Tag: کشمیر

  • مقبوضہ کشمیر میں کار بم دھماکا، 42 بھارتی فوجی ہلاک

    مقبوضہ کشمیر میں کار بم دھماکا، 42 بھارتی فوجی ہلاک

    سری نگر: مقبوضہ کشمیر میں ایک بڑے بم دھماکے میں 42 بھارتی فوجی ہلاک ہوگئے.

    تفصیلات کے مطابق سری نگر جموں ہائی وے پر ہونے والے اس دھماکے میں بھارتی فوجیوں کی بس کو نشانہ بنایا گیا.

    موصولہ اطلاعات کے مطابق دھماکے میں بس مکمل طور پر تباہ ہوگئی، ساتھ موجود پانچ مزید گاڑیوں کو بھی شدید نقصان پہنچا.

    دھماکے میں 42 افراد کے ہلاک ہونے کی تصدیق کی گئی ہے، جب کہ باقی زخمیوں کو اسپتال پہنچ دیا گیا، واقعے کے بعد سیکیورٹی اہل کار جائے وقوعہ پر پہنچ گئے اور علاقے کو حصار میں لے لیا.

    مزید پڑھیں: پاکستان کے دوٹوک موقف نے مقبوضہ کشمیر میں بھارتی مظالم کو بے نقاب کر دیا: سلطان محمود

    مزید پڑھیں: مقبوضہ کشمیر میں ظلم و بربریت کا بازار گرم، مزید 2 کشمیری شہید

    ابتدائی اطلاعات کے مطابق دھماکا خیز مواد کار میں‌ نصب کیا گیا تھا، کچھ میڈیا رپورٹس کے مطابق یہ خود کش حملہ تھا، البتہ دھماکے کی حتمی نوعیت کے بارے میں‌ابھی کچھ نہیں کہا جاسکتا ہے.

    یاد رہے کہ مقبوضہ کشمیر میں بھارتی فوج نے ظلم و ستم کا بازار گر م کر رکھا ہے۔ بھارت طاقت کے زور پر کشمیریوں کی آزادی سلب کرنے کے درپے اور ان کے جدوجہد کو دبانے کے لیے مختلف ہتھکنڈے استعمال کر رہا ہے۔

  • مقبوضہ کشمیر میں ظلم و بربریت کا بازار گرم، مزید 2 کشمیری شہید

    مقبوضہ کشمیر میں ظلم و بربریت کا بازار گرم، مزید 2 کشمیری شہید

    سرینگر: مقبوضہ کشمیر میں بھارت کی ریاستی دہشت گردی عروج پر ہے، ضلع بڈگام میں بھارتی فوج کی فائرنگ سے 2 کشمیری شہید ہوگئے۔

    تفصیلات کے مطابق کشمیری میڈیا کا کہنا ہے کہ بھارتی فوج نے ضلع بڈگام کا محاصرہ کرلیا اور گھر گھر تلاشی لی۔ اس دوران انٹرنیٹ اور موبائل سروس بھی بند کردی گئی۔

    کشمیری میڈیا کے مطابق بھارتی فوج کی تلاشی کے دوران فوج نے فائرنگ بھی کی جس سے 2 کشمیری نوجوان شہید ہوگئے۔

    وادی میں شہادتوں کے خلاف حریت قیادت نے ہڑتال کی کال دے دی جس کے بعد مقبوضہ کشمیر میں مکمل ہڑتال ہے۔

    یاد رہے کہ رواں ہفتے بھارتی فوج نے مقبوضہ وادی میں ظلم و بربریت کا بازار گرم کر رکھا ہے، بھارتی فورسز نے نام نہاد آپریشن کے نام پر 5 کشمیریوں کو شہید کردیا۔

    اس کے اگلے ہی روز شوپیاں میں بھی سرچ آپریشن کیا گیا اور اس دوران مزید ایک اور کشمیری کو شہید کردیا گیا۔

