ARYNews.tv | Urdu – Har Lamha Bakhabar

Tag: کشمیر

  • قائد اعظم نے کشمیر کو پاکستان کی شہ رگ قرار دیا تھا، مشال ملک

    قائد اعظم نے کشمیر کو پاکستان کی شہ رگ قرار دیا تھا، مشال ملک

    اسلام آباد: حریت رہنما یاسین ملک کی اہلیہ مشال ملک نے کہا ہے کہ آج بابائے قوم کو خراج عقیدت پیش کرنے کا دن ہے، قائد اعظم محمد علی جناح نے کشمیر کو پاکستان کی شہ رگ قرار دیا تھا۔

    تفصیلات کے مطابق حریت رہنما یاسین ملک کی اہلیہ مشال ملک نے بانی پاکستان کی سالگرہ اور کرسمس کے موقع پر اپنے پیغام میں کہا کہ آج بابائے قوم کو خراج عقیدت پیش کرنے کا دن ہے، پاکستان میں اقلیتیں آزاد فضاؤں میں سانس لے رہی ہیں۔

    [bs-quote quote=”اقلیتوں نے ہمیشہ کشمیریوں پر مظالم کے خلاف احتجاج کیا” style=”style-6″ align=”left” author_name=”مشال ملک”][/bs-quote]

    مشال ملک نے کہا کہ قوم کرسمس کی خوشیوں میں برابر کی شریک ہے، مسیحی برادری نے ہمیشہ کشمیریوں کے حق میں آواز اُٹھائی ہے۔

    انہوں نے کہا کہ قائد اعظم نے کشمیر کو پاکستان کی شہ رگ قرار دیا تھا جبکہ اقلیتوں نے ہمیشہ کشمیریوں پر مظالم کے خلاف احتجاج کیا۔

    واضح رہے کہ آج ملک بھر میں بابائے قوم قائد اعظم محمد علی جناح کا 143 واں یوم پیدائش ملی جوش و جذبے کے ساتھ منایا جارہا ہے، قائد اعظم کو خراج تحسین پیش کرنے کے لیے مختلف تقاریب کا اہتمام کیا گیا۔

    مزید پڑھیں: معصوم کشمیریوں کا بہتا خون دنیا سے انصاف کا تقاضا کر رہا ہے، مشال ملک

    دوسری جانب پاکستان سمیت دنیا بھر میں آج مسیحی برادری کرسمس کا تہوار جوش و خروش سے منارہی ہے، ملک کے بیشتر شہروں میں مذہبی تقریبات کا انعقاد کیا گیا اور ملکی ترقی کے لیے خصوصی دعائیں مانگی گئیں۔

  • سینیٹ میں مقبوضہ کشمیر میں بھارتی مظالم کے خلاف قرارداد منظور

    سینیٹ میں مقبوضہ کشمیر میں بھارتی مظالم کے خلاف قرارداد منظور

    اسلام آباد: مقبوضہ کشمیر میں بھارتی فورسز کے دلدوز مظالم کے خلاف سینیٹ میں قرارداد منظور کر لی گئی، اجلاس سے حکومتی اور اپوزیشن ارکان نے خطاب کیا۔

    تفصیلات کے مطابق سینیٹ اجلاس میں بھارتی فوج کے مقبوضہ کشمیر میں مظالم کے خلاف قرارداد منظور کی گئی، وفاقی وزیر انسانی حقوق شیریں مزاری نے کہا کہ ہم کشمیر کے خون پر کسی صورت سیاست نہیں کریں گے۔

    [bs-quote quote=”ماضی میں ہماری حکومتیں کشمیر پر غفلت کی ذمہ دار رہی ہیں: شیریں مزاری
    پاکستان کے علاوہ کوئی بھی کشمیر کی آواز نہیں اٹھاتا: شیری رحمان” style=”style-7″ align=”left” color=”#dd3333″][/bs-quote]

    سینیٹ میں کشمیر میں ہونے والے مظالم کے خلاف قرارداد سینیٹر شیری رحمان نے پیش کی۔

    شیریں مزاری نے سینیٹ سے خطاب کرتے ہوئے کہا کہ کل اقوامِ متحدہ میں پاکستان نے کشمیر و فلسطین پر قرارداد پیش کی، ہماری حکومت کشمیر کے مسئلے پر کام کر رہی ہے، ریاست کو کشمیر کے مسئلے پر ایک تسلسل دکھاناہوگا۔

