ARYNews.tv | Urdu – Har Lamha Bakhabar

Tag: کنٹرول لائن

  • کنٹرول لائن پر شہید نائیک تنویر اورسپاہی رمضان فوجی اعزاز کے ساتھ سپرد خاک

    کنٹرول لائن پر شہید نائیک تنویر اورسپاہی رمضان فوجی اعزاز کے ساتھ سپرد خاک

    لاہور: کنٹرول لائن پر شہید فوجی اہلکاروں نائیک تنویر اور سپاہی رمضان کو آبائی گاؤں میں فوجی اعزازکےساتھ سپردخاک کردیاگیا، شہید محمد تنویر کا تعلق جہانیاں جبکہ محمد رمضان کا تعلق محسن وال سےتھا۔

    تفصیلات کے مطابق لائن آف کنٹرول پر شہید ہونے والے جہانیاں کے نائیک تنویراحمد کا جسد خاکی گزشتہ رات ایمبولینس کے ذریعے آبائی گاؤں پہنچا تو موٹرسائیکل اور کار پرسوارسینکڑوں افراد نے شہید کے جسد خاکی کا پرتپاک استقبال کیا اور فضا پاکستان زندہ باد اورپاک فوج زندہ باد کے فلک شگاف نعروں سے گونج اٹھی۔

    شہید کے جسد خاکی پر پھولوں کی پتیاں نچھاور کیں گئیں اور جسد خاکی کو ریلی کی شکل میں گاؤں لیجایا گیا۔

    شہید نائیک تنویراحمد کی نمازجنازہ صبح ساڑھے آٹھ بجے ادا کی گئی، نماز جنازہ میں سیاسی وسماجی شخصیات سمیت شہریوں کی بڑی تعدادنے شرکت کی، جس کے بعد شہید نائیک تنویر کو مکمل فوجی اعزازکے ساتھ سپرد خاک کردیا گیا۔

    دوسری جانب محسن وال میں شہید سپاہی رمضان کی نماز جنازہ آبائی علاقے میں ادا کی گئی ، جس میں سیاسی وسماجی شخصیات سمیت شہریوں کی بڑی تعدادمیں شرکت کی ، جس کے بعد شہید سپاہی رمضان کو مکمل فوجی اعزازکے ساتھ سپرد خاک کردیا گیا۔

    مزید پڑھیں : بھارتی فوج کی فائرنگ سے شہید لانس نائیک تیمور اسلم فوجی اعزاز کے ساتھ سپرد خاک

    گذشتہ روز کنٹرول لائن پرجام شہادت نوش کرنےوالےلانس نائیک تیموراسلم شہیدکووالٹن کےبابِ پاکستان قبرستان میں فوجی اعزازکےساتھ سپرد خاک کیا گیا تھا۔

    شہید کےبھائی کاکہناتھاکہ وہ بھی پاک فوج میں شامل ہوکر ہندوستان کومنہ توڑ جواب دینا چاہتا ہے، لانس نائیک تیمور آٹھ سال سے پاک فوج میں خدمات انجام دے رہے تھے، ان کی ڈیڑھ سال پہلے شادی ہوئی تھی اور ایک بیٹی ہے۔

    واضح رہے کہ ایل او سی پر بھارتی فوج کی بلااشتعال فائرنگ سے پاک فوج کے چار جوان شہید ہوگئے تھے جبکہ جوابی کارروائی میں 5 بھارتی فوجی مارے گئے تھے۔

  • کنٹرول لائن پر بھارتی فوج کی بلااشتعال فائرنگ، شہری شہید

    کنٹرول لائن پر بھارتی فوج کی بلااشتعال فائرنگ، شہری شہید

    راولپنڈی: بھارتی فوج کی ایل او سی کوٹ کوٹیرا سیکٹر پر بلااشتعال فائرنگ کے نتیجے میں ایک شہری شہید ہوگیا۔

    پاک فوج کے شعبہ تعلقات عامہ (آئی ایس پی آر) کے مطابق بھارتی فوج نے ایل او سی کوٹ کوٹیرا سیکٹر پر بلااشتعال فائرنگ کی جس کے نتیجے میں عبدالرؤف نامی شہری شہید ہوگیا۔

