اسلام آباد: وزیراعظم عمران خان نے کہا ہے کہ یو این ایچ آر سی کمیشن بنا کر مقبوضہ وادی میں بھارتی مظالم کی تحقیقات کرائے۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹویٹر پر اپنے پیغام میں کہا کہ مقبوضہ کشمیر کی صورت حال پر عالمی برادری کے ردعمل کا خیرمقدم کرتے ہیں۔
وزیراعظم نے کہا کہ مقبوضہ کشمیر کی صورت حال پر عالمی برادری نے تشویش کا اظہار کیا ہے، سیکریٹری جنرل یو این نے کشمیر کی صورت حال پر اظہار تشویش کیا ہے۔
انہوں نے کہا کہ مقبوضہ کشمیر میں چھ ہفتے سے جاری کرفیو پر تشویش خوش آئند ہے، عالمی برادری کو مقبوضہ کشمیر میں بھارتی مظالم سے لاتعلق نہیں رہنا چاہئے۔
I welcome the growing concern & demands by the int community, global ldrs, UNSG & UNHCHR, for India to lift its 6-week long siege of IOJK. The Int community must not remain indifferent to the massive human rights abuses by Occupation Indian forces under cover of a brutal siege
— Imran Khan (@ImranKhanPTI) September 9, 2019
وزیراعظم عمران خان نے کہا کہ مقبوضہ کشمیر میں بھارتی فورسز کے وحشیانہ محاصرے پر آواز اتھانی چاہئے، یو این ایچ آر سی کی جان سے جاری کردہ بیان کا خصوصی شکریہ ادا کرتا ہوں۔
عمران خان نے کہا کہ یو این ایچ آر سی کمیشن بنا کر مقبوضہ وادی میں بھارتی مظالم کی تحقیقات کرائے، اقوام متحدہ کے پاس اب فیصلوں پر عمل کرنے کا وقت ہے۔
واضح رہے کہ مقبوضہ کشمیر میں آج مسلسل 36ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔
کشمیرمیڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔
