Tag: کشمیر

کشمیر: بھارتی فورسز کی اندھادھند فائرنگ، 6 کشمیری شہید

سری نگر: درندہ صفت قابض بھارتی فورسز نے مقبوضہ کشمیر کے ضلع اسلام آباد میں فائرنگ کر کے 6 کشمیریوں کو بے دردی سے شہید کردیا۔

تفصیلات کے مطابق مقبوضہ کشمیر میں قابض بھارتی فورسز کا ظلم و بربریت بڑتا ہی جارہا ہے جس کا واضح ثبوت کشمیر کے ضلع اسلام آباد میں بھارتی فوج کے ہاتھوں بے گناہ کشمیریوں کی شہادت ہے۔

کشمیری میڈیا کا کہنا ہے کہ بھارتی افواج نے ضلع اسلام آباد میں نام نہاد سرچ آپریشن کے نام بہانے سے گھر گھر تلاشی لی اور اسی دوران بے دریغ فائرنگ شروع کردی جس کے باعث 6 کشمیری نوجوان شہید ہوگئے۔

کشمیر میڈیا سروس کا کہنا تھا کہ بھارتی فورسز نے فائرنگ کے بعد رہائشی گھروں کو بھی تباہ کیا ہے۔

کشمیری میڈیا سروس کا کہنا ہے کہ ظالم بھارتی فوج کی جانب سے کشمیری نوجوانوں کی شہادت کے بعد علاقے میں غیراعلانیہ کرفیو نافذ کردیا گیا ہے، جبکہ انٹرنیٹ اور موبائل فون سروس بھی بند کردی گئی ہے۔

میڈیا ذرائع کہنا ہے کہ چھ افراد کی بہمانہ شہادت کے افسوس ناک واقعے کے بعد کشمیر کی غیور عوام نے بڑی تعداد میں قابض افواج کے مظالم کے خلاف شدید احتجاج کیا جس پر بھارتی فورسز نے بے دریغ فائرنگ اور شیلنگ کی جس کی زد میں آکر متعدد کشمیری زخمی ہوگئے۔

میڈیا ذرائع کا کہنا ہے کہ بھارتی فورسز کی جانب سے ضلع اسلام آباد کے ساتھ ساتھ شوپیاں، پنجورہ اور گگلارو میں بھی نام نہاد سرچ آپریشن جاری ہے۔

مزید پڑھیں : مقبوضہ کشمیرمیں بھارتی فوج کی فائرنگ‘ 4 کشمیری شہید

یاد رہے کہ دو روز قبل مقبوضہ کشمیر کے ضلع شوپیاں میں قابض بھارتی فورسز نے سرچ آپریشن کے دوران 4 کشمیری نوجوانوں کو شہید کیا تھا۔

نومبر 23, 2018
بیرونی تسلط میں جکڑے لوگوں کوباورکروایا کہ وہ بے یارومددگارنہیں‘ ملیحہ لودھی

نیویارک : اقوام متحدہ میں پاکستان کی مستقل مندوب ملیحہ لودھی نے کہا کہ کشمیر، فلسطین میں حق خودارادیت کے لیے جدوجہد کوتقویت ملے گی۔

تفصیلات کے مطابق اقوام متحدہ کی جنرل اسمبلی کی تیسری کمیٹی میں پاکستان کی حق خودارادیت کی حمایت میں پیش کردہ قرارداد اتقاق رائے سے منظور ہوگئی۔

جنرل اسمبلی میں 83 ممالک نے پاکستان کے ساتھ قرارداد کو پیش کیا جوریکارڈ ہے۔

اس موقع پرپاکستانی سفیر نے جنرل اسمبلی میں خطاب کرتے ہوئے کہا کہ حق خودارادیت کوترویج دینا اقوام متحدہ کی اساس میں شامل ہے۔

ملیحہ لودھی نے کہا کہ کشمیر، فلسطین میں حق خودارادیت کے لیے جدوجہد کوتقویت ملے گی، بڑی تعداد میں ممالک نے پاکستان کی پیش کردہ قراردا کا ساتھ دیا۔