    آئی ایس پی آر کے مطابق عبدالرؤف ایل او سی پر مویشیوں کی دیکھ بھال کررہا تھا، بھارتی فوج نے کوٹ کوٹیرا سیکٹر میں شہری آبادی پر فائرنگ کی۔

    واضح رہے کہ چھ ماہ قبل پاک فوج نے چری کوٹ سیکٹر میں پاکستانی فضائی حدود اور ایل او سی کی خلاف ورزی کرنے پر بھارتی فوج کے جاسوس ڈرون کو مار گرایا تھا۔

    یاد رہے کہ آٹھ ماہ قبل بھارتی فورسز نے ایل او سی کے بھمبر سیکٹر پر بلااشتعال فائرنگ کی تھی جس کے نتیجے میں دو جوان منیر چوہان اور عامر حسین شہید ہوگئے تھے۔

    ترجمان پاک فوج کے مطابق شہید ہونے والے سپاہی منیرحسین کہوٹہ اورعامر حسین ضلع بھمبر کے رہائشی تھے۔ پاک فوج کی جانب سے بھارتی فائرنگ کا منہ توڑ جواب دیا گیا تھا۔.

    خیال رہے کہ رواں برس بھارت 150 سے زاید مرتبہ سیز فائر کی خلاف ورزی کر چکا ہے۔ دفتر خارجہ نے اپنی ایک بریفنگ میں بتایا تھا کہ بھارت کی جانب سے مسلسل بھاری ہتھیار استعمال کیے جارہے ہیں۔

  • کنٹرول لائن پر بھارتی فوج کی فائرنگ سے ایک اور پاکستانی شہید

    کنٹرول لائن پر بھارتی فوج کی فائرنگ سے ایک اور پاکستانی شہید

    راولپنڈی : لائن آف کنٹرول کے بٹل سیکٹرمیں بھارتی فوج کی فائرنگ سے ایک اور معصوم پاکستانی شہید ہو گیا۔

    آئی ایس پی آر کے مطابق لائن آف کنٹرول کے قریب بٹل سیکٹر میں واقع قصبے دہربزاری کا رہائشی تیس سالہ محمد اخترہفتے کی شام بھارتی فوج کی فائرنگ سے شہید ہوگیا۔

    یہ واقعہ اس وقت پیش آیا جب محمد اختر دریائے پونچھ سے مٹی نکال رہا تھا۔ لائن آف کنٹرول پر بھارتی جارحیت کئی ماہ سے جاری ہے۔

    اقوام متحدہ کے مبصرین نے بھی کنٹرول لائن کا دورہ کر کے حقائق سے آگاہی حاصل کی ہے ۔ کنٹرول لائن پر بھارت کی مسلسل بلا اشتعال فائرنگ اور گولہ باری سے اب تک متعدد پاکستانی شہید ہو چکے ہیں۔

  • دفتر خارجہ نے بھارتی وزیرداخلہ کا بیان مسترد کردیا

    دفتر خارجہ نے بھارتی وزیرداخلہ کا بیان مسترد کردیا

    اسلام آباد: پاکستان نےبھارتی وزیرداخلہ کا بیان مستر کردیا، بھارتی وزیرداخلہ نےحملہ آوروں کےپاکستان سےداخل ہونے کابیان دیا تھا۔

    دفتر خارجہ کا کہنا ہے کہ بھارتی وزیرداخلہ کابیان خطےمیں امن کےلئےخطرہ ہے، پاکستان ہر قسم کی دہشت گردی کی مذمت کرتا ہے۔

    ترجمان دفترخارجہ کا کہنا ہے کہ بھارت میں دہشتگردی کےواقعےمیں پاکستان کوملوث کرنےپرتشویش ہے، بھارتی میڈیا نےحملےکےدوران ہی پاکستان کوموردِالزام ٹھہرادیا۔

    ترجمان دفتر خارجہ قاضی خلیل اللہ کاکہنا ہے کہ پاکستان نے گورداس پورواقعےپرمذمتی بیان بھی جاری کیاگیاتھا۔

