Tag: کشمیر

  • کشمیریوں کے حقوق: یورپی پارلیمنٹ میں خصوصی اجلاس، وزیراعظم آزاد کشمیر کی شرکت

    کشمیریوں کے حقوق: یورپی پارلیمنٹ میں خصوصی اجلاس، وزیراعظم آزاد کشمیر کی شرکت

    برسلز: یورپی پارلیمنٹ میں کشمیریوں کے حقوق پر خصوصی اجلاس ہوا جس میں وزیراعظم آزاد کشمیر فاروق حیدر نے شرکت کی۔

    تفصیلات کے مطابق مقبوضہ وادی میں بھارتی دہشت گردی کو بے نقاب کرنے اور مظلوم کشمیریوں کے حقوق پر تبادلہ خیال کرنے کے لیے فاروق حیدر نے اپنے وفد کے ہمراہ یورپی پارلیمنٹ کے خصوصی اجلاس میں شرکت کی۔

    کشمیرکونسل ای یو نے یورپی پارلیمنٹ کا خصوصی اجلاس بلانے کا خیرمقدم کیا، اس موقع پر چیرمین کشمیر کونسل علی رضا کا کہنا تھا کہ عالمی برادری کشمیریوں کی حقوق کی پامالی بند کروائے۔

    ای یو پارلیمنٹ کی انسانی حقوق کمیٹی کا اجلاس اہم پیش رفت ہے، ایم ای پی واجد خان اور دیگر کی کوششوں سے اجلاس منعقد ہوا۔

    بھارتی فوج کشمیر میں جنسی زیادتی کو بطور ہتھیار استعمال کر رہی ہے: شیریں مزاری

    مظفر آباد میں گذشتہ روز صحافیوں سے گفتگو کرتے ہوئے فاروق حیدر کا کہنا تھا کہ بھارتی فوج وادی پر قابض ہے، کشمیریوں کے دل میں بھارت سے نفرت ہی نفرت ہے، بھارتی وزیراعظم کی ایما پر کشمیریوں پر ظلم کے پہاڑ توڑے جارہے ہیں۔

    ان کا مزید کہنا تھا کہ جموں و کشمیر میں مسلمانوں پر حملوں کی ماسٹر مائنڈ را ہے، انہوں نے مزید کہا کہ وزیراعظم عمران خان نے بھارت کو فوری جواب دینے کا ٹھیک اعلان کیا ہے، پوری قوم بھارت کے خلاف ایک ہے، بہادر کشمیری عوام پاک مسلح افواج کے ساتھ فرنٹ لائن پر کھڑے ہوں گے۔

  • پلوامہ واقعے کا فائدہ صرف مودی کو ہو رہا ہے: سکھ رہنما گُر پتونت سنگھ

    پلوامہ واقعے کا فائدہ صرف مودی کو ہو رہا ہے: سکھ رہنما گُر پتونت سنگھ

    لاہور: سکھ رہنما گُر پتونت سنگھ نے اے آر وائی نیوز کے پروگرام میں گفتگو کرتے ہوئے کہا ہے کہ بھارت نے مقبوضہ کشمیر میں نہتے کشمیریوں کو مارا۔

    پڑوسی ملک بھارت کے ساتھ ایک بار پھر بڑھتی کشیدگی کے تناظر میں پروگرام دی رپورٹرز میں سکھ رہنما کا کہنا تھا کہ مقبوضہ کشمیر میں بھارتی فوج نے نہتے کشمیریوں کو نشانہ بنایا۔

    [bs-quote quote=”مودی نے گجرات میں مسلمانوں کا قتل عام کیا تھا۔” style=”style-8″ align=”left” color=”#dd3333″ author_name=”سکھ رہنما”][/bs-quote]

    نیویارک سے سکھ فار جسٹس تنظیم کے رہنما گُر پتونت سنگھ پنو نے کہا کہ بھارت مقبوضہ کشمیر نہتے لوگوں پر ظلم کر رہا ہے۔

