ARYNews.tv | Urdu – Har Lamha Bakhabar

Tag: کشمیر

  • اقوام متحدہ کی کونسل برائے انسانی حقوق کا اجلاس، بھارت کا پردہ فاش

    اقوام متحدہ کی کونسل برائے انسانی حقوق کا اجلاس، بھارت کا پردہ فاش

    جنیوا: اقوام متحدہ کی کونسل برائے انسانی حقوق کا اجلاس ہوا جہاں پاکستان نے جارحیت کو بے نقاب کرتے ہوئے بھارت کا پردہ فاش کردیا۔

    تفصیلات کے مطابق جینیوا میں منعقدہ اقوام متحدہ کی انسانی حقوق کونسل کےخصوصی اجلاس کے دوران خطاب کرتے ہوئے وزیراعظم کی خصوصی ایلچی برائے کشمیر محترمہ تہمینہ جنجوعہ نے مقبوضہ کشمیر میں جاری بھارتی انتہا پسندی کو دنیا کے سامنے بےنقاب کیا۔

    انہوں نے کہا کہ مقبوضہ کشمیر کی سنگین صورت حال پر عالمی برادری نوٹس لے، مقبوضہ کشمیر میں 4 ہفتوں سے نظام زندگی مفلوج ہے۔

    تہمینہ جنجوعہ کا کہنا تھا کہ پاکستان مظلوم کشمیریوں کی آواز کو ہر سطح پر بلند کرتا رہے گا، اقوام متحدہ بھارتی مظالم رکوانے میں اپنا کردار ادا کرے۔

    دریں اثنا ہائی کمشنر میشل بشلے نے کہا کہ انسانی حقوق کے خلاف ورزیوں کے اثرات دوسرے علاقوں پر بھی پڑتے، تمام ریاستیں انسانی حقوق پر کام کرنے کے لیے اکٹھے ہوں۔

    بھارت کشمیریوں کا جذبہ آزادی ختم کرنے کی مذموم سازش کررہا ہے، تہمینہ جنجوعہ

    ان کا مزید کہنا تھا کہ مقبوضہ کشمیر میں مسائل کے حل کے لیے بات چیت کی اشد ضرورت ہے۔

    یاد رہے کہ مورخہ 26 اگست2019 کو بھی جینیوا میں منعقدہ اقوام متحدہ کی انسانی حقوق کونسل کے خصوصی اجلاس میں تہمینہ جنجوعہ نے مظلوم کشمیریوں کے لیے آواز بلند کی تھی۔

  • بھارت کو کشمیر سے بھاگنا پڑے گا: اسپیکر پنجاب اسمبلی

    بھارت کو کشمیر سے بھاگنا پڑے گا: اسپیکر پنجاب اسمبلی

    لاہور: اسپیکر پنجاب اسمبلی چودھری پرویزالہٰی کا کہنا ہے کہ کشمیری بھائیوں کے ساتھ ہر محاذ پر کھڑے ہیں، بھارت کو کشمیر سے بھاگنا پڑے گا۔

    ان خیالات کا اظہار اسپیکر پنجاب اسمبلی چودھری پرویزالٰہی نے پاکستان مسلم لیگ برطانیہ کے چیف آرگنائزر چودھری نعیم وڑائچ سے ملاقات کے موقع پر کیا۔

    اس موقع پر سیکرٹری پنجاب اسمبلی محمد خان بھٹی بھی موجود تھے۔ چودھری پرویزالٰہی نے کہا کہ پاکستان مسلم لیگ کشمیری بھائیوں کے ساتھ ہر محاذ پر کھڑی ہے اور کشمیر کی آزادی تک ان کا ساتھ دیتی رہے گی۔

    انہوں نے کہا کہ کشمیر میں بھارتی ظلم کی داستان بڑھتی جا رہی ہے، انشاء اللہ بھارت کو کشمیر سے بھاگنا پڑے گا۔