انہوں نے کہا کہ قرارداد پاکستان کی حق خودارادیت کی تاریخی اور اصولی حمایت پراظہاراعتماد ہے، قرارداد حق خودارادیت کی عالمگیریت پر زور دیتی ہے۔

پاکستانی سفیر نے کہا کہ قرارداد مقبوضہ علاقوں کی آزادی کی سفارش کرتی ہے، بیرونی تسلط میں جکڑے لوگوں کوباورکروایا کہ وہ بے یارو مددگارنہیں۔

ہم اجتماعیت کےفروغ سے ہی عالمی مسائل کاحل ڈھونڈ سکتے ہیں‘ ملیحہ لودھی

یاد رہے کہ گزشتہ ہفتے ملیحہ لودھی کا کہنا تھا کہ فعال اورمضبوط اقوام متحدہ عالمی امن اور استحکام کے لیے ناگزیرہے، ہم اجتماعیت کے فروغ سے ہی عالمی مسائل کا حل ڈھونڈ سکتے ہیں۔

نومبر 20, 2018
کشمیریوں کی جدوجہد کو فوجی طاقت سے نہیں دبایا جا سکتا، علی امین گنڈا پور

اسلام آباد: وزیر امورِ کشمیر علی امین گنڈا پور نے مقبوضہ کشمیر میں بھارتی پُر تشدد کارروائیوں کی مذمت کرتے ہوئے کہا ہے کہ کشمیریوں کی جدوجہد کو فوجی طاقت سے نہیں دبایا جا سکتا۔

علی امین گنڈا پور نے کہا کہ کشمیری نوجوانوں کے قتل عام میں روز بہ روز اضافہ ہو رہا ہے، تاہم کشمیری نوجوان حقِ خود ارادیت کے لیے پُر عزم ہیں۔

[bs-quote quote=”کشمیریوں کی اخلاقی، سفارتی اور سیاسی حمایت جاری رکھی جائے گی۔” style=”style-7″ align=”left” color=”#dd3333″ author_job=”علی امین گنڈا پور”][/bs-quote]

وزیر امورِ کشمیر کا کہنا تھا کہ کشمیریوں کی پُر امن جدوجہد کو زبردست تقویت مل رہی ہے، کشمیریوں کی جدوجہد کو فوجی طاقت سے نہیں دبایا جا سکتا۔

علی امین گنڈا پور نے کہا کہ عالمی برادری اور بھارت کو کشمیریوں کو ان کا حقِ خود ارادیت دینا ہوگا، ہم نہتے کشمیریوں کی جدوجہد کو دبانے کے لیے بھارتی پُر تشدد کارروائیوں کی مذمت کرتے ہیں۔

انھوں نے اس عزم کا اظہار کیا کہ پاکستان کشمیری بھائیوں کی عالمی فورمز پر بھرپور ترجمانی جاری رکھے گا، کشمیریوں کی اخلاقی، سفارتی اور سیاسی حمایت جاری رکھی جائے گی۔

یہ بھی پڑھیں: مقبوضہ کشمیرمیں بھارتی فوج کی فائرنگ‘ 2 کشمیری نوجوان شہید

واضح رہے کہ آج پھر کشمیر پر قابض بھارتی فورسز نے شوپیاں میں سرچ آپریشن کے دوران فائرنگ کر کے دو نہتے کشمیری نوجوانوں کو شہید کر دیا ہے جس کے بعد علاقے میں غیر اعلانیہ کرفیو بھی نافذ کیا گیا اور اپنے مظالم کو چھپانے کے لیے انٹرنیٹ اور موبائل فون سروس بھی بند کی گئی۔

نومبر 18, 2018
بھارتی میڈیا نے بیان توڑ مروڑ کر پیش کیا، کشمیریوں کو ان کا حق ملنا چاہیے: شاہد آفریدی

کراچی: پاکستان کرکٹ ٹیم کے سابق کپتان شاہد آفریدی کا کشمیر سے متعلق بیان پر مؤقف آ گیا، آفریدی نے ٹویٹ میں لکھا کہ بھارتی میڈیا نے بیان توڑ مروڑ کر پیش کیا۔

