ویانا : اوپیک ممالک نےخام تیل کی پیداوارمیں کمی کااعلان کردیا، اس اعلان کے بعد عالمی منڈی میں خام تیل کی قیمت میں نمایاں اضافہ ریکارڈکیا گیا۔
تفصیلات کے مطابق خام تیل پیداکرنےوالےممالک نےپیداوارپانچ لاکھ بیرل یومیہ کمی کااعلان کردیا ، اس اعلان کے بعد پیداوار میں کمی کا حجم سترہ لاکھ بیرل یومیہ ہوگیا، یہ کمی آئندہ سال کی پہلی سہ ماہی تک جاری رہےگی۔
کمی کےبعد عالمی منڈی میں خام تیل کی قیمت میں اضافہ دیکھا گیا اور بریںٹ خام تیل کی قیمت دوفیصداضافےسے چونسٹھ ڈالرسینتیس سینٹس ہوگئی جبکہ امریکی خام تیل کی قیمت انسٹھ ڈالرتیرہ سینٹس ہوگئی۔
نئے معاہدے پر عمل درآمد کے لیے وزرائے توانائی کی توثیق ضروری ہے اور تیل پیدا کرنے والے ممالک کے مابین کمی کی تقسیم کا طریقہ کار بھی متعین کرنا پڑے گا۔
روس کے وزیر توانائی الیگزینڈر نوواک نے بتایا کہ’ اوپیک میں شامل ممالک اور تیل پیدا کرنے والے غیر رکن ممالک کے وزرائے توانائی کی خصوصی کمیٹی نے تیل پیداوار میں ریکارڈ کمی کی سفارش کی ہے
تجزیہ کاروں کے مطابق نان اوپیک آئل پروڈیوسرز اس معاہدے کی پاسداری نہیں کرتے، ان کی پیداوارمیں اضافہ ریکارڈ کیا جا رہا ہے، جو کہ قیمتوں کو غیر مستحکم کرتا ہے، دوسری جانب مہنگا خام تیل درآمدای ممالک کیلئے مشکلات کا باعث بنتا ہے۔
اسلام آباد : حکومت نے پیٹرولیم مصنوعات میں کمی کا اعلان کردیا، پیٹرول اور ڈیزل کی قیمت میں دو دو روپے فی لیٹر کردی گئی، وزیر خزانہ اسدعمر نے کہا مٹی کے تیل کی قیمتوں میں3روپےکمی کررہے ہیں اور پیٹرول پر سیلز ٹیکس 8 فیصد کردیا ہے۔
تفصیلات کے مطابق وزیرخزانہ اسد عمر نے پریس کانفرنس کرتے ہوئے کہا سابق حکومت میں پیٹرول پر 15فیصد ٹیکس تھا، ہماری حکومت آئی تو اگست کے آخر میں قیمتیں کم ہوئیں، پیٹرولیم مصنوعات کی بڑھتی قیمتوں پر ٹیکس کم کرکے بوجھ کم کیا جارہا ہے۔
اسدعمر کا کہنا تھا کہ پیٹرولیم مصنوعات کی قیمتوں میں ہرماہ ردوبدل ہوتاہے، نظر آرہا ہے آگے بہتری ہوگی، ٹیکس میں ردوبدل کررہے ہیں۔
[bs-quote quote=” پیٹرول پر سیلز ٹیکس8فیصد کردیاہے” style=”style-6″ align=”left”][/bs-quote]
وزیرخزانہ نے یکم دسمبر سے پیٹرول میں 2روپے پیٹرول ، ڈیزل میں دو روپے کمی کا اعلان کرتے ہوئے کہا پیٹرول پر سیلز ٹیکس 8فیصد کردیاہے اور مٹی کے مٹی کے تیل کی قیمتوں میں3روپے کمی کررہے ہیں۔
اسد عمر نے کہا کون کرتا ہے، روپے کی قدر میں کمی، کیوں کمی ہورہی ہے، سینٹرل بینک کے پاس روپے کی قدر میں کمی کا اختیار ہے، سینٹرل بینک ایسا کر کیوں رہا ہے، بنیادی وجہ کیا ہے۔
.