    ایک رپورٹ کے مطابق سال 2018 میں قابض بھارتی فوج نے حاملہ خواتین، بچوں اور اسکالرز سمیت 355 شہری شہید کردیے۔

    دوسری جانب وزیر خارجہ شاہ محمود قریشی کا کہنا ہے کہ کشمیر میں ایک لاکھ 8 ہزار بچے یتیم ہو چکے ہیں، مقبوضہ کشمیر کے لوگ مسلسل بے رحم قابض کے ظلم کا شکار ہیں۔

    انہوں نے کہا تھا کہ قابض افواج ریپ کو ہتھیار کے طور پر استعمال کر رہی ہیں، بھارت تمام کشمیریوں کو دہشت گرد سمجھتا ہے، مقبوضہ وادی میں انسانی حقوق کی پامالی کی جاری ہے۔

  • پاکستان کا مقبوضہ کشمیر کے باسیوں کی سفارتی، اخلاقی اور سیاسی مدد جاری رکھنے  کا عزم

    پاکستان کا مقبوضہ کشمیر کے باسیوں کی سفارتی، اخلاقی اور سیاسی مدد جاری رکھنے کا عزم

    اسلام آباد: پاکستان نے مقبوضہ کشمیر کے باسیوں کی سفارتی، اخلاقی اور سیاسی مدد جاری رکھنے کے عزم کا اعادہ کیا ہے.

    تفصیلات کے مطابق آج وزیر خارجہ کی زیر صدارت وزارت خارجہ میں مشاورتی کونسل خارجہ امورکا اجلاس ہوا.

    اس موقع پر شاہ محمود قریشی نے کہا ہے کہ پاکستان مقبوضہ کشمیر کے باسیوں کی ہر محاذ پر مدد جاری رکھے گا.

    انھوں نے مزید کہا کہ افغانستان میں طاقت کے بجائے سیاسی مذاکرات سے امن کی حمایت کی ہے، آج ساری دنیا ہمارے نقطہ نظر کی تائید کرتی ہوئی نظر آتی ہے.

    اس موقع پر افغان امن عمل کی کوششوں، بیرون ملک مقیم پاکستانیوں سے روابط پر تفصیلی بات چیت ہوئی اور  روابط کے فروغ سمیت خارجہ پالیسی کے کثیر الجہت پہلوؤں پر تفصیلی تبادلہ خیال کیا گیا.

    مزید پڑھیں: آئی ایم ایف کے ساتھ بنیادی نکات پر اتفاق رائے ہوگیا ہے، شاہ محمود قریشی

    اجلاس میں وزیر خارجہ نے مشاورتی کونسل کو اپنے حالیہ دورہ برطانیہ کی تفصیل سے آگاہ کیا، سابق سیکرٹری خارجہ سلمان بشیر کی والدہ مرحومہ کے لیےدعائے مغفرت کی گئی۔

    یاد رہے کہ پاکستان کی طویل المدتی کوششوں کے بعد افغان طالبان اور امریکا کے درمیان مذاکرات کا سلسلہ شروع ہوا، جس میں مثبت پیش رفت ہوئی ہے.

  • امریکا: کشمیریوں کا وائٹ ہاؤس کے باہر مظاہرہ

    امریکا: کشمیریوں کا وائٹ ہاؤس کے باہر مظاہرہ

    واشنگٹن: بھارتی فوج کے مظالم کے خلاف کشمیریوں نے وائٹ ہاؤس کے باہر مظاہرہ کیا، مظاہرین نے بھارتی فوج اور وزیرِ اعظم مودی کے خلاف نعرے لگائے۔

    تفصیلات کے مطابق کشمیریوں نے امریکا میں وائٹ ہاؤس کے باہر بھارتی فوج کے مظالم کے خلاف احتجاج کرتے ہوئے انڈین آرمی اور مودی کے خلاف نعرے لگائے۔