    ان کا کہنا تھا ’ کشمیری دہائیوں سے بھارتی مظالم کے خلاف جدوجہد کر رہے ہیں، ماضی میں ہماری حکومتیں کشمیر پر غفلت کی ذمہ دار رہی ہیں۔‘

    وزیرِ انسانی حقوق نے کہا کہ ماضی میں عالمی فورمز پر کشمیری خواتین پر ظلم کو نہیں اٹھایا گیا، بھارتی فوج ریپ کو جنگی ہتھیار کے طور پر استعمال کرتی ہے۔

    یہ بھی پڑھیں:  مقبوضہ کشمیر میں 500 شہادتیں، پاکستان کی شدید مذمت، او آئی سی اجلاس بلانے کی سفارش

    انھوں نے مزید کہا کہ کشمیر پر اقوامِ متحدہ کی قرارداد کو رد نہیں کیاجا سکتا، کشمیر پر ہماری پالیسیاں ایک جیسی نہیں رہیں، کشمیریوں کا خون ایسے بہتا نہیں دیکھ سکتے، مذمتی بیان کافی نہیں، کشمیریوں پر ہونے والے مظالم ہمیں ساری دنیا کو دکھانے ہیں۔

    سینیٹ سے خطاب کرتے ہوئے پاکستان پیپلز پارٹی کی سینئر رہنما شیری رحمان نے کہا کہ اقوامِ متحدہ میں پاکستان کے علاوہ کوئی بھی کشمیر کی آواز نہیں اٹھاتا۔

    شیری رحمان کا کہنا تھا کہ ہمارا فرض ہے ہر ممکن فورم پر کشمیر میں نسل کشی پر بات کریں، اقوامِ متحدہ کی انسانی حقوق تنظیم کی رپورٹ پر توجہ کی ضرورت ہے۔

  • حکومت بھارتی مظالم کے خلاف مشترکہ قرارداد لائے، ہم ساتھ دیں گے: شہبازشریف

    حکومت بھارتی مظالم کے خلاف مشترکہ قرارداد لائے، ہم ساتھ دیں گے: شہبازشریف

    اسلام آباد: اپوزیشن لیڈرشہبازشریف نے کہا ہے کہ حکومت بھارتی مظالم کے خلاف مشترکہ قرارداد لائے، ہم ساتھ دیں گے.

    ان خیالات کا اظہار شہباز شریف نے قومی اسمبلی میں اظہارخیال کرتے ہوئے کیا. انھوں نے کہا کہ مقبوضہ کشمیراور فلسطین میں ظلم و زیادتی کی انتہا ہوگئی، بھارت اچھی طرح جانتا ہے کہ جنگ مسئلے کا حل نہیں ہے، ان کے بغیر کوئی ملک ترقی نہیں کرسکتا.

    شہبازشریف کا کہنا تھا کہ مقبوضہ کشمیرمیں ریاستی ظلم انتہا کو پہنچ چکا ہے، مقبوضہ کشمیرمیں بے گناہ کشمیریوں کا خون بہہ رہا ہے، کل  14 کشمیریوں کو بھارتی فوج نے شہید کیا.

    شہبازشریف نے کہا کہ کشمیر میں ظلم و ستم پر ہم خاموش نہیں رہ سکتے، کشمیر میں جاری ظلم وستم پرمشترکہ قرارداد پیش کی جائے.

    ان کا کہنا تھا کہ مغربی دنیا کو کشمیر میں ہونے والے ظلم وستم پرجگانا ہوگا، مقبوضہ کشمیرایک نہ ایک دن آزاد ہوگا اور پاکستان سے مل جائے گا.

    مزیدپڑھیں : گولیاں نہتے بہادرآزادی کے متوالوں کے عز م کو دبانہیں سکتیں، ڈی جی آئی ایس پی آر

    اپوزیشن لیڈر کا کہنا تھا کہ بھارتی مظالم کے خلاف حکومت کوٹھوس پالیسی اپنانی ہوگی، حکومت بھارتی مظالم کے خلاف مشترکہ قرارداد لائے ہم ساتھ دیں گے.

    شہباز شریف کی نواز شریف کے گارڈز کی کیمرا مینوں پر تشدد کی مذمت

    اس موقع پر انھوں نے کہا کہ ہم کیمرا مین کے ساتھ پیش آنے والے واقعے کی مذمت کرتے ہیں، میڈیا سے بھی واقعے پر معذرت کرتا ہوں.