تفصیلات کے مطابق پاکستان ٹیم کے سابق آل راؤنڈر شاہد خان آفریدی نے کشمیر سے متعلق اپنے بیان پر کہا ہے کہ بھارتی میڈیا نے ان کا بیان توڑ مروڑ کر پیش کیا ہے۔

[bs-quote quote=”انسانیت کے ناطے کشمیر کو اس کا حق ملنا چاہیے۔” style=”style-7″ align=”left” color=”#dd3333″ author_name=”شاہد خان آفریدی” author_job=”سابق کپتان”][/bs-quote]

شاہد آفریدی نے کہا کہ انھیں پاکستان سے محبت ہے اور وہ کشمیریوں کی جدوجہد کا احترام کرتے ہیں، انسانیت کے ناطے کشمیر کو اس کا حق ملنا چاہیے۔

جارحانہ بیٹنگ کے لیے مشہور بلے باز شاہد آفریدی نے ایک اور ٹویٹ میں لکھا کہ منظرِ عام پر آنے والی ان کی ویڈیو نا مکمل اور سیاق و سباق سے ہٹ کر ہے۔

My clip is incomplete & out of context as what I said before that is missing.Kashmir is unresolved dispute & under brutal Indian occupation. It must be resolved as per UN resolution. Myself along with every Pakistani support Kashmiri freedom struggle. Kashmir belongs to Pakistan.

— Shahid Afridi (@SAfridiOfficial) November 14, 2018

انھوں نے لکھا کہ جو باتیں انھوں نے پہلے کہیں وہ اس ویڈیو میں موجود نہیں ہیں، کشمیر ایک متنازع مسئلہ ہے جس پر بھارت کا قبضہ ہے۔

یہ بھی پڑھیں: ابھرتی ہوئی نوجوان خاتون کھلاڑی ’آفریدی‘ بننے کی خواہش مند

بوم بوم نےمزید لکھا کہ کشمیر کو اقوامِ متحدہ کی قراردادوں کے مطابق حل ہونا چاہیے۔ مجھ سمیت تمام پاکستانی آزادیٔ کشمیر کی جدوجہد کی حمایت کرتے ہیں۔ کشمیر پاکستان سے ہے۔

واضح رہے کہ شاہد آفریدی کی ایک نا مکمل ویڈیو میں کشمیر سے متعلق ان کا ایک بیان متنازع صورت اختیار کر گیا تھا جس پر انھوں نے اپنا مؤقف جاری کیا۔

نومبر 14, 2018
کشمیر میں بھارتی فورسز کی فائرنگ، مزید 1 نوجوان شہید

سری نگر : بھارتی فورسز کی مقبوضہ وادی کے ضلع کپواڑہ میں سرچ آپریشن کے دوران فائرنگ کرکے ایک کشمیری نوجوان کو شہید کردیا۔

تفصیلات کے مطابق مقبوضہ کشمیر میں بھارت کی ریاستی دہشت گردی کا سلسلہ رکنے کا نام نہیں لے رہا، کشمیری خواتین و مردوں پر ہر گزرتے دن کے ساتھ بھارت کے بڑھتے ہوئے مظالم برداشت کررہے ہیں۔

کشمیری میڈیا سروس کا کہنا ہے کہ بھارتی فورسز نے مقبوضہ وادی کے ضلع کپواڑہ کے علاقے ہند واڑہ کا محاصرہ کرکے گھر گھر نام نہاد آپریشن کے نام پر مزید 1 کشمیری کو شہید کر دیا۔

کشمیری میڈیا کا کہنا ہے کہ مقبوضہ وادی میں قابض ظالم بھارتی فوج کی جانب سے سوپور سمیت کئی علاقوں میں پابندیاں عائد کرکے کرفیو نافذ کردیا گیا ہے، جبکہ متاثرہ علاقوں میں تعلیمی ادارے، انٹرنیٹ اور موبائل فون سروس بھی بند کردی گئی ہے۔