    [bs-quote quote=”ڈونلڈ ٹرمپ مسئلہ کشمیر کے حل کے لیے اپنا کردار ادا کریں۔” style=”style-7″ align=”left” color=”#dd3333″ author_job=”مظاہرین کا مطالبہ”][/bs-quote]

    مظاہرے کی قیادت سابق وزیرِ اعظم آزاد کشمیر بیرسٹر سلطان محمود نے کی۔

    مظاہرین نے مطالبہ کیا کہ امریکی صدر ڈونلڈ ٹرمپ مسئلہ کشمیر کے حل کے لیے اپنا کردار ادا کریں۔

    مظاہرین کا کہنا تھا کہ انڈین آرمی کے بدترین مظالم کے باعث کشمیر جل رہا ہے، بے گناہوں کا خون بہہ رہا ہے اور عالمی برادری آرام سے سو رہی ہے۔

    یاد رہے کہ تین دن قبل برطانوی شہر برمنگھم میں بھی وزیرِ خارجہ شاہ محمود قریشی ایک تقریب سے خطاب کرتے ہوئے کہا تھا کہ وزیرِ اعظم عمران خان نے مسئلہ کشمیر پر ٹھوس موقف اختیار کیا ہے، ہم کشمیریوں کے لیے انصاف کی لڑائی لڑیں گے۔

    یہ بھی پڑھیں:  افضل گرو کی برسی پر مقبوضہ کشمیر میں ہڑتال

    انھوں نے کہا کہ جون 2018 میں کشمیر میں مظالم پر اقوام متحدہ کی رپورٹ شائع ہوئی، رپورٹ میں انسانی حقوق کی تنظیموں کے ضمیر کو جھنجوڑا گیا ہے۔

    گزشتہ روز مقبوضہ کشمیر میں کشمیری رہنما افضل گرو کی برسی پر میر واعظ عمر فاروق، یاسین ملک اور دیگرحریت رہنماؤں نے ہڑتال کی کال دی، جس پر انھیں نظر بند کیا گیا۔

  • ہمیں بھارت کو قابو کرنا ہی ہوگا: جنرل سیکریٹری کونسل آف خالصتان

    ہمیں بھارت کو قابو کرنا ہی ہوگا: جنرل سیکریٹری کونسل آف خالصتان

    لاہور: کونسل آف خالصتان کے جنرل سیکریٹری رنجیت سنگھ نے کہا ہے کہ بھارت کشمیر میں انسانی حقوق کی خلاف ورزیاں کر رہا ہے، ہمیں بھارت کو قابو کرنا ہی ہوگا۔

    تفصیلات کے مطابق جنرل سیکریٹری کونسل آف خالصتان اے آر وائی نیوز کے پروگرام دی رپورٹرز میں گفتگو کر رہے تھے، ان کا کہنا تھا کہ بھارت کو قابو کرنا ہی ہوگا، وہ مسلسل انسانی حقوق کی خلاف ورزی کر رہا ہے۔

    [bs-quote quote=”بھارت اقلیتوں کے ساتھ غیر انسانی سلوک کر رہا ہے۔” style=”style-7″ align=”left” color=”#dd3333″ author_name=”رنجیت سنگھ” author_job=”جنرل سیکریٹری کونسل آف خالصتان”][/bs-quote]

    خالصتان کونسل کے رہنما نے مطالبہ کیا کہ اقوام متحدہ بھارت کی طرف سے انسانی حقوق کی خلاف ورزی کا نوٹس لے۔

    انھوں نے کہا ’بھارت اقوام متحدہ کی رپورٹ کو نظر انداز کر رہا ہے، اور اپنی اقلیتوں کے ساتھ غیر انسانی سلوک کر رہا ہے، دوسری طرف بھارتی لابی اپنے عزائم چھپانے کے لیے یورپ میں بہت متحرک ہے۔‘