    اپوزیشن لیڈر شہباز شریف نے کہا کہ اسپیکر جس طرح چاہیں واقعے کی تحقیقات کرائیں.

  • کشمیر کا تنازع تشدد کے بجائے مذاکرات سے حل ہوسکتا ہے، وزیراعظم

    کشمیر کا تنازع تشدد کے بجائے مذاکرات سے حل ہوسکتا ہے، وزیراعظم

    اسلام آباد: وزیراعظم عمران خان نے کہا ہے کہ کشمیر کا تنازع تشدد کے بجائے مذاکرات سے حل ہوسکتا ہے، کشمیریوں کو اپنے مستقبل کا تعین خود کرنے کی اجازت دی جائے۔

    تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے مقبوضہ وادی میں بھارتی فورسز کی جاری جارحیت کی مذمت کی ہے۔

    وزیراعظم عمران خان نے کہا کہ مسئلہ کشمیر تشدد کے بجائے مذاکرات سے حل کرنے کی ضرورت ہے، مقبوضہ کشمیر میں بھاری جارحیت کا معاملہ عالمی سطح پر اُٹھائیں گے۔

    انہوں نے کہا کہ سلامتی کونسل حق خود ارادیت دینے کے وعدے پر عمل کرے، نہتے کشمیریوں پر بھارت کی انسانی حقوق کی سنگین پامالیوں پر آواز اٹھائیں گے۔

    واضح رہے کہ گزشتہ روز بھارتی فوج نے ضلع پلوامہ میں آپریشن کے نام پر بربریت کا مظاہرہ کرتے ہوئے گیارہ کشمیری نوجوانوں کو شہید کردیا تھا۔

    قبل ازیں وزیر خارجہ شاہ محمود قریشی کا کہنا تھا کہ دنیا بھر میں پاکستانی سفارت خانوں کو ہدایت جاری کی ہے کہ مقبوضہ کشمیر میں بھارتی بربریت کو اجاگر کریں۔

    ان کا کہنا تھا کہ مقبوضہ کشمیر میں بھارت کی بربریت جاری ہے اور گزشتہ ماہ نومبر میں 18 نہتے کشمیریوں کو شہید کیا گیا، دنیا کی ترجیحات میں کشمیر نہیں ہے لیکن دنیا اتنی بے حس اور لاتعلق نہیں ہوسکتی۔

  • کشمیری چائے نے جرمن سفیر کو گرویدہ بنا لیا

    کشمیری چائے نے جرمن سفیر کو گرویدہ بنا لیا

    مظفر آباد: جرمن سفیر مارٹن کوبلر کشمیر کی گلابی چائے کے گرویدہ ہوگئے.

    تفصیلات کے مطابق پاکستان میں‌ تعینات جرمن سفیر سوشل میڈیا پر خاصے متحرک اور مقبول ہیں.

    [bs-quote quote=”کوئی مجھے بتائے گا یہ گلابی رنگ کیسے آتا ہے؟” style=”style-7″ align=”left” author_name=”جرمن سفیر”][/bs-quote]

    وہ پاکستان کے مختلف مقامات کی سیر اور شخصیات سے ہونے والی ملاقات کی تصاویر باقاعدگی سے اپنے ٹویٹر اکاؤنٹ پر شیئر کرتے ہیں، جنھیں بہت پسند کیا جاتا ہے.

    جرمن سفیر کی طرف سے اردو میں بھی ٹویٹ کیے جاتے ہیں، جو صارفین کی توجہ کا محور بنے رہتے ہیں.

    اس بار انھوں نے کشمیر کے علاقے مظفر آباد کا رخ کیا ہے، جس کی گلابی چائے نے انھیں گرویدہ بنا لیا ہے.

    مزید پڑھیں: جرمن سفیر کراچی کی بریانی کے دیوانے بن گئے

    انھوں‌ نے اپنے تازہ ٹویٹ نے اپنی دو تصاویر میں‌ شیئر کیں، جن میں‌ سے ایک میں  وہ گرما گرم چائے نوش کر رہے ہیں.

