Tag: کنٹرول لائن پر بھارتی جارحیت

نیزہ پیر : بھارتی افواج کی جانب سے لائن آف کنٹرول کی مسلسل خلاف ورزی کا عمل جاری ہے گزشتہ رات افتخارآباد میں فائرنگ کے بعد آج صبح سے نیزہ پیرسیکٹرمیں بلا اشتعال فائرنگ کا عمل جاری ہے۔

آئی ایس پی آر کی جانب سے جاری کیے گئے اعلامیہ کے مطابق بھارت کی جانب سے لائن آف کنٹرول پر جارحیت کا عمل جاری ہے،آج صبح 30 :11 بجے سے نیزہ پیرسیکٹرمیں بلااشتعال فائرنگ کا عمل جاری ہے۔

آئی ایس پی آر کے ترجمان کے مطابق پاکستانی فوج نیزہ پیرسیکٹرمیں بھارتی فائرنگ اوراشتعال انگیزی کا منہ توڑ جواب دے رہی ہے۔

دفتر خارجہ کے ترجمان کے مطابق آج دن چڑھے بھارتی فوج نے نیزہ پورسیکٹرمیں بلا شتعال فائرنگ کی ہے ،بھارتی جارحیت کا پاک فوج موثر جواب دے رہی ہے اب تک کی اطلاعات کے مطابق دونوںجانب سے فائرنگ کا عمل تاحال جاری ہے۔

اسی سے متعلق : بھارتی فوج کی ایک بارپھرلائن آف کنٹرول کی خلاف ورزی

آئی ایس پی آر کا مزید کہنا تھا کہ پاکستانی افواج اپنی سرحدوں کے تحفظ کے لیے مستعد اور چاق و چوبند ہے،دشمن خوش فہمی میں نہ رہے کسی بھی قسم کی جارحیت کا منہ توڑ جواب دیا جائے گا۔

واضح رہے بھارتی فوج کی جانب سے جاری لائن آف کنٹرول کی خلاف ورزی کا عمل 29 ستمبر کو اس وقت شروع ہوا جب بھارتی فوج نے بھمبھر، کیل، تتہ پانی اور لیپا سیکٹر میں بلااشتعال فائرنگ کرتے ہوئے دو پاکستانی جوانوں کو شہید اور 9 کو زخمی کردیا تھا۔

مزید پڑھیں : بھارتی فوج کی بلااشتعال فائرنگ، 2 فوجی اہلکار شہید

یاد رہے بھارت نے لائن آف کنٹرول کی خلاف ورزی کو سرجیکل اسٹرائیک قرار دینے کا مضحکہ خیز دعوی بھی کیا تھا تا ہم وہ دعوی درست ثابت کرنے بری طرح ناکام رہے تھے۔

گزشتہ شب بھارتی فوج نے ایل اوسی پر آدھی رات کے بعد افتخار آباد کو نشانہ بنایا تھا اور بی ایس ایف نے سول آبادی پر فائرنگ اورگولہ باری کی۔

راولپنڈی : پاکستان نے بھارتی فوج کے سرجیکل اسٹرائیک کے دعوی کو مسترد کرتے ہوئے کہا کہ اگر بھارت ایسا کرتا تو منہ توڑ جواب دیتے۔

آئی ایس پی آر کی جانب سے جاری بیان میں بھارتی دعوی کو بے بنیاد قرار دیتے ہوئے کہا ہے کہ بھارتی فوج کی جانب سے کوئی سرجیکل اسٹرائیک نہیں کی گئی ،اگر بھارت نے کوئی سرجیکل اسٹرائیک کی تو اسی انداز میں جواب دیں گے ۔

There has been no surgical strike by India,instead there had been cross border fire initiated and conducted by… https://t.co/OxIPiMbaLZ

— ISPR (@ISPR_Official) September 29, 2016

ترجمان آئی ایس پی آر نے مزید کہا کہ بھارت میڈیا کی توجہ حاصل کرنے کے لیے اپنی عوام کو جھوٹی تسلیاں دے رہا ہے بھارت نے کوئی سرجیکل اسٹرائیک نہیں کی البتہ گزشتہ رات سے کراس بارڈر فائرنگ کر رہا ہے جس کا پاکستان کی جانب سے منہ توڑ جواب دیا گیا ہے۔

اسی سے متعلق : بھارتی فوج کی بلااشتعال فائرنگ، 2 فوجی اہلکار شہید

واضح رہے اس قبل بھارتی ڈی جی ایم او رنبیر سنگھ نے پریس بریفنگ دیتے ہوئے دعوی کیا تھا کہ خفیہ اداروں نے بھارتی فوج کو معلومات فراہم کیں کہ لائن آف کنٹرول سے دہشت گرد در اندازی کریں گے جس پر پاکستانی حکام کو �����پیشگی آگاہ کرتے ہوئے سرجیکل اسٹرائیکس کی گئیں اور دہشت گردی کا حملہ ناکام بنا یاگیا۔

پاکستان فضائیہ کی کی جانب سے بھارت کے اس مضحکہ خیز دعوی کو بھی جھوٹ پر مبنی قرار دیتے ہوئے یکسر مسترد کر دیا ہے.،پاک فضائیہ نے کہا کہ بھارت جارحیت کا منہ توڑ جواب دینے کی صلاحیت رکھتے ہیں ملکی سرحدوں پر مستعد ہیں۔

واضح رہے بھارتی فوج نے بھمبھر، تتہ پانی، کیل، لیپہ سیکٹروں پر بلا اشتعال فائرنگ کی، فائرنگ کا سلسلہ رات ڈھائی بجے شروع ہوا، جو صبح آٹھ بجے تک جاری رہی، بھارتی فائرنگ کے نتیجے میں دوجوان شہید ہوگئے۔