ARYNews.tv | Urdu – Har Lamha Bakhabar

Tag: کندھ کوٹ

  • کندھ کوٹ پولیس نے 37 افراد کو اغوا ہونے سے بچالیا

    کندھ کوٹ پولیس نے 37 افراد کو اغوا ہونے سے بچالیا

    کندھ کوٹ : تھانہ بڈانی کی حدود سے 37 افراد کو اغوا ہونے سے بچالیا گیا، جس میں10خواتین اور5بچےبھی شامل ہیں۔

    تفصیلات کے مطابق کندھ کوٹ کی مقامی پولیس نے بڈانی تھانے کی حدود سے 37افرادکواغواہونےسےبچالیا، ان افراد کو مزدوری کا جھانسہ دے کر صوبہ سندھ کے ضلع کشمور کےکچےکےعلاقےمیں بلایا گیا تھا۔

    پولیس نے بروقت اطلاع ملنے پر کارروائی کرتے ہوئے تمام افرادکو کچے کی طرف جانےسے روک دیا اور تمام افراد با حفاظت ک ایس ایس پی آفس کندھ کوٹ منتقل کردیاگیا۔

    پولیس کا کہنا تھا کہ اغواسےبچ جانیوالےافرادمیں10خواتین اور5بچے بھی شامل ہیں،

    اس سے قبل وزیر اعلیٰ پنجاب مریم نواز کی ہدایت پر پنجاب حکومت نے کچے کے علاقے کے ڈاکوؤں کے سر پر ایک کروڑ روپے انعام کا اعلان کیا تھا، یہ اقدام مجرموں کے خلاف سخت کریک ڈاؤن کا حصہ ہے، خاص طور پر وہ لوگ جو قانون نافذ کرنے والے اداروں کے خلاف پرتشدد جرائم میں ملوث ہیں۔

    اعلامیے کے مطابق انتہائی مطلوب ڈاکوؤں کی گرفتاری پر 50 لاکھ روپے کا انعام مقرر کیا گیا ہے جب کہ دیگر ڈاکوؤں اور دہشت گردوں کی گرفتاری پر 25 لاکھ روپے انعام دیا جائے گا۔

    مریم نواز نے پولیس اہلکاروں پر حملہ کرنے والے دہشت گردوں کو انصاف کے کٹہرے میں لانے کے لیے حکومت کے عزم پر زور دیا۔

  • دوران گشت پولیس موبائل کو حادثہ، 4 اہلکار جاں بحق، 3 زخمی

    دوران گشت پولیس موبائل کو حادثہ، 4 اہلکار جاں بحق، 3 زخمی

    کندھ کوٹ: سندھ کے شہر کندھ کوٹ میں گشت کے دوران پولیس موبائل کو حادثہ پیش آنے کے نتیجے میں 4 اہلکار جاں بحق اور 3 زخمی ہو گئے۔

    تفصیلات کے مطابق کندھ کوٹ کے قریب انڈس ہائی وے مچھی بنڈو کے مقام پہ پیٹرولنگ کے دوران پولیس موبائل کا ٹائی راڈ ٹوٹ گیا، جس کی وجہ سے وہ الٹ گئی۔

    حادثے میں چار پولیس اہلکار جاں بحق اور تین زخمی ہو گئے، زخمیوں اور لاشوں کو سول اسپتال کندھ کوٹ منتقل کر دیا گیا ہے، ایس ایس پی کشمور نے بتایا کہ نماز جنازہ کے بعد جاں بحق پولیس اہلکاروں کی میتیں ان کے آبائی گاؤں روانہ کر دی جائیں گی۔

    ٹائر پھٹنے کے بعد پولیس موبائل کے ساتھ خوفناک حادثہ، 5 اہلکار جاں بحق

    واضح رہے کہ 17 جون کو بھی بلوچستان کے علاقے لسبیلہ میں دبئی مسجد کے قریب گشت کے دوران پولیس موبائل کا ٹائر پھٹنے کی وجہ سے افسوس ناک حادثہ پیش آیا تھا، جس کے باعث 5 اہلکار جاں بحق جب کہ 2 زخمی ہو گئے تھے۔

  • کراچی سے کندھ کوٹ جانیوالی مسافر کوچ الٹ گئی، ایک مسافر جاں بحق، متعدد زخمی

    کراچی سے کندھ کوٹ جانیوالی مسافر کوچ الٹ گئی، ایک مسافر جاں بحق، متعدد زخمی

    کراچی سے کندھ کوٹ جانیوالی مسافر کوچ الٹ گئی، 1 مسافر جاں بحق، متعدد زخمی

    نوشہروفیروز: کراچی سے کندھ کوٹ جانیوالی مسافر بس بائی پاس پر الٹ گئی جس کے نتیجے میں 1مسافر جاں بحق جبکہ 10 سے زائد افراد زخمی ہوگئے۔

