ARYNews.tv | Urdu – Har Lamha Bakhabar

Tag: کشمیر

  • وزیر اعظم آج کشمیریوں کی آواز پوری دنیا تک پہنچائیں گے: فردوس عاشق اعوان

    اسلام آباد: معاون خصوصی برائے اطلاعات و نشریات فردوس عاشق اعوان کا کہنا ہے کہ عظیم کشمیریوں کی عظیم جدوجہد کو سلام پیش کرتے ہیں، وزیر اعظم مظفر آباد میں آج کشمیریوں کی آواز پوری دنیا تک پہنچائیں گے۔

    تفصیلات کے مطابق وزیر اعظم عمران خان کی معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا، ’چلو چلو مظفر آباد چلو‘، مقبوضہ جموں و کشمیر کے عوام سے اظہار یکجہتی کے لیے آج کا اجتماع دنیا بھر میں کشمیریوں کی پکار بنے گا۔

    انہوں نے کہا کہ عظیم کشمیریوں کی عظیم جدوجہد کو سلام پیش کرتے ہیں جو بھارتی ظلم و جبر کے خلاف چٹان بن کر کھڑے ہیں۔

    فردوس عاشق اعوان کا کہنا تھا کہ پوری دنیا میں بھارت کا پرتشدد اور ظالم چہرہ بے نقاب ہو چکا ہے۔ سلامتی کونسل، او آئی سی اور خصوصاً جنیوا میں 58 ممالک کا مشترکہ اعلامیہ کشمیر پر پاکستان کے مؤقف کی تائید کر رہا ہے۔

    انہوں نے کہا کہ ہمیں ہر محاذ پر سفارتی کامیابی اور بھارت کو شکست ہو رہی ہے۔

    معاون خصوصی کا کہنا تھا کہ ہر جمعۃ المبارک کے روز کشمیریوں کے ساتھ اظہار یکجہتی کے پیش نظر آج وزیر اعظم مظفر آباد میں کشمیریوں کی آواز پوری دنیا تک پہنچائیں گے۔ عمران خان ہر فورم پر کشمیریوں کا مقدمہ لڑیں گے۔

    انہوں نے کہا کہ آج پھر اپنے اس غیر متزلزل عزم کا اعادہ کریں گے کہ پاکستان مظلوم کشمیریوں کے ساتھ ہر مرحلے پر ثابت قدمی کے ساتھ ڈٹ کر کھڑا ہے۔

    معاون خصوصی کا کہنا تھا کہ مقبوضہ وادی میں مسلسل کرفیو کو ایک ماہ سے زائد ہوگیا ہے۔ ادویات، اشیا خورد و نوش اور اشیائے ضروریہ کی شدید قلت ہے۔

    اپنے ٹویٹ میں انہوں نے مزید کہا کہ زندگی پر موت کا پہرہ ہے، انشاء اللہ ظلم کو پسپائی ہوگی، آزادی کی روشن صبح کا طلوع ہونا وادی جنت نظیر کا مستقبل ہے۔

  • مودی کی حکومت بھارت کے اندر اور باہر بے عزت ہو رہی ہے: فواد چوہدری

    مودی کی حکومت بھارت کے اندر اور باہر بے عزت ہو رہی ہے: فواد چوہدری

    اسلام آباد: وفاقی وزیر برائے سائنس و ٹیکنالوجی فواد چوہدری کا کہنا ہے کہ مودی کی حکومت بھارت کے اندر اور باہر بھی بے عزت ہو رہی ہے. مقبوضہ کشمیر میں طویل کرفیو تشویشناک ہے، حریت قیادت جیلوں میں ہے۔

    تفصیلات کے مطابق وفاقی وزیر برائے سائنس و ٹیکنالوجی فواد چوہدری کا کہنا ہے کہ مقبوضہ کشمیر میں دواؤں اور خوراک کی قلت کا سامنا ہے، مقبوضہ کشمیر میں طویل کرفیو تشویشناک ہے، حریت قیادت جیلوں میں ہے۔