    دفترخارجہ کاکہنا ہے کہ بھارت کے ساتھ تعلقات کی بہتری کے لئے ہر قدم اٹھانے کو تیار ہیں لیکن انڈیا کوبغیرتحقیق الزام تراشیوں سے گریز کرناچاہئے۔

    دوسری جانب وزیر اعظم کے قومی سلامتی اور امور خارجہ کے مشیر سرتاج عزیز نے اسلام آباد میں بھارتی ہائی کمیشن کا دورہ کیا، اس موقع پر انہوں نے بھارت کے سابق صدر ڈاکٹر عبدالکلام کی وفات پر تعزیتی کتاب پر دستخط کئے۔

  • جنگ بندی کے معاہدے کی بھارتی خلاف ورزی قابل مذمت ہے، دفتر خارجہ

    جنگ بندی کے معاہدے کی بھارتی خلاف ورزی قابل مذمت ہے، دفتر خارجہ

    اسلام آباد : بھارت کی جانب سے کنٹرول لائن پر بار بار خلاف ورزی پر اپنے شدید ردعمل کا اظہار کیا ہے، تفصیلات کے مطابق  پاکستان نے بھارت کی ایل او سی پر جنگ بندی معاہدے کی خلاف ورزی پر شدید احتجاج کیا ہے .

    ، ترجمان دفتر خارجہ نے کہا ہے کہ بھارت کی اشتعال انگیزی قابل مذمت ہے۔ بھارت دو ہزار تین کے جنگ بندی معاہدے پر عمل کرے .

    اس سے پہلے بھارتی فورسز نے عید کے روز بھی کنٹرول لائن پر گولہ باری کی ۔ دفتر خارجہ نے بھارت کی جانب سے عید کے روز بھی کنٹرول لائن کی خلاف ورزی پر شدید ردعمل کا اظہار کیا ہے ۔

    ترجمان قاضی خلیل اللہ نے کہا بھارت نے گزشتہ روز دو بار کنٹرول لائن کی خلاف ورزی کی ۔ بھارتی فوج نے راولا کوٹ اور پونچھ سیکٹر میں چھوٹے ہتھیاروں راکٹ ، مارٹر گن اور بھاری مشین گن کا استعمال کیا ۔

    ترجمان کا کہنا ہے کہ بھارتی فورسز کا جارحانہ اقدام اوفا سمجھوتے کی خلاف ورزی ہے ۔ بھارت کی جانب سے جنگ بندی معاہدے کی مسلسل خلاف ورزی پر تشویش ہے ۔

    اس سے پہلے بھارتی فورسز نے عید کے روز بھی کنٹرول لائن پر گولہ باری کی تاہم پاک فوج کی منہ توڑ جوابی کارروائی نے دشمن کی بندوقیں خاموش کرا دیں ۔

  • بھارتی فوج کی جارحیت کا منہ توڑ جواب دیا جائیگا،آئی ایس پی آر

    بھارتی فوج کی جارحیت کا منہ توڑ جواب دیا جائیگا،آئی ایس پی آر

    راولپنڈی: بھارت کی جانب سے یکم اکتوبر کے بعد سےکنٹرول لائن پرجنگ بندی کی خلاف ورزی کا جو سلسلہ شروع ہوا تھا اُس میں اضافہ ہوتا جارہا ہے۔

    پاک فوج کے شعبہ تعلقات عامہ کی جانب سے جاری کئے جانے والے بیان میں بھارت کو ایک بار پھر سخت الفاظ میں متنبہ کیا گیا ہے کہ کنٹرول لائن اور ورکنگ باؤنڈری پر اشتعال انگیزی برداشت نہیں کی جائے گی اور اس کا منہ توڑ جواب دیا جائے گا۔

    بھارتی فوج کی جانب سے جنگ بندی کی تازہ خلاف ورزی راولاکوٹ میں کی گئی ہے ،فائرنگ سے موری گاؤں کا ایک رہائشی سترسالہ ولی محمد زخمی ہوگیا۔ راولا کوٹ میں بھارتی فوج کی بلااشتعال فائرنگ کا فوری اورموثرجواب دیا گیا۔