    تفصیلات کے مطابق کراچی سے اپنوں میں عید منانے کیلئے جانے والے مسافر حادثے کا شکار ہوگئے، یہ حادثہ نوشہروفیروز کے قریب پیش آیا جس کے نتیجے میں 1مسافر جاں بحق جبکہ 10 سے زائد افراد زخمی ہوگئے۔

    پولیس کا بتانا ہے کہ حادثے میں جاں بحق شخص اور 10 سے زائد زخمی مسافر کو اسپتال منتقل کیا جارہا ہے، بس کو حادثہ ڈرائیور کو نیند آنے کے باعث پیش آیا۔

  • الیکشن کمیشن کے 4 ملازم دم گھٹنے سے جاں بحق

    الیکشن کمیشن کے 4 ملازم دم گھٹنے سے جاں بحق

    کندھ کوٹ: کونسل ہال میں گیس بھر جانے سے الیکشن کمیشن کے 4 ملازم دم گھٹنے سے جاں بحق ہوگئے۔

    تفصیلات کے مطابق سندھ کے ضلع کندھ کوٹ کے کونسل ہال میں گیس بھر جانے سے الیکشن کمیشن کے 4 ملازم دم گھٹنے سے جاں بحق ہوگئے۔

    ریسکیو ذرائع کا کہنا ہے کہ رات کے وقت ملازم کمروں میں سو رہے تھے، جاں بحق ہونے والوں میں الیکشن کمیشن کا افسر مشتاق احمد مگسی، ڈیٹا آپریٹر غلام فرید، عبدالرؤف اور ماجد حسین  شامل ہے۔

    ریسکیو ذرائع کا مزید بتانا ہے کہ الیکشن کمیشن کے 3 عملے کا تعلق لاڑکانہ سے تھا، چاروں ملازمین کی لاشیں سول اسپتال منتقل کر دی گئی۔

  • کندھ کوٹ میں ٹرک اور وین میں تصادم، 7 افراد جاں بحق

    کندھ کوٹ میں ٹرک اور وین میں تصادم، 7 افراد جاں بحق

    کندھ کوٹ: قومی شاہراہ کرم پور کے مقام پر ٹرک اور وین کے درمیان خطرناک ٹکر سے 7 افراد جاں بحق ہوگئے۔

    تفصیلات کے مطابق کندھ کوٹ میں قومی شاہراہ کرم پور کے مقام پر ٹرک اور وین کے درمیان خطرناک تصادم ہوا جس کے نتیجے میں 7 افراد جان کی بازی ہار گئے۔

    ریسکیو ذرائع کا کہنا ہے کہ حادثہ دھندکے باعث پیش آیا جس میں متعدد افراد زخمی بھی ہوئے ہیں جبکہ لاشوں اور زخمیوں کو اسپتال منتقل کیا جارہا ہے۔

    ریسکیو ذرائع کا مزید کہنا ہے کہ ٹرک کراچی سے پنجاب اور وین کندھ کوٹ سے سکھر جارہی تھی۔

  • کندھ کوٹ: گھر میں راکٹ پھٹنے سے 4 بچوں سمیت 7 افراد جاں بحق، 6 زخمی

    کندھ کوٹ: گھر میں راکٹ پھٹنے سے 4 بچوں سمیت 7 افراد جاں بحق، 6 زخمی

    کندھ کوٹ: کچے کے علاقےشاہ علی سبزوئی میں گھر میں راکٹ پھٹنے سے 7 افراد جاں بحق ہوگئے ، جس میں چاربچے شامل ہیں جبکہ چھ افراد زخمی ہوئے۔

    تفصیلات کے مطابق کندھ کوٹ میں کچے کے علاقے شاہ علی سبزوئی میں واقع ایک گھر میں راکٹ پھٹ گیا، راکٹ پھٹنے سے 4 بچوں سمیت 7 افراد جاں بحق ہوگئے جبکہ 6 زخمی ہوئے۔

    راکٹ پھٹنے سے علاقے میں خوف وہراس پھیل گیا تاہم زخمیوں کو اسپتال منتقل کردیا گیا ہے ، ،ایس ایس پی کشمور نے بتایا کہ راکٹ گھر میں تھا ، بچوں نے چولہے میں پھینک دیا، جس سےدھماکاہوا تاہم پولیس نے گاؤں کا محاصرہ کرلیا ہے اور سرچ آپریشن جاری ہے۔

    نگراں وزیراعلیٰ سندھ مقبول باقر نے کندھ کوٹ کےکچے میں راکٹ لانچر واقعے پر نوٹس لیتے ہوئے آئی جی پولیس سے رپورٹ طلب کرلی اور سوال کیا راکٹ لانچر زنگی سبزوئی گوٹھ میں کیسے پہنچا، کیا کوئی اسلحہ کی کھیپ کچےمیں اسمگل ہورہی تھی؟