کشمیری خبر رساں ادارے کا کہنا تھا کہ بھارتی فورسز کی ریاستی دہشت گردی کی زد میں آکر رواں برس اکتوبر میں 39 کشمیری شہری شہید ہوئے ہیں۔

مزید پڑھیں : سری نگر: بڈگام میں بھارتی فورسز کی فائرنگ، 2 کشمیری نوجوان شہید

یاد رہے کہ گذشتہ روز بھارتی فورسز کی مقبوضہ وادی کے ضلع بڈگام میں سرچ آپریشن کے دوران فائرنگ سے مزید 2 کشمیری نوجوان شہید ہوگئے۔

مزید پڑھیں : بھارتی فوج کی فائرنگ سے 8 کشمیری نوجوان شہید، درجنوں زخمی

یاد رہے کہ 21 اکتوبر کو بھارتی فورسز نے دہشت گردانہ کارروائیوں اور ظلم و بربریت کے نتیجے میں وادی کشمیر میں 5 ماہ حاملہ خاتون شہید ہوئی تھی۔

مزید پڑھیں : مقبوضہ کشمیر میں بھارتی فوج کی فائرنگ‘ 2 کشمیری شہید

خیال رہے کہ کچھ روز قبل قابض بھارتی فورسز نے مقبوضہ کشمیر کے علاقے سری نگر میں فائرنگ کرکے 2 کشمیریوں کو شہید کردیا۔

واضح رہے کہ مقبوضہ کشمیر میں بھارتی فوج آزادی کی آواز کو دبانے کے لیے مختلف ہتھکنڈے استعمال کررہی ہے اور اب تک ہزاروں کشمیری شہید اور زخمی ہوچکے ہیں۔

نومبر 2, 2018
کشمیرمیں انسانی حقوق کی خلاف ورزیوں پرعالمی برادری فوری ایکشن لے‘ ملیحہ لودھی

نیویارک : اقوام متحدہ میں پاکستان کی مستقل مندوب ملیحہ لودھی کا کہنا ہے کہ کشمیرمیں بدترین انسانی حقوق کی پامالیاں انسانیت کے ضمیرپردھبہ ہیں۔

تفصیلات کے مطابق اقوام متحدہ میں پاکستانی مندوب ملیحہ لودھی نے کہا کہ کشمیرمیں انسانی حقوق کی خلاف ورزیوں پرعالمی برادری فوری ایکشن لے۔

پاکستانی سفیر نے کہا کہ بھارت مسلسل کشمیریوں کوان کے حق خودارادیت سے محروم رکھے ہوئے ہے۔

ملیحہ لودھی نے اقوام متحدہ میں انسانی حقو ق سے متعلق کمیٹی میں خطاب کرتے ہوئے کہا کہ یواین مشن رپورٹ نے بھارتی مظالم کا پردہ چاک کردیا۔

انہوں نے کہا کہ کشمیرمیں بدترین انسانی حقوق کی پامالیاں انسانیت کے ضمیرپردھبہ ہیں۔

بھارت مقبوضہ کشمیرمیں بلا روک ٹوک انسانی حقوق پامال کررہا ہے‘ ملیحہ لودھی

یاد رہے کہ رواں ماہ 9 اکتوبرکو پاکستانی سفیر کا کہنا تھا کہ مقبوضہ کشمیرمیں منظم اندازمیں بنیادی حقوق کی خلاف ورزیاں جاری ہیں، بھارت مقبوضہ کشمیرمیں بلا روک ٹوک انسانی حقوق پامال کررہا ہے۔

پاکستان سفیرکا کہنا تھا کہ سیکیورٹی کونسل ایجنڈے پرکشمیرسب سے پرانا تصفیہ طلب مسئلہ ہے، مقبوضہ کشمیر پراقوام متحدہ کی قراردادوں پرتاحال عمل نہ ہونا افسوس ناک ہے۔

اقوامِ متحدہ میں پاکستانی سفیر ملیحہ لودھی کا کہنا تھا کہ مسئلہ کشمیرکے حل کے لیے عالمی برادری ٹھوس، بامعنی اقدامات کرے۔

اکتوبر 30, 2018
قومی اسمبلی: مقبوضہ کشمیرمیں بھارتی مظالم کے خلاف قرارداد منظور

اسلام آباد:‌ قومی اسمبلی نے مقبوضہ کشمیر میں بھارتی مظالم کے خلاف قرارداد منظور کر لی.

