وزیراعظم شہباز شریف نے کہا ہے کہ این ڈی ایم کی بریفنگ میں بتایا گیا ہے کہ آنے والے وقت میں کلاؤڈبرسٹ میں شدت آئےگی۔
این ڈی ایم اے کے دورے میں گفتگو کرتے ہوئے شہباز شریف نے کہا کہ ہمیں ابھی سے تیاری کرنا ہوگی اور مسائل کو حل کرنا ہوگا، این ڈی ایم اے کا چند ہفتے کے دوران یہ دوسرا دورہ ہے، ہر دورے میں بہترین بریفنگ دی جاتی ہے۔
وزیراعظم نے کہا کہ ماڈرن ٹیکنالوجی کا استعمال کرکے صورتحال سے آگاہ کیا جاتا ہے، این ڈی ایم اے کو جو بھی جدید آلات اور مشینری چاہیے ہوگی فراہم کرینگے، تمام اداروں کو این ڈی ایم اے کیساتھ مل کر تیاری کرنا چاہیے۔
این ڈی ایم اے نے موسمی صورت حال پر ایڈوائزری جاری کردی
شہبازشریف نے کہا کہ پاکستان موسمیاتی تبدیلی سے متاثر ہونے والے پہلے 10ممالک میں شامل ہے، صوبوں نے اچھی تیاری کےساتھ بارشوں کا مقابلہ کیا ہے۔
انھوں نے کہا کہ این ڈی ایم اے کی جانب سے صوبوں کیساتھ کوآرڈی نیشن بہتر ہے، تمام ادارے این ڈی ایم اے کے ساتھ بیٹھ کر مستقبل کیلئے پلان بنائیں۔
وزیراعظم شہبازشریف کا مستقبل کے حوالے سے کہنا تھا کہ جس قسم کی پیشگوئیاں کی جارہی ہےہمیں ابھی سےتیاری کرناہوگی۔
چکوال میں یقیناً زیادہ بارشیں ہوئی ہیں، پنجاب میں جو زیادہ بارشیں ہوئیں پنجاب حکومت اچھا کام کررہی ہے، وزیراعلیٰ پنجاب اور ان کی حکومت بارش سے نقصانات کا ازالہ کررہی ہے۔
https://urdu.arynews.tv/ndma-issues-gluf-alert-for-kp-and-gb/