    رنجیت سنگھ کا کہنا تھا کہ عمران خان نے کرتارپور بارڈر کھول کر بہت اچھا قدم اٹھایا ہے، ساری دنیا نے دیکھ لیا کہ پاکستان ہی امن چاہتا ہے بھارت نہیں، پاکستانی عوام اقلیتوں کے ساتھ بہت محبت کرتی ہے۔

    یہ بھی پڑھیں:  بھارت میں بھی مقبوضہ کشمیر کی صورت حال پر آواز اٹھ رہی ہے، شاہ محمود قریشی

    رنجیت سنگھ نے مزید کہا کہ پاکستان نے کرتارپور بارڈر پر 65 فی صد کام کر لیا ہے، بھارت نے اب تک کرتارپور بارڈر پر ایک فی صد کام بھی نہیں کیا، وہ کرتارپور بارڈر معاہدے کو سبوتاژ کرنا چاہتا ہے۔

    رنجیت سنگھ نے کہا ’وزیرِ اعظم پاکستان عمران خان نے انسانیت بھرا پیغام دیا ہے۔‘

  • بھارت میں بھی مقبوضہ کشمیر کی صورت حال پر آواز اٹھ رہی ہے، شاہ محمود قریشی

    بھارت میں بھی مقبوضہ کشمیر کی صورت حال پر آواز اٹھ رہی ہے، شاہ محمود قریشی

    اسلام آباد: وزیر خارجہ شاہ محمود قریشی نے کہا ہے کہ آج بھارت میں بھی مقبوضہ کشمیر کی صورت حال پر آواز اُٹھ رہی ہے، مقبوضہ کشمیر میں مسلح جدوجہد نہیں، مسئلہ کشمیر پر پاکستان کی تمام سیاسی جماعتیں متحد ہیں۔

    تفصیلات کے مطابق وزیر خارجہ شاہ محمود قریشی نے اے آر وائی نیوز کے پروگرام ’دی رپورٹرز‘ میں گفتگو کرتے ہوئے کہا کہ لندن میں مجھے کشمیری مطمئن دکھائی دے رہے ہیں، مظاہرے میں بڑی تعداد میں کشمیری موجود ہیں، برطانوی پارلیمنٹ نے مسئلہ کشمیر پر ہمارے موقف کی تائید کی، کل مسئلہ کشمیر پر متفقہ قرارداد منظور کی گئی۔

    وزیر خارجہ نے کہا کہ ہم کہتے تھے کشمیر میں ظلم ہورہا ہے، ہماری بات نہیں سنی جاتی تھی، اب بھارتی مظالم پر انسانی حقوق کمیشن کی رپورٹ آچکی ہے، اقوام متحدہ کی رپورٹ کے بعد ہماری بات کو سنا جارہا ہے۔

    انہوں نے کہا کہ 5 فروری کو پاکستان میں احتجاج ہوتا تھا، اب کئی ملکوں میں ہوا، اس بار لندن، یورپ میں بھارتی رویے کے خلاف احتجاج ہورہا ہے، کشمیریوں کے لیے احتجاج برسلز، ایتھنز، دوشنبے، کابل میں ہورہا ہے، بھارت کا اصل چہرہ بے نقاب ہوتا جارہا ہے، دنیا اب پاکستان کے موقف کو تسلیم کررہی ہے۔

    شاہ محمود قریشی نے کہا کہ ہمسایہ ملک کے ساتھ تعلقات اچھے ہوں گے تو خطے میں امن ہوگا، پاکستان بھارت سے مذاکرات کے لیے تیار ہے لیکن بھارت بھاگ جاتا ہے، بھارت کو اپنی پالیسی پر نظرثانی کرنی چاہئے، دنیا کہہ رہی ہے مسئلہ کشمیر پر پاکستان بھارت بیٹھ کر بات کریں۔

    وزیر خارجہ نے کہا کہ پاکستان اور بھارت کے درمیان کشمیر بنیادی مسئلہ ہے، مقبوضہ کشمیر کی صورت حال بڑی تیزی سے بگڑ رہی ہے، قربانیاں دینے والے کشمیری ماؤں، بہنوں، بیٹیوں، نوجوانوں کو سلام پیش کرتے ہیں۔