    انھوں‌ نے کہا کہ اس ہفتے میں کشمیر کے لذیذ کھانوں سے لطف اندز ہوا، سردی کے دنوں میں اس کے علاوہ اور کیا چاہیے۔

    انھوں نے یہ مزاحیہ سوال بھی کیا کہ  کوئی مجھے بتائے گا یہ گلابی رنگ کیسے آتا ہے؟

  • بھارتی فوج خواتین سےزیادتی کوبطورہتھیاراستعمال کررہی ہے،شیریں مزاری

    بھارتی فوج خواتین سےزیادتی کوبطورہتھیاراستعمال کررہی ہے،شیریں مزاری

    اسلام آباد : وفاقی وزیر انسانی حقوق شیریں مزاری کا کہنا ہے کہ کشمیر میں بھارتی افواج کے مظالم نے ریکارڈ توڑ دیے، بھارتی فوج خواتین سے زیادتی کو بطور ہتھیار استعمال کررہی ہے، میری تجویزہےکشمیری عوام کوحق خودارادیت دیا جائے۔

    تفصیلات کے مطابق اسلام آباد میں وفاقی وزیر انسانی حقوق شیریں مزاری نے تقریب سے خطاب کرتے ہوئے کہا کشمیر میں بھارتی افواج کے مظالم نے ریکارڈ توڑ دیے،  پیلیٹ گن سے بچے، بوڑھوں اور خواتین کو نشانہ بنایا گیا، اقوام متحدہ انسانی حقوق کی کمیٹی کو کشمیر آنے کی دعوت دیتے ہیں۔

    [bs-quote quote=”میری تجویزہےکشمیری عوام کوحق خودارادیت دیا جائے” style=”style-6″ align=”left”][/bs-quote]

    شیریں مزاری کا کہنا تھا کہ گزشتہ حکومت میں کمیٹی کےکشمیر آنے کےبہتر انتظامات نہیں کیےگئے، بھارت نے کشمیر میں ہمیشہ انسانی حقوق کی دھجیاں اڑائی ہیں، مقبوضہ کشمیرمیں خواتین اور بچے بڑے پیمانے پر متاثر ہورہے ہیں۔

    وزیر انسانی حقوق نے کہا بھارتی فوج خواتین سے زیادتی کو بطور ہتھیاراستعمال کررہی ہے، خواتین سے زیادتی کے متعدد کیس رپورٹ ہوئے ہیں۔

    ان کا مزید کہنا تھا کہ میری تجویز ہے کشمیری عوام کوحق خودارادیت دیا جائے، حق خود ارادیت کے معاہدے پر 7یا 10سال بعد ریفرنڈم کیا جا سکتا ہے، ریفرنڈم کی بنیاد پرکشمیری عوام جوطےکریں اس کےمطابق فیصلہ ہو۔

    شیریں مزاری نے کہا بھارت کشمیر میں آبادی کاتناسب تبدیل کرنے پرتیزی سے کام کررہاہے۔

    خیال رہے پاکستان سمیت دنیا بھر میں آج انسانی حقوق کا عالمی دن منایا جا رہا ہے، اس دن کو منانے کا مقصد سارے انسانوں میں اپنے حقوق کی آگاہی کو بیدار کرنا اور بتانا ہے کے تمام انسان مذہبی ،سیاسی ،سماجی ،اور اخلاقی حساب سے آزاد اور خود مختیار ہیں اور ان کو آزادی فکر، آزادی ضمیر، اور آزادی مذہب،اور اپنے مذہبی عقیدے کے مطابق عبادات ،اوررسمیں پوری کرنے کا حق حاصل ہے۔

  • کشمیر میں بھارتی فورسز کا سرچ آپریشن، تین کشمیری شہید

    کشمیر میں بھارتی فورسز کا سرچ آپریشن، تین کشمیری شہید

    سری نگر: قابض بھارتی فورسز نے مقبوضہ کشمیر میں جاری اپنی پُر تشدد کارروائیوں کے دوران تین کشمیری نوجوان کو شہید کردیا۔

    تفصیلات کے مطابق مقبوضہ کشمیر کے دارالحکومت سری نگر کے علاقے مُجگنڈ میں قابض بھارتی فورسز کے رشتریا رایفل گروپ اور اسپیشل آپریشن گروپ نے نام نہاد سرچ آپریشن کے دوران 3 کشمیری نوجوانوں کو ریاستی دہشت گردی کا نشانہ بناکر شہید کردیا۔

    کشمیر میڈیا سروس کا کہنا ہے کہ وادی کشمیر پر قابض بھارتی فورسز نے سرچ آپریشن کے دوران پانچ رہائشی مکانات کو بھی منہدم کیا گیا ہے جبکہ ابھی تک شہیدوں کی شناخت نہیں ہوسکی ہے۔