امریکی ڈالر کی قیمتوں کے حوالے سے ان کا کہنا تھا کہ روپے کی قدرمیں کمی کی بڑی وجہ ماضی کی حکومت کی غلط معاشی پالیسیاں ہیں، ڈالر139روپے پر ٹریڈ کررہا ہے، بیرونی قرضے اضافے کے بعد 95ارب ڈالر تک پہنچ گئے ہیں، ڈالر کی طلب زیادہ ہےاور سپلائی کم ہورہی ہے۔
وزیر خزانہ نے کہا ریاست اپنے وسائل استعمال کرکے ڈالر فراہم کرتی رہی، ایسا کب تک ہوگا، ڈالر کی طلب زیادہ سپلائی کم ہے، قرضوں میں 10ارب ڈالر اضافے کے باوجود زرمبادلہ ذخائر کم ہوتے رہے۔
اسد عمر کا کہنا تھا کہ گزشتہ حکومت نے روپے کی قدر کو مصنوعی طور پر مستحکم رکھا، وزیراعظم کی گزشتہ روزکی تقریرمیں ایکسپورٹ پر زور دیا گیا، گزشتہ4 سال میں ایکسپورٹ انڈسٹریز بند ہوگئیں، فیصل آباد کے مزدور بے روزگار ہوگئے، فیکٹریاں بک گئیں۔
انھوں نے مزید کہا گزشتہ حکومتی اقدامات سےمقامی پیداواری صلاحیت نہ بڑھ سکی اور پالیسیوں کی وجہ سے درآمدات میں اضافہ ہوا ، افغانستان سمیت 2 سے تین ممالک پاکستان سے پیچھے ہیں، بنگلادیش پاکستان سے بہت آگے نکل چکا ہے۔
وزیر خزانہ کا کہنا تھا کہ معیشت میں بہتری کیلئےجامعہ پالیسی مرتب کرنی ہوگی، ٹیکس ریفنڈز کی واپسی کے لئے تیزی لے کر آنی ہیں، گزشتہ ماہ آٹھ ارب روپے کے ریفنڈز جاری کئے گئے۔
یاد رہے اوگرا نے پیٹرولیم مصنوعات کی قیمتوں میں اضافے کی سمری وزارت پیٹرولیم کو ارسال کی تھی ، جس میں قیمتیں 9 روپے 91 پیسے تک اضافے کی سفارش کی گئی تھی۔
سمری میں پیٹرول کی قیمت 5 روپے 21 پیسے تک بڑھانے جبکہ ڈیزل 2 روپے فی لیٹر مہنگا کرنے کی سفارش کی گئی تھی ، علاوہ ازیں مٹی کے تیل کی قیمت 9 روپے 9 پیسے اور لائٹ ڈیزل کی قیمت 7 روپے 79 پیسے مہنگا کرنے کی تجویز دی گئی تھی۔
جس کے بعد وفاقی وزیر خزانہ اسد عمر نے اے آر وائی سے خصوصی گفتگو میں کہا تھا کہ پٹرول مہنگا نہیں ہوگا، پٹرول مہنگا نہیں سستا کیا جائے گا اور دسمبر تک پٹرول کی قیمت میں مزید کمی ہوگی۔
اسلام آباد: خام تیل کی قیمت میں اضافے کے اثرات سامنے آنے والے ہیں، یکم اپریل سے پیٹرولیم مصنوعات کی قیمتوں میں ساڑھے تین روپے تک کے اضافے کا امکان ہے۔
پیٹرولیم مصنوعات ہوچکی بہت سستی، اب تیار ی کی جارہی ہے قیمتیں بڑھانے کی۔اضافے کی وجہ عالمی مارکیٹ میں خام تیل کی بڑھتی ہوئی قیمت ہے، عالمی منڈی میں خام تیل کی قیمت چالیس ڈالر کے قریب ٹریڈ کر رہی ہے ۔
اوگرا زرائع کے مطابق یکم اپریل سے پیٹرول دو روپے دس پیسے اور ہائی اسپیڈ ڈیزل دو روپے ستائس پیسے فی لیڑ مہنگا ہوسکتا ہے۔یہی نہیں، ہائی آکٹین تین روپےاڑتالیس پیسے، مٹی کا تیل تین روپے جبکہ لائٹ ڈیزل دو روپے اٹھانوئے پیسے فی لیڑ مہنگا ہونے کا امکان ہے۔
قیمتوں میں اضافے کے امکانات کےپیش نظرترسیلی کمپنیوں نے ملک بھر میں سپلائی محدود کردی ہے جس سے پٹرول کی قلت اور بحران کا خدشہ پیدا ہوگیا ہے۔
اسلام آباد : حکومت نے عالمی منڈی میں تیل کے نرخ کم ہونے کے باعث ملک میں پیٹرول کی قیمت میں آٹھ روپے اڑتالیس پیسے فی لیٹرکمی کردی۔
تفصیلات کے مطابق وزیراعظم نواز شریف نے پاکستانی عوام کو ایک بڑی خوشخبری دیتے ہوئے پیٹرولیم مصنوعات کی قیمتوں میں کمی کااعلان کردیا جس کے تحت پیٹرول کی قیمت میں8روپے48پیسےفی لیٹرکمی کردی گئی۔
پیٹرول کی نئی قیمت62.77فی لیٹرروپےہوگئی۔ ہائی اوکٹین کی قیمت میں2روپے98پیسےفی لیٹرکمی کی منظوری ہائی اسپیڈڈیزل کی قیمت4روپے67پیسےفی لیٹرکم ہوگئی.