  • بھارت جتنی بھی کوشش کرلے کشمیریوں کی آواز کو نہیں دبا سکتا، صدر عارف علوی

    بھارت جتنی بھی کوشش کرلے کشمیریوں کی آواز کو نہیں دبا سکتا، صدر عارف علوی

    اسلام آباد: صدر مملکت عارف علوی نے کہا ہے کہ بھارت نے کشمیریوں کے جدوجہد خود ارادیت کو خون کا رنگ دیا، بھارت جتنی بھی کوشش کرلے کشمیریوں کی آواز کو نہیں دبا سکتا ہے۔

    تفصیلات کے مطابق یوم یکجہتی کشمیر سیمینار سے خطاب کرتے ہوئے صدر مملکت عارف علوی نے کہا کہ کشمیریوں کی پر امن جدوجہد کو دبانے کی کوشش کی جارہی ہے، تمام تر مظالم کے باوجود کشمیریوں کا جذبہ بڑھتا جارہا ہے۔

    صدر مملکت نے کہا کہ کشمیر کانفرنس کا ہونا خوش آئند ہے، کشمیر پاکستان کی شہ رگ ہے، آج بھی اپنے اصولی موقف پر قائم ہیں، مقبوضہ کشمیر آج بھی تقسیم ہند کا نامکمل ایجنڈا ہے۔

    صدر عارف علوی نے کہا کہ بھارت نہتے کشمیریوں پر پیلٹ گنز کا استعمال کررہا ہے، بھارتی فوج نے گزشتہ کئی ماہ میں سیکڑوں کشمیریوں کو شہید کیا، کشمیر پر پاکستان کی تمام سیاسی جماعتیں متفق ہیں۔

    مزید پڑھیں: کشمیر کے مستقبل کا فیصلہ صرف کشمیریوں نے کرنا ہے: صدر مملکت

    انہوں نے کہا کہ پاکستان خطے میں امن چاہتا ہے، کشمیر کے مستقبل کا فیصلہ کشمیریوں کو کرنا ہے، پاکستان کی امن کی خواہش کو بھارت نے ہمیشہ مسترد کیا ہے۔

    واضح رہے کہ صدر مملکت عارف علوی کا کہنا تھا کہ کشمیریوں کے حق خود ارادیت کی بلاتفریق حمایت کرتے ہیں، کشمیریوں کو ہر دور میں طاقت سے دبانے کی کوشش کی گئی۔

    ان کا کہنا تھا کہ قربانیاں دینے والی ماؤں، بیٹیوں اور نوجوانوں کو سلام، کسی قوم کے جذبات اور احساس کو دیر تک دبایا نہیں جا سکتا۔

    صدر مملکت کا کہنا تھا کہ گمنام قبریں تاریخ رقم کر رہی ہیں، کشمیر کی آزادی کی جدوجہد جاری رہے گی۔ پاکستان ہر اعتبار سے کشمیر کو سپورٹ کرتا رہا ہے۔

  • کشمیر ہمارا ہے، ہمارا ہی رہے گا، ظلم ختم کیا جائے، فیاض الحسن چوہان

    کشمیر ہمارا ہے، ہمارا ہی رہے گا، ظلم ختم کیا جائے، فیاض الحسن چوہان

    لاہور: وزیر اطلاعات پنجاب فیاض الحسن چوہان نے کہا ہے کہ کشمیر ہمارا ہے، ہمارا ہی رہے گا، مطالبہ کرتے ہیں کشمیر پر ظلم ختم کیا جائے۔

    تفصیلات کے مطابق وزیر اطلاعات پنجاب فیاض الحسن چوہان نے میڈیا سے گفتگو کرتے ہوئے کہا کہ کشمیری عوام کو خراج تحسین پیش کرتے ہیں، مقبوضہ کشمیر میں سیاسی گرفتاریوں کو فوری ختم کیا جائے۔

