطاب کی تعریف کرتے ہوئے کہا کہ عمران خان نے مسلم امہ اور کشمیری عوام کی زبردست ترجمانی کی ہے، بھارت کے مقبوضہ کشمیر میں حالیہ اقدامات غیرقانونی اور غیراخلاقی ہیں۔

  • کراچی کے تاجروں کی کشمیریوں سے اظہارِ یکجہتی کے لیے احتجاجی ریلی

    کراچی کے تاجروں کی کشمیریوں سے اظہارِ یکجہتی کے لیے احتجاجی ریلی

    کراچی: شہرقائد کے تاجروں نے کشمیری عوام سے اظہار یکجہتی کے لیے کراچی کے علاقے طارق روڈ پر ریلی نکالی، اس دوران تاجروں نے انسانی ہاتھوں کی زنجیربھی بنائی۔

    تفصیلات کے مطابق کراچی کے تاجروں نے طارق روڈ پر لبرٹی چوک سے بہادر آباد چورنگی تک یوم یکجہتی کشمیر ریلی کا انعقاد کیا، اس موقع پر بھارتی جارحیت کے خلاف خوب نعرے بازی کی گئی۔

    طارق روڈ ٹریڈرز الائنس کے صدر الیاس میمن نے ریلی سے خطاب کرتے ہوئے کہا کہ بھارت نے کشمیر پر ایک طرف تو غاصبانہ قبضہ جما رکھا ہے اور دوسری طرف کشمیری مسلمانوں کی زندگیاں بد سے بد تر کرنے کے لیے تمام حربے استعمال کر رہا ہے۔

    ان کا کہنا تھا کہ کشمیر پاکستان کی شہ رگ ہے، اس کا تحفظ ہر پاکستانی کا فرض ہے کیونکہ اسی میں پاکستان کی بقا ہے۔

    ریلی میں موجود تاجروں کا کہنا تھا کہ بھارت کے ظلم و بربریت کو دنیا بھر کے سامنے لانے کے لئے یہ ثابت کرنا ضروری ہے کہ ہم ایک ہیں اور کشمیر ہمارا ہے، ہمارا صرف ایک ہی نعرہ ہے، "کشمیر بنے گا پاکستان”۔

    مقبوضہ کشمیر : آزادی کے حق میں مظاہرہ، عمران خان کے حق میں نعرے

    خیال رہے کہ مقبوضہ کشمیر میں بھارتی جارحیت کا سلسلہ تاحال جاری ہے، مقبوضہ کشمیر میں68 روز سے جاری کرفیو کے باوجود کشمیریوں نے احتجاج کیا اور نماز جمعہ کے بعد سڑکوں پر نکل آئے، فضا آزادی کے نعروں سے گونج اٹھی، کشمیریوں نے حمایت کرنے پر عمران خان کا شکریہ ادا کیا۔

    مقبوضہ کشمیرمیں کرفیوکا آج 69 واں دن ہے، مسلسل کرفیو کے باعث مختلف علاقوں میں کھانے پینے کی اشیا اور دواؤں کی قلت پیدا ہوگئی ہے۔

  • کشمیریوں کی جدوجہد نے ان سے موت کا خوف ختم کردیا ہے: وزیر اعظم

    کشمیریوں کی جدوجہد نے ان سے موت کا خوف ختم کردیا ہے: وزیر اعظم

    اسلام آباد: وزیر اعظم عمران خان کا کہنا ہے کہ کشمیر کے لوگوں کو پیغام دینا ہے پاکستانی قوم ان کے ساتھ کھڑی ہے، کشمیریوں کی جدوجہد نے ان سے موت کا خوف ختم کردیا ہے۔

    تفصیلات کے مطابق وفاقی دارالحکومت اسلام آباد میں کشمیریوں سے اظہار یکجہتی کے لیے انسانی ہاتھوں کی زنجیر بنانے کی تقریب ہوئی۔ تقریب میں صدر مملکت ڈاکٹر عارف علوی، وزیر اعظم عمران خان اور چیئرمین سینیٹ صادق سنجرانی بھی شریک ہوئے۔