    مقبوضہ کشمیر: وزیر خارجہ کا اسلامی ممالک کی تنظیم او آئی سی سے رابطہ

    ان کا کہنا تھا کہ اوورسیز پاکستانی ملک کا قیمتی اثاثہ ہیں، کشمیر کے ایشو کو یورپ، امریکا سمیت دیگر ممالک میں پاکستانیوں نے اجاگر کیا اور بھارت کے ظلم کی داستانوں سے دنیا کو آگاہ کیا۔

    دریں اثناء چودھری نعیم وڑائچ نے چودھری شجاعت حسین کی خیریت دریافت کی۔ چودھری پرویزالٰہی نے بتایا کہ ان کی طبیعت پہلے سے بہت بہتر ہے۔ انہوں نے دعا کرنے والوں کا شکریہ بھی ادا کیا۔

  • مودی حکومت کا کشمیرکو یونین بنانا ذلت کے سوا کچھ نہیں، بھارتی مصنفہ کا ٹوئٹ

    مودی حکومت کا کشمیرکو یونین بنانا ذلت کے سوا کچھ نہیں، بھارتی مصنفہ کا ٹوئٹ

    نئی دہلی : بھارتی مصنفہ نیروپاما سوبرمینن نے کہا ہے کہ بی جی پی حکومت کا کشمیر کی ریاست کو یونین بنانا ذلت کے سوا کچھ نہیں, بھارت میں بہت سے لوگ ایسا سمجھتے ہیں کہ مقبوضہ کشمیر کا مسئلہ حل ہوگیا لیکن زمینی حقائق اس کے برعکس ہیں۔

    یہ بات انہوں نے سماجی رابطے کی ویب سائٹ ٹوئٹر پر اپنے پیغام میں کہی، مقبوضہ کشمیر کی موجودہ صورتحال کے حوالے سے اپنے پیغام میں ان کا کہنا تھا کہ مودی سرکار کی آنکھوں سے جب جیت کے جشن کی دھند اترے گی تو ان کے سامنے اصل مشکلات آئیں گی۔

    نیروپاما سوبرمینن کا کہنا تھا کہ آرٹیکل 370 ختم ہونے سے کشمیریوں کے لیے ان کی شناخت اور حقوق کو چھینا گیا ہے، بی جی پی حکومت کا کشمیر کی ریاست کو یونین بنانا ذلت کے سوا کچھ نہیں ہے۔

    انہوں نے بتایا کہ مقبوضہ کشمیر میں ابھی تک عوام شاک کے عالم میں ہے، وہاں پرمواصلاتی نظام کی بندش سمیت کرفیو پانچویں ہفتے میں داخل ہوگیا ہے، کشمیریوں کو ایک دوسرے سے بات تک کرنے کی اجازت نہیں۔

    بھارتی مصنفہ نے کہا کہ پلواما گاؤں میں دو طالب علموں کا کہنا تھا کہ بھارت پر بھروسہ ختم ہوگیا جبکہ دوسرے گاؤں میں لوگوں نے اپنے پیاروں کی قبریں دکھائیں۔

    انہوں نے بتایا کہ قابض فوج ہر رات 4 سے 5 بچوں کو اٹھا کے لے جارہی ہے اور ان سے رہائی پانے والے ایک بچے کے بازو تشدد کے باعث سوجے ہوئے تھے۔

    ان کا مزید کہنا تھا کہ کچھ جگہوں پر دیہاتیوں نے درخت کاٹ کر سڑکوں پر رکاوٹیں بنائی ہیں تاکہ سیکیورٹی فورسز نہ آسکیں۔

  • کشمیرصرف بھارت یا پاکستان کا ذاتی نہیں بلکہ عالمی مسئلہ ہے، برطانوی وزیرخارجہ

    کشمیرصرف بھارت یا پاکستان کا ذاتی نہیں بلکہ عالمی مسئلہ ہے، برطانوی وزیرخارجہ

    لندن : برطانوی وزیرخارجہ ڈومینک راب نے پارلیمنٹ میں کشمیر کی موجودہ صورتحال پرتشویش کا اظہار کیا ہے، ان کا کہنا تھا کہ کشمیر میں انسانی حقوق کا مسئلہ بھارت اور پاکستان کا ذاتی نہیں بلکہ عالمی مسئلہ ہے۔