    فیاض الحسن چوہان نے کہا کہ کشمیر کے بغیر پاکستان نامکمل ہے یہ ہمارا نعرہ ہے، حکومت پنجاب یوم کشمیر منارہی ہے، کشمیریوں نے پاکستانی جھنڈا لہرا کر جدوجہد کو جاری رکھا ہوا ہے۔

    وزیر اطلاعات پنجاب نے کہا کہ بھارتی فوج کشمیریوں پر ظلم کے پہاڑ ڈھا رہی ہے، واحد ایشو ہے جس پر تمام سیاسی جماعتیں متفق ہیں، مودی سرکار اور بھارت سے مطالبہ ہے کشمیر پر قبضہ چھوڑیں۔

    مزید پڑھیں: مقبوضہ کشمیر میں ہردس کشمیریوں پرایک فوجی تعینات ہے، وزیر اطلاعات فواد چوہدری

    انہوں نے کہا کہ مقبوضہ کشمیر سے متعلق یو این قراردادوں پر عمل کیا جائے، کشمیر کاز کو آگے بڑھانے کے لیے کام کریں گے، کشمیر پاکستان کی شہ رگ ہے جو ہمارا نعرہ ہے۔

    فیاض الحسن چوہان نے کہا کہ عمران خان نے مودی سرکار کو مثبت پیغام دیا تھا، بھارت ہمارا ہمسایہ ہے اور ہمسائے تبدیل نہیں ہوسکتے ہیں، بھارت کشمیر اور پانی کے مسئلے کو حل کرے، دوستی کے لیے تیار ہیں۔

    واضح رہے کہ وفاقی وزیر اطلاعات فواد چوہدری کا کہنا تھا کہ مقبوضہ کشمیر میں بھارت نے ہر دس کشمیریوں پر ایک فوجی تعینات کررکھا ہے جس کا نتیجہ نفرت کی صورت میں نکل رہا ہے، کشمیریوں کا درد پاکستانی سب سے پہلے محسوس کرتے ہیں۔

  • پانچ فروری ، کشمیریوں کی جدوجہدِ آزادی کا دن

    پانچ فروری ، کشمیریوں کی جدوجہدِ آزادی کا دن

    کشمیر ایسا مسئلہ ہے جو نہ صرف کشمیریوں کے لیے زندگی موت کا مسئلہ ہے بلکہ پاکستان کے لیے بھی یہ شہ رگ کی حیثیت رکھتا ہے، اس سلسلے میں پانچ فروری کا دن کشمیریوں کی جدوجہد آزادی میں بڑی اہمیت کا حامل ہے۔

    شمیر دراصل تقسیم ہند کا ایسا حل طلب مسئلہ ہے، جو بھارتی حکومت کی ہٹ دھرمی و ظلم و ناانصافی کے باعث تاحال حل نہیں کیا جا سکا اس دوران کشمیری مسلمانوں نے آزادی کشمیر اور اپنے حق خود ارادیت کے حصول کے لیے لاتعداد قربانیوں کی تاریخ رقم کی ہے، جو مسئلے کے حل ہونے و کشمیر کے آزاد ہونے تک جاری رہے گی۔

    اکیس جنوری 1990ء میں جب مقبوضہ کشمیر کے عوام بھارت کے غاصبانہ قبضہ کے خلاف سری نگر اور دیگر شہروں میں لاکھوں کی تعداد میں سڑکوں پر آئے تو بھارت کی درندہ صفت فوج نے نہتے کشمیریوں کو بربریت کا نشانہ بنا کر درجنوں شہریوں کو شہید کر دیا۔

    کشمیر کی تاریخ میں یہ ایک ایسا موقع تھاجب اتنی بڑی تعداد میں کشمیریوں نے منظم ہوکر اتحاد اور یکجہتی کا مظاہرہ کیا اور کشمیر پر بھارت کے غاصبانہ قبضہ اور فوجی تسلط کے خلاف اعلان کیا۔