    کشمیری میڈیا کا کہنا ہے کہ ظالم بھارتی فوج کی جانب سے کشمیری نوجوانوں کی شہادت کے بعد علاقے میں غیر اعلانیہ کرفیو نافذ کردیا گیا ہے، جبکہ کٹھ پتلی انتظامیہ نے علاقے میں انٹرنیٹ اور موبائل فون سروس بھی بند کردی گئی ہے۔

    کشمیری میڈیا کے مطابق بھارتی فوج کی حالیہ کارروائیوں میں شہید ہونے والے کشمیریوں کی تعداد 28 سے تجاوز کرگئی ہے۔

    مزید پڑھیں : مقبوضہ کشمیرمیں بھارتی فوج کی فائرنگ‘ 2 کشمیری شہید

    یاد رہے کہ کچھ روز قبل مقبوضہ کشمیر کے علاقے پلواما میں بھارتی فورسز نے نام نہاد سرچ آپریشن کے دوران 2 کشمیری نوجوانوں کو شہید کیا تھا۔

    مزید پڑھیں : مقبوضہ کشمیر میں 18 جوانوں کی شہادت کے خلاف شٹر ڈاؤن ہڑتال

    خیال رہے کہ ماہ نومبر کے آواخر میں مقبوضہ کشمیر میں 18 نوجوانوں کی شہادتوں کے خلاف حریت رہنماؤں کی کال پرمکمل شٹر ڈاؤن ہڑتال کی گئی تھی، ٹرانسپورٹ اور کاروباری مراکز بند تھے۔

    مزید پڑھیں : مقبوضہ کشمیرمیں بھارتی فوج کی فائرنگ‘ 6 کشمیری شہید

    یاد رہے کہ 25 نومبر کو مقبوضہ کشمیر کے ضلع شوپیاں میں بھارتی فورسز نے سرچ آپریشن کے دوران 6 کشمیری نوجوانوں کو شہید کردیا تھا۔

    واضح رہے کہ گزشتہ ماہ کشمیری رہنما میرحفیظ اللہ بھارتی قید سے آزاد ہو کرپہنچے تھے اورانہیں مسلسل نامعلوم نمبرز سے دھمکی آمیز کالز موصول ہو رہی تھیں۔

    کشمیری میڈیا کے مطابق 20 نومبر کو میرحفیظ اللہ کو ان کے گھر میں گھس کر فائرنگ کرکے قتل کردیا گیا۔

  • پاکستان کا افغان امن عمل میں کردار جاری رکھنے کا عندیہ، وزیرِ خارجہ کا دورۂ کابل کا اعلان

    پاکستان کا افغان امن عمل میں کردار جاری رکھنے کا عندیہ، وزیرِ خارجہ کا دورۂ کابل کا اعلان

    ملتان: وفاقی وزیرِ خارجہ شاہ محمود قریشی نے کہا ہے کہ ٹرمپ نے افغانستان میں امن کے لیے پاکستان سے مدد کی گزارش کی ہے، ڈو مور کہنے والوں نے آج مدد مانگی ہے۔

    تفصیلا ت کے مطابق ملتان میں نیوز کانفرنس سے خطاب کرتے ہوئے وزیرِ خارجہ نے کہا کہ وہ 15 دسمبر کو کابل کا دورہ کریں گے، دیرپا امن کے لیے افغان قیادت سے بات چیت ہوگی۔

    [bs-quote quote=”سیاسی اختلافات کے با وجود مسئلہ کشمیر پر سب ایک ہیں، کسی کو مایوس نہیں کریں گے۔” style=”style-7″ align=”left” color=”#dd3333″ author_name=”شاہ محمود قریشی” author_job=”وفاقی وزیرِ خارجہ”][/bs-quote]

    وزیرِ خارجہ نے کہا کہ ٹرمپ نے پاکستان سے گزارش کی افغانستان میں امن کے لیے ہماری مدد کریں، کچھ دنوں بعد کابل جا کر افغان حکام سے ملاقات کروں گا، ہم افغانستان میں امن کے لیے اپنا کردار ادا کرتے رہیں گے۔

    انھوں نے کہا کہ جب میں افغانستان گیا تو وہاں دیکھا گندم کا قحط ہے، ہمارے پاس گندم بہت زیادہ ہے اس لیے افغانستان کو تحفے میں دے دی۔