    انھوں نے گجرات سانحے پر بھی بات کی، کہا بھارتی وزیرِ اعظم نریندر سنگھ مودی نے گجرات میں مسلمانوں کا قتل عام کیا تھا۔

    گُر پتونت سنگھ نے بھارت میں سکھوں کے قتلِ عام کے حوالے سے کہا کہ 1994 میں بھارتی فوج نے 10 ہزار سکھوں کو قتل کیا۔

    یہ بھی پڑھیں:  بھارت کا پاکستان کو ٹماٹر فروخت نہ کرنے کا مضحکہ خیز فیصلہ

    پاکستان کے ساتھ کشیدگی کو مسلسل ہوا دینے پر سکھ رہنما کا کہنا تھا کہ مودی سرکار الیکشن قریب آنے پر یہ سب کر رہی ہے، دیکھا جا سکتا ہے کہ پلوامہ واقعے کا فائدہ صرف مودی کو ہو رہا ہے۔

    خیال رہے کہ مقبوضہ کشمیر، پلوامہ میں بھارتی فوجیوں پر حملے کے بعد بھارتی حکومت کی جانب سے مسلسل پاکستان کے خلاف بیان بازی جاری ہے، اور اب تک بھارت کی جانب سے بوکھلاہٹ پر مبنی متعدد اقدامات کیے جا چکے ہیں۔

  • مقبوضہ کشمیر میں 6 ہزار مسلمان مساجد میں پناہ لینے پر مجبور: بریفنگ

    مقبوضہ کشمیر میں 6 ہزار مسلمان مساجد میں پناہ لینے پر مجبور: بریفنگ

    اسلام آباد: سینیٹ کی قائمہ کمیٹی کشمیر و گلگت بلتستان کے اجلاس میں بریفنگ کے دوران بتایا گیا کہ مقبوضہ کشمیر میں 6 ہزار مسلمان مساجد میں پناہ لینے پر مجبور ہیں۔

    تفصیلات کے مطابق سینیٹ کی قائمہ کمیٹی کشمیر و گلگت بلتستان کا اجلاس چیئرمین ساجد میر کی زیر صدارت ہوا۔ قائمہ کمیٹی کے اجلاس میں پلوامہ حملے پر بحث ہوئی۔

    سینیٹر عبدالقیوم کا کہنا تھا کہ پلوامہ حملہ شہریوں پر نہیں قابض بھارتی فوج پر ہوا۔ عالمی برادری کو کشمیری عوام پر مظالم نظر نہیں آرہے۔

    انہوں نے کہا کہ اقوام متحدہ نے مسئلہ کشمیر پر خاموشی اختیار کر رکھی ہے، پاکستانی قوم دہشت گردی پر یقین نہیں رکھتی۔

    وفاقی سیکریٹری برائے کشمیر و گلگت بلتستان نے قائمہ کمیٹی کو بریفنگ دی۔ بریفنگ میں بتایا گیا کہ مقبوضہ کشمیر میں 6 ہزار مسلمان مساجد میں پناہ لینے پر مجبور ہیں۔

    بریفنگ میں مزید کہا گیا کہ پاکستان نے آزاد کشمیر میں ہمیشہ عالمی مبصرین کو خوش آمدید کہا۔ بھارتی حکومت مبصرین کو مقبوضہ کشمیر جانے کی اجازت نہیں دیتا۔

    وزارت کشمیر حکام کا کہنا تھا کہ وزیر خارجہ نے اقوام متحدہ کو کشمیر کےحالات پر خط لکھا، پاکستان مسئلہ کشمیر کو انتہائی اہمیت دیتا ہے۔ سعودی عرب سے مشترکہ اعلامیے میں بھی مسئلہ کشمیر کا ذکر تھا۔