تفصیلات کے مطابق آج قومی اسمبلی میں بھارتی دہشت گردی کے خلاف قرارداد پیش کی گئی، جس میں‌ مقبوضہ وادی میں‌ بھارتی شدت پسندانہ کارروائیوں کی پرزور مذمت کی گئی.

[bs-quote quote=” مقبوضہ کشمیرمیں ڈھونگ انتخابات کو مسترد کرتے ہیں” style=”style-7″ align=”left” author_name=”قرارداد کا متن”][/bs-quote]

قرارداد وزیر امور کشمیرعلی امین گنڈاپور نے پیش کی، قرارداد میں مقبوضہ کشمیرمیں ڈھونگ انتخابات کو مسترد کرتے ہوئے مطالبہ کیا گیا کہ عالمی برداری انسانی حقوق کی خلاف ورزیوں پرکمیشن قائم کرے.

یاد رہے کہ 27 اکتوبر مقبوضہ کشمیر میں بھارتی غاصبانہ قبضے کے 71 سال مکمل ہونے پریوم سیاہ منایا گیا، وادی میں احتجاجی ریلیاں نکالی گئیں اور شدید مظاہرے کیے گئے.

مزید پڑھیں: جب تک کشمیر آزاد نہیں ہوجاتا، جماعت اسلامی آرام سے نہیں بیٹھے گی: سراج الحق

یوم سیاہ کشمیر پر اپنے پیغام میں وزیر اعظم نے کہا کہ تھا 27 اکتوبر مغربی ایشیا کی تاریخ کا المناک ترین دن تھا، بھارت اقوام متحدہ کی قرار دادوں کے برعکس 7 دہائیوں سے کشمیر پر قابض ہے۔

صدر پاکستان ڈاکٹرعارف علوی نے اپنے پیغام میں کہا کہ کشمیریوں کی جدوجہد آزادی کو طاقت کے ذریعے نہیں دبا سکتا، پاکستان کشمیریوں کی اخلاقی، سفارتی اورسیاسی حمایت جاری رکھے گا۔

اکتوبر 29, 2018
نوازشریف، زرداری، فضل الرحمان ٹھگوں کا ٹولہ ہے: فواد چوہدری

جہلم: وزیراطلاعات فواد چوہدری نے کہا ہے کہ کشمیریوں کے یوم سیاہ کو متنازع بنانے کے لئے اسرائیلی طیارے کا شوشہ چھوڑا گیا.

ان خیالات کا اظہار انھوں نے جہلم نے پریس کانفرنس کرتے ہوئے کیا. ان کا کہنا تھا کہ کشمیربہت جلد بھارت سے آزادی حاصل کر لے گا، اب زیادہ دیرتک کشمیری یوم سیاہ نہیں منائیں گے، ہم اپنے بہن بھائیوں کے ساتھ ہیں.

[bs-quote quote=”
کشمیریوں کے یوم سیاہ کو متنازع بنانے کے لئے اسرائیلی طیارے کا شوشہ چھوڑا گیا” style=”style-7″ align=”left” author_name=”فواد چوہدری”][/bs-quote]

ان کا کہنا تھا کہ بھارت اوراسرائیل آپس میں پارٹنرہیں، کشمیریوں کے یوم سیاہ اور پاک فوج کومتنازع بنانے کے لئے یہ خبر پھیلائی گئی.

ان کا کہنا تھا کہ اپوزیشن کے پاس اس وقت نہ تو لیڈرشپ اورنہ نظریہ ہے، نوازشریف، زرداری، فضل الرحمان ٹھگوں کا ٹولہ ہے، نوازشریف کا بیان کبھی بھارت کے خلاف نہیں آئے گا، کیوں کہ اس طرح ومودی ناراض ہو جائیں گے.