    وزیر اعظم عمران خان نے تقریب سے خطاب کرتے ہوئے کہا کہ آج ہم سب کشمیریوں سے یکجہتی کے لیے جمع ہیں، کشمیر کے لوگوں کو پیغام دینا ہے پاکستانی قوم ان کے ساتھ کھڑی ہے، پاکستانی قوم ہمیشہ کشمیریوں کے ساتھ کھڑی رہے گی۔

    انہوں نے کہا کہ 80 لاکھ انسانوں کو ہندوستان کی فوج نے کرفیو میں بند کر رکھا ہے، عالمی میڈیا ہانگ کانگ کے احتجاج کو تو ہیڈ لائن بنا رہا ہے، لیکن کشمیر میں انسانی حقوق کی خلاف ورزیوں کو نظر انداز کر رہا ہے۔

    وزیر اعظم کا کہنا تھا کہ مقبوضہ کشمیر میں بھارت نے 2 ماہ سے کرفیو لگا کر رکھا ہے، کشمیری خواتین، بچے، بوڑھے سب گھروں میں بند ہیں۔ عالمی برادری نے جو حق خود ارادیت دی تھی وہ کشمیری مانگ رہے ہیں، عالمی میڈیا 2، 3 افراد زخمی ہونے پر ہانگ کانگ کی ہیڈ لائن چلاتا ہے۔

    انہوں نے کہا کہ کشمیر میں اتنا بڑا ظلم ہو رہا ہے اور عالمی میڈیا اس کی اتنی کم کوریج کر رہا ہے، کوشش انسان کرتا ہے اور کامیابی اللہ دیتا ہے۔ کشمیر کے لوگوں کے لیے بھرپور کوشش کرتے رہیں گے۔ کشمیر کے لوگوں کو بتائیں گے کہ پاکستانی قوم ساتھ کھڑی ہے۔ کشمیریوں کو حقوق دلانے کے لیے ہماری تحریک سمندر بن جائے گی۔

    وزیر اعظم کا کہنا تھا کہ کشمیر کے مسئلے پر دنیا کے لیڈرز کو خود میں نے سمجھایا ہے، کشمیریوں پر کانگریس سینیٹرز کے ایسے بیان ماضی میں کبھی نہیں آئے، نریندر مودی نے اتنی بڑی غلطی کر کے اپنا آخری پتہ کھیل دیا ہے۔ بھارت نے اپنا آئین غیر قانونی طور پر بدلا ہے۔ کشمیریوں کی جدوجہد نے ان سے موت کا خوف ختم کردیا ہے۔

    انہوں نےمزید کہا کہ جیسے ہی کرفیو اٹھے گا لاکھوں کشمیری سڑکوں پر نکلیں گے، مجھے جو راستہ نظر آرہا ہے وہ کشمیر کی آزادی کا راستہ ہے۔

  • حیران ہوں عالمی میڈیا ہانگ کانگ احتجاج کی کوریج کر رہا ہے کشمیرکی نہیں، عمران خان

    حیران ہوں عالمی میڈیا ہانگ کانگ احتجاج کی کوریج کر رہا ہے کشمیرکی نہیں، عمران خان

    اسلام آباد: وزیراعظم عمران خان کا کہنا ہے کہ 9 لاکھ بھارتی فوجیوں نے 80لاکھ کشمیریوں کو یرغمال بنا رکھا ہے، حیران ہوں عالمی میڈیا ہانگ کانگ احتجاج کی کوریج کر رہا ہے کشمیرکی نہیں۔

    تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا کہ پریشان ہوں عالمی میڈیا ہانگ کانگ کے احتجاج کو ہیڈلائن بنا رہا ہے۔