    تفصیلات کے مطابق لندن میں برطانوی پارلیمنٹ کے سیشن کا آغاز ہوا، اجلاس شروع ہوتے ہی پارلیمنٹ میں مقبوضہ کشمیر کے معاملے پر بحث چھڑ گئی۔

    اس موقع پر برطانوی وزیر خارجہ ڈومینک راب نے مقبوضہ کشمیر میں لگ بھگ ایک ماہ سے جاری کرفیو اور ذرائع ابلاغ کی بندشوں پر تشویش کا اظہار کیا۔

    ان کا کہنا تھا کہ مقبوضہ کشمیر میں انسانی حقوق کی خلاف ورزیوں کی مکمل تحقیقات ہونی چاہیے، مقبوضہ کشمیر کی موجودہ صورتحال پر شدید تشویش ہے۔

    مقبوضہ وادی میں عالمی انسانی حقوق کے اداروں کو رسائی دی جائے،برطانوی وزیرخارجہ کا مزید کہنا تھا کہ وادی میں موجود تناؤ کم کیا جانا چاہیے۔

    گرفتاریوں، تشدد اور ذرائع ابلاغ پر لگی پابندیوں پر بھارتی ہم منصب سے بات کر چکا ہوں۔ کسی بھی حال میں بنیادی انسانی حقوق کی فراہمی کو یقینی بنانا ہوگا۔

    مقبوضہ کشمیر کے مسئلے کا حل اقوام متحدہ کی قراردادوں اور شملہ معاہدہ پر ہونا چاہیے، عالمی سطح پر طے شدہ انسانی حقوق کا تحفظ ہونا چاہیے۔

  • بھارت کے پاس کشمیریوں کا موقف تسلیم کرنے کے سوا اور کوئی راستہ نہیں، سید فخر امام

    بھارت کے پاس کشمیریوں کا موقف تسلیم کرنے کے سوا اور کوئی راستہ نہیں، سید فخر امام

    اسلام آباد : کشمیر کمیٹی کے چیئرمین سید فخر امام نے کہا ہے کہ بھارت کے پاس کشمیریوں کا موقف تسلیم کرنے کے علاوہ اور کوئی راستہ نہیں ہے، اس کا مکروہ چہرہ دنیا کے سامنے بے نقاب ہوگیا ہے۔

    ان خیالات کا اظہار انہوں نے اسلام آباد کے ڈی چوک پر کل جماعتی حریت کانفرنس کے زیر اہتمام منعقدہ جلسے سے خطاب کرتے ہوئے کیا۔

    انہوں نے کہا کہ کشمیر میں بھارتی ظلم و بربریت پر اقوام متحدہ میں چین نے پاکستان کی بھر پور حمایت کی ہے جس کے بعد روس بھی کھل کر سامنے آگیا ہے، اس عمل سے دیگر بیرون ممالک نے کشمیر کے حوالے سے اپنا موقف پیش کیا،جس سے بھارت کا مکرو چہرہ بے نقاب ہوا ہے۔

    ان کا کہنا تھا کہ کشمیریوں کے حق خود ارادیت کیلئے پاکستان کا ایک موقف ہے اور اس موقف پر افواج پاکستان  حکومت اور عوام تمام ایک پیلٹ فارم پر کھڑے ہیں۔

    بھارت کے پاس کشمیریوں کا موقف تسلیم کرنے کے علاوہ اور کوئی راستہ نہیں ہے،عالمی برادری بھی اس حوالے سے بھارت پر اپنا دباؤ بڑھائے تاکہ کشمیریوں کو انکے جائز حق مل سکے۔

    کل جماعتی حریت کانفرنس کے جلسے سے خطاب میں ان کا مزید کہنا تھا کہ مقبوضہ کشمیر میں ایک لاکھ سے زائد کشمیر یوں کو شہید کیا جا چکا ہے جبکہ ہزاروں کی تعداد میں عورتوں کی عصمت دری سے دنیا آگاہ ہے، کرفیو کے باعث نہتے کشمیری اپنے گھروں میں محصور ہیں۔

  • کشمیر میں انسانی حقوق کی خلاف ورزی : چینی وزیرخارجہ نے بھارت کا دورہ منسوخ کردیا