    اجلاس میں اراکین کمیٹی نے مشترکہ طور پر مطالبہ کیا کہ بھارت عالمی مبصرین کو مقبوضہ کشمیر جانے کی اجازت دے۔

  • بھارت نے ہندو مسلم کے مسئلے کو مزید بڑھاوا دیا ہے: شیریں مزاری

    بھارت نے ہندو مسلم کے مسئلے کو مزید بڑھاوا دیا ہے: شیریں مزاری

    اسلام آباد: وفاقی وزیر برائے انسانی حقوق شیریں مزاری کا کہنا ہے کہ بھارت میں تمام اقلیتوں کو تشدد کا نشانہ بنایا جا رہا ہے۔ بھارت نے ہندو مسلم کے مسئلے کو مزید بڑھاوا دیا ہے۔

    تفصیلات کے مطابق وفاقی وزیر برائے انسانی حقوق شیریں مزاری نے تقریب سے خطاب کرتے ہوئے کہا کہ پلوامہ میں ہونے والا واقعہ افسوسناک ہے، بھارت نے ہمیشہ سیکیولر ہونے کا دعویٰ کیا مگر اس پر عمل نہیں کیا۔

    شیریں مزاری کا کہنا تھا کہ بھارت میں اقلیتوں کے ساتھ افسوسناک سلوک کیا جاتا ہے، مودی حکومت میں ہندو انتہا پسندی کو فروغ ملا۔ بھارت میں نچلی ذات کے ہندوؤں کے ساتھ غیر انسانی سلوک کیا جاتا ہے۔

    انہوں نے کہا کہ بھارت میں انتہا پسندی کی وجہ سے اقلیتوں پر تشدد نے فروع پایا، بھارت میں تمام اقلیتوں کو تشدد کا نشانہ بنایا جا رہا ہے۔ بھارت نے ہندو مسلم کے مسئلے کو مزید بڑھاوا دیا ہے۔

    وفاقی وزیر کا کہنا تھا کہ مقبوصہ کشمیر میں بھارت ریاستی دہشت گردی کر رہا ہے، بھارت نے کشمیر کے مسئلے کو حل کرنے کی کوشش نہیں کی۔ مسئلہ کشمیر کو اقوام متحدہ کی قرارداد کے مطابق حل ہوناچاہیئے۔ مسئلہ کشمیر پاکستان اور بھارت کے درمیان نہیں بلکہ عالمی مسئلہ ہے۔

    انہوں نے کہا کہ بھارت کشمیر میں ہندوؤں کی آباد کاری کر رہا ہے، مقبوضہ کشمیر میں بھارت انسانی حقوق کی خلاف ورزیاں کر رہا ہے۔ مقبوضہ کشمیر میں بھارتی افواج جنگی جرائم میں ملوث ہے۔

    شیریں مزاری کا مزید کہنا تھا کہ اقوام متحدہ کو مسئلہ کشمیر کو حل کرنے کے لیے سنجیدہ کوششیں کرنا ہوں گی، پلوامہ واقعہ کشمیریوں کا بھارتی سلوک اور ناانصافیوں کا ردعمل ہے۔

  • کشمیر: ضلع پلواما میں بھارتی فورسز کی فائرنگ، 2 کشمیری شہید

    کشمیر: ضلع پلواما میں بھارتی فورسز کی فائرنگ، 2 کشمیری شہید

    سری نگر : مقبوضہ کشمیر میں بھارتی فورسز کی فائرنگ سے 2 کشمیری شہید جبکہ آزادی پسند مسلح تنظیم سے جھڑپ میں 4 بھارتی فوجی ہلاک ہوگئے۔

    تفصیلات کے مطابق جنت نظیر وادی کشمیر میں بھارتی فورسز کے کاروان پر خودکش دھماکے بعد سے مقبوضہ کشمیر میں بھارتی فورسز کے ظلم و بربریت میں اضافہ ہوگیا ہے۔