    انہوں نے کہا کہ عالمی میڈیا کشمیرمیں انسانی حقوق کی خلاف ورزیوں کو نظر انداز کر رہا ہے، بھارتی فورسزنے کشمیر پر غیرقانونی قبضہ کر رکھا ہے۔

    وزیراعظم نے کہا کہ مقبوضہ کشمیرعالمی سطح پر تسلیم شدہ متنازع علاقہ ہے، 9 لاکھ بھارتی فوجیوں نے 80لاکھ کشمیریوں کو یرغمال بنا رکھا ہے۔

    انہوں نے کہا کہ 2 ماہ سے کشمیرمیں مواصلاتی نظام کا مکمل بلیک آؤٹ ہے، کشمیری رہنماؤں ، بچوں سمیت ہزاروں کشمیری جیلوں میں ہیں۔

    وزیراعظم عمران خان نے مزید کہا کہ مقبوضہ کشمیر میں انسانی المیہ تیزی سے بحران کی طرف بڑھ رہا ہے، 30سال میں ایک لاکھ کشمیریوں کو شہید کیا گیا۔

    واضح رہے کہ مقبوضہ کشمیر میں بھارتی مظالم اُجاگر کرنے کے لیے آج یوم یکجہتی کشمیر منایا جا رہا ہے۔ کشمیریوں سے اظہار یکجہتی کے لیے آج اسلام آباد میں وزیراعظم عمران خان کی قیادت میں انسانی ہاتھوں کی زنجیر بنائی جائے گی۔

    معاون خصوصی برائے اطلاعات ڈاکٹر فردوس عاشق اعوان کے مطابق انسانی ہاتھوں کی زنجیر آج سہ پہر ساڑھے تین بجے کنونشن سینٹر سے ڈی چوک تک بنائی جائے گی۔ وزیراعظم عمران خان ڈی چوک میں شرکاء سے خطاب کریں گے۔

  • بھارتی فوج کی شرمناک حرکتوں کی مثال دنیا میں نہیں ملتی: وزیراعظم آزاد کشمیر

    بھارتی فوج کی شرمناک حرکتوں کی مثال دنیا میں نہیں ملتی: وزیراعظم آزاد کشمیر

    مظفرآباد: وزیراعظم آزاد کشمیر راجہ فاروق حیدر نے بھارتی فوج کی لائن آف کنٹرول کی خلاف ورزی کی شدید مذمت کرتے ہوئے کہا ہے کہ بھارتی فوج کی شرمناک حرکتوں کی مثال دنیا میں نہیں ملتی۔

    تفصیلات کے مطابق بھارتی فوج نے جارحیت کا مظاہرہ کرتے ہوئے گذشتہ روز لائن آف کنٹرول کی خلاف ورزی کی جبکہ آج رات گئے بھی گولہ باری اور فائرنگ کا سلسلہ جاری رہا۔

    فاروق حیدر کا کہنا ہے کہ دنیا میں شاید ہی کوئی فوج نہتے انسانوں کی ٹارگٹ کلنگ کرتی ہو، لیکن بھارتی فوج کی جارحیت اور شرمناک حرکتوں کی مثال دنیا بھی نہیں ملتی۔

    ان کا مزید کہنا تھا کہ بھارتی فوج کی فائرنگ کا نشانہ خواتین، بچے اور بوڑھے ہیں، مودی کے اشارے پر بھارتی فوج عام شہریوں کو نشانہ بنارہی ہے۔

    رات گئے بھارتی فوج نے ایک بار پھر لائن آف کنٹرول کی خلاف ورزی کرتے ہوئے شدید فائرنگ اور گولہ باری کی جس کے نتیجے میں تین افراد زخمی ہوگئے۔