    شاہ محمود قریشی نے کہا کہ مسئلہ کشمیر پر پوری قوم متحد ہے، سیاسی اختلافات کے با وجود مسئلہ کشمیر پر سب ایک ہیں، کسی کو مایوس نہیں کریں گے، مسئلہ کشمیر پر تمام سیاسی جماعتوں سے بات کریں گے۔

    وزیرِ خارجہ شاہ محمود قریشی نے کہا کہ مقبوضہ کشمیر میں انسانی حقوق کی خلاف ورزیاں ہو رہی ہیں، پاکستان اور بھارت مسئلہ کشمیر پر مل بیٹھ کر مذاکرات کریں۔

    یہ بھی پڑھیں:  ڈومور کا مطالبہ کرنے والے آج افغانستان میں‌ ہماری مدد مانگ رہے ہیں: وزیر اعظم

    شاہ محمود قریشی کا کہنا تھا کہ وزیرِ اعظم وزارتِ خارجہ کی کارکردگی سے مطمئن ہیں، پاکستان کے ایک فیصلے نے کروڑوں سکھوں کے دل بدل دیے، بھارتی ریاست امرتسر میں پاکستان زندہ باد کے نعرے لگے، پاکستان کے خیر سگالی کے پیغام کو پوری دنیا نے سراہا۔

    شاہ محمود نے ملک میں قبل از وقت انتخابات کے سلسلے میں کہا کہ ابھی تو حکومت کو جمعہ جمعہ 8 دن ہوئے ہیں، اس کی نہ ضرورت ہے نہ نوبت آئی ہے۔ فواد چوہدری کے بارے میں کہا کہ وہ فعال طریقے سے اپنا کردار ادا کر رہے ہیں۔

    انھوں نے کہا کہ جنوبی پنجاب صوبے کی ضرورت سے انکار نہیں کیا جا سکتا، یہ پی ٹی آئی کے منشور میں ہے، جب کہ ملتان جنوبی پنجاب کا اہم ترین شہر ہے۔

    شاہ محمود نے کہا ’ماضی کی حکومتوں نے کسانوں کی مشکلات میں اضافہ کیا، بجلی کی قیمت بڑھی ہے لیکن ہم نے کسانوں کے لیے قیمت آدھی کر دی، پچھلے 50 سال سے کوئی ڈیم نہیں بنایا گیا، تجارتی خسارہ بھی ورثے میں ملا، ڈاکٹر کوئی نسخہ دے گا تو مریض کو ٹھیک ہونے میں وقت لگتا ہے، پاکستانی معیشت کو بھی ٹھیک ہونے میں کچھ وقت لگے گا۔‘

  • کشمیر میں بھارت کے قید خانوں کی عالمی سطح پر تحقیقات ہونی چاہیئے: صدر آزاد کشمیر

    کشمیر میں بھارت کے قید خانوں کی عالمی سطح پر تحقیقات ہونی چاہیئے: صدر آزاد کشمیر

    اسلام آباد: صدر آزاد کشمیر سردار مسعود کا کہنا تھا کہ مقبوضہ کشمیر میں 6 ہزار گمنام قبروں کی فرانزک رپورٹ ملنی چاہیئے۔ بھارت کے قید خانوں کی عالمی سطح پر تحقیقات ہونی چاہیئے۔

    تفصیلات کے مطابق صدر آزاد کشمیر سردار مسعود نے کشمیر سے متعلق منعقد ہونے والے سیمینار سے خطاب کرتے ہوئے کہا کہ کرتار پور بارڈر یکطرفہ طور پر کھولا گیا، بھارتی حکومت نے اس فیصلے کا خیر مقدم نہیں کیا۔ سکھوں اور پاکستان نے اس فیصلے کا خیر مقدم کیا۔

    سردار مسعود کا کہنا تھا کہ کشمیر کی تقسیم کے حق میں نہیں، اس قسم کے اقدامات سے بھارت فائدہ اٹھائے گا۔ ’گلگت کو حقوق دیں لیکن خیال رکھیں مسئلہ کشمیر کو نقصان نہ پہنچے‘۔

    انہوں نے کہا کہ مقبوضہ کشمیر میں 6 ہزار گمنام قبروں کی فرانزک رپورٹ ملنی چاہیئے۔ بھارت کے قید خانوں کی عالمی سطح پر تحقیقات ہونی چاہیئے۔ بین الاقوامی ممالک مل کر بھارت پر معاشی پابندیاں لگائیں۔