    فواد چوہدری کا کہنا تھا کہ نریندر مودی اور اس کی انتہا پسند سوچ بھارت میں تنہا کھڑی ہے، وزیر اعظم عمران خان کا مظفر آباد جلسہ بہت اہمیت کا حامل ہے۔ مقبوضہ کشمیر میں بھارتی مظالم سے دنیا کو آگاہ کرنا ہے۔

    انہوں نے کہا کہ یورپ، برطانیہ اور امریکا میں پاکستانیوں نے حکومت کا ساتھ دیا ہے، پاکستانیوں نے کشمیریوں سے یکجہتی کا مظاہرہ کیا ہے۔ بھارت میں ایسی حکومت ہے جسے اپنی بے عزتی کی پرواہ ہی نہیں، مودی کی حکومت بھارت کے اندر اور باہر بھی بے عزت ہو رہی ہے۔

    فواد چوہدری کا کہنا تھا کہ مودی کی وجہ سے گجرات سے کہیں زیادہ خطرناک صورتحال ہے، دنیا کبھی ظالموں کو یاد نہیں رکھتی۔ یہ آر ایس ایس کی حکومت ہے، نریندر مودی جیسے لوگ گاندھی کے مقابلے میں نہیں کھڑے ہوسکتے۔

    انہوں نے کہا کہ نریندر مودی جو کچھ کر رہے ہیں اس کا انجام بہت برا ہوگا، مودی کی حکومت مقبوضہ کشمیر میں لوگوں کی زندگیوں سے کھیل رہی ہے۔

  • مسئلہ کشمیر اقوام متحدہ کی قراردادوں پر عدم عملدر آمد کی واضح نشانی ہے: ملیحہ لودھی

    مسئلہ کشمیر اقوام متحدہ کی قراردادوں پر عدم عملدر آمد کی واضح نشانی ہے: ملیحہ لودھی

    نیویارک: اقوام متحدہ میں پاکستان کی مستقل مندوب ملیحہ لودھی کا کہنا تھا کہ اقوام متحدہ قراردادوں پر عدم عملدر آمد کی قیمت کشمیریوں نے اپنے خون سے ادا کی۔ سلامتی کونسل جبری گرفتاریاں اور پیلٹ گنز کا استعمال رکوائے۔

    تفصیلات کے مطابق اقوام متحدہ میں پاکستان کی مستقل مندوب ملیحہ لودھی نے جنرل اسمبلی میں سلامتی کونسل کی کارکردگی پر مباحثے سے خطاب کیا۔ اپنے خطاب میں انہوں نے کہا کہ اقوام متحدہ قراردادوں پر عدم عملدر آمد کی قیمت کشمیریوں نے اپنے خون سے ادا کی۔

    ملیحہ لودھی کا کہنا تھا کہ قراردادوں کو نظر انداز کرنا سلامتی کونسل کی ساکھ پر سوالیہ نشان ہے، مسئلہ کشمیر اقوام متحدہ کی قراردادوں پر عدم عملدر آمد کی واضح نشانی ہے۔

    انہوں نے کہا کہ حالیہ بھارتی غیر قانونی اقدام سے کشمیر میں جبر میں اضافہ ہوا، مقبوضہ کشمیر میں انسانیت سوز مظالم کو ختم ہونا ہوگا۔ سلامتی کونسل کو کرفیو ختم کروانے میں کردار ادا کرنا ہوگا۔

    ملیحہ لودھی نے مزید کہا کہ سلامتی کونسل جبری گرفتاریاں اور پیلٹ گنز کا استعمال بھی رکوائے۔

    گزشتہ روز سلامتی کونسل میں افغانستان پر مباحثے سے خطاب کرتے ہوئے پاکستانی مندوب نے کہا تھا کہ مذاکراتی عمل کو لگے حالیہ دھچکے سے امن کی کوششوں میں کمی نہیں آنی چاہیئے۔

    ملیحہ لودھی نے کہا تھا کہ پاکستان نے ہمیشہ کہا کہ افغانستان کا حل فوجی نہیں، مذاکرات ہیں۔ امریکا اور طالبان معاہدے کے قریب پہنچتے دکھائی دے رہے تھے۔ افغانستان میں امن کوششوں میں پاکستان اپنا کردار ادا کرتا رہے گا۔