    بھارتی افواج نے ضلع پلواما کا محاصرہ کرکے گھر گھر سرچ آپریشن شروع کردیا اور نام نہاد سرچ آپریشن کے نام پر دو کشمیری جوانوں کو فائرنگ کرکے شہید کردیا۔

    بھارتی میڈیا کا کہنا ہے کہ گزشتہ رات خفیہ اطلاعات موصول ہونے کے بعد شروع ہونے والے سرچ آپریشن کے دوران بھارتی شکنجے سے آزادی کی مسلح جدوجہد کرنے والے افراد سے جھڑپ ہوگئی۔

    حریت پسندوں سے جھڑپ کے دوران میجر سمیت 4 بھارتی فوجی گولی لگنے سے ہلاک ہوگئے، چاروں فوجیوں کا تعلق بھارت کی 55 راشتریا رائفل بٹالین سے تھا۔

    مزید پڑھیں: پلوامہ حملہ : جاوید اختر کے متنازعہ ٹوئٹ پر اداکار شان شاہد کا کرارا جواب

    یاد رہے کہ بدھ کے روز مقبوضہ کشمیر میں بھارتی فوج کے ایک قافلے کو نشانہ بنایا گیا تھا، جس میں 46 فوجی ہلاک ہو ئے تھے جس کے بعد بھارت نے واویلا مچاتے ہوئے پاکستان پر الزام عائد کردیا تھا۔

    بعد ازاں بھارتی فوج نے ضلع پلواما میں آپریشن کے نام پر بربریت کا مظاہرہ کرتے ہوئے گیارہ کشمیری نوجوانوں کو شہید کردیا تھا جبکہ مسلمانوں کو املاک کو بھی نذر آتش کیا گیا تھا۔

    حریت قیادت نے بھارتی بربریت کے خلاف وادی میں ہڑتال کی کال دی تھی، جس پر پورے مقبوضہ کشمیر میں تعلیمی ادارے، کاروباری مراکزبند رہے اورٹرانسپورٹ معطل رہی جبکہ کٹھ پتلی انتظامیہ نے انٹرنیٹ اورموبائل سروس بند کرتے ہوئے مختلف علاقوں میں غیرعلانیہ کرفیو نافذ کردیا تھا۔

  • پاکستان نے ہمیشہ امن کی بات کی، بھارت اپنے گریبان میں جھانکے: فواد چوہدری

    پاکستان نے ہمیشہ امن کی بات کی، بھارت اپنے گریبان میں جھانکے: فواد چوہدری

    اسلام آباد: وزیر اطلاعات فواد چوہدری نے کہا ہے کہ پاکستان سعودی عرب تعلقات کی ایک تاریخ ہے، پاکستان نے ہمیشہ امن کی حمایت کی۔

    ان خیالات کا اظہار انھوں نے میڈیا سے گفتگو کرتے ہوئے کیا، وزیر اطلاعات فواد چوہدری نے کہا کہ پاکستان سعودی عرب تعلقات میں گرم جوشی آئی ہے، ہمیں عالمی مسلم تنازعات کے حل میں کردار ادا کرنا ہے، پاکستان مشرق وسطیٰ میں اہم کھلاڑی کے طورپر ابھرا ہے.

    [bs-quote quote=”یقین ہے کہ پاکستان سعودی عرب تعلقات کا مستقبل روشن رہے گا” style=”style-7″ align=”left” author_name=”فواد چوہدری”][/bs-quote]

    وزیراطلاعات نے کہا کہ پاکستان کے سعودی شاہی خاندان کے ساتھ خوشگوارتعلقات ہیں، سعودی عرب کی سرمایہ کاری گزشتہ 10 سال میں سب سے زیادہ ہے، سعودی عرب گوادرمیں 8 ارب ڈالر سے ایشیا کی دوسری بڑی آئل ریفائنری لگائے گا.

