سرینگر: کشمیری حریت رہنما یاسین ملک کی اہلیہ مشعال ملک کا کہنا ہے کہ مقبوضہ کشمیر میں بھارتی فوج نے نہ صرف عزاداروں پر تشدد کیا بلکہ اپنے کالے کرتوت چھپانے کے لیے صحافیوں پر بھی تشدد کیا۔
تفصیلات کے مطابق کشمیری حریت رہنما یاسین ملک کی اہلیہ مشعال ملک کا کہنا ہے کہ مقبوضہ کشمیر میں عزاداروں پر بھارتی فوج نے تشدد کیا، دہشت گرد بھارتی فوج مذہبی رسومات میں بھی رکاوٹیں ڈال رہی ہے۔
مشعال ملک کا کہنا تھا کہ نریندر مودی کا نظریہ مسلمان مخالف نظریہ ہے، کشمیری 73 سال سے باطل کے خلاف کھڑے ہیں۔ بھارتی فوج نے کالے کرتوت چھپانے کے لیے صحافیوں پر بھی تشدد کیا۔
انہوں نے کہا کہ کربلا ہمیں ظلم اور جبر کے خلاف مذمت سکھاتی ہے، بھارتی حکومت نے کشمیر میں وردی میں دہشت گرد تعینات کر رکھے ہیں۔ بھارتی دہشت گرد فوج مذہبی تہوار میں بھی رکاوٹیں ڈالتی ہے۔
مشعال ملک کا کہنا تھا کہ بھارت نے سنہ 1989 میں محرم کے جلوسوں پر پابندی عائد کی، حق اور باطل کی لڑائی میں جیت ہمیشہ حق کی ہوئی۔
انہوں نے مزید کہا کہ بھارت باطل ہے اور باطل کی شکست کربلا سے لکھی جا چکی ہے، ظلم، جبر اور بربریت کے باوجود کشمیری اپنے محاذ پر ڈٹے ہیں۔
اعلامیے میں کہا گیا ہے کہ ’کلبھوشن یادیو اوربھارتی شہری محمد اسماعیل کے معاملات علیحدہ ہیں، اُس کا حوالہ بھارتی اپوزیشن کے تضادکو ظاہرکرنےکیلئے دیا گیا تھا‘۔