ARYNews.tv | Urdu – Har Lamha Bakhabar

Tag: کشمیر

  • پی ٹی آئی مقبوضہ کشمیر میں مظالم کے خلاف ہر فورم پر آواز اٹھائے گی: عمران خان

    پی ٹی آئی مقبوضہ کشمیر میں مظالم کے خلاف ہر فورم پر آواز اٹھائے گی: عمران خان

    اسلام آباد: پاکستان تحریک انصاف کے چیئرمین عمران خان نے کہا ہے کہ پی ٹی آئی مقبوضہ کشمیر میں مظالم کے خلاف ہر فورم پر آواز اٹھائے گی.

    ان خیالات کا اظہار انھوں‌ نے صدر پی ٹی آئی آزاد کشمیر بیرسٹرسلطان محمود سے ملاقات کے موقع پر کیا، ان کا کہنا تھا کہ انسانی حقوق کی رپورٹ سے بھارت کا اصل چہرہ بے نقاب ہوگیا.

    پی ٹی آئی کے چیئرمین نے کہا کہ مقبوضہ کشمیر میں مظالم کے خلاف انسانی حقوق کی رپورٹ نے سب عیاں‌ کر دیا، اب دنیا کی آنکھیں کھلنی چاہییں.

    اس موقع پر بیرسٹرسلطان محمود نے مقبوضہ کشمیرمیں بڑھتے مظالم پربریفنگ دی، عمران خان کا کہنا تھا کہ مقبوضہ کشمیر میں گورنرراج سے مظالم میں مزید اضافہ ہوگا.

    ملاقات میں عمران خان نے کشمیرسے متعلق سلطان محمود کو مکمل پارٹی اختیارت دے دیے، عمران خان نے سلطان محمود چوہدری کو الیکشن مہم کا ممبربھی منتخب کیا.

    اس موقع پر برطانیہ میں مقیم پی ٹی آئی کشمیری کارکنان کی جانب سے پارٹی کے لیے 50 لاکھ کا چیک پیش کیا گیا.

    یاد رہے کہ اس وقت مقبوضہ کشمیر میں قابض بھارتی فوجیوں کے مظالم عروج پر ہیں۔ گذشتہ دونوں رائزنگ کشمیر کے ایڈیٹر شجاعت بخاری کو سرینگر میں فائرنگ کرکے قتل کردیا گیا تھا۔

    دنیا بھر کی صحافتی تنظیموں نے اس واقعہ پر کشمیر پر قابض بھارتی فوج کی پالیسوں‌ کو شدید تنقید کا نشانہ بنایا گیا تھا.

    سری نگر میں رائزنگ کشمیر کے ایڈیٹر شجاعت بخاری کو قتل کردیا گیا

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • بھارت کی ریاستی دہشت گردی جاری، مزید 5 کشمیری شہید، درجنوں زخمی

    بھارت کی ریاستی دہشت گردی جاری، مزید 5 کشمیری شہید، درجنوں زخمی

    سری نگر : مقبوضہ کشمیر میں بھارتی فوج کی سرچ آپریشن کے دوران فائرنگ سے مزید 5 کشمیری شہید جبکہ درجنوں زخمی ہوگئے، 5 افراد کی شہادت پر ضلع اننت ناگ میں صورتحال کشیدہ ہوگئی۔

    تفصیلات کے مطابق مقبوضہ کشمیر میں قابض ہندوستانی فوج کی ظلم و بربریت کا سلسلہ نہ رک سکا، ضلع اننت ناگ میں سرچ آپریشن کے دوران رہائشی آبادی میں اندھا دھند فائرنگ کرکے 5 کشمیروں کو شہید جبکہ خاتون سمیت کئی افراد کو زخمی کردیا۔

    خبر رساں اداروں کی رپورٹس میں بتایا ہے کہ مقبوضہ کشمیر میں تعینات ہندوستانی افواج نے بھارتی مظالم کے خلاف احتجاج کرنے والے مظاہرین پر آنسو گیس کی شلینگ اور پیلٹ گنوں سے فائر بھی ہیں۔