انھوں نے مزید کہا کہ اپوزیشن یہی چاہتی ہے کہ ان کے مقدمات بند کر دیے جائیں، مگر ہم کسی کواین آرا نہیں دیں گے، نواز،زرداری اورمولاناکی سیاست ختم ہوچکی ہے.

مزید پڑھیں: پچاس سے زیادہ لوگ جیل جائیں گے، وزیر اطلاعات فواد چوہدری

انھوں نے مزید کہا کہ عمران خان اپنے لیے نہیں، اپنے قوم کے بچوں‌کے لیے دوست ممالک سے پیسے مانگ رہے تھے.

ملک سےاربوں روپےلوٹ کرباہرمنتقل کیےگئے، لگ بھگ 24ہزارارب لوٹ باہرمنتقل ہوئے، اگرہم نےان کااحتساب نہ کیاتوملک کانقصان ہوگا۔

اکتوبر 27, 2018
جب تک کشمیر آزاد نہیں ہوجاتا، جماعت اسلامی آرام سے نہیں بیٹھے گی: سراج الحق

اسلام آباد: امیر جماعت اسلامی سراج الحق نے کہا ہے کہ کشمیرکے مسلمانوں نے قربانیوں کی لازوال داستانیں رقم کی ہیں.

ان خیالات کا اظہار انھوں نے کشمیر مارچ سے خطاب کرتے ہوئے کیا. ان کا کہنا تھا کہ آج کشمیرمارچ سے بھارت کو واضح پیغام دے دیا گیا ہے.

امیرجماعت اسلامی سراج الحق نے کہا کہ بھارت پر واضح ہوگیا کہ پاکستانی قوم کشمیریوں کی پشت پرکھڑی ہے. کشمیرکی آزادی تک ہم جدوجہدجاری رکھیں گے.

سراج الحق کا کہنا تھا کہ جب تک کشمیرآزادنہیں ہوجاتاجماعت اسلامی آرام سے نہیں بیٹھے گی، خون بہنے کے باوجود کشمیری جدوجہد کے لیے ڈٹے ہیں، پاکستانی عوام کشمیریوں کے ساتھ ہیں.

واضح رہے کہ مقبوضہ کشمیر پر بھارتی قبضے کے 71 سال مکمل ہوچکے ہیں.

مزید پڑھیں: آج کے دن بھارت نے کشمیریوں کے بنیادی حقوق سلب کیے‘ وزیراعظم

یوم سیاہ کشمیر پر اپنے پیغام میں وزیر اعظم نے کہا کہ 27 اکتوبر مغربی ایشیا کی تاریخ کا المناک ترین دن تھا، بھارت اقوام متحدہ کی قرار دادوں کے برعکس 7 دہائیوں سے کشمیر پر قابض ہے۔

صدر پاکستان ڈاکٹرعارف علوی نے اپنے پیغام میں کہا ہے کہ کشمیریوں کی جدوجہد آزادی کو طاقت کے ذریعے نہیں دبا سکتا، پاکستان کشمیریوں کی اخلاقی، سفارتی اورسیاسی حمایت جاری رکھے گا۔

اکتوبر 27, 2018
مقبوضہ کشمیر پر بھارتی قبضے کے 71سال مکمل ، سیاسی رہنماؤں کی کشمیریوں سے اظہار یکجہتی

اسلام آباد : مقبوضہ کشمیر پر بھارت کے غاصبانہ قبضے کو آج 71 سال مکمل ہوگئے، پاکستانی قیادت ہر فورم پر مسئلہ کشمیر اجاگر کرتی رہی ہے، اس موقع پر سیاسی رہنماؤں کی جانب سے کشمیری عوام سے اظہار یکجہتی کرتے ہوئے ظلم و تشدد کی مذمت کی گئی۔

تفصیلات کے مطابق مقبوضہ کشمیر میں بھارت کےغاصبانہ قبضے کے خلاف پاکستان سمیت دنیا بھرمیں کشمیری آج یوم سیاہ منا رہے ہیں، یوم سیاہ منانے کا مقصد کشمیریوں پر بھارتی فوج کے وحشیانہ مظالم سے دنیا کو آگاہ کرنا اور بھارتی مظالم کے خلاف احتجاج کرنا ہے۔

