Tag: کفیل

ریاض: جوازات کا کہنا ہے کہ کفیل کے ساتھ خروج نہائی کے مسائل پر وزارت افرادی قوت و سماجی بہبود آبادی کے شعبہ تنازعات کے حل سے رجوع کیا جا سکتا ہے۔

تفصیلات کے مطابق آجر و اجیر کے تنازعے کے بارے میں ایک شخص نے جوازات کے ٹوئٹر پر دریافت کیا کہ ان کا کفیل خروج نہائی نہیں لگا رہا، جب کہ اقامہ بھی ایکسپائر ہو چکا ہے، جب کہ میرا پیشہ گھریلو ڈرائیور کا ہے، اس صورت حال میں کیا کروں؟

جوازات نے کہا وزارت افرادی قوت و سماجی بہبود آبادی کے شعبہ تنازعات کے حل سے رجوع کریں، جہاں موجود اہل کار کو درخواست دی جائے تاکہ وہ معاملات کا جائزہ لینے کے بعد فیصلہ صادر کر سکے۔

واضح رہے سعودی عرب میں غیر ملکی کارکنوں کے حقوق کے تحفظ کے لیے خصوصی ادارہ قائم ہے، جسے عربی میں ’ھیئہ تسویۃ الخلافات العمالیہ‘ کہا جاتا ہے۔

مذکورہ شعبہ وزارت افرادی قوت و سماجی بہبود آبادی کا ذیلی ادارہ ہے، جہاں آجر و اجیر کے مابین ہونے والے اختلافات کو حل کیا جاتا ہے۔

قانون کے مطابق غیر ملکی کارکنوں کے اقامہ کی سالانہ بنیاد پر تجدید کرنا اسپانسر یعنی کفیل کی ذمہ داری ہوتی ہے، کفیل اس امر کا پابند ہے کہ وہ اپنی زیر کفالت کارکنوں کے اقاموں کی بر وقت تجدید کو یقینی بنائیں، جب کہ اقامہ ایکسپائر ہونے کی صورت میں کارکن کا حق ہے کہ وہ وزارت افرادی قوت کے متعلقہ ادارے میں شکایت درج کروائے، جس میں اقامہ ایکسپائر ہونے کے علاوہ تنخواہ یا واجبات کی عدم ادائیگی کے معاملات بھی پیش کیے جا سکتے ہیں۔

لیکن یاد رہے اگر کارکن اسپانسر کے پاس سے فرار ہو جاتا ہے تو معاملات اس کے خلاف ہو جاتے ہیں جس کے بعد کارکن کی جانب سے دائر کیے جانے والا مقدمہ اہمیت نہیں رکھتا اس لیے اس امر کا خیال رکھا جائے کہ اسپانسر کے پاس ہی کام کریں اور قانونی طور پر معاملے کو حل کیا جائے۔

جوازات کے ٹوئٹر پر ایک شخص نے دریافت کیا کہ ٹریفک چالان جو کہ 150 ریال ہے، کی عدم ادائیگی پر خروج نہائی لگ سکتا ہے؟

جوازات کا کہنا تھا کہ غیر ملکی کارکن کے ذمہ کسی بھی خلاف ورزی ریکارڈ ہونے کی صورت میں جب تک چالان ادا نہ کیا جائے، سسٹم میں خروج وعودہ یا فائنل ایگزٹ نہیں لگایا جا سکتا، غیر ملکی کارکن کے سرکاری معاملات کی انجام دہی کے لیے لازمی ہے کہ جوازات کے سسٹم میں کارکن کی فائل صاف ہو اور کسی قسم کی خلاف ورزی ریکارڈ پر نہ ہو۔

ریاض: سعودی وزارت افرادی قوت نے بتایا ہے کہ مملکت میں غیر ملکی کارکن کس طرح کفیل تبدیل کر سکتے ہیں۔

تفصیلات کے مطابق مملکت سعودی عربیہ میں غیر ملکی کارکن آجر کی منظوری کے بغیر 3 صورتوں میں نقل کفالہ (کفیل کی تبدیلی) کر سکتے ہیں۔

نقل کفالہ کے حق کے سلسلے میں سعودی وزارت افرادی قوت نے وضاحت میں کہا ہے کہ اگر غیر ملکی کارکن کا اقامہ اور ورک پرمٹ ختم ہو گیا، اگر آجر نے مسلسل 3 ماہ تک تنخواہ نہ دی ہو، اور اگر یہ ثابت ہو جائے کہ کارکن کی ’ہروب‘ کی رپورٹ دھوکا دہی کے طور پر کی گئی ہے۔

مذکورہ بالا تینوں صورتوں میں غیر ملکی کارکن کو قانون محنت کے مطابق حق ہے کہ وہ اپنے کفیل کی منظوری کے بغیر بھی نقل کفالہ کر سکتا ہے، اس سلسلے میں آجر کا اعتراض بھی ناقابل قبول ہوگا۔ نقل کفالہ کے لیے وزارت افرادی قوت کے قوانین میں وضاحت کی گئی ہے کہ ایسے کارکن جو اس امر کا ثبوت پیش کریں کہ ان کے آجر کی جانب سے ورک پرمٹ اور اقامے کی تجدید نہیں کرائی گئی اور ان کی سابقہ کمپنی ریڈ زون میں ہو تو ان کا نقل کفالہ فوری طور پر کر دیا جاتا ہے۔

