Tag: کم جونگ

روسی صدر ولادیمیر پوتن اور شمالی کوریا کے سربراہ کم جونگ کے درمیان ملاقات میں دفاعی معاہدے پر دستخط کیے گئے ہیں۔

غیرملکی میڈیا رپورٹس کے مطابق بدھ کے روز روسی صدر نے اپنے دورے کے دوران شمالی کوریا کے لیڈر کم جونگ کے ساتھ ایک باہمی دفاعی پر دستخط کیے ہیں، پچھلے کئی برسوں میں اسے ایشیا میں روس کے سب سے اہم اقدام کے طور پر دیکھا جارہا ہے جبکہ کم نے اسے ایک ’اتحاد‘ قرار دیا ہے۔

جولائی 2000 کے بعد سے پیونگ یانگ کے اپنے پہلے دورے پر پوتن نے واضح طور پر روس کے شمالی کوریا کے ساتھ گہرے تعلقات کا عندیہ دیا ہے۔

یوکرین کے لیے مغرب کی بڑھتی ہوئی حمایت کے بعد ماسکو پیانگ یانگ کے ساتھ فوجی اور تکنیکی تعاون کو فروغ دے سکتا ہے۔

روسی صدر نے 24 برسوں میں اس ملک کا پہلا دورہ کیا اس سے پہلے انھوں نے آخری دورہ سنہ 2000 میں کیا تھا جب موجودہ رہنما کم جونگ کے والد کم جونگ ال اقتدار میں تھے۔

دونوں رہنماؤں نے بات چیت کے بعد ایک جامع اسٹریٹجک پارٹنرشپ کے معاہدے پر دستخط کیے، جس کے بارے میں پوتن نے بتایا کہ کسی بھی ملک کے خلاف جارحیت کی صورت میں اس معاہدے میں باہمی دفاعی شق بھی شامل ہے۔

پوتن نے کہا کہ آج جس معاہدے پر دستخط ہوئے اس میں دیگر چیزوں کے علاوہ فریقین میں سے کسی کے خلاف جارحیت کی صورت میں باہمی مدد کی فراہم بھی اس کا حصہ ہے۔

انھوں نے کہا کہ روس کے خلاف حملوں کے لیے یوکرین کو ایف 16 لڑاکا طیاروں سمیت جدید، طویل فاصلے تک مار کرنے والے ہتھیاروں کی مغربی ترسیل اہم معاہدوں کی خلاف ورزی ہے۔

کم نے روس کی تعریف کرتے ہوئے کہا کہ اس نے شمالی کوریا کی حمایت کے لیے ایک انتہائی اہم اسٹریٹجک اقدام کے طور پر معاہدہ کیا ہے جبکہ ملک 1948 میں سوویت یونین کے تعاون سے قائم ہوا تھا۔

شمالی کوریا کے مطلق العنان سربراہ کم جونگ کی ممکنہ جانشین کون سی خاتون ہونگی، ان کا نام سامنے آگیا۔

کم جونگ کی نوجوان بیٹی عوامی مقامات سے لے کر میزائل تجربات کی تقریب تک اکثر مقامات پر ان کے ہمراہ نظر آتی ہیں۔ ان کے بارے میں گمان کیا جارہا ہے کہ وہ ہی شمالی کوریا کی اگلی سربراہ ہونگی۔

نیویارک ٹائمز کی جانب سے جمعرات کو رپورٹ شائع کی گئی ہے جس میں جنوبی کوریا کی انٹیلی جنس ایجنسی کے حوالہ دیتے ہوئے یہ انکشاف کیا گیا ہے۔

تاہم اس رپورٹ میں بیٹی کے بارے میں کوئی ذاتی تفصیلات نہیں بتائی گئیں، بشمول اس کا نام اور عمر، لیکن جنوبی کوریا کے حکام کے مطابق ان کا نام ’کم جو-اے‘ہے۔

کم جو اے نے اس وقت سرخیوں میں آئیں جب ریٹائرڈ این بے اے اسٹار ڈینس روڈمین نے بتایا تھا کہ انھیں 2013 میں پیانگ یانگ میں کم سے ملاقات میں ؤ بچے کی بھی دیکھا تھا۔

شمالی کوریا کے سرکاری میڈیا نے اس نوجوان لڑکی کو کم کی سب سے چہیتی یا محترم اولاد کہا ہے اور فوجی جرنیلوں اور دیگر اعلیٰ عہدے داروں کو اس کے سامنے گھٹنے ٹیکتے ہوئے دکھایا ہے۔

