لاہور: آراے بازار کینٹ سے ساڑھے 4 سال کے بچےکو اغوا کرنے کی سی سی ٹی وی فوٹیج سامنے آگئی۔
تفصیلات کے مطابق لاہور کے علاقے آراے بازار کینٹ سے ساڑھے 4 سال کے بچےکو اغوا کرنے کی سی سی ٹی وی فوٹیج سامنے آگئی، فوٹیج میں بازار کی نرسری سے خاتون کو بچے کو لے جاتے دیکھا جاسکتا ہے۔
پولیس نے اس حوالے سے بتایا کہ سی سی ٹی وی میں مغوی محمد یوسف کو ڈھائی بجے اغوا کار خاتون کیساتھ دیکھا گیا۔
پولیس کا کہنا ہے کہ بچے کی والدہ مقامی تھانے میں موجود ہیں جبکہ تفتیش جاری ہے دوسری جانب بچے کے والد کا کہنا ہے کہ 3 روز گزرنے کے باوجود بھی میرے بچے کو بازیاب نہ کرایا جاسکا ہے۔