Tag: کمرشل صارفین

کراچی : تاجروں نے کمرشل صارفین پر فکس چارجز مسترد کرتے ہوئے حکومت کو خبردار کردیا اور کہا زبردستی چارجز سے کاروبار مشکل ہوجائے گا۔

تفصیلات کے مطابق صدرانجمن تاجران کراچی جاوید شمس نے نیپرا کی جانب سے کمرشل صارفین پر فکس چارجز پر ردعمل دیتے ہوئے کہا کمرشل صارفین پر 2500 سے 4000 روپے تک چاجز لگائے جو ظلم ہے ، اس کو مسترد کرتے ہیں۔

جاوید شمس کا کہنا تھا کہ حکومت ہوش کےناخن لے، زبردستی چارجز سے کاروبارمشکل ہوجائے گا۔

انھوں نے مطالبہ کیا کہ بتایاجائےکہ نیپراکس ایجنڈےپرکام کررہی ہے؟ کمرشل اور گھریلوصارفین پر بلاوجہ چارجز لگانا ظلم ہے۔

گذشتہ روز یکم جولائی سے گھریلوبجلی صارفین کیلئے ایک ہزارروپے تک فکسڈ چارجز کی تجویز سامنے آئی تھی۔

نیپرا ذرائع نے بتایا تھا کہ مجوزہ چارجز بجلی کے اوسط بنیادی ٹیرف 5 روپے 72 پیسے فی یونٹ میں شامل ہیں، نیپرا 5 روپے 72 پیسے فی یونٹ کا فیصلہ وفاقی حکومت کوبھجواچکا ہے۔

گھریلوصارفین کے ٹیرف میں پہلے یہ چارجز نہیں تھے، اب ماہانہ 301 سے 400 یونٹ استعمال پر 200 روپے چارجز لگیں گے۔

ماہانہ401 سے 500 یونٹ بجلی استعمال پر 400 روپے ، ماہانہ 601 سے 700یونٹ استعمال پر 800روپے اور ماہانہ 700 یونٹ سے زیادہ استعمال پر ایک ہزار روپے چارجز ہونگے۔

لاہور : ملک بھر میں بجلی چوروں کے خلاف کریک ڈاؤن جاری ہے ،ترجمان لیسکو نے بتایا کہ بڑے زرعی اور کمرشل صارفین بھی بجلی چوری میں ملوث نکلے۔

تفصیلات کے مطابق ملک بھر میں بجلی چوروں کی تلاش جاری ہے ، ملوث افراد کے خلاف کریک ڈاؤن کیا جارہا ہے، گرفتاریاں عمل میں آرہی ہیں ساتھ ہی جرمانے اور مقدمات درج کیے جارہے ہیں۔

لیسکو ریجن میں بجلی چوروں کیخلاف آپریشن چھٹے دن بھی جاری ہے، ترجمان لیسکو کے مطابق دوسو پانچ بجلی چوری کے کنکشن منقطع کیے گئے، بڑے زرعی اور کمرشل صارفین بھی بجلی چوری میں ملوث نکلے۔

پتوکی میں ڈائریکٹ کنڈے لگا کر بجلی چوری کرتے ہوئے ایک سو اسی افراد کو رنگے ہاتھوں پکڑ کر کنکشن وائر کو قبضے میں لے لیا گیا جبکہ مقدمات درج کرکے پچاس لاکھ جرمانے بھی عاید کیے گئے۔

چوک سرورشہید میں پانچ اورٹبہ سلطان پورمیں بجلی چوری کے خلاف نوگرفتاریاں عمل میں آئیں جبکہ بہاول نگر میں میپکو ٹیموں کی جانب سے ضلع بھرمیں چھاپے جاری رہے ہیں، تہتر بجلی چور پکڑے جا چکے ہیں ، اکاون مقدمات درج ہوئے اور چالیس لاکھ اسّی ہزار روپے جرمانہ عائد کیا جا چکا ہے۔

میلسی میں بجلی چوری کرتے ہوئے انیس افراد پکڑے گئے۔۔ آٹھ لاکھ روپے سے زائد جرمانے عائد کر کے مقدمات درج کر لیے گئے ہیں۔
Remarks: بجلی چوری کےخلاف ملک گیرکارروائی،گرفتاریاں،جرمانے، مقدمات لاہور:بڑےزرعی اورکمرشل صارفین بھی بجلی چوری میں ملوث نکلے پتوکی:کنڈےلگاکربجلی چوری کرتےہوئے180افرادرنگےہاتھوں پکڑےگئے چوک سرورشہید میں5اورٹبہ سلطان پورمیں9بجلی چورگرفتار ہوئے بہاول نگرمیں73اورمیلسی میں بجلی چوری کرتےہوئے19افراد گرف