    میڈیا رپورٹس کے مطابق کشمیر میں قابض بھارتی فوج ضلع اننت ناگ میں سرچ آپریشن کے دوران متعدد گھروں کو بھی توڑنے کی کوشش کی ہے۔

    بھارتی افواج کی فائرنگ سے شہید ہونے والے 5 کشمیریوں کی شہادت پر شہریوں کی جانب سے بھارتی مظالم کے خلاف مظاہروں میں مزید شدت آگئی ہے جس کے بعد ضلع اننت ناگ میں صورتحال کشیدہ ہوگئی ہے۔

    کشمیر میں حاکم بھارت کی کٹھ پتلی حکومت کی جانب سے سری نگر اور ضلع اننت ناگ کے لیے شہریوں کے لیے انٹر نیٹ سروس معطل کردی ہے۔

    یاد رہے کہ چند روز قبل بھارت کے ریاستی دہشت گردوں باندی پورہ میں 2 کشمیریوں کو سرچ آپریشن کے دوران شہید کیا تھا، جبکہ باندی پورہ اور قریبی علاقوں میں انٹرنیٹ اور موبائل سروس بھی بند کردی تھی۔

    خیال رہے کہ عیدالفطر کے پہلے روز بھی بھارتی فورسز نے فائرنگ کرکے دو کشمیریوں کو شہید کردیا تھا، دونوں نوجوانوں کو سرچ آپریشن کے بہانے گھر سے لے جایا گیا تھا۔

    واضح رہے کہ وادی میں عیدالفطر کی نماز کے بعد بھارت مخالف مظاہرے کئے گئے جس میں مظاہرین نے پاکستان کے حق میں نعرے لگائے اور پاکستانی جھنڈے لہرائے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • مقبوضہ کشمیر سات دہائیوں سے بدترین انسانی حقوق کی خلاف ورزیوں کا شکار ہے: اقوام متحدہ

    مقبوضہ کشمیر سات دہائیوں سے بدترین انسانی حقوق کی خلاف ورزیوں کا شکار ہے: اقوام متحدہ

    نیویارک: اقوام متحدہ نے مقبوضہ کشمیر سے متعلق تفصیلی رپورٹ جاری کی ہے، جس میں انسانی حقوق کی خلاف ورزیاں ختم کرنے پر زور دیا گیا ہے.

    تفصیلات کے مطابق اقوام متحدہ کے ہیومن رائٹس آفس کی اپنی نوعیت کی اولین رپورٹ میں‌ موقف اختیار کیا گیا ہے کہ مسئلہ کشمیر تشدد کو روک کر فقط بامعنی مذاکرات کے عمل سے حل ہو سکتا ہے۔

    رپورٹ میں موقف اختیار کیا گیا کہ انسانی حقوق کی سنگین خلاف ورزیوں پرعالمی تحقیقاتی کمیشن بنایا جائے.

    رپورٹ کے مطابق مقبوضہ کشمیر سات دہائیوں سے بدترین انسانی حقوق کی خلاف ورزیوں کا شکار ہے، بھارتی فوج مقبوضہ کشمیرمیں تحمل کا مظاہرہ دکھائے.

    اقوام متحدہ کی رپورٹ کے مطابق مقبوضہ کشمیرمیں عوام پر خطرناک ہتھیار پیلٹ گنز کا استعمال ہورہا ہے، پیلٹ گنز سے جولائی 2016 سے اب تک ہزاروں شہری نابینا ہوئے، جولائی 2016 سے مارچ 2018 تک 145 کشمیری شہید کیے گئے.

    رپورٹ میں‌ دعویٰ‌ کیا گیا کہ مقبوضہ کشمیرمیں گزشتہ 28 سال سے خصوصی آرمڈ فورسزایکٹ نافذ ہے، اب تک کسی بھارتی فوجی پرانسانی حقوق کی خلاف ورزی کا مقدمہ نہیں چل سکا، مقبوضہ کشمیرمیں رائج کالے قوانین غاصب فوجیوں کوفائدہ پہنچا رہے ہیں.