  • وزیراعظم آزادکشمیر سے علی آمین گنڈاپور کی ملاقات، مقبوضہ وادی کی صورتحال پر گفتگو

    وزیراعظم آزادکشمیر سے علی آمین گنڈاپور کی ملاقات، مقبوضہ وادی کی صورتحال پر گفتگو

    اسلام آباد: وزیراعظم آزاد کشمیر راجہ محمدفاروق حیدر خان سے وزیر امور کشمیر علی آمین گنڈاپور نے ملاقات کی اس دوران مقبوضہ وادی کی تازہ صورت حال پر تبادلہ خیال ہوا۔

    تفصیلات کے مطابق ملاقات میں مقبوضہ کشمیر کی تازہ ترین صورتحال اور وزیراعظم پاکستان کے آج کے یکجہتی جلسہ عام کے حوالے سے تبادلہ خیال کیا گیا۔

    اس موقع پر گفتگو کرتے ہوئے وزیر اعظم راجہ محمد فاروق حیدرخان نے کہا کہ ملت اسلامیہ پاکستان کی جانب سے کشمیریوں کے ساتھ یکجہتی کے بے مثال مظاہرے سے کشمیریوں کے حوصلے بلند ہوے ہیں۔

    انہوں نے کہا کہ وزیراعظم پاکستان کے دورہ مظفرآباد سے سیز فائر لائن کے اس پار مثبت پیغام جائے گا، مقبوضہ کشمیر کو جیل بنا دیا گیا ہے اسی لاکھ کی آبادی محصور ہے، وقت کا تقاضا ہے کہ اپنے بھائیوں کو یہ پیغام دیا جائے کہ وہ اکیلے نہیں پاکستان اور آزاد کشمیر و گلگت بلتستان کی عوام ان کے ساتھ ہیں۔

    کشمیریوں سے اظہار یک جہتی، وزیر اعظم آج مظفر  آباد میں جلسہ سے خطاب کریں گے

    اس موقع پر گفتگو کرتے ہوئے وزیر امور کشمیر علی امین خان گنڈا پور نے کہا کہ وزیراعظم پاکستان عمران خان کا دورہ مقبوضہ کشمیر کے عوام سے یکجہتی کے لیے ہے، جلسہ قومی یکجہتی کا پیغام ہوگا، صرف پاکستان اور آزادکشمیر کے پرچم لہرائے جائیں گے۔

    انہوں نے کہا کہ حکومت پاکستان کی کشمیر کے معاملے پر سفارتی کامیابیاں تحریک آزادی کو منطقی انجام تک پہنچائیں گی، یہ پروگرام پاکستان کا کشمیریوں کے ساتھ یکجہتی کا قومی پروگرام ہے۔

    ان کا مزید کہنا تھا کہ حکومت پاکستان کی کشمیر کے معاملے پر سفارتی کامیابیاں مسئلہ کشمیر کے دیرپا حل کی جانب اہم ثابت ہوں گی۔

  • امریکی رکن کانگریس نے کشمیر کا جمہوری ڈھانچہ بحال کرنے کا مطالبہ کردیا

    امریکی رکن کانگریس نے کشمیر کا جمہوری ڈھانچہ بحال کرنے کا مطالبہ کردیا

    واشنگٹن: امریکی رکن کانگریس ایرک سالویل نے بھارت سے مطالبہ کیا ہے کہ وہ کشمیر کا جمہوری ڈھانچہ بحال کرے۔

    اپنے ایک بیان میں ایرک سالویل کا کہنا تھا کہ کشمیر کا مسئلہ صرف پاکستان اور بھارت کا نہیں ہے، کشمیریوں کے حقوق کو فوری بحال کرنا ہوگا۔

    انہوں نے کہا کہ کشمیر کا مسئلہ پوری دنیا پر اثر انداز ہوسکتا ہے، کشمیر کی صورت حال دنیا بھر کے لیے فوجی، معاشی اور اخلاقی مسائل پیدا کرسکتی ہے۔

