کراچی : پاکستانی فٹبالر کلیم اللہ امریکہ میں پروفیشنل فٹبال کھیلنے والے پہلے کھلاڑی ہیں جہاں انہوں کئی دلوں کو جیتااور ان کی ٹیم سیکرامینٹو رپبلک کلب کے اوکلاہوما اینرجی کلب کو 2-1 سے شکست دے دی ۔
ایک نجی ٹی وی چینل کو انٹرویو دیتے ہوئے ان کا کہنا تھا کہ وہ چاہتے تھے کہ ٹیم چاہیئے وہ گول کرے یا نہ کریں لیکن ٹیم کی جیت میں اپنا کردار نبھانا چاہتے تھے۔
سیکرامینٹو رپبلک کلب نے اپنی ویب سائٹ پر بیان میں کہا ہے کہ کلیم اللہ نے آتے ہی اپنا لوہا منوالیا ہے اور گول کرنے کی کئی کوشش کیں۔
کلیم اللہ نے کہا کہ وہ چاہتے ہیں کہ پاکستان کو دنیا بھر میں کرکٹ اور ہاکی کی طرح فٹبال سے بھی پہچانا جائے۔
Not a bad first look at goal tonight by Kaleem! pic.twitter.com/Vrvu9Cy2k4
— Sac Republic FC (@SacRepublicFC) June 28, 2015
67’ SO CLOSE! Kaleem gets ball in the middle, runs wide right and sends a beautiful shot toward top left corner, misses by inches.
— Sac Republic FC (@SacRepublicFC) June 28, 2015
Welcome @kaleemullah_123 to @SacRepublicFC! pic.twitter.com/sXrAFIe2L0
— Spenser Snow (@SpenserSnow) June 21, 2015
کلیم اللہ کا تعلق صوبہ بلوچستان کے علاقے چمن سے ہے۔ پاکستان کے انٹرنیشنل فٹبالر محمد عیسیٰ ان کے چچازاد بھائی ہیں، ان کا کہنا ہے کہ ان کے کریئر کی ابتدا میں محمد عیسیٰ نے ان کی بہت حوصلہ افزائی کی تھی۔
کلیم اللہ سنہ 2014 میں پاکستان کی قومی فٹبال ٹیم کے کپتان بنے تھے۔ پاکستان کی جانب سے کلیم اللہ نے 2011 سے 25 میچ کھیلے ہیں اور چار گول کیے ہیں۔
کلیم اللہ نے گذشتہ سال کرغیزستان کے فٹبال کلب ڈورڈئی سے کھیلنے کا معاہدہ کیا تھا جو تقریباً ایک کروڑ روپے مالیت کا تھا۔
اس سے قبل کسی پاکستانی فٹبالر کے ساتھ کسی پروفیشنل کلب نے اتنی بڑی مالیت کا معاہدہ نہیں کیا تھا۔
کلیم اللہ نے بی بی سی اردو سروس کو دیے گئے انٹرویو میں کہا کہ اگر امریکی فٹبال کلب سے ان کا معاہدہ نہ ہو سکا تو وہ ترکی کی فٹبال لیگ میں حصہ لیں گے۔
