ARYNews.tv | Urdu – Har Lamha Bakhabar

Tag: کلین سوئپ

  • پاکستانی ٹیم افغانستان کیخلاف کلین سوئپ کرنے کے بعد وطن واپسی کیلئے روانہ

    پاکستانی ٹیم افغانستان کیخلاف کلین سوئپ کرنے کے بعد وطن واپسی کیلئے روانہ

    پاکستان ٹیم افغانستان کیخلاف کلین سوئپ کرنے کے بعد وطن واپسی کیلئے کولمبو ایئر پورٹ سے روانہ ہوگئی ہے۔

    تفصیلات کے مطابق پاکستان کرکٹ ٹیم کا وطن واپسی کے لیے سفر شروع ہو گیا، کھلاڑی کولمبو ایئر پورٹ سے ملتان کیلئے روانہ ہو گئے۔

    قومی  ٹیم آج سہ پہر  ملتان پہنچے گی، پاکستان اور نیپال کی ٹیموں کے درمیان ایشیا کپ کا افتتاحی میچ 30 اگست کو ملتان میں شیڈول ہے۔

    ایشیاکپ اور ورلڈکپ سے قبل پاکستان ٹیم ایک بار پھر ون ڈے کرکٹ کی نمبر ون ٹیم بن گئی ہے، پاکستان ٹیم نے یہ کارنامہ افغانستان کے خلاف سیریز میں تین ۔ صفر کی جیت کے ساتھ انجام دیا۔

    پاکستان کرکٹ ٹیم افغانستان کے خلاف تین میچز کی سیریز سے قبل 116 ریٹنگ پوائنٹس کے ساتھ دوسری پوزیشن پر تھی۔

  • تمام سرویز کے مطابق ہم الیکشن میں کلین سوئپ کرسکتے ہیں، عمران خان

    تمام سرویز کے مطابق ہم الیکشن میں کلین سوئپ کرسکتے ہیں، عمران خان

    پاکستان تحریک انصاف کے چیئر مین اور سابق وزیر اعظم عمران خان نے کہا ہے کہ تمام سرویز کے مطابق ہم الیکشن میں کلین سوئپ کرسکتے ہیں۔

    برطانوی ٹائمز ریڈیو کو دیے گئے انٹرویو میں عمران خان کا کہنا تھا کہ پاکستان میں قانون کی حکمرانی چاہتے ہیں، ہمارے ملک میں اشرافیہ قانون سے بالاتر ہے۔

    سابق وزیر اعظم کا کہنا تھا کہ بغاوت، دہشت گردی سمیت مجھ پر 140مقدمات درج کئے گئے، میرے خلاف مقدمات کی تعداد بڑھتی جارہی ہے، جو کیسز  یہ لوگ میرے خلاف بنا رہے ہیں کوئی ان پر یقین نہیں کرتا۔

    خاتون جج دھمکی کیس : عمران خان کے ناقابل ضمانت وارنٹ گرفتاری کو قابل ضمانت میں تبدیل کرنے کا حکم

    عمران خان نے کہا کہ  میرے گھر پر حملہ کیا گیا، یہ خوفزدہ ہیں کہ ہم انتخابات جیت جائیں گے، تمام سروے کے مطابق ہم الیکشن میں کلین سوئپ کرسکتے ہیں۔

     انہوں نے کہا کہ تین بارکارکنوں سے کہا میں گرفتاری دینے جارہا ہوں، لیکن کارکنوں نے جانے نہیں دیا، انہیں ڈر تھا کہ یہ مجھےجیل میں مار سکتے ہیں۔

    چیئرمین پی ٹی آئی کا کہنا تھا کہ کارکنوں نے پولیس پر حملہ نہیں کیا، سوشل میڈیا ٹیم کو اٹھا لیا گیا، میرے 2 ہزار کارکن جیل میں ہیں سوشل میڈیا پر بھی کریک ڈاؤن جاری ہے۔