    رکن کانگریس کا کہنا تھا کہ دوجوہری ممالک کو اس مقام پر جانے سے روکنا ہوگا جہاں سے واپسی ناممکن ہو، کشمیر میں ذرائع مواصلات فوری بحال کیے جائیں۔

    ان کا مزید کہنا تھا کہ امریکی قیادت کے بغیر یہ معاملہ مزید پیچیدہ ہوسکتا ہے، امریکا کو سفارت کاری سے کشیدگی کم کرنے پر کام کرنا ہوگا۔

    مقبوضہ کشمیر کے نہتے عوام مسیحا کے منتظر ہیں، علی رضاسید

    ادھر وزیر اعظم عمران خان کشمیری عوام سے اظہار یک جہتی کے لیے آج مظفر آباد میں جلسہ کریں گے۔

    بھارتی کے غیر قانونی اقدام کےخلاف کشمیری عوام کے شانہ بہ شانہ کھڑا ہونے کے لیے آج مظفر آباد میں فقید المثال جلسے کا اہتمام کیا گیا ہے، وزیر اعظم کشمیروں کی آواز بنیں گے۔

  • مقبوضہ کشمیر کے نہتے عوام مسیحا کے منتظر ہیں، علی رضاسید

    مقبوضہ کشمیر کے نہتے عوام مسیحا کے منتظر ہیں، علی رضاسید

    برسلز: چیئرمین کشمیرکونسل یورپی یونین علی رضا سید نے کہا ہے کہ مقبوضہ کشمیر کے نہتے عوام مسیحا کے منتظر ہیں۔

    اے آر وائی نیوز سے خصوصی گفتگو کرتے ہوئے چیئرمین کشمیر کونسل ای یو علی رضاسید کا کہنا تھا کہ یورپی پارلیمنٹ میں مسئلہ کشمیر پر بحث بہت ہی اہم دن ہوگا۔

    انہوں نے کہا کہ مقبوضہ کشمیر میں جس دن کرفیو اٹھے گا سارے کشمیری باہر نکلیں گے، مقبوضہ کشمیر میں 20ہزار سے زائد بچوں کو گھروں سے گرفتار کرلیا گیا۔

    ان کا کہنا تھا کہ وقت آگیا ہے مودی سرکار سمجھے کہ طاقت سے کشمیریوں کو دبایا نہیں جاسکتا، جس دن کرفیواٹھے گا بھارت کو کشمیریوں کی طاقت کا اندازہ ہوجائے گا۔

    ادھر وزیر اعظم عمران خان کشمیری عوام سے اظہار یک جہتی کے لیے آج مظفر آباد میں جلسہ کریں گے۔

    کشمیریوں سے اظہار یک جہتی، وزیر اعظم آج مظفر  آباد میں جلسہ سے خطاب کریں گے

    بھارتی کے غیر قانونی اقدام کےخلاف کشمیری عوام کے شانہ بہ شانہ کھڑا ہونے کے لیے آج مظفر آباد میں فقید المثال جلسے کا اہتمام کیا گیا ہے، وزیر اعظم کشمیروں کی آواز بنیں گے۔

  • کشمیریوں سے اظہار یک جہتی، وزیر اعظم آج مظفر  آباد میں جلسہ سے خطاب کریں گے

    کشمیریوں سے اظہار یک جہتی، وزیر اعظم آج مظفر  آباد میں جلسہ سے خطاب کریں گے

    اسلام آباد: وزیر اعظم عمران خان کشمیری عوام سے اظہار یک جہتی کے لیے آج مظفر  آباد میں جلسہ کریں گے.

    تفصیلات کے مطابق بھارتی کے غیر قانونی اقدام کےخلاف کشمیری عوام کے شانہ بہ شانہ کھڑا ہونے کے لیے آج مظفر آباد میں فقید المثال جلسے کا اہتمام کیا گیا ہے. وزیر اعظم کشمیروں کی آواز بنیں گے.

    مقبوضہ کشمیریوں کے عوام سے اظہاریک جہتی کے لئے منعقد کیے جانے والے اس جلسے کی تیاریاں مکمل ہیں، عوام کی بڑی تعداد اس میں شرکت کرے گی.