    کشمیر میں انسانی حقوق کی خلاف ورزی : چینی وزیرخارجہ نے بھارت کا دورہ منسوخ کردیا

    نئی دہلی : چینی وزیرخارجہ نے مقبوضہ کشمیر میں جاری بھارتی فورسز کے مظالم پر بھارت کا دورہ منسوخ کردیا، چینی وزیرخارجہ کا9سے10ستمبرکو نئی دہلی کادورہ شیڈول تھا۔

    تفصیلات کے مطابق مقبوضہ بھارت کو ایک بار پھر منہ کی کھانا پڑگئی، کشمیر کی موجودہ صورتحال کے پیش نظر چینی وزیر خارجہ وانگ ای نے اپنا بھارت کا دورہ منسوخ کردیا تاہم وہ ہفتے کے روز پاکستان آئیں گے۔

    ذرائع کے مطابق چینی وزیرخارجہ وانگ ای کی ستمبر کی نو تاریخ کو نئی دہلی میں بھارت کے مشیر برائے قومی سلامتی اجیت دوول سے ملاقات شیڈول تھی۔

    اس موقع پر چین اور بھارت کے درمیان سرحدی تنازعات کے حوالے سے مذاکرات ہونا تھے لیکن مقبوضہ کشمیر میں انسانی حقوق کی سنگین خلاف ورزیوں پر چینی وزیرخارجہ نے بھارت کا سرکاری دورہ منسوخ کردیا ہے۔

    اس صورتحال سکے پیش نظر بھارتی حکام بھی پریشانی کا شکار ہیں اور انہوں نے چینی وزیرخارجہ کے دورے کی نئی تاریخ طے کرنے کی سر توڑ کوششیں کیں لیکن اب تک کامیاب نہیں ہوسکیں۔

    دوسری جانب چینی وزیر خارجہ بھارتی دورے پر پاکستان کے دورے کو ترجیح دیتے ہوئے ہفتے کو اسلام آباد پہنچ رہے ہیں جہاں چین، افغانستان اور پاکستان کے درمیان سہہ فریقی اجلاس میں شرکت کریں گے۔

    واضح رہے کہ آرٹیکل 370 اے ختم کرنے کے بعد مقبوضہ کشمیر میں کرفیو نافذ ہوئے ایک ماہ مکمل ہوگیا، مہینہ بھر سے وادی میں موبائل فون اور انٹرنیٹ سروس بند اور ٹی وی نشریات معطل ہیں۔

    کشمیر میڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

  • پاکستان کی طاقت کو للکارنے والا نیست ونابود ہوجائے گا، پیر نورالحق قادری

    پاکستان کی طاقت کو للکارنے والا نیست ونابود ہوجائے گا، پیر نورالحق قادری

    اسلام آباد : وفاقی وزیر پیر نورالحق قادری نے کہا ہے کہ پاکستان کی طاقت کو جو للکارے گا وہ نیست ونابود ہوجائے گا، مضبوط پاکستان ہی کشمیر کو آزاد کراسکتا ہے۔

    ان خیالات کا اظہار انہوں نے اسلام آباد میں محرم الحرام کے حوالے سے اجلاس سے خطاب کرتے ہوئے کیا، اس موقع پر وزارت مذہبی امور کی جانب سے محرم الحرام کیلئے ضابطہ اخلاق جاری کیا گیا۔

    نور الحق قادری نے کہا کہ دنیا بھر میں ظلوم کشمیر کے حق خود ارادیت کے لیے آواز بلند کی جارہی ہے، بھارت کے اندر سے بھی مظلوم کشمیریوں کے لیے آوازیں اٹھ رہی ہیں۔

    مضبوط پاکستان ہی کشمیر کو آزاد کراسکتا ہے جو پاکستان کی طاقت کو للکارے گا وہ نیست ونابود ہوجائے گا۔ انہوں نے کہا کہ مسلمانوں کو فرقوں میں بٹنے کے بجائے سب کو متحد ہوناچاہیے۔

