سابق سری لنکن بیٹر کمارا سنگاکارا نے ڈبلیو ٹی سی فائنل میں جنوبی افریقہ کی فتح کے بعد کہا ہے کہ اب ہمیں ٹیمبا باووما کی قائدانہ صلاحیتوں کو مان لینا چاہیے۔
ورلڈ ٹیسٹ چیمپئن شپ فائنل میں جنوبی افریقہ نے شاندار کارکردگی کا مظاہرہ کرتے ہوئے 5 وکٹوں سے فتح اپنے نام کی، پہلی اننگز میں پروٹیز کو کینگروز کے خلاف بڑے خسارے کا سامنا تھا، تاہم ٹیما باووما کے بروقت فیصلوں اور بولنگ میں اہم تبدیلیوں نے جیت کی راہ اہموار کی۔
جنوبی افریقہ کے ٹیسٹ چیمپئن بننے کے بعد دنیا بھر میں اپنی شاندار بیٹنگ صلاحیتوں کےلیے مشہور سری لنکا کے لیجنڈ بیٹر کمارا سنگاکارا نے ٹیما باووما کی کپتانی کو سراہا۔
When @ProteasMenCSA win this apart from individual skills the leadership of Temba Bavuma has to be recognized.
— Kumar Sangakkara (@KumarSanga2) June 14, 2025
کمارا سنگاکارا نے سوشل میڈیا پلیٹ فارم ایکس پر ٹوئٹ کرتے ہوئے کہا کہ جنوبی افریقہ کی ٹیم ٹیسٹ چیمپئن بن چکی ہے تاہم اس جیت میں انفرادی صلاحیتوں سے قطع نظر اب ہمیں ٹیمبا باووما کی قائدانہ صلاحیتوں کو مان لینا چاہیے۔
ٹیمبا باووما نے نہ صرف فائنل ٹیسٹ میچ میں بہترین کپتانی کی تھی بلکہ انھوں نے پہلی اننگز میں کارآمد 36 رنز جبکہ دوسری اننگز میں ایڈن مارکرم کے ساتھ فتح گر شراکت قائم کرتے ہوئے 66 رنز بنائے تھے۔
https://urdu.arynews.tv/shaun-pollock-emotional-commentary-proud-rambo-nation/