    بھارتی فوج کی ایک بار پھر ایل او سی کی خلاف ورزی، 3 افراد زخمی

    خیال رہے کہ گذشتہ روز بھارتی اشتعال انگیزی پر پاک فوج کی جانب سے بھر پور جوابی کارروائی کی گئی، پاک فوج نے ان تمام بھارتی چوکیوں کو نشانہ بنایا جہاں سے پاکستانی علاقے میں فائرنگ کی گئی تھی۔

    یاد رہے تین روز قبل بھارتی ناظم الامور گورو آہلو والیا کو دفتر خارجہ طلب کرکے بھارتی فوج کی سیز فائر کی مسلسل خلاف ورزیوں پر احتجاجی مراسلہ دیا گیا تھا۔

  • کشمیر میں لاکھوں لوگ محصور ہیں، کھلی جیل میں بند ہیں: دفتر خارجہ

    کشمیر میں لاکھوں لوگ محصور ہیں، کھلی جیل میں بند ہیں: دفتر خارجہ

    اسلام آباد: ترجمان دفتر خارجہ ڈاکٹر فیصل کا کہنا ہے کہ کشمیریوں کے مسئلے کے حل کے لیے کوشاں ہیں۔ لاکھوں لوگ محصور ہیں، کھلی جیل میں بند ہیں۔ امریکی سینیٹرز کی آمد اور کشمیر کا دورہ خوش آئند ہے۔

    تفصیلات کے مطابق ترجمان دفتر خارجہ ڈاکٹر فیصل نے ہفتہ وار بریفنگ کے دوران بتایا کہ مقبوضہ کشمیر میں کرفیو کو 66 روز ہو چکے ہیں، لوگ بدستور بھارتی بربریت کے باعث مسائل کا شکار ہیں۔ کشمیری عوام دواؤں، علاج، خوراک اور رابطوں سے محروم ہے۔

    ترجمان دفتر خارجہ کا کہنا تھا کہ بھارتی جارحیت سے مقبوضہ کشمیر میں بڑا انسانی بحران ہے، 3 امریکی صدارتی امیدوار بھی بھارتی اقدام کی مذمت کر چکے ہیں۔

    انہوں نے کہا کہ پاکستان ہر سطح پر مقبوضہ کشمیر کی صورتحال اٹھا رہا ہے، کشمیریوں کے مسئلے کے حل کے لیے کوشاں ہیں۔ لاکھوں لوگ محصور ہیں، کھلی جیل میں بند ہیں۔ امریکی سینیٹرز کی آمد اور کشمیر کا دورہ خوش آئند ہے، توقع ہے اقدامات سے کشمیر کی صورتحال سب کے سامنے آچکی ہے۔

    ترجمان کا کہنا تھا کہ کرتار پور راہداری افتتاحی تقریب کے لیے من موہن سنگھ کو دعوت دے دی، سابق بھارتی وزیر اعظم من موہن سنگھ کو باضابطہ دعوت نامہ بھیجا۔ کرتار پور راہداری پر ترقیاتی کام وقت پر مکمل ہوجائے گا۔ توقع ہے کرتار پور راہداری پر شیڈول کے مطابق امور طے ہوں گے۔

    انہوں نے کہا کہ وزیر اعظم عمران خان نے چین کا سرکاری دورہ کیا ہے، دورہ چین کے دوران باہمی اور علاقائی صورتحال پر گفتگو ہوئی۔ وزیر اعظم کی چینی سیاسی قیادت سے ملاقاتیں ہوئیں، ہر شعبے میں تعاون کو بڑھانے پر اتفاق رائے کیا گیا۔

    ترجمان دفتر خارجہ کا کہنا تھا کہ چینی صدر نے کشمیر پر پاکستانی مؤقف کی حمایت کی، چینی صدر نے کشمیر معاملے کو نامکمل ایجنڈا قرار دیا۔