  • پاکستان کا بنگلا دیش کے خلاف ٹیسٹ سیریز میں بھی کلین سوئپ

    پاکستان کا بنگلا دیش کے خلاف ٹیسٹ سیریز میں بھی کلین سوئپ

    ڈھاکا: پاکستان نے خراب موسم اور بنگلا دیش کو شکست دے کر دوسرا ٹیسٹ ایک اننگز اور 8 رنز سے جیت لیا۔

    تفصیلات کے مطابق ڈھاکا میں پاکستان نے بنگلا دیشی ٹیم کو ڈھا دیا، ایک اننگز اور آٹھ رنز سے دوسرا ٹیسٹ بھی جیت لیا، بنگلا دیش کے خلاف پاکستان نے ٹی 20 کے بعد ٹیسٹ سیریز میں بھی کلین سوئپ کیا ہے۔

    2 میچز کی سیریز میں پاکستان کو دو صفر سے جیت ملی، آف اسپنر ساجد خان نے میچ میں 12 وکٹیں لیں۔

    بنگلا دیش کی ٹیم دوسری اننگز میں 205 رنز پر آؤٹ ہو گئی، پاکستان کی جانب سے 12 وکٹیں حاصل کر کے ساجد خان میچ کے ہیرو بن گئے، ساجد خان نے پہلی اننگز میں 8، دوسری اننگز میں 4 وکٹیں حاصل کیں۔

    پلیئر آف دی سیریز کا اعزاز پاکستانی کھلاڑی عابد علی نے حاصل کیا، پاکستان نے دوسرے ٹیسٹ میں بنگلادیش کو ایک اننگز اور 8 رنز سے شکست دی۔

    پہلے دن بارش اور خراب روشنی رہی، لیکن پاکستان نے پانچویں دن میزبان ٹیم کو فالو آن سے دوچار کر دیا، 25 رنز پر 4 وکٹیں گرا دیں، 2 حسن نے اور 2 شاہین نے لیں۔

    اس کے بعد بنگلا دیشی بیٹسمین ڈٹ گئے، لٹن نے 45، مشفق نے 48، شاکب نے 63 رنز بنائے، ایسے میں بابر خود بولنگ کرنے کے لیے آئے، تو ساتویں وکٹ گری اور شاکب، ساجد کا شکار ہو گئے، اس کے ساتھ ہی جیت کا دروازہ کھل گیا اور ساجد نے آخری وکٹ لے لی، یوں 12 وکٹوں کے ساتھ وہ مین آف دی میچ رہے۔

    پاکستان نے مجموعی طور پر بنگلا دیش کے خلاف 13 میں سے 12 ٹیسٹ جیت لیے ہیں۔

  • وائٹ واش شکست ہمیشہ ہی مایوس کن ہوتی ہے: سرفراز احمد

    وائٹ واش شکست ہمیشہ ہی مایوس کن ہوتی ہے: سرفراز احمد

    جوہانسبرگ: قومی کرکٹ ٹیم کے کپتان سرفراز احمد کا کہنا ہے کہ وائٹ واش شکست ہمیشہ ہی مایوس کن ہوتی ہے۔

    تفصیلات کے مطابق پاکستان اور جنوبی افریقہ کے درمیان تیسرے ٹیسٹ میچ میں جنوبی افریقہ نے فتح حاصل کر کے سیریز میں کلین سوئپ کرلیا۔ پاکستانی بیٹنگ لائن سیریز میں بری طرح ناکام ہوگئی۔

    شکست پر تبصرہ کرتے ہوئے سرفراز احمد کا کہنا تھا کہ جلد وکٹیں گرنے سے ہار کا منہ دیکھنا پڑا، تین صفر کی شکست ہمیشہ ہی مایوس کن ہوتی ہے۔

    ان کا مزید کہنا تھا کہ سیریز میں شان مسعود اور بابر اعظم کی بیٹنگ بہترین رہی، کھلاڑیوں کو اپنی کارکردگی مزید بہتر کرنی ہوگی۔

    خیال رہے کہ پوری سیریز میں پاکستانی بیٹسمینوں نے بدترین کارکردگی دکھائی۔

    تیسرا ٹیسٹ: جنوبی افریقہ کا پاکستان کے خلاف کلین سوئپ

    اظہر علی نے 3 میچوں میں صرف 59 رنز بنائے، کپتان سرفراز احمد نے 3 میچز میں 112 رنز جبکہ امام الحق نے سیریز میں 149 رنز بنائے۔

