Tag: کنگنا رناوت

بھارتی اداکارہ اور سیاستدان کنگنا رناوت نے پھر سے دعویٰ کیا ہے کہ امیتابھ بچن کے بعد اگر کسی کو بے پناہ عزت ملتی ہے تو وہ میں ہوں۔

لوک سبھا کےالیکشن میں ایم پی بننے کے بعد ایک پوڈکاسٹ میں گفتگو کرتے ہوئے اداکارہ نے کہا کہ میں نے کچھ عرصے پہلے کہا تھا کہ امیتابھ بچن کے بعد اگر کسی کو بے پناہ عزت ملتی ہے تو وہ میں ہوں، تو میں اب بھی اس بات پر قائم ہوں۔

کنگنا نے پوڈ کاسٹ میں واضح کیا کہ سیاست میں وہ اس وجہ سے نہیں آئیں کہ 2020 ریاست کی حکمران جماعت شیو سینا کے ساتھ جھگڑے کی وجہ سے برہان ممبئی میونسپل کارپوریشن نے ان کے گھر کا ایک حصہ منہدم کردیا تھا۔

انھوں نے کہا کہ زندگی میں کچھ بھی نیا کرنے کا خیال اس لیے پیدا نہیں ہوا کہ اس کے پیچھے کوئی تلخی تھی کیوں کہ منفیت انسان کو ختم کر دیتا ہے۔

انھوں نے 2020 میں جب میرا گھر گرایا گیا تو مہاراشٹر میں بہت سے لوگوں نے مجھے سپورٹ کیا، اور ہر کسی نے کہا کہ میں بہت باہمت ہوں۔

خیال رہے کہ چندی گڑھ ایئرپورٹ پر کنگنا رناوت کو ایک لیڈی کانسٹیبل نے تھپڑ مار دیا تھا، جس کے بعد خاتون سیکیورٹی اہلکار کو معطل کرکے ان پر مقدمہ درج کیا گیا تھا۔

تاہم اس واقعے پر فلم انڈسٹری کی جانب سے کنگنا کی کوئی خاص حمایت سامنے نہیں آئی تھی جس پر اداکارہ نے انڈسٹری کو آڑے ہاتھوں لیتے ہوئے انسٹاگرام پر ایک اسٹوری شیئر کی تھی۔

اداکارہ نے اسٹوری میں فلم انڈسٹری کے لوگوں کو مخاطب کرتے ہوئے لکھا تھا کہ ڈیئر، آپ سب یا تو جشن منارہے ہیں یا پھر ایئرپورٹ پر مجھ پر ہونے والے حملے پر بالکل خاموش ہیں۔

دوسری جانب بھارتی گلوکار ویشال دادلانی نے بھارتی سیاستدان کنگنا رناوت کو تھپڑ مارنے والی سیکیورٹی اہلکار کو مدد کی پیشکش کی تھی۔

ویشال نے اپنی پوسٹ میں لکھا کہ میں تشدد کی حمایت نہیں کرتا لیکن میں سیکیورٹی اہلکار کے غصے کی وجہ سمجھ سکتا ہوں۔ اگر اس کے خلاف کوئی ایکشن لیا گیا تو میں اس بات کو یقینی بناؤں گا کہ اسے کوئی دوسری ملازمت مل جائے۔

سیاست کی دنیا میں قدم رکھنے والی بالی وڈ اداکارہ کنگنا رناوت کو زناٹے دار تھپڑ پڑنے پر ان کے سابق دوست نے بھی اپنا ردعمل دیا ہے۔

ویب سیریز ہیرا منڈی کے اداکار اور کنگنا رناوت کے سابق بوائے فرینڈ ادھیان سمن کا اس واقعے کے حوالے سے کہنا تھا کہ اداکارہ کے ساتھ جو کچھ ہوا یہ غلط ہے بلکہ بہت ہی غلط ہے اور سب کافی تشویشناک ہے، ایسا کسی کے ساتھ نہیں ہونا چاہیے۔

ادھیان سمن نے کہا کہ جس خاتون نے انھیں تھپڑ مارا اسے سزا ملنی چاہیے، میں سمجھتا ہوں کہ ایئرپورٹ کی خاتون اہلکار کو کنگنا کے بیان سے مسئلہ ہوگا اور وہ غصے میں ہوں گی مگر ایسا کرنے کا کسی کو حق حاصل نہیں ہے۔

ہیرا منڈی کے اداکار نے مزید کہا کہ انھوں نے اپنے غصے کے اظہار کے لیے غلط راستہ چنا، آپ کسی پر بھی اس طرح ہاتھ نہیں اٹھا سکتے۔