    نگراں وزیراعلیٰ سندھ نے آئی جی سے سوال کیا ہے کہ کیا گوٹھ میں ڈکیتوں کےسہولت کارموجودہیں؟ راکٹ لانچر کیسے بلاسٹ ہوا جس سے اتنا جانی نقصان ہوا، مجھے تفصیلی رپورٹ دی جائے۔

  • کچے کے ڈاکوؤں کے قبضے سے 5 سالہ مغوی بچی بازیاب

    کچے کے ڈاکوؤں کے قبضے سے 5 سالہ مغوی بچی بازیاب

    کشمور: سندھ کے شہر کندھ کوٹ میں پولیس نے آپریشن کرتے ہوئے 5 سالہ بچی کو ڈاکوؤں کے ساتھ ایک مقابلے کے بعد بازياب کرا لیا۔

    تفصیلات کے مطابق کندھ کوٹ پولیس نے سندھ کے کچے کے علاقے شالو میں سرچ آپریشن کے دوران ایک پانچ سالہ مغوی بچی کو بازیاب کرا لیا۔

    بچی کے اغوا کا مقدمہ پولیس اسٹیشن اے سیشن کندھ کوٹ میں درج تھا، بازیاب بچی کو ان کے والدین کے حوالے کر دیا گیا ہے۔

    واضح رہے کہ سندھ کے شہر کندھ کوٹ سے کچے کے ڈاکوؤں نے 7 معصوم بچے اغوا کیے تھے، اے آر وائی نیوز کی رپورٹ کے بعد پولیس حکام خواب غفلت سے جاگے اور حرکت میں آئے، یہ بچے سخت خطرے میں ہیں، کیوں کہ ڈاکو تشدد کے علاوہ بچوں کو زیادتی کا نشانہ بھی بناتے ہیں۔

    کچھ عرصہ پہلے ایک بچے کے ساتھ زیادتی کی ویڈیو بھی وائرل کر دی گئی تھی، دوسری طرف پولیس کی سست حکمت عملی کم سن پھولوں اور ان کے والدین کے لیے قیامت بنی ہوئی ہے۔

    اے آر وائی نیوز کو انٹرویو میں آئی جی سندھ غلام نبی میمن نے کچھ دن قبل دعویٰ کیا تھا کہ ڈاکو پولیس آپریشن رکوانے کے لیے بچوں اور اقلیتی کمیونٹی کے افراد کو اغوا کرتے ہیں۔

  • 4 روز قبل اغوا کئے گئے باپ بیٹا مبینہ مقابلے کے بعد بازیاب

    4 روز قبل اغوا کئے گئے باپ بیٹا مبینہ مقابلے کے بعد بازیاب

    کندھ کوٹ: کچے کے علاقے میں 4 روز قبل اغوا کئے گئے باپ بیٹے کو مبینہ مقابلے کے بعد بازیاب کرالیا گیا۔

    کچے کے علاقے میں ایک طرف  ڈاکوؤں کا راج  عروج  پر  ہے تو دوسری جانب پولیس ڈاکوؤں سے مقابلہ کر رہی ہے، ڈاکو شہریوں کو ہنی ٹریپ کے ذریعے اغوا کر رہے ہیں، لیکن جلد مغویوں کو بازیاب کرالیا جائے گا۔

    پولیس کا بتانا ہے کہ 4 روز قبل اغوا ہونے والے 2 افردا باپ بیٹے کو پولیس نے بازیاب کرالیا ہے کچے میں ڈاکوؤں مغویوں کو دوسری جگہ منتقل کر رہے تھے۔

    پولیس نے بتایا کہ شدید فائرنگ کے بعد ڈاکو مغویوں کو چھوڑ کر فرار ہوگئے، کچھ روز قبل ڈاکوؤں نے ورثا سے 50 لاکھ روپے تاوان مانگا تھا۔

    پولیس کے مطابق کندھ کوٹ سے اغوا ہونے والے دونوں باپ بیٹے کو تنگوانی روڈ سے اغوا کیا گیا تھا مغوی ممتاز بہلکانی اور بیٹے ریاض بہلکانی کو ڈاکو اغوا کرکے کچے کی طرف فرار ہوگئے تھے۔

    واضح رہے کہ کشمور میں بدامنی، کچے میں ڈاکو راج بے قابو، اغوا برائے تاوان کی فزیکل وارداتوں میں تیزی سے اضافہ ہورہا ہے۔

  • کندھ کوٹ سے اغوا 7 بچے سخت خطرے میں، سندھ پولیس اور کچے کے ڈاکوؤں میں معصوم پھول مسلے جانے لگے