اگر کارکن اس بات کا ثبوت پیش کرے کہ آجر کی جانب سے مسلسل 3 ماہ تک اسے تنخواہ ادا نہیں کی گئی تو اس صورت میں بھی فوری طور پر اس کا نقل کفالہ کر دیا گیا ہے۔ واضح رہے کہ قانون کی رو سے کمپنیاں اس امر کی پابند ہیں کہ کارکنوں کو بینک کے ذریعے تنخواہ ادا کریں، چناں چہ اگر تنخواہ ادا نہیں کی گئی ہو تو ثبوت کے طور پر کارکن بینک سے تنخواہ کا ریکارڈ حاصل کر سکتا ہے۔

ملازمہ کی تنخواہ روکنے والے کفیل کو 7 سال کے واجبات ایک ساتھ دینے پڑ گئے

غلط ہروب تیسری صورت ہے نقل کفالہ کے لیے، کارکن اگر لیبر آفس کو قائل کر لے کہ آجر کی جانب سے اس پر ہروب غلط لگایا گیا ہے تو اسے کینسل کر کے کارکن کو کفالت کی تبدیلی کا حکم دیا جائے گا۔

یاد رہے کہ جس ویزے پر غیر ملکی سعودی عرب میں داخل ہوتا ہے اس کا ریکارڈ لیبر آفس اور محکمہ پاسپورٹ میں موجود ہوتا ہے، اگر کارکن کفیل تبدیل کرے، اور دوسرا کفیل کارکن کو مجبور کر کے اس کا فائنل ایگزٹ لگا دے، تو کارکن اس غیر قانونی اقدام کے خلاف بھی لیبر آفس سے رجوع کر سکتا ہے کیوں کہ وہ اس کفیل کے ویزے پر نہیں آیا تھا۔

اگر کارکن کے خلاف کوئی جرم ثابت ہو اور عدالت اسے مجرم قرار دے تو صرف اسی صورت میں دوسرا کفیل خروج لگا سکتا ہے۔

واضح رہے کہ مملکت میں کوئی بھی غیر ملکی صرف اس کمپنی یا شخص کے ویزے ہی پر کام کر سکتا ہے جس نے بلایا ہو، کسی دوسری جگہ ملازمت قانون کی خلاف ورزی ہے، آجر کی مرضی سے بھی کوئی کارکن کفالت تبدیل کرا سکتا ہے، جسے نقل کفالہ کہا جاتا ہے، جس کے لیے فیس مقرر ہے، پہلی مرتبہ کفالت کی تبدیلی پر 2 ہزار دوسری مرتبہ 4 اور تیسری مرتبہ 6 ہزار ریال ہے۔

کویت سٹی : کویت حکومت نےغیر ملکی ملازم کو پہلے سے طے شدہ پیشے اور تجربے کے مطابق کام نہ دینے والے کفیل پر 3 سال قید اور 2 ہزار سے 10 ہزار دینار تک جرمانہ عائد کرنے کا اعلان کر دیا گیا ہے.

تفصیلات کے مطابق یہ اعلان کویت حکومت نے غیر ملکی ملازمین کی جانب سے مسلسل شکایات موصول ہونے کے بعد کیا گیا ہے جس میں کہا گیا تھا کہ کچھ کفیل پُرکشش مراعات اور ملازمت کے نام پرغیرملکیوں آجروں کو قطر بلا کر نچلے درجے کا کام کرواتے ہیں جب کہ اس دوران اُن کا پاسپورٹ بھی ضبط کرلیتے ہیں.

اس صورت حال کو مدنظر رکھتے ہوئے کویت کے محمکہ افرادی قوت نے واضح کیا ہے کہ غیرملکی کارکن درآمد کرنے کے بعد اقامہ میں درج پیشے کے مطابق کام نہ دینے والے کفیل کو 3 سال قید اور 2 ہزار دینار تا 10 ہزار دینار جرمانے کی سزا ہوسکتی ہے.

محکمہ افرادی قوت کے اعلامیہ میں کہا گیا ہے کہ بیرون ملک سے ملازمین کو ویزے جاری کرنا، انہیں ملک میں آنے اور اقامے جاری کرنے بعد انہیں پیشے کے مطابق کام نہ دینا لیبر قوانین کی سنگین خلاف ورزی ہے جس پرکفیل کو سخت سزا دی جائے گی.

محمکہ افرادی قوت کا مزید کہنا تھا کہ اس قانون پر سختی سے عمل درآمد کروایا جائے گا اور جو کمپنی یا فرد اس میں رکاوٹ بنے گا اُس پر 500 دینار سے ایک ہزار دینار تک جرمانہ عائد ہوسکتا ہے.