    زندگی کے تمام شعبوں سے تعلق رکھنے والی شخصیات نے اس کا حصہ بننے کا عزم ظاہر کیا ہے. اسپورٹس اور شوبزکی معروف شخصیات نے بھی مظفرآباد جانے کا اعلان کیا.

    معروف اداکار ہمایوں سعید نے کہا ہے کہ دنیا کو دکھانا ہوگا کہ ہم کشمیریوں کے ساتھ ہیں، گلوکار اور موسیقار ساحرعلی بگا کا کہنا ہے کہ کشمیریوں کے لیے آواز اٹھانے پر وزیراعظم کا ساتھ دیں۔

    مزید پڑھیں: کشمیر پر خاموشی عالمی امن کے لیے خطرے کا باعث ہوگی: صدر پاکستان

    اداکارہ مایاعلی نے بھی ٹویٹ کیا تھا، جس میں انھوں نے کہا کہ آئیں وزیراعظم کا ساتھ دیں اور کشمیریوں سے یک جہتی کامظاہرہ کریں.

    خیال رہے کہ پانچ اگست کو بھارت نے غیر قانونی اقدام کرتے ہوئے مقبوضہ کشمیر کی خصوصی حیثیت ختم کر دی. 39دن سے وادی میں کرفیو نافذ ہے، جس کی وجہ سے انسانی المیہ جنم لے چکا ہے.

    یاد رہے کہ وزیر اعظم عمران خان نے کہا تھا کہ وہ کشمیر کا سفیر بنیں گے اور ہر فورم پر اس مسئلے کو اٹھائیں‌گے.

  • کشمیر پر عالمی برادری پاکستان کے مؤقف سے متفق نظر آرہی ہے: دفتر خارجہ

    کشمیر پر عالمی برادری پاکستان کے مؤقف سے متفق نظر آرہی ہے: دفتر خارجہ

    اسلام آباد: دفتر خارجہ کا کہنا ہے کہ بھارتی مظالم سے مقبوضہ کشمیر میں شہدا کی تعداد بڑھ رہی ہے، کشمیر پر عالمی برادری پاکستان کے مؤقف سے متفق نظر آرہی ہے۔

    تفصیلات کے مطابق ترجمان دفتر خارجہ ڈاکٹر محمد فیصل کا کہنا ہے کہ مقبوضہ کشمیر میں تمام تر مواصلاتی نظام معطل ہے۔ مقبوضہ کشمیر کا دنیا بھر سے رابطہ منقطع ہونے کا آج 39 واں دن ہے، بین الاقوامی میڈیا کو کشمیر میں رسائی دی جائے۔

    ترجمان کا کہنا تھا کہ مقبوضہ کشمیر میں بھارتی فورسز نے 3 کشمیروں کو شہید کیا، مقبوضہ کشمیر میں انسانی حقوق کی خلاف ورزیوں پر شدید تشویش ہے۔ بھارت اقوام متحدہ کی قراردادوں کے مطابق مسئلہ کو حل کرے۔ بھارتی مظالم سے مقبوضہ کشمیر میں شہدا کی تعداد بڑھ رہی ہے۔

    انہوں نے کہا کہ بھارت مقبوضہ کشمیر میں عالمی قوانین کا احترام کرے، ترکی نے بھی اقوام متحدہ کے انسانی حقوق ہائی کمشنر کے بیان کا خیر مقدم کیا ہے، ملائیشیا نے بھی مقبوضہ کشمیر میں انسانی حقوق خلاف ورزیوں پر اظہار تشویش کیا۔ چین کا مؤقف واضح ہے وہ کسی یکطرفہ اقدام کی حمایت نہیں کرے گا۔ پاکستان مسلسل عالمی برادری کو صورتحال سے آگاہ کر رہا ہے۔ ہر فورم کو بھارتی غیر قانونی اقدامات سے آگاہ کیا ہے۔

    ترجمان دفتر خارجہ کا کہنا تھا کہ عالمی برادری پاکستان کے مؤقف سے متفق نظر آرہی ہے، کشمیریوں کو ان کے حقوق عالمی قوانین کے تحت ملنے چاہئیں، پاکستان ہر سطح پر کشمیریوں کے لیے آواز اٹھاتا رہے گا۔

