Tag: کشمیر

اسلام آباد : حریت پسند رہنما یاسین ملک کی اہلیہ مشال ملک نے بھارت کو دہشت گرد ملک قرار دیتے ہوئے کہا ہے کہ بھارت کئی دہائیوں سے مقبوضہ کشمیر میں دہشت گردی کررہا ہے۔

تفصیلات کے مطابق مشال ملک اسلام آباد میں پریس کانفرنس سے خطاب کر رہی تھیں اُن کا کہنا تھا کہ بھارت پاکستان پر جنگ مسلح کرنا چاہتا ہے تاکہ مسئلہ کشمیر دنیا کی نظروں سے اوجھل رہے۔

مشال ملک نے میٰڈیا سے گفتگو کے دوران اپنے شوہر اور حریت پسند رہنما یاسین ملک کی گرفتاری اور تشدد کے حوالے سے تفصیلات بتاتے ہوئے کہا کہ کو بھارتی فوج کی جانب سے یاسین ملک کو سخت مظالم کا نشانہ بنایا جا رہا ہے انہیں چھ دن تک پانی نہیں پلا یا گیا اور جس جگہ پر انہیں رکھا گیا ہے وہ انتہائی تنگ اورگندی ہے۔

انہوں نے بتا یا کہ یاسین ملک سے ان کی والدہ تک کو بھی نہیں ملنے دیا جا رہا ہے حالانکہ اس دوران یاسین ملک کی طبیعت خراب ہوئی تو بھارتی فوج انہیں ہسپتال لے گئی جہاں ڈاکٹروں نے کہاکہ ان کی حالت تشویشناک ہے ،انہیں فوری طورپر آئی سی یو میں رکھنا پڑے گا لیکن بھارتی فوج دوبارہ انہیں اپنے ساتھ واپس جیل میں لے گئی۔

مشال ملک نے بھارتی حکام سے سوال کیا کہ کیا یاسین ملک دہشت گرد ہیں وہ ایک سیاسی رہنما ہیں لیکن انہیں ایسے قید کیا گیا ہے،جیسے وہ دہشت گرد ہیں ان کے ساتھ عادی مجرموں جیسا سلوک کیا جا رہا ہے۔

مشال ملک نے کہا کہ معصوم کشمیر کئی دہائیوں سے آزادی مانگ رہے ہیں لیکن ابھی تک دنیا نے اس طرف توجہ نہیں دی ،امریکی اخبارات میں کشمیری جدو جہد کو مقامی لکھا جا رہا ہے ،بین الاقوامی دنیا اب مقبوضہ کشمیر میں بھارتی مظالم کا نوٹس لے۔

ان کا مزید کہنا تھا کہ برہانی وانی کی شہادت کے بعد اس تحریک کا جذبہ بڑھتا جا رہا ہے،سو سے زائد لوگ شہید ہو گئے،ہزاروں کشمیری بینائی سے محروم ہوگئے ہیں۔

اسلام آباد: مقبوضہ کشمیر میں بھارتی مظالم کے خلاف سینیٹ میں قرار داد متفقہ طور پر منظور کرلی گئی اور اس عزم کا اظہار کیا گیا کہ بھارت نے پاکستان کے خلاف کوئی مہم جوئی کی تو بھر پور جواب دیا جائے گا۔

سینیٹ میں قرار داد قائد ایوان راجہ ظفر الحق نے پیش کی جس میں کشمیریوں کے ساتھ یکجہتی کا اظہار کیا گیا اور کہا گیا کہ کشمیریوں کو اقوام متحدہ کی قراردادوں کے مطابق حق خود ارادیت دیا جائے۔

قرار داد میں مطالبہ کیا گیا کہ بھارت کو مقبوضہ کشمیر میں انسانی حقوق کی خلاف ورزیوں سے روکا جائے۔ قرار داد میں کہا گیا کہ کشمیریوں کو بھارتی فوج کے مظالم کا سامنا ہے اور کشمیر میں نہتے جوان ،مرد و خواتی بھارتی گولیوں کا نشانہ بن رہے ہیں۔

قرار داد میں مقبوضہ کشمیر میں بھارتی جرائم کی عالمی انکوائری کا مطالبہ بھی کیا گیا۔

قبل ازیں اراکین نے پاک بھارت تعلقات پر درپیش صورتحال پر بحث میں مطالبہ کیا کہ مسئلہ کشمیر کے حوالے سے درپیش حالات پر پارلیمنٹ کو اعتماد میں لیا جائے اور پارلیمنٹ کا مشترکہ اجلاس بلایا جائے، انہوں نے کل جماعتی کانفرنس کا بھی مطالبہ کیا۔

سرگودھا: جمعیت علمائے اسلام کے سربراہ مولانا فضل الرحمان نے کہا وزیر اعظم پاکستان کی اقوام متحدہ میں کی گئی تقریر کی تعریف کرتے ہوئے کہا کہ کشمیرقیام پاکستان کا نامکمل ایجنڈا ہے

جمعیت علمائے اسلام کے سربراہ مولانا فضل الرحمن جو پارلیمنٹ کی کشمیر کمیٹی کے چیرمین بھی ہیں نے میڈیا دے گفتگو کے دوران وزیر اعظم پاکستان میاں محمد نواز شریف کی اقوام متحدہ میں کی گئی تقریر کو سراہا

انہوں نے کہا کہ کرتے اقوام متحدہ میں ہونے والی تقریرمیں وزیراعظم پاکستان نے سب سے زیادہ وقت مسئلہ کشمیر کو دیا جس سے یہ بات واضح ہوجانی چاہئے کہ پاکستان مسئلہ کشمیر سے کسی طورپہلو تہی نہیں کرسکتا۔

مولانا فضل الرحمن کا کہنا تھا کہ کشمیر قیام پاکستان کا نامکمل ایجنڈا ہے جس پر بھارت نے زبردستی قبضہ کررکھا ہے وہاں آج سے نہیں گزشتہ 68 سالوں سے آزادی کی تحریک جاری ہے جس کے لئے ہزاروں کشمیری جانوں کے نذرانے پیش کرچکے ہیں

ایک سوال کے جواب میں انہوں نے مزید کہا کہ پاکستان ایک ذمہ دارملک ہے بھارت کی طرح غیر ذمہ داری کا مظاہرہ نہیں کرتا پاکستان نے ہمیشہ دلیل سے بات کی ہے جب کہ بھارت کے رویے میں جارحیت دکھائی دیتی ہے اور جارحیت کسی بھی مسئلہ کا حل نہیں ۔

انہوں نے مزاکرات کی اہمیت پر ذور دیتے ہوئے کہا کہ دونوں ملکوں کے مسائل کا حل مذاکرات میں ہیں جب تک ملکر بیٹھیں گے ہی نہیں تومسائل کس طرح حل ہونگے۔

سربراہ جمعیت علمائے اسلام کا کہنا تھا کہ پاکستان اپنے اصولی موقف سے کسی صورت دستبردارنہیں ہوسکتا ہم کشمیریوں کی اخلاقی ،سیاسی اور سفارتی حمایت کرتے رہے ہیں اور کرتے رہیں گے۔

پاک بھارت جنگ کے خدشات کے حوالے سے انہوں نے جواب دیا کہ جب تک بھارت اقوام متحدہ کی قراردوں کے مطابق کشمیریوں کو حق خود ارادیت نہیں دیتا خطہ پر جنگ کے بادل منڈالاتے رہیں گے۔