نئی دہلی : بھارت میں تعینات پاکستانی ہائی کمشنر عبدالباسط کا کہنا ہے کہ کلبھوشن یادیو کے خلاف ٹھوس شواہد موجود تھے جس کی بناء پر سزائے موت سنائی گئی اور اسے اپیل کا حق بھی حاصل ہے۔

تفصیلات کے مطابق بھارت میں پاکستانی ہائی کمشنر عبد الباسط انڈین چینل کو انٹرویو دے رہے تھے انہوں دوران انٹرویو دوٹوک موقف اختیار کرتے ہوئے کلبھوشن یادیو اور سمجھوتہ ایکسپریس سمیت دیگر سوالوں پر میزبان کو لاجواب کردیا۔

پاکستانی ہائی کمشنر عبدالباسط نے کہا کہ کلبھوشن یاد یو پاکستان میں را کے لیے جاسوسی کر رہا تھا اور ہمارے ملک کو غیر مستکم کرنا چاہتا تھا جس کا اعتراف ویڈیو بیان میں کیا جب کہ مقدمے کے دوران بھی انہیں تمام تر قانونی سہولیات اور مدد بھی فراہم کی گئی۔

انہوں بتایا کہ کلبھوشن کا ٹرائل شفاف ہوا ہے اور ٹھوس شواہد حاصل ہونے پر سزا دی گئی تاہم اب بھی وہ سزا کے خلاف اپیل کرسکتا ہے جس کے لیے کلبھوشن کو وکیل کلبھوشن کو وکیل بھی مہیا کیا جائے گا۔

بھارت میں پاکستانی ہائی کمشنر عبدالباسط نے کہا ہے کہ کشمیر پاکستان اور بھارت کے درمیان سب سے بڑا تنازعہ ہے اور تنازعے کا حل اقوام متحدہ کی قراردادوں پر مشتمل ہے لیکن بھارت اقوام متحدہ کی قرار دادوں پر عمل نہیں کر رہا ہے،

انہوں نے کہا کہ پاکستان بھارت کے ساتھ اچھے تعلقات کا خواہاں ہے لیکن کلبھوشن یادیو اور سمجھوتہ ایکسپریس جیسے واقعات دوطرفہ تعلقات کو خراب کرنے کا باعث بنتے ہیں جس کے لیے بھارت کو اپنے رویے پر غور کرنا ہوگا۔

بھارتی اینکر کی جانب سے پوچھے گئے ایک سوال کے جواب عبدالباسط کا کہنا تھا کہ ممبئی حملے کی تحقیقات کے لیے پاکستانی جوڈیشل کمیشن کو بھارت آنے میں چار سال لگے ہیں اور یہ خاصا پیچیدہ معاملہ ہے جس کے لیے بھارت کو پاکستان کے ساتھ تعاون کرنا ہوگا۔

نئی دہلی : بھارت میں پاکستانی ہائی کمشنر عبدالباسط نے کہا ہے کہ را ایجنٹ کلبھوشن یادیو ایک دہشت گرد ہے اور دہشت گرد کو ضرور سزا ملنی چاہیے۔

پاکستانی ہائی کمشنر عبدالباسط نئی دہلی میں پاک بھارت کانفرنس میں شرکت کے بعد میڈیا سے گفتگو کر رہے تھے انہوں نے کہا کہ کلبھوشن یادیو پاکستان میں دہشت گردی کے واقعات کرانے میں ملوث رہا ہے اور معصوم لوگوں کے قاتلوں کو ہر حال میں سزا ملنی چاہیے۔

*بھارتی جاسوس کلبھوشن یاد یو کو سزائے موت سنا دی گئی، آئی ایس پی آر

انہوں نے کلبھوشن یادیو کو پھانسی کی سزا دینے کے فیصلے کو درست قرار دیتے ہوئے کہا کہ دہشت گردی کے وارداتوں میں ملوث ہر شخص کو اس کے منطقی انجام تک پہنچانا ضروری ہے۔

*ایران میں رہتے ہوئے دہشتگردی کیلئے افغان سرزمین کا استعمال کیا، کلبھوشن یادیوکا اعتراف

واضح رہے را کے ایجنٹ اور حاضر بھارتی نیوی افسر کلبھوشن یادیو کو فیلڈ جنرل کورٹ مارشل کے بعد سزائے موت سنائی گی تھی۔

*کلبھوشن یادیو ہماری نیوی کا افسرتھا، بھارت نے تسلیم کرلیا

یاد رہے بلوچستان سے حراست میں لیے گئے کلبھوشن یادیو نے اپنے ویڈیو بیان میں بلوچستان سمیت کراچی میں دہشت گردی کی کارروائیوں میں کالعدم جماعتوں کی سرپرستی اور معاونت کا اعتراف کیا تھا۔

کانفرنس میں سابق وزیرخارجہ خورشیدقصوری نے بھی شرکت کی اور میڈیا سے گفتگو کرتے ہوئے کہا کہ کلبھوشن یادیو سےمتعلق درست فیصلہ دیاگیا ہے جو حقائق پر مشتمل اور انصاف کے تقاضوں کو پورا کرتا ہے۔

اسلام آباد : حکومت پاکستان نے تحقیقات کا دائرہ کار بڑھاتے ہوئے بھارت سے کلبھوشن یادیو کے 12 سے زائد سہولت کاروں تک رسائی مانگ لی ہے۔

تفصیلات کے مطابق بلوچستان سے حراست میں لیے گئے بھارتی جاسوس اور حاضر بھارتی افسر کلبھوشن یادیو کے پاکستان میں ہونے والی دہشت گردی کے واقعات میں ملوث ہونے کے ہولناک انکشافات تحقیقات کا عمل تیزی سے جا ری ہے۔

اسی سے متعلق : کلبھوشن یادیو ہماری نیوی کا افسرتھا، بھارت نے تسلیم کرلیا

تحقیقات کے دوران نئی پیشرفت میں کلبھوشن یادیو کے 12 سے زائد سہولت کاروں اورمعاونت کاروں کا پتہ چلا ہے جو اس وقت بھارت میں مقیم ہیں اور پاکستان میں ہونے والی دہشت گردی کے واقعات میں کلبھوشن یادیو کی مدد کیا کرتے تھے۔

یہ خبر پڑھیں : ایران میں رہتے ہوئے دہشتگردی کیلئے افغان سرزمین کا استعمال کیا، کلبھوشن یادیوکا اعتراف

اس حوالے سے سیکریٹری خارجہ اعزاز چوہدری نے ایک خط بھارتی ہائی کمشنرکے حوالے کیا ہے جس میں گرفتار بھارتی جاسوس کے 12 سے زائد معاونت کاروں تک رسائی مانگی ہے تا کہ تحقیقات کو حتمی انجام تک پہنچایا جا سکے۔

یہ بھی پڑھیں : را کے گرفتارایجنٹ سے متعلق مزید سنسنی خیز انکشافات

ذرائع کے مطابق مطلوبہ افراد کی فہرست کلبھوشن یادیوکے اعترافی بیان کی روشنی میں تیار کی گئی جس میں ’’را‘‘کے افسران بھی شامل جو پاکستان میں دہشتگردی اورتخریب کاری میں ملوث ہیں۔

واضح رہے کہ گزشتہ برس بلوچستان سے بھارتی خفیہ ایجنسی ’’را‘‘ کے افسر کلبھوشن کو گرفتار کیا گیا تھا اور دوران تفتیش پاکستان میں دہشت گردی کے واقعات اور بلوچستان میں علیحدگی پسندوں کی مدد کرنے سے متعلق ہولناک اعترافات کیے تھے۔