    علاوہ ازیں وزارت مذہبی امور نے محرم الحرام کیلئے ضابطہ اخلاق جاری کردیا ہے، اس حوالے سے وفاقی وزیر برائے مذہبی امور پیر نور الحق قادری کی زیر صدارت وزارت مذہبی امور میں محرم الحرام کے حوالے سے اہم اجلاس ہوا۔

    ضابطہ اخلاق میں کہا گیا ہے کہ تمام مکاتب فکر محبت اور رواداری کو فروغ دیں گے،ایک دوسرے کے اکابرین کے بارے میں احترام کیا جائے،علما اور مقررین اپنی تقریروں میں اشتعال سے گریز کریں۔

    وفاقی وزارت مذہبی امور میں اہم اجلاس کے بعد وزیر مذہبی امور نور الحق قادری نے کہا کہ فرقہ واریت کشمیریوں کی کسی طرح مدد نہیں کرسکتی۔

    محرم الحرام کے ضابطہ اخلاق پر عملدرآمد کیلئے پیمرا اور میڈیا اداروں کو خطوط لکھے جائیں گے۔ انہوں نے کہا کہ میڈیا نفرت پھیلانے والے لوگوں کو موقع نہ دے۔

  • امارات اور سعودی وزیر خارجہ کی پاکستان آمد، مقبوضہ کشمیر کی صورت حال پر تبادلہ خیال

    امارات اور سعودی وزیر خارجہ کی پاکستان آمد، مقبوضہ کشمیر کی صورت حال پر تبادلہ خیال

    اسلام آباد: سعودی عرب کے وزیر مملکت برائے امور خارجہ اور عرب امارات کے وزیر خارجہ کی وزارت خارجہ آمد ہوئی، مقبوضہ جموں و کشمیر میں انسانی حقوق کی خلاف ورزیوں پر تبادلہ خیال کیا گیا۔

    تفصیلات کے مطابق مقبوضہ جموں و کشمیر میں بھارتی جارحیت پر پاکستان کی جانب سے سفارتی سطح پر آواز اٹھائی جارہی ہے، سعودی عرب کے وزیر خارجہ اور عرب امارات کے وزیر خارجہ بھی پاکستان پہنچے اور وزیر خارجہ شاہ محمود قریشی سے ملاقات کی۔

    تینوں رہنماؤں میں مقبوضہ کشمیر میں انسانی حقوق کی خلاف ورزیوں، خطے میں امن و امان کی مخدوش صورت حال پر تبادلہ خیال کیا گیا، وزیر خارجہ شاہ محمود نے 5 اگست کو بھارتی یکطرفہ اقدامات سے آگاہ کیا۔

    شاہ محمود قریشی نے کہا کہ بھارت نے مقبوضہ کشمیر کی خصوصی حیثیت کو ختم کردیا، بھارت کشمیر میں مسلم اکثریت کو اقلیت میں تبدیل کرنا چاہتا ہے۔

    مزید پڑھیں: وزیراعظم کا 6ستمبر کو کشمیر ڈیفنس ڈے کے طور پر منانے کا فیصلہ

    وزیر خارجہ نے کہا کہ بھارت کے یکطرفہ اقدامات عالمی قوانین کی خلاف ورزی ہے، بھارتی اقدامات اقوام متحدہ کی قراردوں کے بھی منافی ہیں۔

    انہوں نے کہا کہ بھارت نے ایک ماہ سے کشمیریوں کو یرغمال بنا رکھا ہے، صورت حال تشویشناک ہے، خوراک اور ادویات تک عوام کو میسر نہیں ہے۔

    شاہ محمود قریشی نے کہا کہ اسلامی تعاون تنظیم (او آئی سی) اور انسانی حقوق کمیشن کا مقبوضہ کشمیر کی صورت حال پر ٹھوس موقف آنا خوش آئند ہے۔

  • مقبوضہ کشمیر میں کرفیو نافذ ہوئے ایک ماہ مکمل

    مقبوضہ کشمیر میں کرفیو نافذ ہوئے ایک ماہ مکمل

    سرینگر: آرٹیکل 370 اے ختم کرنے کے بعد مقبوضہ کشمیر میں کرفیو نافذ ہوئے ایک ماہ مکمل ہوگیا، مہینہ بھر سے وادی میں موبائل فون اور انٹرنیٹ سروس بند اور ٹی وی نشریات معطل ہیں۔

