اسلام آباد: مبینہ انتخابی دھاندلی سے متعلق جوڈیشل کمیشن میں ثبوت جمع کرانے اور فریق بننے کا آج آخری روز ہے، جماعت اسلامی، جمعیت علمائے اسلام ف، پیپلز پارٹی اور اے این پی نے شواہد جمع کرادیئے۔
تحریک انصاف کے احتجاج پر جوڈیشل کمیشن بنا، کمیشن بنتے ہی پیپلز پارٹی،عوامی نیشنل پارٹی، ق لیگ اور جماعت اسلامی کپتان کے ہمنوا بنے اور جوڈیشل کمیشن میں فریق بننے کا اعلان کر دیا۔
جماعت اسلامی کے رہنماء حافظ نعیم الرحمان کا کہنا ہے مئی دو ہزار تیرہ کا الیکشن ٹھپہ الیکشن تھا۔
پیپلز پارٹی کے لطیف کھوسہ نے کہا کہ سارے شواہد اور تحفظات پیش کر دیئے ہیں۔
کمیشن میں جے یو آئی ف کے خالد وقار چمکنی اور اے این پی کے زاہد خان نے بھی شکایات اور دھاندلی کے شواہد پیش کئے، بات یہیں تک نہیں رکی خود حکمراں جماعت کے وزیر رانا تنویر نے بھی سیکیورٹی ادارے پر تحریکِ انصاف کے حق میں دھاندلی کا الزام لگا ڈالا۔