Tag: کمی

اسلام آباد: وزیر خارجہ شاہ محمود قریشی کا کہنا ہے کہ عالمی سطح پر بہت بڑی تبدیلیوں کا امکان ہے۔

تفصیلات کے مطابق اے آروائی نیوز کے پروگرام الیونتھ آور میں گفتگو کرتے ہوئے وزیر خارجہ شاہ محمود قریشی نے کہا کہ کرونا وائرس دنیا کو کس طرف لے جائےگی ہمیں وہم وگمان نہیں۔

شاہ محمود قریشی کا کہنا تھا کہ عالمی سطح پر تیل کی قیمتیں اس حد تک گر جانا حیران کن ہے،تیل کی قیمت گرنے سے ہمیں کسی حد تک سہارا ملےگا۔انہوں نے کہا کہ تیل کی قیمتیں گرنے سے یقیناً عوام کو ریلیف ملےگا۔

کرونا وائرس سے متعلق وزیر خارجہ نے کہا کہ دنیابھر میں بے روزگاری میں اضافہ ہوا،اسٹاک مارکیٹس گریں،امریکا میں بھی کرونا کی تباہ کاریاں جاری ہیں،کرونا وبا کی وجہ سے دنیا ایک مالی بحران کی طرف بڑھ رہی ہے۔

وزیر خارجہ کا کہنا تھا کہ ترقی پذیر ممالک کے قرض سے متعلق ہم نے مطالبہ کیا تھا،ترقی یافتہ ممالک اور عالمی اداروں نے ہمارے مطالبے پر توجہ دی۔

انہوں نے کہا کہ عالمی مارکیٹ میں تیل کی قیمتیں گرنے سے مہنگائی کم ہوگی،تیل کی قیمتیں گرنے سے ٹرانسپورٹ قیمت کی مد میں کمی ہوگی۔شاہ محمود قریشی کا مزید کہنا تھا کہ عالمی سطح پر بہت بڑی تبدیلیوں کا امکان ہے۔

پشاور: وزیراعلیٰ خیبرپختونخوا محمود خان نے قیدیوں کی سزاؤں میں 2 ماہ کی کمی کا اعلان کر دیا۔

تفصیلات کے مطابق وزیراعلیٰ خیبرپختونخوا محمود خان نے قیدیوں کی سزاؤں میں 2 ماہ کی کمی کی ہدایت کرتے ہوئے کہا کہ کرونا وبا کی شکل اختیار کرگیا، قیدیوں کو بھی ریلیف دیں گے۔

وزیراعلیٰ خیبر پختونخوا کا مزید کہنا تھا کہ سزائیں کم ہونے سے بیشتر قیدیوں کو رہائی مل جائے گی۔

دوسری جانب وزیر صحت خیبرپختونخوا کا کہنا ہے کہ کرونا وائرس کے کے پی میں 15 کیسز ڈی آئی خان کے ہیں، تمام افراد کی ٹریول ہسٹری ہے، تفتان سے آئے تھے

سندھ میں کرونا وائرس کے کیسز کی تعداد 103 ہوگئی جس کے بعد ملک بھر میں مجموعی تعداد 136 ہوگئی۔ ترجمان سندھ حکومت نے بتایا کہ تفتان سے سکھر آنے والے اب تک 76 افراد میں کرونا وائرس کی تصدیق ہوچکی ہے جبکہ 26 کیسز کراچی اور ایک کا تعلق حیدرآباد سے ہے۔

واضح رہے کہ رواں ماہ 11 مارچ کو عالمی ادارہ صحت نے کرونا وائرس کو عالمگیر وبا قرار دیا تھا، یہ وائرس اب تک 150 سے زائد ممالک میں پھیل چکا ہے۔ وائرس سے اب تک ایک لاکھ سے زائد افراد متاثر جبکہ 5 ہزار سے زائد ہلاک ہوچکے ہیں ۔

لاہور: محکمہ موسمیات کا کہنا ہے کہ لاہور کے مختلف علاقوں میں ہلکی بارش کے بعد جہاں سردی کی شدت میں اضافہ ہوا، وہیں اسموگ میں بھی کمی واقع ہوئی ہے۔

تفصیلات کے مطابق صوبہ پنجاب کے دارالحکومت لاہور میں ہلکی بارش کے باعث سردی کی شدت بڑھ گئی اور فضا میں موجود اسموگ میں بھی کمی واقع ہوئی ہے۔

محکمہ موسمیات کے مطابق لاہورمیں آج صبح درجہ حرارت 16 ڈگری سینٹی گریڈ ریکارڈ کیا گیا، آج شہر میں زیادہ سے زیادہ درجہ حرارت 24 ڈگری رہنے کا امکان ہے۔

محکمہ موسمیات کا کہنا ہے کہ آج ملک کے بیشتر علاقوں میں موسم خشک جبکہ شمالی علاقوں میں موسم سرد رہنے کا امکان ہے۔

خیال رہے کہ رواں برس اسموگ پر قابو پانے کے لیے فصلوں کی باقیات، کچرا، ٹائر اور پولی تھین جلانے پر دفعہ 144 نافذ کی گئی جبکہ اینٹوں کے بھٹوں کو بھی چند ماہ کے لیے بند کیا گیا جو سموگ کی اہم وجہ ہیں۔

لاہور ہائی کورٹ نے دو روز قبل اسموگ سے نمٹنے کے لیے پنجاب حکومت کو ٹھوس اقدامات کرنے کا حکم دیا تھا۔ عدالت کا کہنا تھا کہ زگ زیگ ٹیکنالوجی استعمال نہ کرنے والے بھٹوں اور آلودگی کا باعث بننے والے صنعتی یونٹس کے خلاف کارروائی کی جائے۔