بھارتی اداکارہ اور رکنِ پارلیمان کنگنا رناوت نے تجربہ کار اداکارہ اور سماج وادی پارٹی کی رکن پارلیمنٹ جیا بچن کی ویڈیو سامنے آنے کے بعد انہیں سخت تنقید کا نشانہ بنایا ہے۔
بھارتی اداکارہ کنگنا رناوت نے سیلفی لینے والے شخص کو دھکا دینے پر بھارتی سماج وادی پارٹی کی رکنِ پارلیمان، اداکارہ اور بالی ووڈ اسٹار امیتابھ بچن کو بگڑی ہوئی عورت قرار دیدیا ہے۔
ہوا کچھ یوں کہ نئی دہلی میں کونسٹیٹیوشن کلب کے باہر ایک شخص اداکارہ جیا بچن کے ساتھ سیلفی لینے کی کوشش کی تو اداکارہ نے اس شخص کو دھکا دینے کے بعد ناراضی کا اظہار کیا جس کی ویڈیو سوشل میڈیا پر وائرل ہوگئی۔
ویڈیو میں دیکھا جاسکتا ہے کہ مذکورہ شخص جیا بچن کے دھکا دینے کے بعد پیچھے ہٹا اور پھر ان سے معذرت بھی کی، ان کی ویڈیو سوشل میڈیا پر وائرل ہونے پر لوگ اس پر تبصرے بھی کررہے ہیں۔
تاہم اب کنگنا رناوت نے جیا بچن کے عمل کی مذمت کی ہے اور انہیں سب سے زیادہ بگڑی ہوئی، شرمندگی و شرم کی علامت اور مراعات یافتہ خاتون قرار دیا ہے۔
کنگنا نے لکھا ہے کہ لوگ ان کے نخرے اور بکواس صرف اس لیے برداشت کرتے ہیں کہ وہ امیتابھ بچن جی کی بیوی ہیں، سماج وادی ٹوپی مرغے کی کلغی جیسی لگتی ہے، جبکہ جیا بچن خود ایک لڑاکا مرغی کی طرح دکھائی دیتی ہیں، کتنی رسوائی اور شرم کی بات ہے۔