    انھوں نے سعودی ولی عہد نے بڑے پیمانے پراقدامات کیے، محمد بن سلمان کے اقدامات کو سعودی عرب سمیت دنیا بھر میں سراہا جا رہا ہے، پاکستان اورسعودی عرب کی قیادت میں مکمل ہم آہنگی ہے، یقین ہے کہ پاکستان سعودی عرب تعلقات کا مستقبل روشن رہے گا.

    مزید پڑھیں: پاکستان میں دہشت گردی کرنے والا بھارت، عالمی عدالت انصاف کے کٹہرے میں

    انھوں نے مقبوضہ کشمیر میں رونما ہونے والے واقعے کا تذکرہ کرتے ہوئے کہا کہ دہشت گردی کی مذمت کرتے ہیں، بھارت اپنےگریبان میں جھانکےتومعاملات بہترہوسکتے ہیں، الزام تراشی کا سلسلہ بند ہونا چاہیے، پاکستان پرالزامات وہ لگارہےہیں جنہوں نےکبھی کشمیرمیں قدم نہیں رکھا.

    فواد چوہدری نے مزید کہا کہ پاکستان نے ہمیشہ امن کی بات کی ہے اورکرتے رہیں گے، بھارت اگر کشیدگی چاہتا ہے، تو پھر یہ چلتی رہے گی.

  • مقبوضہ کشمیر دھماکا، امن کی حمایت سدھو کو مہنگی پڑی گئی، ٹی وی شو سے علیحدہ

    مقبوضہ کشمیر دھماکا، امن کی حمایت سدھو کو مہنگی پڑی گئی، ٹی وی شو سے علیحدہ

    ممبئی: پلوامہ حملے کے بعد امن کی حمایت سدھو کو مہنگی پڑی گئی، ٹی وی چینل انتظامیہ نے شو سے علیحدہ کر دیا.

    تفصیلات کے مطابق مقبوضہ کشمیر میں ہونے والے حملے کے بعد بھارتی میڈیا نے حسب روایت پاکستان کے خلاف محاذ کھول لیا اور تنقید شروع کر دی.

    البتہ سابق کرکٹر اور کانگریس کے رہنما نوجوت سنگھ سدھو نے پاکستان کو مورد الزام ٹھہرانے کے بجائے ذمے داروں کو کٹہرے میں لانے کا مطالبہ کرتے ہوئے دشنام طرازی کی مذمت کی۔

    انھوں نے کہا کہ دہشت گردی کا کوئی ملک، شدت پسندوں کا کوئی مذہب نہیں ہوتا، کوئی ذات نہیں ہوتی۔

    نوجوت سنگھ سدھو کے بیان پر انھیں شدید تنقید کا نشانہ بنایا گیا، مختلف طبقات سے تعلق رکھنے والے انتہا پسندوں نے ان پر غداری کا الزام عائد کرتے ہوئے کہا کہ وہ معافی مانگیں، بیان کے بعد انھیں کپل شرما شو سے بھی علیحدہ کر دیا گیا۔

    مزید پڑھیں: بابا نانک دربار کو ورثے کا درجہ دیا جانا چاہیے: نوجوت سدھو کا وزیرِ اعظم عمران خان کو خط

    سدھو نے یہ بھی کہا تھا کہ چند لوگوں کی وجہ سے کسی ملک کو یا کسی ایک شخص کو قصوروار نہیں ٹھہرایا جا سکتا ہے۔

    یاد رہے کہ بدھ کے روز مقبوضہ کشمیر میں بھارتی فوج کے ایک قافلے کو نشانہ بنایا گیا تھا، جس میں 46 فوجی ہلاک ہو ئے۔

    خیال رہے کہ سدھو کو پاکستان نواز سیاست داں کی شہرت حاصل ہے، وہ وزیر اعظم عمران خان کی تقریب حلف برداری میں شرکت کے لیے پاکستان بھی آئے تھے۔