    یاد رہے کہ ابتدائی دونوں ٹیسٹ میچوں میں قومی ٹیم کو شکست کا سامنا کرنا پڑا تھا اور یوں جنوبی افریقہ کو 3 ٹیسٹ میچوں کی سیریز میں 0-2 کی فیصلہ کن برتری حاصل تھی جسے گذشتہ روز جنوبی افریقہ نے کلین سوئپ میں بدل لیا۔

  • تیسرا ٹیسٹ: جنوبی افریقہ کا پاکستان کے خلاف کلین سوئپ

    تیسرا ٹیسٹ: جنوبی افریقہ کا پاکستان کے خلاف کلین سوئپ

    جوہانسبرگ: پاکستان اور جنوبی افریقہ کے درمیان تیسرے ٹیسٹ میچ میں جنوبی افریقہ نے فتح حاصل کر کے سیریز میں کلین سوئپ کرلیا۔ پاکستانی بیٹنگ لائن سیریز میں بری طرح ناکام ہوگئی۔

    تفصیلات کے مطابق پاکستان اور جنوبی افریقہ کے درمیان 3 ٹیسٹ میچز کی سیریز میں جنوبی افریقہ نے کلین سوئپ مکمل کرلیا۔

    پوری سیریز میں پاکستانی بیٹسمینوں نے بدترین کارکردگی دکھائی، اظہر علی نے 3 میچوں میں صرف 59 رنز بنائے، کپتان سرفراز احمد نے 3 میچز میں 112 رنز جبکہ امام الحق نے سیریز میں 149 رنز بنائے۔

    میچ کے تیسرے روز (گزشتہ روز) قومی ٹیم نے 3 وکٹوں کے نقصان پر 153 رنز بنائے تھے، قومی ٹیم کو جیت کے لیے مزید 228 رنز درکار تھے تاہم بیٹنگ لائن بری طرح لڑکھڑا رہی تھی۔

    دوسری اننگز میں اوپنرز نے 67 رنز کا عمدہ آغاز فراہم کیا تھا۔ امام الحق 35 اور شان مسعود 37 رنز بنا کر آؤٹ ہوئے۔ اظہر علی ایک بار پھر ناکام ثابت ہوئے اور صرف 15 رنز پر پویلین لوٹ گئے تھے۔

    قبل ازیں جوہانسبرگ ٹیسٹ کی دوسری اننگز میں جنوبی افریقہ نے وکٹ کیپر کوئن ٹن ڈی کاک کی شاندار سنچری کی بدولت 303 رنز بنائے تھے اور پاکستان کو جیت کے لیے 381 رنز کا ہدف دیا تھا۔

    کوئن ٹن ڈی کاک نے 129 رنز کی شاندار اننگز کھیلی تھی، انہیں شاداب خان نے حسن علی کے ہاتھوں کیچ آؤٹ کرایا۔ فلینڈر 17 اور ربادا 21 رنز بنا کر نمایاں رہے تھے۔

    پاکستان کی جانب سے فہیم اشرف اور شاداب خان نے 3، 3 کھلاڑیوں کو پویلین کی راہ دکھائی۔ محمد عامر نے 2، عباس اور حسن علی نے ایک، ایک وکٹ حاصل کی۔

    پہلی اننگز

    پاکستانی ٹیم اپنی پہلی اننگز میں صرف 185 رنز پر ڈھیر ہوگئی تھی، کپتان سرفراز احمد نے 50 جبکہ بابر اعظم 49 رنز بنا کر نمایاں رہے تھے۔

    دوسری جانب جنوبی افریقہ نے اپنی پہلی اننگز میں 262 رنزبنائے تھے۔ قومی ٹیم کی جانب سے فہیم اشرف نے 3، حسن علی، محمد عباس اور محمد عامر نے 2،2 وکٹیں حاصل کیں تھیں۔

