Tag: کنٹونمنٹ بورڈ کے انتخابات

لاہور: کنٹونمنٹ بورڈ کے انتخابات کل ہونگے، امیدواروں کی جانب سے حمایت حاصل کرنے کیلئے ووٹرز کی آگاہی اور ہدایات کا سلسلہ جاری ہے۔

الیکشن کمیشن نے کنٹونمنٹس بلدیاتی انتخابات کے امیدواروں کی تفصیلات جاری کر دیں، بیالیس کنٹونمنٹس میں کل 1150امیدوار مد مقابل ہیں،
الیکشن کمیشن کے مطابق 609امیدوار آزاد جبکہ 450 امید وار پارٹی بنیاد پر انتخاب لڑ رہے ہیں۔

دس امیدوار بلامقابلہ منتخب ہوئے ہیں، تحریک انصاف کے 140 ، نواز لیگ کے 113 امیدوار میدان میں آ گئے ہیں، پی پی کے 74 ، جماعت اسلامی کے57 امیدواروں کو ٹکٹ دیا۔ ایم کیو ایم کے28 ،پیٹ کے 20 امیدوار ہیں، اے این پی نے 12 امیدوار کو ٹکٹ جاری کئے۔

کنٹونمنٹ بورڈ کے بلدیاتی انتخابات کا وقت قریب  آگیا، کراچی میں کنٹونمنٹ میں بلدیاتی انتخابات کل ہوگا، تمام تیاریاں مکمل کرلی گئی ہیں کنٹونمنٹ کے انتخابات فوج اور رینجرز کی نگرانی میں ہونگے کنٹونمنٹ کے انتخابات سترہ سال بعد سیاسی بنیادوں پر ہوں گے۔

الیکشن کمیشن نے کراچی کے چھ کنٹونمنٹ بورڈ میں بلدیاتی انتخابات کے انعقاد کیلئے تمام تیاریاں مکمل کرلی ہیں ، بیلٹ پیپرز اور انتخابی مواد آج ریٹرننگ افسران کے حوالے کردیئے جائیں گے کنٹونمنٹ کے انتخابات میں پیپلزپارٹی، جماعت اسلامی، ایم کیو ایم، مسلم لیگ ن ،تحریک انصاف اور آزاد امیدوار حصہ لے رہے ہیں۔

فیصل کنٹونمنٹ کی دس نشستوں کیلئے سینتیس امیدوار انتخابی دنگل میں حصہ لے رہے ہیں یہاں ووٹرز کی تعداد ایک لاکھ اٹھاون ہزار سے ہے جن میں بیاسی ہزار آٹھ سو پچپن مرد اور پچھتر ہزار نو سو اکتہر خواتین شامل ہیں ۔ ملیر کنٹونمنٹ بورڈ میں تین نشستوں پر چوبیس امیدوار میدان میں ہیں ووٹرز کی تعداداکتیس ہزار اکتہر ہے، جن میں سترہ ہزار تریسٹھ مرد اور چودہ ہزار آٹھ خواتین شامل ہیں ۔

کورنگی کنٹونمنٹ کی صرف ایک نشست پر الیکشن ہوگا، جس کیلئے بارہ امیدوار انتخاب میں حصہ لے رہے ہیں یہاں ووٹرز کی مجموعی تعداد پندرہ ہزار سے زائد ہے جن میں مرد ووٹرز نو ہزار دو سو باسٹھ اور خواتین ووٹرز کی تعداد چھ ہزار چھ سو اکتہر ہے۔

منوڑہ کنٹونمنٹ بورڈ میں دو بلدیاتی نشست پر سات امیدوار حصہ لے رہے ہیں، مجموعی ووٹرز کی تعداد دو ہزار پانچ سو ستائس ہے، جن میں ایک ہزار چار سو چوراسی مرد اور ایک ہزار تینتالیس خواتین شامل ہیں،کراچی کنٹونمنٹ بورڈ کی پانچ نشستوں پر مجموعی طور پر اکیس امیدوار میدان میں ہوں گے۔

مجموعی ووٹرز کی تعداد چھتیس ہزار چار سو تیس ہے ، کلفٹن کنٹونمنٹ بورڈ کی دس نشستوں کیلئے بیاسی امیدوارالیکشن لڑیں گے، یہاں مجموعی طور پر ووٹرز کی تعدادایک لاکھ اڑتالیس ہزار تین سو چھیاسی ہے مرد ووٹرز کی تعداد 78ہزار87ہے اور خواتین ووٹرز 70ہزار299ہے۔