    یوم یکجہتی کشمیر کا دن منانے کا آغاز


    اس دن کو منانے کا آغاز 1990ء کو ہوا جب جماعت اسلامی کے امیر قاضی حسین احمد کی اپیل پر اس وقت کے اپوزیشن لیڈر اور وزیرِاعلیٰ پنجاب میاں محمد نوازشریف نے اخبارات میں اشتہارات کے ذریعے اپیل کی کہ جموں وکشمیر کے عوام کے ساتھ مکمل اظہار یکجہتی کی جائے اور ان کی کال پر پورے پاکستان میں 5 فروری 1990ء کو کشمیریوں کے ساتھ زبردست یکجہتی کا مظاہرہ کیا گیا، اس موقع پر ملک گیر ہڑتال ہوئی اور ہندوستان سے کشمیریوں کو آزادی دینے کا مطالبہ کیاگیا۔

    بینظیر بھٹو کا یومِ یکجہتی کشمیر کو سرکاری سطح پر منانے کا اعلان


    ان دنوں بینظیر بھٹو پاکستان کی وزیرِاعظم تھیں، انہوں نے اس اپیل پر پاکستان بھر میں یومِ یکجہتی کشمیر کو سرکاری سطح پر منانے کا اعلان کیا اور یہ دن گزشتہ 24 سال سے دنیا بھر میں مقبوضہ کشمیر کے مظلوم اور محکوم عوام کے ساتھ یکجہتی کا اظہار کرنے کیلئے منایا جاتا ہے۔

    وزیراعظم محترمہ بے نظیر بھٹو نے آزاد کشمیر کے دارلحکومت مظفرآباد میں قانون ساز اسمبلی اور کونسل کے مشترکہ اجلاس کے علاوہ جلسہ عام سے خطاب کیا اور کشمیریوں کو ہر ممکن تعاون کا یقین دلاتے ہوئے مہاجرین کشمیر کی آباد کاری کا وعدہ کیا، تب سے اس دن کو ہر برس سرکاری طور پر منایا جاتا ہے۔

    پانچ فروری 2004ء کو سابق صدر پرویز مشرف کی بھارتی حکمرانوں کے ساتھ دوستی میں اس روایت کو نظرِ انداز کرتے ہوئے کشمیریوں کے ساتھ یکجہتی کا اظہار نہ کیا گیا۔

    دنیا کے سامنے کشمیریوں کو حق خودارادیت دینے کا اعلان کیا گیا اور قراردادوں پر دستخط کئے گئے لیکن60 سال گزرنے کے باوجود ان قرارداوں پر عمل نہیں کیا گیا جبکہ ان تمام حالات میں کشمیر پر فوجی قبضے کو مضبوط کرنے کی حکمت عملی اپنائی گئی، تاشقند، شملہ، اعلان لاہور جیسے معاہدوں سے قبل اقوام متحدہ میں جو بھی معاہدے اور دعوے ہوئے ان پر عمل نہیں کیا گیا۔

    پاکستان ٹوٹنے پر 1971ء کے بعد کشمیر پالیسی پر کمزوری دکھائی گئی اور کشمیری مایوس ہوگئے، جب 25 فروری 1975 ء کی محاذ رائے شماری کے پلیٹ فارم سے آزادی کی جدوجہد کو ترک کرکے بھارت کے ساتھ معاہدہ کرلیا گیا، اس معاہدے کو اندرا عبداﷲ اکارڈ کے نام سے جانا جاتا ہے۔

    28فروری1975ء کو ذوالفقارعلی بھٹو کی کال پر ہڑتال


    جس وقت اندرا گاندھی اور شیخ محمدعبداﷲ کے درمیان یہ معاہدہ ہوا تو وزیرِاعظم پاکستان ذوالفقارعلی بھٹو نے اس کے خلاف ہڑتال کی کال دی، کشمیریوں نے اس کال پر عمل کیا اور 28فروری1975ء کو ہڑتال کی گئی، یہ پہلا موقع تھا کہ کشمیریوں اور پاکستان نے ایک دوسرے کے ساتھ مکمل یکجہتی کا عملی مظاہرہ کیا۔