    یاد رہے کہ ابتدائی دونوں ٹیسٹ میچوں میں قومی ٹیم کو شکست کا سامنا کرنا پڑا تھا اور یوں جنوبی افریقہ کو 3 ٹیسٹ میچوں کی سیریز میں 0-2 کی فیصلہ کن برتری حاصل تھی جسے آج جنوبی افریقہ نے کلین سوئپ میں بدل لیا۔

  • قومی کرکٹ ٹیم کے 5 کھلاڑی اور کوچنگ اسٹاف وطن واپس پہنچ گئے

    قومی کرکٹ ٹیم کے 5 کھلاڑی اور کوچنگ اسٹاف وطن واپس پہنچ گئے

    لاہور: زمبابوے کے خلاف سیریز میں کلین سوئپ کرنے کے بعد قومی کرکٹ ٹیم کے پانچ کھلاڑی اور کوچنگ اسٹاف وطن واپس پہنچ گئے۔

    تفصیلات کے مطابق قومی کرکٹ ٹیم کے کھلاڑی اور کوچنگ اسٹاف غیر ملکی ایئرلائن کی پرواز ای کے 622 سے دبئی سے لاہور پہنچے ہیں۔

    وطن واپس پہنچنے والے کھلاڑیوں میں محمد حفیظ، حسن علی، محمدعامر، آصف علی اور فہیم اشرف شامل ہیں جبکہ ہیڈکوچ مکی آرتھر، بولنگ کوچ اظہرمحمود اور دیگر عملہ بھی وطن واپس پہنچ چکا ہے۔

    خیال رہے کہ قومی کرکٹ ٹیم نے زمبابوے میں سہ فریقی سیریز میں کامیابی حاصل کی تھی، گرین شرٹس نے زمبابوے کو 5 ون ڈے میچوں کی سیریز میں کلین سوئپ کیا تھا۔

    پاکستان نے زمبابوے کو ون ڈے سیریز میں وائٹ واش کردیا

    واضح رہے کہ گذشتہ دنوں پاکستان نے زمبابوے کو پانچویں ون ڈے میچ میں بھی 131 رنز سے شکست دے کر وائٹ واش کردیا تھا، بابر اعظم کو مین آف دی میچ اور فخر زمان کو مین آف دی سیریز کا ایوارڈ دیا گیا تھا۔

    یاد رہے کہ بابر اعظم کو ناقابل شکست سنچری اسکور کرنے پر میچ کا بہترین کھلاڑی قرار دیا گیا تھا جبکہ پانچ میچوں کی سیریز میں 515 رنز بنانے والے فخر زمان مین آف دی سیریز قرار پائے تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پاک ویسٹ انڈیز ون ڈے سیریز کی ٹرافی کی رونمائی

    پاک ویسٹ انڈیز ون ڈے سیریز کی ٹرافی کی رونمائی

    دبئی: پاکستان اور ویسٹ انڈیز کے درمیان ون ڈے سیریز کی ٹرافی کی دبئی میں رونمائی کردی گئی۔

    ٹی ٹوئنٹی کے بعد پاکستان اور ویسٹ انڈیز کے درمیان اب ون ڈے سیریز میں ٹاکرا ہوگا، ون ڈے سیریز کی ٹرافی کی رونمائی کردی گئی، پاکستانی ٹیم کے کپتان اظہر علی اور ویسٹ انڈین قائد جیسن ہولڈر نے ٹرافی سے پردہ اٹھایا۔

    ون ڈے رینکنگ میں آٹھویں پوزیشن حاصل کرنے کے لئے پاکستان کو سیریز میں کلین سوئپ درکار ہوگا، پاکستان اور ویسٹ انڈیز کی ٹیمیں فروری دوہزار پندرہ کے بعد ایکشن میں دکھائی دیں گی، دونوں ٹیموں کے درمیان سیریز کا پہلا میچ تیس ستمبر کو شارجہ میں ہوگا۔

    دوسری جانب ویسٹ انڈیز کےخلاف ون ڈے سیریز میں کم  بیک کرنے والے پاکستان کھلاڑی اسد شفیق نے کہا ہے کہ ماضی میں جو غلطیاں ہوئی وہ اب نہیں ہوں گی، ون ڈے فارمیٹ میں اچھی کارکردگی دکھانے کا مکمل یقین ہے۔