    بھارتی آرمی چیف نے مقبوضہ کشمیر میں ناکامی کا اعتراف کرلیا

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • بھارتی آرمی چیف نے مقبوضہ کشمیر میں ناکامی کا اعتراف کرلیا

    بھارتی آرمی چیف نے مقبوضہ کشمیر میں ناکامی کا اعتراف کرلیا

    نئی دہلی: بھارتی آرمی چیف نے مقبوضہ کشمیر میں ناکامی کا اعتراف کرلیا، جتنے نوجوان مارتے ہیں، ان سے زیادہ تحریکِ آزادی میں شامل ہو جاتے ہیں۔

    بھارتی آرمی چیف جنرل بپن راوت نے دی اکانومک ٹائمز کو انٹرویو دیتے ہوئے کہا کہ وہ مقبوضہ کشمیر کے مسئلے کے حل کے لیے مذاکرات کی حمایت کرتے ہیں، انھوں نے کہا کہ کشمیر میں امن کو ایک موقع دینا چاہیے۔

    انھوں نے کھل کر اعتراف کیا کہ ہم کشمیر میں انھیں مار رہے ہیں اور ان کی تعداد میں مزید اضافہ ہوتا ہے، ان کا اشارہ مقبوضہ کشمیر میں جاری تحریک آزادی کی طرف تھا۔

    بھارتی آرمی چیف نے کہا کہ در اندازی کو تو روکا جاسکتا ہے لیکن مقامی نوجوانوں کو تحریک آزادی میں بھرتی کیے جانے کا سلسلہ دراز ہی ہوتا جارہا ہے، اس لیے امن کو ایک موقع دینا چاہیے اور پھر دیکھتے ہیں کہ کیا ہوتا ہے۔

    بھارت مقبوضہ کشمیر پر غیر قانونی قبضہ ختم کرے: دفتر خارجہ

    مقبوضہ کشمیر میں جیپ کے آگے ایک کشمیری کو باندھ کر چلنے والے واقعے کے حوالے سے انھوں نے کہا کہ اس سلسلے میں انکوائری جاری ہے، اگر جرم ثابت ہوتا ہے تو بھارتی میجر لیتل گوگوئی کو سخت ترین سزا دی جائے گی۔

    مشال ملک کا رد عمل

    دوسری طرف حریت رہنما مشال ملک نے مقبوضہ کشمیر سے متعلق بھارتی آرمی چیف کے بیان پر رد عمل دیتے ہوئے کہا ہے کہ یہ ہماری تحریک کی قوت کا اعتراف ہے۔

    میں اور میرا شوہر کشمیر میں ہونے والے مظالم کی زندہ مثال ہیں، مشال ملک

    مشال ملک نے اپنے بیان میں کہا کہ بھارتی فوج کے سربراہ نے مقبوضہ کشمیر کے معاملے پر ہار مان لی ہے، وہ ہمارے نوجوانوں کی تحریک آزادی کے آگے ہمت ہار گئے ہیں۔

    خاتون کشمیری حریت رہنما کا کہنا تھا کہ بھارتی آرمی چیف نے تحریک آزادی میں شدت کا اعتراف کیا ہے، انھوں نے تسلیم کیا کہ قتل عام سے تحریک زور پکڑ رہی ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • رمضان میں بھی کشمیریوں پر بھارتی فورسز کے مظالم جاری، 6 شہید

    رمضان میں بھی کشمیریوں پر بھارتی فورسز کے مظالم جاری، 6 شہید

    سری نگر: رمضان المبارک میں بھی کشمیر میں بھارتی فورسز کی جارحیت جاری ہے، کپواڑہ میں چھ کشمیریوں کو شہید کردیا گیا۔

    تفصیلات کے مطابق بھارتی فوج کے ظالم سپاہی رمضان کے مقدس مہینے میں بھی نہتے کشمیریوں کا خون بہانے سے باز نہیں آئے، چھ کشمیریوں کی ایک ٹولی پر فائرنگ کھول دی۔