    28فروری1975ء کو ذوالفقارعلی بھٹو کی کال پر ہڑتال کے بعد کشمیریوں اور پاکستان کی مکمل یکجہتی کے اظہار کا تسلسل 5 فروری ہے، جسے محترمہ بینظیربھٹو نے سرکاری طورپر منانے کافیصلہ کیا تھا۔

    واضح رہے کہ یومِ یکجہتی کشمیر ہندوستان کے زیرِ تسلط کشمیر کے مظلوم عوام کے ساتھ پاکستان کی جانب سے ہمدردی،حمایت اور تعاون کا مظہر ہے، جسے 2 دہائیوں سے زائد عرصہ سے منایا جا رہا ہے۔

    بھارتی فورسز کے جبروستم کشمیریوں کے آزادی کے جذبے کو کم کرنے میں ناکام ہیں، بھارتی ریاستی دہشت گردی کے باوجود عالمی برادری کی خاموشی حیران کن ہے۔

  • کشمیرکی قربانیوں کی مثال کہیں نہیں ملتی‘ وزیراعظم آزاد کشمیر

    کشمیرکی قربانیوں کی مثال کہیں نہیں ملتی‘ وزیراعظم آزاد کشمیر

    مظفرآباد: وزیراعظم آزاد کشمیر فاروق حیدر کا کہنا ہے کہ کشمیری عرصہ دراز سے اپنی شناخت کے لیے لڑرہے ہیں۔

    تفصیلات کے مطابق آزاد کشمیر کے دارالحکومت مظفرآباد میں یوم یکجہتی کشمیر کے موقع پر آزاد کشمیرقانون سازاسمبلی کے اجلاس سے خطاب کرتے ہوئے وزیراعظم آزاد کشمیر نے کہا کہ ایل اوسی، مقبوضہ کشمیرمیں بھارتی بربریت جاری ہے۔

    فاروق حیدر نے کہا کہ مقبوضہ کشمیرکی حریت قیادت کی استقامت کوسلام پیش کرتے ہیں، کشمیری عرصہ درازسے اپنی شناخت کے لیے لڑرہے ہیں، آج تک کشمیریوں نے اپنی شناخت زند ہ رکھی ہے۔

    وزیراعظم آزاد کشمیر نے کہا کہ مقبوضہ کشمیرمیں شہید کو پاکستانی پرچم میں سپرد خاک کیا جاتا ہے۔

    انہوں نے کہا کہ پاکستان نے مسئلہ کشمیر کوپوری دنیا میں اجاگررکھا ہے، ہمارا رشتہ وطن عزیز پاکستان کے ساتھ ہے۔

    وزیراعظم آزاد کشمیر فاروق حیدر نے اجلاس سے خطاب کرتے ہوئے کہا کہ کشمیرکی قربانیوں کی مثال کہیں نہیں ملتی۔

    انہوں نے کہا کہ کشمیریوں اورپاکستانیوں کا رشتہ قائداعظم نے قائم کیا، مفکرپاکستان علامہ اقبال پاکستان وکشمیرکی یکجہتی کےعلمبردارتھے۔

    یوم یکجہتی کشمیر آج ملک بھر میں جوش وخروش سے منایا جارہا ہے

    واضح رہے کہ پاکستان سمیت دنیا بھر میں آج یوم یکجہتی کشمیر منایا جا رہا ہے جس کا مقصد پاکستانی قوم کی طرف سے کشمیریوں کی اقوام متحدہ کی قراردادوں کے مطابق خودارادیت کے ناقابل تنسیخ حق کے حصول کی جدوجہد میں ان کے ساتھ مکمل حمایت کا اظہار کرنا ہے۔