    کندھ کوٹ سے اغوا 7 بچے سخت خطرے میں، سندھ پولیس اور کچے کے ڈاکوؤں میں معصوم پھول مسلے جانے لگے

    کندھ کوٹ: صوبہ سندھ کے شہر کندھ کوٹ سے اغوا 7 بچے سخت خطرے میں ہیں، سندھ پولیس اور کچے کے ڈاکوؤں میں معصوم پھول مسلے جانے لگے ہیں۔

    تفصیلات کے مطابق سندھ کے شہر کندھ کوٹ میں معصوم بچوں کی اغوا کی وارداتوں سے متعلق اے آر وائی نیوز کی رپورٹ کے بعد سندھ پولیس حکام حرکت میں آ گئے ہیں، ایس ایس پی عرفان سموں مغوی بچی علیشا کے گھر پہنچ گئے اور رشتے داروں کو بچی کی جلد بازیابی کی یقین دہانی کرائی۔

    ذرائع کے مطابق کندھ کوٹ سے اغوا 7 بچے سخت خطرے میں ہیں، ڈاکو تشدد کے علاوہ بچوں کو زیادتی کا نشانہ بھی بناتے ہیں، کچھ عرصہ پہلے ایک بچے کے ساتھ زیادتی کی ویڈیو بھی وائرل کر دی گئی تھی، دوسری طرف پولیس کی سست حکمت عملی کم سن پھولوں اور ان کے والدین کے لیے قیامت بنی ہوئی ہے۔

    تشویش ناک صورت حال کو دیکھتے ہوئے یہ سوال اٹھتا ہے کہ کیا پولیس نے کندھ کوٹ میں بچوں کے اغوا پر آنکھیں بند کر لی ہیں، کیوں کہ پولیس کی جانب سے ورثا کو ایک ہی جواب مل رہا ہے کہ ’’صبر کریں۔‘‘ آئی جی سندھ نے عجیب بیان دیا کہ ’’ڈاکو آپریشن رکوانے کے لیے بچوں کو اغوا کر رہے ہیں۔‘‘ تو کیا ڈاکوؤں کے خلاف آپریشن ختم ہونے تک بچے اغوا ہوتے رہیں گے؟

    یاد رہے کہ اے آر وائی نیوز کو انٹرویو میں آئی جی سندھ غلام نبی میمن نے کچھ روز پہلے دعویٰ کیا تھا کہ ڈاکو پولیس آپریشن رکوانے کے لیے بچوں اور اقلیتی کمیونٹی کے افراد کو اغوا کرتے ہیں۔

    اے آر وائی نیوز کی رپورٹ کے بعد محکمہ پولیس حرکت میں آئی، اور ایس ایس پی عرفان علی سموں نے علیشا کے والدین سے ملاقات میں اظہار ہمدردی کرتے ہوئے کہا کہ پولیس کی ٹیمیں چھاپے مار رہی ہیں، بہت جلد مغوی کی بازیابی کو یقینی بنایا جائے گا۔ انھوں نے کہا علاقے میں 7 بچوں کے اغوا سمیت جرائم کی وارداتوں پر حکام میں گہری تشویش پائی جاتی ہے، جرائم پیشہ افراد کوعبرت ناک انجام تک پہنچانے کے لیے کوششیں جاری ہیں۔

  • قتل کے بعد قاتل خوشی میں ہوائی فائرنگ کرنے لگے

    قتل کے بعد قاتل خوشی میں ہوائی فائرنگ کرنے لگے

    کندھ کوٹ: تحصیل کندھ کوٹ میں پرانی دشمنی کے سبب 2 افراد کو قتل کرنے والے قاتل واردات کے بعد خوشی میں ہوائی فائرنگ کرنے لگے۔

    تفصیلات کے مطابق صوبہ سندھ کے ضلع کشمور کے شہر کندھ کوٹ میں دو قبائل میں پرانی دشمنی پر جھڑپ ہوئی، جس میں ایک گروپ نے دوسرے کے دو افراد کو گولیاں مار کر قتل کر دیا۔

    پولیس حکام کا کہنا ہے کہ پرانی دشمنی پر فائرنگ کا واقعہ کندھ کوٹ میں کاڑڑا پتن کے قریب پیش آیا، درانی مہر تھانے کی حدود میں قتل ہونے والے دونوں افراد کی لاشیں اسپتال منتقل کر دی گئی ہیں۔

    مخالف گروپ نے خونی تنازع کا بدلہ لینے کے بعد اندھا دھند فائرنگ کی، گروپ کی جانب سے خوشی میں کی گئی فائرنگ کی ویڈیو بھی وائرل ہو گئی ہے۔

    پولیس قتل میں ملوث ملزمان کو تاحال گرفتار نہیں کر سکی ہے، اور دونوں گروپوں میں کشیدگی بدستور برقرار ہے۔