    کشمیر میڈیا کے مطابق بھارتی فوج کی فائرنگ کی زد میں آنے والے کشمیریوں میں سے کوئی زندہ نہیں بچ سکا، مذکورہ کشمیری نہتے تھے۔

    دوسری طرف بھارتی میڈیا مذکورہ کشمیریوں کو در انداز دہشت گرد قرار دینے پر تُلا ہوا ہے، بھارتی میڈیا کے مطابق چھ کشمیری جموں و کشمیر کے ضلع کپواڑہ میں کیرن سیکٹر پر بھارت کی حدود میں داخل ہونے کی کوشش کر رہے تھے۔

    میڈیا کے مطابق بھارتی حکام نے اسے حالیہ مہینوں میں سب سے بڑی در اندازی قرار دیا، جسے بھارتی فوج نے بزعم خود ناکام بنایا، کشمیر میڈیا کے مطابق نہتے کشمیری در انداز نہیں تھے۔

    مقبوضہ کشمیرمیں بھارتی فوج کی ریاستی دہشت گردی ‘ 3 کشمیری نوجوان شہید

    واضح رہے کہ دو دن قبل کیرین سیکٹر میں مجاہدین نے گھات لگا کر ایک بھارتی فوجی کو مار دیا تھا جب کہ دوسرا شدید زخمی ہوگیا تھا، جس کے بعد بھارتی فوج نے علاقے کی سرچنگ شروع کردی تھی۔

    خیال رہے کہ جنگلات سے ڈھکے اس علاقے میں گھات لگائے مجاہدین اور قابض بھارتی فوج کے درمیان آئے دن جھڑپیں ہوتی رہتی ہیں، تاہم آج بھارتی فوجیوں نے نہتے کشمیریوں پر فائر کھول کر غصہ اتارا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • مسئلہ کشمیر کے حل تک نوجوان ہرپلیٹ فارم پر جدوجہد جاری رکھیں گے: سیمینار

    مسئلہ کشمیر کے حل تک نوجوان ہرپلیٹ فارم پر جدوجہد جاری رکھیں گے: سیمینار

    لاہور: کشمیر یوتھ الائنس کے زیرِ اہتمام سماجی کارکنان، میڈیا نمائندگان اور سوشل میڈیا ایکٹیوسٹ نے ایک اجتماع  میں کشمیر کی حالیہ صورتحال، کیمیائی ہتھیاروں کے استعمال، گاڑیوں کے نیچے نوجوانوں کو روندھنے اور گھروں کو آگ لگانے کے واقعات پر سخت تشویش کا اظہار کیا ۔

    تفصیلات کے مطابق مقبوضہ کشمیر میں دہائیوں سے جاری ظلم و جبر اور بر بریت کے خلاف   اپنے کشمیری بھائیوں سے اظہارِ یکجہتی کے لیے  میڈیا اور سوشل میڈیا سے تعلق رکھنے والی اہم شخصیات  نے لاہور میں منعقد ہونے والے سیمینار میں شرکت کرکے  بھارت کو سخت ترین پیغام دیا۔

      لاہور میں منعقدہ تقریب میں تابش قیوم سیکرٹری انفارمیشن ملی مسلم لیگ، اینکرپرسن اسداللہ خان، کشمیر یوتھ الائنس کے بانی ممبران طہ منیب ، رضی طاہر، کاشف ظہیر کمبوہ،ملک سلمان صدر پاکستان فیڈریشن آف کالمسٹ یوتھ ایکٹیوسٹس وجاہت شاہ، راجا ریپ سٹار،بلال اسلم، چوہدری عثمان مختار، فہد شہباز، فیضان اشرف، انیتا الیاس ، سعود احمد، احسن نصیر ، رانا تجمل حسین سیکرٹری جنرل ایم ایس ایم، مظہر علوی صدر عوامی تحریک یوتھ ونگ، اقلیتی برادری کے نمائندگان ارون کمار ، آکاش سنگھ اورفیصل الیاس نے شرکت کی۔