  • تیسرا ٹی ٹوئنٹی: پاکستان نے ویسٹ انڈیز کو ہرا کرکلین سوئپ کرلیا

    تیسرا ٹی ٹوئنٹی: پاکستان نے ویسٹ انڈیز کو ہرا کرکلین سوئپ کرلیا

    ابوظہبی : پاکستان نے ورلڈ چیمپئن ویسٹ انڈیز کو ٹی ٹوئنٹی میں کلین سوئپ کردیا، کپتان سرفراز احمد کی شاندار حکمت عملی کے باعث پاکستان نے فارمیٹ کے تینون میچ باآسانی جیت لی۔

    match1

    عماد وسیم میں آف دی میچ اور مین آف دی سیریز کے حقدار قرار پائے۔

    match2

    تفصیلات کے مطابق پاکستان اور ویسٹ انڈیز کے درمیان جاری تین میچز کی ٹی ٹوئنٹی سیریز اپنے اختتام کو پہنچ گئی، آخری میچ میں شاہینوں نے کالی آندھی کو آٹھ وکٹوں سے شکست دے دی۔

    match3

    ویسٹ انڈیز کے ایک سو چار رنز کے جواب میں پاکستان نے مطلوبہ ہدف 15.1 اوور میں پورا کرلیا اور اس کے صرف دو کھلاڑی آؤٹ ہوئے.

    match4

    دبئی کے بعد ابو ظہبی کا میدان بھی پاکستان کے نام رہا، تیسرے اور آخری ٹی ٹوئنٹی میچ میں باؤلرز کی عمدہ کارکردگی کے باعث ویسٹ انڈیز ٹیم بڑا اسکور کرنے میں ناکام رہی اور مقررہ 20 اوورز میں قومی کرکٹ ٹیم کو جیت کے لیے 104 رنز کا ہدف دیا۔

    match5

    شعیب ملک 37 رنز کے ساتھ سرفہرست رہے جبکہ بابر اعظم 27 رنز کے ساتھ دوسرے نمبر پر رہے۔

    match6

    پاکستان کی جانب سے ہدف کے تعاقب میں اوپنرز خالد لطیف اور شرجیل خان نے کھیل کا آغاز کیا۔ خالد لطیف 21 اور شرجیل خان 11 رنز بنا کر پویلین لوٹ گئے۔

    match7

    اس سے قبل قومی کرکٹ ٹیم نے ٹاس جیت کر مخالف ٹیم کو پہلے بیٹنگ کی دعوت دی۔ ویسٹ انڈیز ٹیم کے بلے بازوں نے ابتدائی اوورز میں جارحانہ کھیل پیش کرنے کی کوشش کی تاہم بائیں ہاتھ سے باؤلنگ کروانے والے پاکستانی اسپینر عماد وسیم نے تیسرے اوور کی دوسری بال پر اوپنر جانس چارلس کی وکٹ حاصل کرلی۔

    ویسٹ انڈیز نے مقرررہ 20 اوور ز میں 5 وکٹوں کے نقصان پر 103رنز بنائے جس میں سیمیول 42رنز کے ساتھ سرفہرست رہے جبکہ پولارڈاور پوران16،16رنز کے ساتھ دوسرے نمبر رہے۔

    پاکستان کی جانب سے عماد وسیم نے شاندار بالنگ کا مظاہرہ کرتے ہوئے مخالف ٹیم کے تین کھلاڑیوں کو پولین پہنچایا جبکہ محمد نواز نے ایک وکٹ حاصل کی۔

    آخری معرکے کے لیے دونوں ٹیم میں 2،2 تبدیلیاں کی گئیں ، پاکستان نے وہاب ریاض اور حسن علی کی جگہ محمد عامر اور رومان رئیس کو ٹیم کا حصہ بنایا جب کہ ویسٹ انڈیز نے کیسرک ولیمز اور چیڈوک والٹن کو ٹیم میں شامل کیا.