نیویارک ٹائمز نے رپورٹ میں بتایا کہ اس طرح کے مناظر نے باہر کے تجزیہ کاروں میں بڑے پیمانے پر قیاس آرائیوں کو جنم دیا ہے کہ کم کی صاحبزادی کو بظاہر والد کے وارث کے طور پر تیار کیا جا رہا ہے۔

پیانگ یانگ: شمالی کوریا کے سربراہ کم جونگ ان کی شدید طبیعت خرابی اور ہلاکت سے متعلق افواہیں دم توڑ گئیں، کم جونگ نے ایک بار پھر منظر عام پر آکر دنیا کو حیران کردیا۔

غیرملکی خبررساں ادارے کی رپورٹ کے مطابق شمالی کوریائی سربراہ ایک بار پھر اپنے مخصوص لباس اور انداز میں اہم ملکی اجلاس میں شریک ہوئے جس کے بعد دنیا بھر میں ان سے متعلق من گھڑت اور جھوٹی خبریں مسترد ہوگئیں، کم جونگ ماضی کی بنسبت زیادہ خوشگوار موڈ میں نظر آئے۔

رپورٹ کے مطابق ملکی اہم اجلاس کے دوران کم جونگ نے سماجی فاصلے کا بھی خیال رکھا جبکہ شمالی کوریا نے اب تک ایک بھی کروناوائرس کے کیس کی تصدیق نہیں کی جس پر پوری دنیا کو حیرت ہے۔

لیڈر کم جونگ کی ہلاکت سے متعلق افواہوں کے بعد وہ آج پہلی میٹنگ میں شریک ہوئے، ملکی سربراہ گزشتہ کئی ہفتوں سے ریاستی میڈیا پر آنے سے بھی گریز کررہے تھے۔

کم جونگ کی سربراہی میں ہونے والے اجلاس میں معاشی صورت حال کا جائزہ لیا گیا۔ شمالی کوریا پر عالمی پابندیاں عائد ہیں جس سے اس کی اکانومی شدید متاثر ہے اور رہی سہی کسر کروناوائرس سے متعلق تجارتی پابندیاں پوری کرچکی ہیں۔

سیئول: شمالی کوریا کے سابق سرکاری عہدیدار نے دعویٰ کیا ہے کہ کم جونگ ان میزائل تجربے کے دوران مبینہ طور پر زخمی ہوئے اور اس کے بعد سے ہی وہ منظر عام سے غائب ہیں۔

غیرملکی خبررساں ادارے کی رپورٹ کے مطابق عہدیدار کا خیال ہے کہ شمالی کوریا کے سربراہ ملٹری منصوبے کے تحت حالیہ میزائل تجربے کے دوران شدید زخمی ہوئے جس کے باعث ان کی حالات تشویش ناک بھی ہوسکتی ہے۔

رپورٹ میں دعویٰ گیا ہے کہ کم جونگ 11 اپریل کو ہونے والے اہم پارٹی اجلاس کے بعد سے پراسرار طور پر غائب ہیں، ملک میں 14 اپریل کو میزائل تجربہ کیا گیا جہاں خطرناک حادثہ پیش آیا۔

کم جونگ اُن زندہ اور صحت مند ہیں: جنوبی کوریا

ادھر جاپانی میڈیا دعویٰ کر رہا ہے کہ ایک بڑے آپریشن کے بعد کِم جون اُن کوما میں جا چکے ہیں۔ جمعرات کو کم جونگ کی ٹرین کی سیٹلائٹ تصاویر سامنے آئیں۔ جس پر کہا گیا شمالی کوریا کے حکمراں نے ٹرین پر سفر کیا۔

نیویارک ٹائمز سمیت امریکی میڈیا کے بقول افواہ گرم ہے کہ وہ اب دنیا میں نہیں رہے۔ بہرحال کم جونگ اُن کہاں ہیں، ان کی حالت کیسی ہے، شمالی کوریا خاموش ہے۔

خیال رہے کہ شمالی کوریا کے سربراہ کم جونگ اُن کی زندگی اور صحت سے متعلق جنوبی کوریا کی ایک اہم سرکاری شخصیت نے کہا ہے کہ کم جونگ زندہ اور صحت مند ہیں۔