    مقررین نے خطاب کرتے ہوئے کہا کہ میڈیااور سوشل میڈیا کے ذریعے مسئلہ کشمیر کو اجاگر کرنے کیلئے ٹھوس اقدامات اٹھانے ہوں گے۔حکومتی سطح پر اقدامات میں کسی صورت سستی نہیں ہونی چاہیے ، مقبوضہ کشمیر میں اذیت بھری زندگی بسر کرنے والے ہمارے کشمیری بھائیوں کو آزادی کی منزل تک پہنچانا ہر پاکستانی نوجوان کی خواہش ہے۔ کشمیر یوتھ الائنس کے جانب سے قرارداد بھی پیش کی گئی جس میں حکومت سے مطالبہ کیا گیا کہ کشمیر کے حوالے سے خارجہ پالیسی کو مزید مضبوط کیا جائے اور دنیا میں مسئلہ کشمیر کو پیش کرنے کیلئے باصلاحیت نوجوانوں کا انتخاب کیا جائے۔

    کشمیر میں جاری حالیہ بربریت پر شدید تشویش کاا ظہار کرتے ہوئے رہنماؤں نے کہا کہ عالمی اداروں کی رپورٹس چیخ چیخ کر بھارتی بربریت کی گواہی دے رہی ہیں۔ اقوام متحدہ مقبوضہ کشمیر میں کیمیائی ہتھیاروں کے استعمال کا نوٹس لے۔ گزشتہ دنوں نوجوانوں کو گاڑی کے نیچے روندا گیا، گھروں کو آگ لگائی گئی، ایسے واقعات کشمیری عوام کے جذبہ حریت کو کم نہیں کرسکتے، تقریب کے آخر میں کشمیری عوام کی آزادی کے لیے  خصوصی دعاکی گئی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • پہلے کشمیریوں کو جیپ کے آگے باندھ کر گھمایا جاتا تھا، اب سیدھا جیپ چڑھادی جاتی ہے، عمرعبداللہ

    پہلے کشمیریوں کو جیپ کے آگے باندھ کر گھمایا جاتا تھا، اب سیدھا جیپ چڑھادی جاتی ہے، عمرعبداللہ

    سری نگر : کشمیرمیں بھارت کے انسانیت سوزمظالم پرسابق کٹھ پتلی وزیر اعلیٰ عمرعبداللہ نے کہا کہ پہلے کشمیریوں کوجیپ کےآگے باندھ کرگھمایا جاتا تھا،اب سیدھا جیپ چڑھادی جاتی ہے، عمرعبداللہ، کیا یہ ہے نیا ضابطہ کار؟

    تفصیلات کے مطابق جموں وکشمیر کے سابق وزیر اعلیٰ عمرعبداللہ بھارتی مظالم پرچپ نہ رہ سکے، سماجی رابطے کی ویب سائٹ ٹوئٹر پر احتجاج کرتے ہوئے کہا کہ پہلے کشمیریوں کو جیپ کے آگے باندھ کر وادی میں گھمایا جاتا تھا اوراب کشمیری مظاہرین پرسیدھا جیپ چڑھا دی جاتی ہے۔

    عمرعبداللہ نے موجودہ وزیراعلیٰ سے سوال کیا کہ ہےکہ کیایہ ہے انکا نیا ضابطہ کار، سیزفائرکا مطلب بندوق کاعدم استعمال ہوتا ہے،اگر بندوق کا استعمال روکا ہے تو کیا لوگوں کو جیپ سے روندا جائے گا۔

    یاد رہے کہ آج قابض بھارتی فوجیوں نے سری نگرمیں 5 کشمیری نوجوانوں کو جیپ کے ٹائروں کے نیچے کچل دیا، واقعہ سری نگر کےعلاقے نوہٹا میں نماز جمعہ کے بعد پیش آیا۔

    اس سے قبل بھارتی فوج کشمیری نوجوانوں کو  بطور  شیلڈ جیپ کے سامنے باندھ کر وادی میں گھما چکی ہے۔