ہائی اسپیڈ ڈیزل کی نئی قیمت71.12 روپےفی لیٹرہوگئی، مٹی کےتیل کی قیمت میں 1روپے66 پیسےاضافےکی تجویزمسترد کردی گئی۔
لائٹ ڈیزل کی قیمت میں1روپے97پیسےفی لیٹرکمی کی منظوری دی گئی ہے۔ قیمتوں کا اطلاق آج رات بارہ بجے سے ہوگا۔
اسلام آباد: اوگرا نے پیٹرولیم مصنوعات کی قیمتوں میں اضافے کی سمری وزارت پیٹرولیم کو ارسال کردی ، پیٹرولیم مصنوعات کی قیمتوں پانچ روپے تہتر پیسے تک کا اضافہ تجویر کیا گیا ہے۔
اوگرا نے پیٹرولیم مصنوعات کی قیمتوں میں 5روپے 73پیسے فی لیٹر تک اضافے کی تجویز یکم نومبر سےپیٹرول کی قیمت میں 5روپے 28پیسے فی لیٹر اضافے کی تجویز ہائی آکٹین کی قیمت میں 5روپے73پیسے فی لیٹر اضافے کی تجویز ہائی اسپیڈ ڈیزل کی قیمت میں 3روپے34پیسے فی لیٹر اضافے کی تجویزکی گئی ہے۔
مٹی کے تیل کی قیمت میں 3روپے 89 پیسے فی لیٹر اضافے کی تجویز لائٹ ڈیزل کی قیمت میں 2روپے70پیسے فی لیٹر اضافے کی تجویز وزارت خزانہ وزیراعظم کی منظوری کے بعد حتمی قیمتوں کا اعلان 31اکتوبر کو کرے گی۔
اسلام آباد : حکومت نے پٹرولیم مصنوعات کی قیمتوں میں کمی کا اعلان کردیا، تفصیلات کے مطابق وفاقی وزیر خزانہ اسحاق ڈار نے پیٹرولیم مصنوعات میں کمی کا اعلان کر دیا ہے۔
پیٹرولیم مصنوعات کی قیمتوں میں کمی کا اعلان وزیراعظم سے منظوری کے بعد کیا گیا۔ وفاقی وزیر خزانہ اسحاق ڈار کے مطابق پیٹرول پرایک روپےتین پیسے۔ہائی اسپیڈ ڈیزل دوروپےاسی پیسےاورمٹی کا تیل چارروپےتراسی پیسےفی لیٹرسستا کردیاگیا ہے۔
اوگرا کی جانب سے وزارت پیٹرولیم کو پیٹرول کی قیمت میں 2 روپے 69 پیسے، ڈیزل 5 روپے 48 پیسے، مٹی کے تیل میں 6 روپے 33 پیسے، لائٹ سپیڈ ڈیزل میں 6 روپے 33 پیسے جبکہ ایچ او بی سی میں 1 روپے کمی تجویز دی گئی تھی.