    تفصیلات کے مطابق مقبوضہ کشمیر میں کرفیو نافذ ہوئے ایک ماہ گزر گیا، مقبوضہ وادی میں مواصلات کا نظام مکمل پر معطل ہے۔ قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پر سخت پابندیاں عائد ہیں۔

    کشمیر میڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

    عید الاضحیٰ کے موقع پر بھی مقبوضہ وادی میں کرفیو نافذ رہا جس کے باعث مسلمان عید کی نماز اور سنت ابراہیمی علیہ اسلام ادا کرنے سے محروم رہے۔

    دوسری جانب کشمیری رہنما یاسین ملک کی حالت بھی تشویشناک ہے، تہاڑ جیل میں قید یاسین ملک کی طبیعت مزید بگڑ رہی ہے۔

    یاد رہے کہ 5 اگست کو بھارتی وزیر داخلہ امیت شاہ نے آرٹیکل 370 ختم کرنے کا بل بھارتی پارلیمنٹ میں پیش کیا تھا۔ بل کی تجاویز کے تحت غیر مقامی افراد مقبوضہ کشمیر میں سرکاری نوکریاں حاصل کرسکیں گے اور 370 ختم ہونے سے مقبوضہ کشمیرکی خصوصی حیثیت بھی ختم ہوجائے گی۔

    بعد ازاں بھارتی صدر نے آرٹیکل 370 ختم کرنے کے بل پر دستخط کر دیے اور گورنر کا عہدہ ختم کر کے اختیارات کونسل آف منسٹرز کو دے دیے۔

  • اہم یہ ہے کہ دنیا کشمیر کی صورتحال پر کب عملی اقدامات کرتی ہے: فواد چوہدری

    اہم یہ ہے کہ دنیا کشمیر کی صورتحال پر کب عملی اقدامات کرتی ہے: فواد چوہدری

    اسلام آباد: وفاقی وزیر برائے سائنس و ٹیکنالوجی فواد چوہدری کا کہنا ہے کہ مودی کا پاگل پن جاری ہے، اہم یہ ہے کہ دنیا کشمیر کی صورتحال پر کب عملی اقدامات کرتی ہے۔

    تفصیلات کے مطابق وفاقی وزیر برائے سائنس و ٹیکنالوجی فواد چوہدری نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ مقبوضہ کشمیر میں کرفیو کا آج اکتیسواں دن ہے، سرینگر کے میئر جنید کو بھی گرفتار کر لیا گیا ہے۔

    فواد چوہدری کا کہنا تھا کہ مودی کا پاگل پن جاری ہے، عرب دنیا کے 2 وزرائے خارجہ اسلام آباد پہنچیں گے کشمیر پر بات ہوگی۔ ہم یہ ہے کہ دنیا کشمیر کی صورتحال پر کب عملی اقدامات کرتی ہے۔

    اس سے قبل وزیر خارجہ شاہ محمود قریشی نے اپنے ٹویٹ میں کہا تھا کہ کشمیر میں جاری انسانی بحران نے دنیا کی توجہ حاصل کر لی ہے، ایک دن میں 2 سے زائد وزرائے خارجہ سے کشمیر پر بات کرتا ہوں۔

    وزیر خارجہ کا کہنا تھا کہ معاملے پر بات کرنے اماراتی اور سعودی وزرائے خارجہ پاکستان آرہے ہیں، یورپی پارلیمنٹ نے بھی کشمیر میں کرفیو اور کشیدگی ختم کرنے کا مطالبہ کیا ہے۔

    اپنے ٹویٹ میں انہوں نے مزید کہا تھا کہ مقبوضہ کشمیر میں جاری کرفیو سے صورتحال سنگین ہو رہی ہے، دنیا کو مقبوضہ کشمیر میں کشیدگی سے آگاہ کرتے رہیں گے۔ کشمیریوں کے حقوق کے لیے لڑتے رہیں گے۔