  • دنیا میں انسانی حقوق کا سب سے بڑا بحران مقبوضہ کشمیر میں ہے: صدر آزاد کشمیر

    دنیا میں انسانی حقوق کا سب سے بڑا بحران مقبوضہ کشمیر میں ہے: صدر آزاد کشمیر

    لندن: صدر آزاد کشمیر مسعود خان کا کہنا ہے کہ دنیا میں انسانی حقوق کا سب سے بڑا بحران مقبوضہ کشمیر میں ہے، بھارت نے پلوامہ واقعے پر بغیر تحقیقات پاکستان پر الزام عائد کیا، بھارت سچا ہے تو پلوامہ واقعے کی عالمی سطح پر تحقیقات کروالے۔

    تفصیلات کے مطابق صدر آزاد کشمیر مسعود خان نے برطانوی رکن پارلیمنٹ ناز شاہ کے ہمراہ پریس کانفرنس کی۔ پریس کانفرنس میں ان کا کہنا تھا کہ مقبوضہ کشمیر میں خود ارادیت کی پر امن مہم جاری ہے۔

    مسعود خان نے کہا کہ بھارت دہشت گردی سے تحریک آزادی کو دبانے کی ناکام کوشش کر رہا ہے۔ دنیا میں انسانی حقوق کا سب سے بڑا بحران مقبوضہ کشمیر میں ہے، بھارت مقبوضہ کشمیر میں انسانی حقوق کی خلاف ورزیاں کر رہا ہے۔

    انہوں نے کہا کہ دنیا مقبوضہ کشمیر میں بھارتی مظالم کی صرف مذمت تک محدود ہے، دنیا بھارت سے جرائم کی بابت دریافت کرے۔ بھارت تحریک آزادی کشمیر کو دنیا میں بدنام کرنا چاہتا ہے۔

    صدر آزاد کشمیر کا کہنا تھا کہ بھارت نے پلوامہ واقعے پر بغیر تحقیقات پاکستان پر الزام عائد کیا، بھارت کی جانب سے پاکستان پر الزام تراشی کی مذمت کرتے ہیں۔ بھارت سچا ہے تو پلوامہ واقعے کی عالمی سطح پر تحقیقات کروالے۔

    انہوں نے کہا کہ بھارت واقعات کی تحقیقات سے قاصر ہے کیونکہ جھوٹ بے نقاب ہوجائے گا، انسانی حقوق کی عالمی تنظیمیں بھارتی مظالم کے خلاف سراپا احتجاج ہیں۔ عالمی برادری مسئلہ کشمیر پر دہرا معیار اپنائے ہوئے ہے۔

    مسعود خان کا کہنا تھا کہ مسئلہ کشمیر کے حق میں آواز اٹھانے پر برطانوی پارلیمنٹ کے مشکور ہیں، مسئلہ کشمیر کو انتخابی منشور میں شامل کرنے پر لیبر پارٹی کے شکر گزار ہیں۔

    انہوں نے کہا کہ بھارت جتنا جھوٹ بولے کشمیری اپنا پیدائشی حق لے کر رہیں گے، بھارت مقبوضہ کشمیر میں انسانیت کے خلاف جرائم کا ارتکاب کر رہا ہے۔ ’مسئلہ کشمیر 4 فریقی مسئلہ ہے، اقوام متحدہ مسئلہ کشمیر کا اہم فریق ہے‘۔

    برطانوی رکن پارلیمان ناز شاہ کا کہنا تھا کہ برطانوی پارلیمان میں مسئلہ کشمیر پر کانفرنس کا انعقاد خوش آئند ہے، بھارت نے برطانوی پارلیمان میں کشمیر کانفرنس رکوانے کے لیے دباؤ ڈالا، مقبوضہ کشمیر میں بھارتی مظالم بے نقاب ہو رہے ہیں۔