    انہوں نے کہا کہ 7 ستمبر کو بھارتی ڈپٹی ہائی کمشنر کو طلب کیا گیا، کھوئی رٹہ سیکٹر پر ایل او سی کی خلاف ورزیوں پر احتجاج ریکارڈ کروایا۔ وزیر خارجہ نے جنیوا میں انسانی حقوق کونسل اجلاس میں شرکت کی۔ انسانی حقوق کمیشن کے اجلاس میں بھارتی مظالم کو بے نقاب کیا گیا۔

    ترجمان نے کہا کہ پاکستان کو امریکی صدر ٹرمپ کی ثالثی پر کوئی اعتراض نہیں، اعتراض بھارت کو ہے وہ راضی ہوگا تو ثالثی شروع ہوگی۔ کل وزیر اعظم عمران خان مظفر آباد جارہے ہیں، کل اہم پالیسی بیان دیں گے۔

    انہوں نے کہا کہ امریکا اور طالبان میں مذاکرات رکنے کا علم ہے۔ فریقین اس معاملے پر تحمل کا مظاہرہ کریں، فریقین واپس مذاکرات کی میز پر آئیں۔ فوجی طاقت سے مسائل حل نہیں ہوسکتے۔ بہتر ہے مذاکرات سے دیرپا امن کے لیے بات چیت کی جائے۔

    دفتر خارجہ کی جانب سے مزید کہا گیا کہ ایسے اقدام کو مسترد کرتے ہیں جو فلسطین میں تناؤ کا باعث بنے، ہم فلسطین کی 1969 سے پہلے والی سرحد کو ہی تسلیم کرتے ہیں۔ اسرائیل کو تسلیم کرنے کے حوالے سے کوئی اقدام نہیں لیا جا رہا۔

  • شاہ محمود قریشی جنیوا میں کشمیر کا مقدمہ پیش کرکے وطن واپس پہنچ گئے

    شاہ محمود قریشی جنیوا میں کشمیر کا مقدمہ پیش کرکے وطن واپس پہنچ گئے

    اسلام آباد:  وزیرخارجہ شاہ محمودقریشی جنیواکے3روزہ دورےکےبعدوطن واپس پہنچ گئے، ان کا کہنا ہے کہ مسئلہ کشمیر کے حل اور کشمیریوں کے حقوق کے لیے آواز بلند کرتے رہیں گے۔

    تفصیلات کے مطابق وزیر خارجہ جنیوا میں انسانی حقوق کونسل میں دنیا بھر کے مندوبین کے سامنے کشمیر کا مقدمہ پیش کرکے واپس لوٹے ہیں ، اس موقع پر ان کا کہنا تھا کہ بھارتی حکومت کاسفاکانہ چہرہ پوری دنیاکےسامنےبےنقاب ہوچکاہے۔

    وزیر خارجہ شاہ محمود قریشی نے یہ بھی کہا کہ دنیامقبوضہ کشمیرمیں ظلم وستم پربھارت کوشدیدتنقیدکانشانہ بنارہی ہے،کشمیری اپنےحقوق کی جدوجہد میں تنہا نہیں ہے،وزیرخارجہ شاہ محمودقریشی پاکستان کشمیریوں کی سیاسی، آئینی اور سفارتی معاونت جاری رکھے گا۔ انہوں نے مزید کہا کہ پاکستان کشمیر کے ساتھ ہے اور ہم ہرفورم پرکشمیریوں کےحقوق کےلیےآوازبلندکرتےرہیں گے۔

    شاہ محمود قریشی نے جنیوا میں منعقد ہونے والے اجلاس سے خصوصی خطاب بھی کیا اور دنیا بھر سے آئے ہوئے انسانی حقوق کے مندوبین کے سامنے کشمیریوں کا مقدمہ پیش کیا۔وزیرخارجہ نے بھارتی اقدامات کے نتیجے میں خطے کو درپیش خطرات کی جانب توجہ دلائی اور اس اہم دورے کےدوران او آئی سی، ڈبلیو ایچ او کے رہنماؤں سے بھی ملاقات کی ۔