    انہوں نے کہا کہ سی پیک اتھارٹی بنائی تاکہ دوسرا مرحلہ تیزی سے آگے بڑھے، سی پیک کے اثرات ہر جگہ پہنچنے کے لیے اقدامات اٹھائے گئے۔ سارک کانفرنس کے معاملات آگے بڑھ سکتے ہیں، سارک کانفرنس کے انعقاد میں بھارت کی رکاوٹ ختم ہوگئی۔ سارک کانفرنس کے جلد انعقاد پر آگاہ کیا جائے گا۔

    اپنی بریفنگ میں ترجمان دفتر خارجہ کا کہنا تھا کہ وزیر اعظم کے دورہ ایران اور سعودی عرب کے امکانات ہیں، وزیر اعظم کے دوروں سے متعلق جلد پیشرفت سے آگاہ کیا جائے گا۔ سری لنکا کے لیے پاکستانی ہائی کمیشن کی تعیناتی طریقہ کار کے مطابق ہوتی ہے۔

    انہوں نے مزید کہا کہ سیکیورٹی اور اسلحے کی دوڑ پر پاکستان کا مؤقف واضح ہے، پاکستان ایسی کسی بھی دوڑ میں شامل نہیں۔ کوئی رافیل رکھے یا کچھ اور، پاکستان اپنا دفاع کرنا جانتا ہے۔

  • کشمیر سے متعلق اقوام متحدہ کی قراردادوں پرعمل ہونا چاہیے، جنرل زبیرمحمود حیات

    کشمیر سے متعلق اقوام متحدہ کی قراردادوں پرعمل ہونا چاہیے، جنرل زبیرمحمود حیات

    رسالپور: چیئرمین جوائنٹ چیفس آف اسٹاف کمیٹی جنرل زبیرمحمود حیات کا کہنا ہے کہ بھارت میں نسلی اور مذہبی امتیاز کو فروغ دیا جا رہا ہے۔

    تفصیلات کے مطابق پی اے ایف اکیڈمی اصغرخان میں 142ویں ڈی جی پی،88ویں ایروناٹیکل انجینئرنگ کورس، 23ویں اےاینڈ ایس ڈی اور 98 ویں اے ڈی کی مشترکہ پاسنگ آؤٹ پریڈ کی تقریب ہوئی۔

    چیئرمین جوائنٹ چیفس آف اسٹاف کمیٹی جنرل زبیرحیات مہمان خصوصی تھے، ایئرچیف مارشل مجاہد انور خان بھی پاسنگ آؤٹ پریڈ میں موجود تھے۔

    چیئرمین جوائنٹ چیفس آف اسٹاف کمیٹی جنرل زبیرمحمود حیات نے پریڈ کا معائنہ کیا۔ جنرل زبیرمحمود حیات نے پاس آؤٹ ہونے والے کیڈٹس کو فلائنگ بیجز لگائے۔

    چیئرمین جوائنٹ چیفس آف اسٹاف کمیٹی جنرل زبیرمحمود حیات نے تقریب سے خطاب کرتے ہوئے کہا کہ پاس آؤٹ کیڈٹس اور ان کے والدین کو مبارکباد دیتا ہوں۔

    انہوں نے کہا کہ آج کے کیڈٹس مستقبل میں پاک فضائیہ کی قیادت ہیں، قوم کوپاک فضائیہ پر فخر ہے، امید ہے پاس آؤٹ کیڈٹس وطن کے لیے کسی قربانی سے دریغ نہیں کریں گے۔

    جنرل زبیرمحمود حیات نے کہا کہ کشمیر سے متعلق اقوام متحدہ کی قراردادوں پرعمل ہونا چاہیے، کشمیرتقسیم ہند کا نامکمل ایجنڈا ہے۔

    چیئرمین جوائنٹ چیفس آف اسٹاف کمیٹی نے کہا کہ پاکستان ایک ذمے دار جوہری طاقت ہے، انہوں نے کہا کہ بھارت میں نسلی اورمذہبی امتیاز کو فروغ دیا جا رہا ہے۔