    خیال رہے کہ بھارتی نے ایک ماہ کے دوران اکتیس کشمیریوں کے خون سے ہاتھ رنگ چکی ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔

  • کشمیراورفلسطین میں جنیوا کنونشن کی خلاف ورزی کی جا رہی ہے‘ ملیحہ لودھی

    کشمیراورفلسطین میں جنیوا کنونشن کی خلاف ورزی کی جا رہی ہے‘ ملیحہ لودھی

    نیویارک : اقوام متحدہ میں پاکستان کی سفیر ملیحہ لودھی کا کہنا ہے کہ کشمیر، فلسطین میں انسانی حقوق کی پامالیوں کی مذمت کرتے ہیں۔

    تفصیلات کے مطابق اقوام متحدہ میں پاکستانی مندوب ملیحہ لودھی نے سلامتی کونسل میں مباحثے سے خطاب کرتے ہوئے کہا کہ کشمیراورفلسطین میں جنیوا کنونشن کی خلاف ورزی کی جا رہی ہے۔

    ملیحہ لودھی نے کہا کہ سلامتی کونسل ایجنڈے پرکشمیر، فلسطین سب سے پرانے تنازعات ہیں۔

    اقوام متحدہ میں پاکستان کی سفیر نے کہا کہ مقبوضہ علاقوں میں شہریوں کا بطورانسانی ڈھال استعمال ہورہا ہے جبکہ سنگین جرائم کے مرتکب افراد کواعزازات سے نوازا جاتا ہے۔

    اسرائیلی فوج کی فائرنگ سے 58 فلسطینی شہید

    خیال رہے کہ رواں ماہ امریکی سفارت خانے کی بیت المقدس منتقلی کے خلاف فلسطینیوں کی احتجاجی ریلی پراسرائیلی فوج کی فائرنگ ست 58 فلسطینی شہید ہوگئے تھے۔

    مشرق وسطیٰ میں امن و استحکام کی خرابی کا باعث اسرائیل ہے‘ملیحہ لودھی

    یاد رہے کہ گزشتہ ہفتے اقوام متحدہ میں پاکستان کی مستقل مندوب ملیحہ لودھی نے ویڈیو پیغام میں بیت المقدس میں اسرائیلی دہشت گردی کی مذمت کرتے ہوئے کہا تھا کہ مشرق وسطیٰ میں اسرائیل کی وجہ سے امن و امان قائم نہیں ہوسکا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • مقبوضہ کشمیراورفلسطین کا مسئلہ اقوام متحدہ کی قراردادوں کےمطابق حل کیا جائے‘ پاکستان

    مقبوضہ کشمیراورفلسطین کا مسئلہ اقوام متحدہ کی قراردادوں کےمطابق حل کیا جائے‘ پاکستان

    اسلام آباد : سیکرٹری خارجہ تہمینہ جنجوعہ کا کہنا ہے کہ فلسطین اور جموں وکشمیر دونوں خطوں کی صورت حال مہذب دنیا کے عالمی ضمیر کوجھنجوڑ رہی ہے۔

    تفصیلات کے مطابق سیکرٹری خارجہ تہمینہ جنجوعہ نے اپنے بیان میں کہا کہ مقبوضہ بیت المقدس میں امریکی سفارت خانے کا افتتاح عالمی قوانین خصوصاََ بیت المقدس کی حیثیت کے بارے میں اقوام متحدہ کی سلامتی کونسل اورجنرل اسمبلی کی قراردادوں کی خلاف ورزی ہے۔

    تہمینہ جنجوعہ نے کہا کہ ہم مسلمانوں کو متحد ہونے کی ضرورت ہے اور اس نازک صورت حال میں ہماری مشترکہ آواز ہی سنی جائے گی۔

    انہوں نے کہا کہ فلسطین اور جموں وکشمیر دونوں خطوں کی صورت حال مہذب دنیا کے عالمی ضمیر کوجھنجوڑ رہی ہے، دونوں خطوں میں نہتے عوام کا قتل عام جاری ہے۔