    انہوں نے اس دورے میں مغربی افریقی ملک سینیگال کے ہم منصب احمدوبا سے ملاقات ہوئی۔ دونوں رہنماؤں کی ملاقات انسانی حقوق کونسل کے اجلاس کے موقع پر ہوئی۔ اس موقع پر وزیر خارجہ کا کہنا تھا کہ انسانی حقوق کونسل کی صدارت کا منصب سینیگال کے پاس ہےلہذا ہمیں سینیگال سے بہت سی توقعات وابستہ ہیں۔

    جنیوا میں اپنے قیام کے دوران شاہ محمود قریشی کا کہنا تھا کہ یو این ہیومن رائٹس ہائی کمشنر کی رپورٹس تشویش ناک صورتحال بتا رہی ہیں، نہتے کشمیریوں کو بربریت سے نجات دلانے کے لیے عالمی برادری کو آگے آنا ہوگا۔

    واضح رہے کہ مقبوضہ کشمیر میں آج مسلسل 39ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔ وادی میں جبری گرفتاریاں اور نہتے مظاہرین کے ماورائے عدالت قتل کا سلسلہ بھی جاری ہے۔ کشمیر کی صورتحال پر اقوام ِ عالم گہری تشویش کا اظہار کررہی ہیں۔

  • پاکستان دنیا بھر میں کشمیریوں کا وکیل ہے: وزیر اعظم آزاد کشمیر

    پاکستان دنیا بھر میں کشمیریوں کا وکیل ہے: وزیر اعظم آزاد کشمیر

    اسلام آباد: وزیر اعظم آزاد کشمیر راجہ فاروق حیدر کا کہنا ہے کہ پاکستان دنیا بھر میں کشمیریوں کا وکیل ہے، بھارت نے مقبوضہ کشمیر کو جیل میں تبدیل کردیا ہے۔

    تفصیلات کے مطابق وزیر اعظم آزاد کشمیر راجہ فاروق حیدر نے پریس کانفرنس کرتے ہوئے کہا کہ آزاد کشمیر کےعوام مقبوضہ کشمیر کے عوام کی مدد کو بے تاب ہیں، پاکستان دنیا بھر میں کشمیریوں کا وکیل ہے۔

    وزیر اعظم آزاد کشمیر نے کہا کہ بھارتی فوج ایل او سی پر بھی بے گناہ شہریوں کو شہید کر رہی ہے، ریاست مقبوضہ کشمیر کا دنیا بھر سے رابطہ منقطع کر دیا گیا۔

    انہوں نے کہا کہ قربانیوں کی وجہ سے آج دنیا بھر میں مسئلہ کشمیر اجاگر ہو رہا ہے، بھارت نے مقبوضہ کشمیر کو جیل میں تبدیل کردیا ہے۔

    گزشتہ روز وزیر خارجہ نے اقوام متحدہ کی انسانی حقوق کونسل کے اجلاس سے خطاب کرتے ہوئے کہا تھا کہ مقبوضہ کشمیر میں اشیائے خور و نوش اور دواؤں کی شدید قلت ہے، بھارت نے مقبوضہ کشمیر کو دنیا کی سب سے بڑی جیل بنا رکھا ہے۔

    شاہ محمود قریشی کا کہنا تھا کہ بھارت نے 6 ہفتوں سے کشمیری حریت قیادت کو نظر بند کر رکھا ہے، بی بی سی رپورٹ میں کشمیری نے کہا کہ مجھ پر تشدد نہ کریں، گولی ماردیں۔ بھارت مقبوضہ کشمیر سے دنیا کی توجہ ہٹانے کی کوشش کر رہا ہے۔

    انہوں نے کہا تھا کہ بھارت مقبوضہ کشمیر میں اکثریت کو اقلیت میں بدلنے کی کوشش کر رہا ہے، بھارت کی جانب سے ظلم و بربریت 21 ویں صدی میں کیا جا رہا ہے۔ بھارت مقبوضہ کشمیر میں آبادیاتی تناسب کو تبدیل کرنا چاہتا ہے۔