Tag: کم جونگ اُن

سیئول (19 اگست 2025): شمالی کوریا کے رہنما کم جونگ اُن نے ایٹمی ہتھیاروں کے پروگرام کو تیز تر کرنے کا اعلان کر دیا ہے۔

جنوبی کورین میڈیا کے مطابق منگل کو شمالی کوریا کے رہنما کم جونگ اُن نے کہا ہے کہ اُن کے ملک کو ایٹمی طاقت میں تیزی سے اضافہ کرنے کی ضرورت ہے۔

انھوں نے امریکا اور جنوبی کوریا کی مشترکہ فوجی مشقوں کو ’’جنگ بھڑکانے کے ارادے کا واضح اظہار‘‘ قرار دیا۔ جنوبی کوریا اور اس کا اتحادی امریکا رواں ہفتے مشترکہ فوجی مشقیں کر رہے ہیں، ان مشقوں میں شمالی کوریا کی جوہری دھمکیوں کے پیش نظر ایک بہتر دفاعی ردعمل کی مشقیں بھی شامل ہیں۔

اگرچہ سیئول اور واشنگٹن کا کہنا ہے کہ یہ مشقیں مکمل طور پر دفاعی نوعیت کی ہیں، تاہم پیانگ یانگ باقاعدگی سے ایسی مشقوں پر تنقید کرتا رہا ہے اور انھیں حملے کی تیاری کی مشقیں قرار دیتا ہے، اور بعض اوقات اس کے جواب میں ہتھیاروں کے تجربات بھی کرتا ہے۔

اِسکبیڈی، ٹریڈ وائف، ڈی لولو، ماؤس جگلر، ان الفاظ کا کیا مطلب ہے؟

روئٹرز کے مطابق کم جونگ اُن نے پیر کو ایک نیوی ڈسٹرائر کے دورے کے دوران کہا کہ یہ مشقیں شمالی کوریا کے لیے ’انتہائی دشمنی اور محاذ آرائی پر مبنی رویے‘ کے ارادے کا واضح اظہار ہیں، انھوں نے کہا کہ سلامتی کی موجودہ صورت حال کو دیکھتے ہوئے شمالی کوریا مجبور ہے کہ وہ اپنی جوہری طاقت میں ’تیزی سے اضافہ‘ کرے۔ ان کا دعویٰ تھا کہ حالیہ امریکا جنوبی کوریا مشقوں میں ’جوہری عنصر‘ بھی شامل ہے۔

واضح رہے کہ امریکن سائنٹسٹس فیڈریشن کی ایک رپورٹ میں گزشتہ سال یہ نتیجہ اخذ کیا گیا تھا کہ اگرچہ شمالی کوریا کے پاس اتنا فِسائل مواد (fissile material) ہو سکتا ہے جس سے وہ 90 تک جوہری وار ہیڈز بنا سکے، لیکن غالب امکان یہ ہے کہ اس نے اب تک تقریباً 50 جوہری ہتھیار تیار کیے ہیں۔

شمالی کوریا اگلے سال اکتوبر تک 5,000 ٹن وزنی ’چوئے ہیون کلاس‘ (Choe Hyon-class) کا تیسرا ڈسٹرائر بحری جہاز تعمیر کرنے کا منصوبہ بھی رکھتا ہے اور ان جنگی جہازوں کے لیے کروز اور اینٹی ایئر میزائلوں کے تجربات بھی کر رہا ہے۔

پیانگ یانگ: شمالی کوریا کی سرکاری میڈیا پر ایک تصویر سامنے آئی ہے جس نے کئی ممالک میں لوگوں کی توجہ حاصل کر لی ہے، اس تصویر میں شمالی کوریا کے رہنما کم جونگ اُن کے ساتھ فوجی کھڑے ہیں لیکن ایک شخص سوئمنگ سوٹ جیسے تنگ سوٹ میں کھڑا ہے۔

امریکی خبر رساں ادارے اے پی کے مطابق یہ تصویر پیر کو لی گئی، اور یہ اسلحے کی ایک نمائش کے دوران کم جونگ اُن کے ساتھ لی گئی تھی، جس میں 30 فوجی ان کے ساتھ کھڑے تھے۔

تمام فوجیوں نے مخصوص رنگ یونیفارم پہنا تھا، ان میں صرف دو افراد نے مختلف رنگ پہنا ہوا تھا، ایک نے نیلا رنگ اور دوسرے نے نیوی بلیو یونیفارم پہنا تھا، جب کہ شمالی کوریا کے رہنما نے سیاہ رنگ پہنا ہوا تھا۔

نمائش کے اگلے روز جب یہ تصویر سامنے آئی تو لوگ حیران رہ گئے، سوال اٹھا کہ نیلے کپڑوں میں ملبوس ’راکٹ مین‘ شمالی کورین فوجیوں کے درمیان کیا کر رہا ہے؟

تصویر کے سامنے آتے ہی کسی نے فوجی کو ’سپر ہیرو‘ تو کسی نے ’کیپٹن ڈی پی آر کے‘ اور کسی نے ان کو ’راکٹ مین‘ کہا۔

It seems he’s the parachutist. pic.twitter.com/XtRdDsKNII

— Dr. Jeffrey Lewis (@ArmsControlWonk) October 12, 2021

جنوبی کوریا، امریکا اور دیگر جگہوں پر کچھ ٹوئٹر صارفین نے ان کو مذاق کا نشانہ بنایا اور کہا کہ وہ ’انسانی توپ کے گولے‘ جیسا دکھ رہے ہیں۔

شمالی کوریا کی سرکاری میڈیا نے اس شخص کے بارے میں کچھ نہیں کہا تاہم مونٹیری میں مڈل بری انسٹیٹیوٹ آف انٹرنیشنل اسٹڈیز کے ایک تجزیہ کار جیفری لیوئس نے ایک تصویر ٹوئٹ کی کہ ’ایسا لگ رہا ہے کہ وہ پیرا شوٹر تھا۔‘

کوریا کی سرکاری خبر رساں ادارے نے کہا ہے کہ نمائش شروع ہونے سے قبل اعلیٰ درجے کے ایک پیرا شوٹسٹ نے پارٹی کے جھنڈے کو لہراتے ہوئے کرتب دکھائے۔

شمالی کوریا میں ہونے والے پہلے ایئر شو کی تصاویر میں بھی دیکھا جا سکتا ہے کہ پیرا شوٹرز نے نیلے رنگ کے تنگ کپڑے پہنے ہوئے تھے۔