    سیکرٹری خارجہ نے کہا کہ دونوں خطوں میں عالمی قانونی تقاضے پورے کرنے کے لیے عالمی برادری کو اجتماعیت کا مظاہرہ کرنا چاہیے۔

    تہمینہ جنجوعہ نے کہا کہ لوگوں کے منصفانہ نصب العین، تسلط کے خاتمے اور ذمہ داروں کو انصاف کے کٹہرے میں لانے کے لیے تمام عالمی فورموں پرآواز اٹھانے کی ضرورت پرزوردیا۔

    اقوام متحدہ میں پاکستان نے جموں وکشمیر اور فلسطین کے تنازعات کو سلامتی کونسل کی متعلقہ قراردادوں کے مطابق حل کرنے پرزور دیا ہے۔

    فلسطینیوں کے قتل عام پر اسرائیل کی شدید مذمت کرتے ہیں: ملیحہ لودھی

    خیال رہے کہ 3 روز قبل اقوام متحدہ میں پاکستان کی مستقل مندوب ملیحہ لودھی کا کہنا تھا کہ پاکستان فلسطینیوں سے اظہار یکجہتی کرتا ہے۔ فلسطینیوں کے قتل عام پراسرائیل کی شدید مذمت کرتے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔

  • نریندرمودی کشمیریوں کا قاتل ہے، جنگ بندی فقط ناٹک ہے: وزیر اعظم آزاد کشمیر

    نریندرمودی کشمیریوں کا قاتل ہے، جنگ بندی فقط ناٹک ہے: وزیر اعظم آزاد کشمیر

    مظفر آباد: وزیر اعظم آزاد کشمر فاروق حیدر نے کہا ہے کہ نریندرمودی کشمیریوں کا قاتل ہے، جنگ بندی فقط ناٹک ہے.

    تفصیلات کے مطابق وزیراعظم آزاد کشمیر نے بھارتی فوج کی پالیسیوں‌ پر کڑی تنقید کرتے ہوئے کہ بھارت مقبوضہ کشمیر میں جنگ بندی کاناٹک کررہا ہے.

    [bs-quote quote=” پاکستان کے ساتھ ہمارا دل وجان کا رشتہ ہے، کشمیری بھارت کے جابرانہ قبضے کو تسلیم نہیں کرتے” style=”style-2″ align=”right” author_name=”وزیر اعظم آزاد کشمیر”][/bs-quote]

    یاد رہے کہ آج بھارتی وزیر اعظم نریندر مودی نے مقبوضہ کشمیر کا دورہ کیا تھا، دورے کے موقع پر وادی میں‌ مکمل ہڑتال رہی، حریت قیادت نے عوام سے سری نگر کے لال چوک تک احتجاجی مارچ کی اپیل کی تھی، جس کے بعد بھارتی فورسز نے لال چوک سیل کردیا.

    وزیراعظم آزاد کشمیر نے اس دورے پر تنقید کرتے ہوئے کہا کہ نریندر مودی فوجی حصارمیں نہ آتے، تو کشمیری انھیں جوتے مارتے.

    ان کا کہنا تھا کہ پاکستان کے ساتھ ہمارا دل وجان کا رشتہ ہے، کشمیری بھارت کے جابرانہ قبضے کو تسلیم نہیں کرتے. فاروق حیدر کا کہنا تھا کہ بھارتی فوج نے کشمیریوں پرقیامت ڈھا رکھی ہے، بھارت مقبوضہ کشمیر میں جنگ بندی کا دھوکا دے رہا ہے، مودی کی ایما پر کشمیریوں کی نسل کشی کی جا رہی ہے.

    انھوں‌نے کہا  کہ مودی کا دورہ ناکام بنانے پرحریت قیادت کوسلام پیش کرتا ہوں، سبز ہلالی پرچم سرینگر میں لہراتا رہے گا.

    بھارتی وزیراعظم نریندر مودی کا دورہ مقبوضہ کشمیر، وادی سراپا احتجاج بن گئی

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