    صدر آزاد کشمیر کا کہنا تھا کہ بھارت کرتار پور کے جواب میں اعتماد سازی میں پہل کرے۔ مسئلہ کشمیر پر سہ فریقی مذاکرات ہونے چاہئیں، مسئلہ کشمیر بین الاقوامی ذرائع سے حل ہوگا۔ ’مسئلہ کشمیر دہلی یا اسلام آباد کی بنیاد پر حل نہیں ہوگا، بین الاقوامی ایوان کی جانب جائیں‘۔

    کانفرنس میں ترجمان دفتر خارجہ ڈاکٹر فیصل نے بھی خطاب کرتے ہوئے کہا کہ اقوام متحدہ کی انسانی حقوق کونسل نے کشمیر میں مظالم کی تصدیق کی، کشمیری اپنے خون سے تاریخ لکھ رہے ہیں۔

    انہوں نے کہا کہ مقبوضہ کشمیر میں کم ووٹر ٹرن آؤٹ ثابت کرتا ہے لوگ بھارت سے تنگ ہیں، ایسا صرف اس طرح ممکن ہے کہ کسی ملک کے لوگ خود احتجاج کے لیے باہر نکلیں۔

  • کشمیر میں کم ووٹرز ٹرن آؤٹ ثابت کرتا ہے لوگ بھارت سے تنگ ہیں: ترجمان دفتر خارجہ

    کشمیر میں کم ووٹرز ٹرن آؤٹ ثابت کرتا ہے لوگ بھارت سے تنگ ہیں: ترجمان دفتر خارجہ

    اسلام آباد: ترجمان دفتر خارجہ ڈاکٹر فیصل کا کہنا ہے کہ مقبوضہ کشمیر میں کم ووٹر ٹرن آؤٹ ثابت کرتا ہے لوگ بھارت سے تنگ ہیں، اقوام متحدہ کی انسانی حقوق کونسل نے کشمیر میں مظالم کی تصدیق کی ہے۔

    تفصیلات کے مطابق ترجمان دفتر خارجہ ڈاکٹر فیصل نے مسئلہ کشمیر سے متعلق تقریب سے خطاب کرتے ہوئے کہا کہ برطانوی پارلیمنٹ نے بھی مقبوضہ کشمیر میں انسانی حقوق کی خلاف ورزیوں کی تصدیق کی۔ رپورٹس میں بھارتی مظالم کا تفصیل سے ذکر ہے۔

    ترجمان کا کہنا تھا کہ اقوام متحدہ کی انسانی حقوق کونسل نے کشمیر میں مظالم کی تصدیق کی، کشمیری اپنے خون سے تاریخ لکھ رہے ہیں۔

    ڈاکٹر فیصل نے کہا کہ مقبوضہ کشمیر میں کم ووٹر ٹرن آؤٹ ثابت کرتا ہے لوگ بھارت سے تنگ ہیں، ایسا صرف اس طرح ممکن ہے کہ کسی ملک کے لوگ خود احتجاج کے لیے باہر نکلیں۔

    خیال رہے کہ مقبوضہ کشمیر میں گزشتہ کئی روز سے بھارتی فوج کی بربریت جاری ہے جس سے کئی کشمیری شہید ہوچکے ہیں۔

    اس سے قبل دفتر خارجہ نے کہا تھا کہ کشمیر میں بھارتی مظالم حد سے تجاوز کر گئے ہیں، بھارتی مظالم کو اقوام متحدہ بھی نظر انداز نہیں کرسکتا۔

    ترجمان نے کہا تھا کہ جنوبی ایشیا میں امن کے راستے کشمیر سے ہو کر جاتے ہیں، بھارت نے بنگلور میں ایمنسٹی انٹرنیشنل کا دفتر بند کردیا، ایمنسٹی انٹرنیشنل نے مقبوضہ کشمیر پر رپورٹ جاری کرنا تھی۔

    ڈاکٹر فیصل کے مطابق اقوام متحدہ کے انسانی حقوق کمیشن نے بھارتی مظالم پر رپورٹ جاری کی تھی، عملی طور پر کشمیریوں سے وعدے پورے کریں گے، بھارت نے کشمیر میں ظلم و بربریت کی انتہا کردی ہے۔