    انہوں نے کہا کہ بھارت مقبوضہ کشمیر میں ظلم و بربریت کر رہا ہے، مقبوضہ کشمیر میں مظالم کا سلسلہ بند ہو جانا چاہیئے، مسئلہ کشمیر پاکستان، بھارت کا نہیں انسانیت کا مسئلہ ہے۔ ’دنیا مسئلہ کشمیر کو انسانی حقوق کے تناظر میں دیکھے‘۔

    خیال رہے کہ 14 فروری کو مقبوضہ کشمیر کے علاقے پلواما میں بھارتی فوجیوں کی بس کو کار بم سے نشانہ بنایا گیا تھا، جس میں 42 بھارتی فوجی ہلاک ہوگئے تھے۔

    قابض بھارتی فوج پر ہونے والا یہ حملہ گذشتہ 20 سالوں میں سب سے بڑا حملہ قرار دیا جا رہا ہے، جس میں بھارتی قابض فوج کو بھاری نقصان اٹھانا پڑا۔

    واقعے کے بعد بھارت نے الزام لگایا کہ پلوامہ میں حملہ کالعدم جیش محمد کی جانب سے کیا گیا جسے پاکستان کی پشت پناہی حاصل ہے۔

    بعد ازاں پاکستانی دفتر خارجہ نے بھارتی الزام کو من گھڑت اور بے بنیاد قرار دیتے ہوئے سختی سے اسے مسترد کردیا تھا۔

  • پاکستان اور بھارت کے درمیان امن کی شاہراہ کشمیر سے گزرتی ہے‘ شہبازشریف

    پاکستان اور بھارت کے درمیان امن کی شاہراہ کشمیر سے گزرتی ہے‘ شہبازشریف

    لاہور: اپوزیشن لیڈر شہبازشریف نے بھارتی وزیراعظم نریندر مودی کے بیان کی شدید مذمت ہوئے کہا کہ پاکستان پرالزام سے پہلے مقبوضہ کشمیرمیں مظالم پراظہارشرمندگی کرنا چاہیے۔

    تفصیلات کے مطابق اپوزیشن لیڈر اور مسلم لیگ ن کے صدر شہبازشریف نے کہا کہ پلوامہ واقعہ کی مذمت کی ، بلا تحقیق واقعہ پاکستان سے جوڑنا پہلی بارنہیں ہوا۔

    انہوں نے کہا کہ بھارتی رویہ چوری اور سینہ زوری کا مظہر ہے، پہلے بھی بھارت نے مشکوک واقعات رچائے جس پر سوال اٹھے۔

    شہبازشریف نے کہا کہ پیلٹ گن سے 20 ماہ کی بچی کی بینائی چھیننے پرمودی کو تاؤد کھانا چاہیے تھا، بھارت جموں وکشمیر کے عوام پر ظلم بند کرے۔

    اپوزیشن لیڈر نے کہا کہ بھارت مقبوضہ کشمیرمیں آبادی کا تناسب بدلنے سے بازرہے، مسئلہ اقوام متحدہ کی قراردادوں اورکشمیریوں کی خواہشات کے مطابق حل کیا جائے۔

    شہبازشریف نے کہا کہ کلبھوشن کی گرفتاری پاکستان میں انتشار پھیلانے کےعزائم کا زندہ ثبوت ہے، کلبھوشن وہ حقیقت ہے جس سے بھارت نظریں چرا نہیں سکتا۔

    قومی اسمبلی میں اپوزیشن لیڈر شہبازشریف نے واضح کیا کہ پاکستان اور بھارت میں امن کی راہ کشمیر سے ہوکر ہی گزرتی ہے۔

    انہوں نے کہا کہ سرجیکل اسٹرائیک کی بات حماقت ہے، بھارت عقل وہوش کے ناخن لے، سرجیکل اسٹرائیک کی داستانوں پراتنامذاق بنا بھارت نے بات کرنا چھوڑ دی۔