لیکن حکومت اور وزارت خزانہ نے قیمتوں میں زیادہ سے زیادہ کمی کے بجائے اپنے خزانے کو بھرنے کو ترجیج دی۔ حکومت کی جانب سے اوگرا کی سمری کے برعکس قیمتوں میں معمولی کمی کی گئی۔
لاہور: وزیرِاعظم نے فخریہ انداز میں پیٹرولیم مصنوعات کی قیمتوں میں کمی کا اعلان کردیا، انھوں نے بتایا کہ پیٹرول کی فی لیٹر قیمت میں مزید سات روپے 99 پیسے کمی کی گئی ہے اور اب اس کی نئی قیمت 70 روپے 29 پیسے فی لیٹر ہوگی۔
اس کے علاوہ ہائی سپیڈ ڈیزل کی قیمت میں 5 روپے 62 پیسے، لائٹ ڈیزل کی قیمت میں 9 روپے 56 پیسے، ہائی اوکٹین کی قیمت میں 11 روپے 82 پیسے جبکہ مٹی کے تیل کی قیمت میں 10 روپے 48 پیسے کمی کا اعلان کیا گیا ہے۔
وزیراعظم نے لاہور میں ایلیٹ فورس کی تقریب کے بعد پیٹرولیم مصنوعات کی قیمتوں میں کمی کا اعلان کردیا، وزیرِاعظم نے بتایا کہ پیٹرولیم مصنوعات کی قیمتوں میں گیارہ روپے بیاسی پیسے تک کی کمی کی گئی ہے۔
اس نقصان کو پورا کرنے کیلئے حکومت نے پیٹرولیم مصنوعات پر مزید ٹیکس بڑھانے کا فیصلہ کیا ہے حکومت پیٹرولیم مصنوعات پر سیلز ٹیکس پانچ فیصد بڑھا کر ستائیس فیصد کر دیا ہے
واضح عالمی منڈی میں خام تیل کی قیمتوں میں مسلسل ہوتی کمی کے باعث فروری میں مقامی پیٹرولیم مصنوعات کی قیمتوں میں چودہ فیصد تک کمی متوقع ہے جو کہ سات سال کی کم ترین سطح ہے، اوگرا کے مطابق عالمی منڈیوں میں خام تیل کی قیمت چھ سال کی کم ترین سطح پر آگئی ہے ۔ بین الاقوامی مارکیٹ میں سعودی لائٹ جس سے مقامی قیمتیں منسلک ہیں وہ اس وقت چوالیس ڈالرز پیتالیس سینٹس پر فروخت ہورہا ہے۔
خیال رہے کہ اس وقت پاکستان میں سی این جی کی فی کلو کم سے کم قیمت ساڑھے 71 روپے ہے۔
اسلام آباد: نپیرا نے بجلی کی قیمت میں دو روپے ستانوے پیسے کمی کی منظوری دے دی۔
نیپرا کی جانب سے سینٹرل پاورپرچیزنگ ایجنسی کی درخواست پرسماعت کے دوران کمی کی منظوری دی گئی، بجلی کی قیمتوں میں کمی نومبر کیلئے ماہانہ فیول ایڈجسٹ کی مد میں کی گئی ہے،کمی کا اطلاق کےالیکٹرک کےسوا ملک بھرکی تمام تقسیم کارکمپنیوں پر ہوگا ۔
بجلی کے ٹیریف میں کمی سے صارفین کو سترہ ارب روہے سے زائد کا ریلیف ملےگا۔ نیپرا حکام کے مطابق بجلی کی قیمتوں میں کمی عالمی منڈی میں خام تیل اور فرنس آئل سستا ہونے کے باعث کی گئی ہے۔ وزیراعظم کی جانب سے اس کمی کا اعلان پہلے ہی کیا جاچکا ہے ۔
اسلام آباد: وزیرِاعظم نے بجلی کی قیمت میں کمی کا اعلان کیا تو لوگ خوش ہوئے لیکن نپیرا پریشان ہے، نپیراحکام کا کہنا ہے کہ بجلی کی قیمتوں میں کمی کے اعلان سے قبل نیپرا سے مشاروت نہیں کی گئی۔
نپیرا ذرائع کے مطابق وزیرِاعظم نےدو روپے بتیس پیسے کمی کا اعلان کس مد میں کیا اس بارے میں کچھ نہیں کہا جاسکتا اور اس اعلان سے پہلے حکومت نے نیپرا سے مشاورت نہیں کی ہے ۔
طریقہ کار کے مطابق سنٹرل پاور پرچیزنگ ایجنسی ، بجلی کی پیداواری لاگت اور فیول مکس کی تفصیلات کے ساتھ قیمتوں میں ردو بدل کی درخواست دیتی ہے، جو کہ تاحال موصول نہیں ہوئی ہے۔
اس لئے یہ کہنا کہ کمی کس مد میں کی گئی ہے کہنا مشکل ہے، وزارتِ پانی بجلی حکام کا کہنا ہے کہ کمی کے نوٹیفکشن کے اجراء میں دس سے بارہ دن لگ سکتے ہیں۔