یوم سیاہ زیادہ عرصےنہیں منایاجائےگا،جلدیوم آزادی منایاجائےگا، فواد چوہدری

مقبوضہ کشمیرمیں بھارتی تسلط کے 71 سال پورے ہونے پر وزیراطلاعات فواد چوہدری نے پیغام میں کہا کہ یوم سیاہ زیادہ عرصےنہیں منایاجائےگا،جلدیوم آزادی منایاجائےگا، کشمیر کی جدوجہد پر پاکستان خراج تحسین پیش کرتا ہے، پاکستان کے لوگ کشمیریوں کے ساتھ کھڑے ہیں۔

فواد چوہدری کا کہنا تھا کہ آج کے دن بھارت نےاہل کشمیرکوغلام بنانےکی کوشش کی، بھارت ریاستی عوام کی مرضی کےبغیرکشمیرمیں فوج داخل کی۔

بھارت نے کشمیری عوام پر ظلم و ستم کی داستان رقم کی ہے، وزیراعلیٰ خیبر پختونخوامحمود خان

یوم سیاہ کشمیر پروزیراعلیٰ خیبر پختونخوامحمود خان نے پیغام میں کہا بھارت نے کشمیری عوام پر ظلم و ستم کی داستان رقم کی ہے، کشمیری عوام پر ظلم و تشدد کی بھر پور مذمت کرتے ہیں۔

محمود خان کا کہنا تھا کہ کشمیریوں کی حق خود ارادیت کی حمایت کرتے ہیں، اقوام عالم مقبوضہ کشمیرکےمظلوم عوام کی آواز بنیں۔

مقبوضہ کشمیر کے عوام کو بدترین ظلم کا نشانہ بنایاجارہا ہے، امین علی گنڈا پور

وفاقی وزیرامورکشمیر علی امین گنڈاپور نے یوم سیاہ کشمیر پر اپنے بیان میں کہا 27اکتوبرکوبھارت نےعالمی قوانین کی خلاف ورزی کی، مقبوضہ کشمیر کے عوام کو بدترین ظلم کا نشانہ بنایاجارہا ہے، اقوام متحدہ نے مقبوضہ کشمیرمیں انسانی حقوق کی خلاف ورزی کی تصدیق کی۔

بھارتی فوج کشمیریوں کو بے رحمی سے قتل کررہی ہے، وزیراعلی بلوچستان

مقبوضہ کشمیر میں یوم سیاہ پر وزیراعلیٰ بلوچستان نے اپنے پیغام میں کہا حق خود ارادیت دینے سے ہی مسئلہ کشمیر حل کیا جاسکتا ہے، بھارتی فوج کشمیریوں کو بے رحمی سے قتل کررہی ہے، کشمیر کی جدوجہد آزادی فیصلہ کن مرحلے میں داخل ہوچکی ہے۔

لاکھوں کشمیریوں کی قربانیاں رائیگاں نہیں جائیں گی، عبدالعلیم خان

مقبوضہ کشمیر میں یوم سیاہ پر سینئر وزیر پنجاب عبدالعلیم خان نے کہا کشمیر پر بھارتی جبر و استبداد ہر لحاظ سے قابل مذمت ہے، لاکھوں کشمیریوں کی قربانیاں رائیگاں نہیں جائیں گی، بھارت ہوش کےناخن لے،انسانی حقوق کی پاسداری کرنی ہوگی۔

یقین ہے کہ ایک دن کشمیر بھارت کےقبضے سے آزاد ہوگا، آصف زرداری

مقبوضہ کشمیر میں بھارتی تسلط کے 71سال پورے ہونے پیپلز پارٹی کے شریک چیئرمین اور سابق صدر آصف زرداری کا کہنا ہے کہ بھارت سےآزادی کشمیریوں کا حق ہے، یقین ہے کہ ایک دن کشمیر بھارت کےقبضے سے آزاد ہوگا، بھارت کے قبضے سے کشمیر کی آزادی بھٹو شہید کا مشن ہے۔

اکتوبر 27, 2018