  • پاک بھارت انٹرا ٹریڈ سروس کا عمل ایک مرتبہ پھر معطل

    پاک بھارت انٹرا ٹریڈ سروس کا عمل ایک مرتبہ پھر معطل

    کنٹرول لائن کے دونوں جانب انٹرا ٹریڈ سروس کا عمل ایک مرتبہ پھر معطل ہوگیا ہے۔ڈی جی ٹریڈ اینڈ ٹریول بریگیڈئر ریٹائرڈ اسماعیل کا کہنا ہے کہ بھارت جب تک روکے گئے پاکستانی ٹرک ڈرائیورز سمیت واپس نہیں کے گا بھارتی ٹرک نہیں بھیجے جائیں گے۔

    آزاد کشمیر اور مقبوضہ کشمیر کے درمیان انٹرا ٹریڈ سروس غیر معینہ مدت تک لئے معطل کردی گئی ۔بھارتی حکام نے پاکستان کی جانب سے بھیجے جانے والے مال بردار اننچاس ٹرکوں کو مقبوضہ کشمیر میں یہ الزام لگا کر روک لیا تھا کہ ایک ٹرک سے منشیات برآمد ہوئی ہے ۔

    جس کے بعد بھارت سے پاکستان آئے ہوئے ستائیس ٹرکوں کو بھی روک لیا گیا ۔۔ ڈی جی ٹریڈ اینڈ ٹریول بریگیڈئر ریٹائرڈ اسماعیل کا کہنا ہے کہ بھارت آئے روز ایسے الزامات لگا کر نہ صرف امن کو نقصان پہنچا رہا ہے بلکہ اس سے دونوں جانب کے تاجروں کا بھی بھاری نقصان ہورہا ہے۔

    انکا مزید کہنا تھا کہ بھارت جب تک پاکستان کے اننچاس ٹرک ڈرائیور کے ہمراہ واپس نہیں کرے گا، پاکستان آئے ہوئے ستائیس ٹرک کے ڈرائیور مہمان کی حیثیت سے یہاں قیام کرسکیں گے۔
       

  • کنٹرول لائن پرسیزفائر،ہاٹ لائن رابطہ برقرار رکھنے پراتفاق

    کنٹرول لائن پرسیزفائر،ہاٹ لائن رابطہ برقرار رکھنے پراتفاق

    پاکستان اور بھارت کنٹرول لائن پرجنگ بندی برقراررکھنے اور بریگیڈ کمانڈرزکی جلد فلیگ میٹنگ بلانے پر اتفاق کیا ہے، ڈی جی ایم اوز ملاقات کےمشترکہ اعلامیہ میں ڈی جی ایم اوز کے درمیان ہاٹ لائن رابطوں کو موثر بنانے پر بھی زور دیا گیا ہے۔۔

    واہگہ سرحد پر ہونے والی پاکستان اور بھارت ڈائرکٹر جنرلز ملٹری آپریشنز کی ملاقات میں سرحدی امور پر بات چیت ہوئی،جس کے بعدجاری کئے جانے والے مشترکہ اعلامیہ میں کہا گیا ہےکہ دونوں ملک لائن آف کنٹرول پر سیزفائربرقراررکھیں گے،ملاقات میں ڈی جی ایم اوزکے درمیان ہاٹ لائن رابطےکومزیدمؤثراورنتیجہ خیز بنانےپراتفاق کیا گیا ، تاکہ موجودہ اعتمادسازی کےمیکنزم کوبرقراررکھاجا سکے۔

    دونوں جانب سے یہ بھی طے کیا گیا کہ سرحدی امن کے قیام کے لئے بریگیڈ کمانڈرزکی جلدفلیگ میٹنگ کا جلد انعقاد کیا جائے گا ۔ مشترکہ اعلامیہ مین کہا گیا ہے کہ غلطی سےسرحدپارکرنیوالوں کی جلد واپسی یقینی بنانے کے لئے اقدامادت کئے جائیں گے ۔ ڈی جی ایم اوز ملاقات میں پاکستان کی نمائندگی میجر جنل عامر ریاض جبکہ بھارت کی نمائندگی لیفٹیننٹ جنرل ونود بھاٹیہ نے کی۔۔