    شہبازشریف نے کہا کہ بہادر افواج دشمن کے ہرمہم جوئی کا منہ توڑ جواب دے چکی ہیں،آئندہ انشااللہ زیادہ موثرانداز میں جواب دیں گے، قوم افواج کے شانہ بہ شانہ دشمن کےعزائم خاک میں ملانے کو تیار ہے۔

    اپوزیشن لیڈر نے کہا کہ تاریخ گواہ ہے کہ بھارت الیکشن اور دیگر مواقع پر ایسے واقعات کو تحریک آزادی کشمیر اور پاکستان کو بدنام کرنے کے لیے استعمال کرنے کی کوشش کرتا آیا ہے۔

    مقبوضہ کشمیر میں بھارتی فوجیوں پر حملہ پاکستان کا اظہار تشویش، بھارتی الزامات مسترد

    یاد رہے کہ گزشتہ روز پاکستان نے مقبوضہ کشمیرمیں بھارتی فوجیوں کی ہلاکت پر اظہار تشویش کرتے ہوئے بھارتی الزامات کو مسترد کردیا تھا۔

  • مقبوضہ کشمیر دھماکا، بھارت پاکستان پربلا جواز الزامات سے اجتناب کرے: شاہ محمود قریشی

    مقبوضہ کشمیر دھماکا، بھارت پاکستان پربلا جواز الزامات سے اجتناب کرے: شاہ محمود قریشی

    میونخ: وزیر خارجہ شاہ محمود قریشی نے کہا ہے کہ بھارت کو پاکستان پربلا جواز الزامات سے اجتناب کرنا چاہیے.

    ان خیالات کا اظہار انھوں نے میونخ میں غیرملکی اخبارسے خصوصی گفتگو کرتے ہوئے کیا. ان کا کہنا تھا کہ پہلے دن سے بھارت سمیت ہمسایہ ممالک سے بہتر تعلقات چاہتے ہیں.

    [bs-quote quote=” پاکستان ہمیشہ سے افغان امن کے لئے طالبان سےمذاکرات کا حامی ہے” style=”style-7″ align=”left” author_name=”شاہ محمود قریشی”][/bs-quote]

    شاہ محمود قریشی نے کہا کہ وزیر اعظم پاکستان عمران خان کا بیان ریکارڈ پر موجود ہے، بھارت کوبھی الزامات سےاجتناب کرنا چاہیے۔

    وزیر خارجہ نے کہا کہ میونخ کانفرنس بہت اہم عالمی فورم ہے، آج دنیا بھرسے وزرائے خارجہ، دفاع، سیکیورٹی ماہرین اکٹھے ہوئے ہیں، عالمی، علاقائی معاملات پراپنا نقطہ نظر پیش کریں گے، باہمی مشاورت سے مشترکہ لائحہ عمل طے کرنے میں مدد ملے گی، دیرینہ مسائل کے حل کے لئے لائحہ عمل طے کرنے میں معاونت ملے گی.

    مزید پڑھیں: مقبوضہ کشمیر میں بھارتی فوجیوں پر حملہ پاکستان کا اظہار تشویش، بھارتی الزامات مسترد

    شاہ محمود قریشی نے کہا کہ پاکستان ہمیشہ سے افغان امن کے لئے طالبان سےمذاکرات کا حامی ہے، افغان امن پورے خطے کی تعمیر و ترقی کے لئے ناگزیر ہے، پاکستان نے افغان امن عمل میں حتی المقدورکردار ادا کیا اور کرتا رہے گا، افغانستان میں امن کے لئے پاکستان کے مؤقف کو تقویت مل رہی ہے.

    خیال رہے کہ پاکستان کی متواتر کوششوں سے افغان طالبان اور امریکا میں مذاکرات کا عمل شروع ہوا، فریقین کی جانب سے مذاکرات میں پیش رفت کا عندیہ دیا گیا ہے.