View this post on Instagram

A post shared by Viral Bhayani (@viralbhayani)

خیال رہے کہ گزشتہ دنوں معروف بالی وڈ اداکارہ اور حال ہی میں لوک سبھا انتخابات میں کامیاب ہونے والی کنگنا رناوت کو ایئرپورٹ پر خاتون سکیورٹی اہلکار نے تھپڑ جڑ دیا تھا۔

بھارتی میڈیا رپورٹس میں بتایا گیا تھا کہ کنگنا رناوت ریاست ہماچل پردیش کے حلقے مندی سے رکن پارلیمنٹ منتخب ہوئی تھیں جس کے بعد اداکارہ کے ساتھ چنڈی گڑھ ایئرپورٹ پر واقعہ پیش آیا۔

ہوا کچھ یوں کہ کنگنا رناوت نئی دہلی روانہ ہونے کیلیے اپنے عملے کے ہمراہ چنڈی گڑھ ایئرپورٹ پہنچیں جہاں انھیں تلاشی لینے کیلیے روکا گیا اور اس دوران خاتون سکیورٹی اہلکار نے انہیں تھپڑ رسید کیا۔

سوشل میڈیا پر گردش کرنے والی ویڈیو میں اداکارہ و رکن پارلیمنٹ کنگنا رناوت کو تھپڑ مارنے کے بعد خاتون سکیورٹی اہلکار کو غصے میں چیختے ہوئے بھی دیکھا گیا تھا۔

بالی وڈ اداکارہ اور انتہا پسند جماعت بی جے پی کی امیدوار کنگنا رناوت نے گینگسٹر ابو سلیم کے ساتھ تعلق کے حوالے سے اہم بیان دیا ہے۔

میڈیا رپورٹس کے مطابق کنگنا رناوت نے گزشتہ دنوں سوشل میڈیا پر اپنی ایک متنازع تصویر منظر عام پر آنے کے بعد وضاحت جاری کی ہے۔ تصویر میں وہ جس شخص کے ساتھ نظر آ رہی ہیں اس کے بارے میں دعویٰ کیا جارہا ہے کہ وہ گینگسٹر ابو سلیم ہے۔

اداکار سے سیاست دان بننے والی کنگنا نے اپنی انسٹاگرام اسٹوری شیئر کی ہے جس میں اںھوں نے کہا کہ یہ سچ نہیں ہے کہ میرا ابو سلیم سے کوئی تعلق ہے۔

ہماچل پردیش کی منڈی لوک سبھا سیٹ کے لیے بھارتیہ جنتا پارٹی کی امیدوار نے بتایا کہ تصویر میں نظر آنے والا شخص سابق صحافی ہے۔

کنگنا کا کہنا تھا کہ یہ صحافی مارک مینوئل کی سراسر بے عزتی ہے جو ٹائمز آف انڈیا کے سابق انٹرٹینمنٹ ایڈیٹر ہیں۔ وہ ابوسلیم نہیں ہیں اور یہ تصویر فلم کی تشہیر کی تقریب میں لی گئی تھی۔

واضح رہے کہ ہندو انتہا پسند سوچ کی حامی بالی وڈ اسٹار کنگنا رناوت نے لوک سبھا الیکشن میں کامیاب ہونے کی صورت میں اعلان کیا تھا کہ وہ فلم انڈسٹری کو خیرباد کہہ دیں گی

انٹرویو میں کنگنا رناوت کا کہنا تھا کہ میں ایک وقت میں صرف ایک کام کرنا پسند کریں گی لیکن اداکاری کے علاوہ فلموں کی پروڈکشن جاری رکھیں گی۔

کنگنا رناوت نے اعتراف کیا کہ فلمی دنیا جھوٹ پر مبنی ہے اور یہاں ہر چیز جعلی ہے، فلمساز بہت ہی مختلف ماحول بناتے ہیں اور یہ صرف ایک چمکیلی دنیا ہے۔

اداکارہ اور بھارتیہ جنتا پارٹی کی امیدوار کنگنا رناوت نے لوک سبھا الیکشن کے لیے اپنے کاغذات نامزدگی جمع کروادیے۔

میڈیا رپورٹس کے مطابق اس خاص دن پر اداکارہ نے سبز ساڑھی پہنی ہوئی تھی جبکے ان ہمراہ والدہ آشا رناوت اور بہن رنگولی چندل بھی موجود تھیں۔ کنگنا رناوت نے کاغذات جمع کرواتے وقت اپنے سر پر مخصوص ہماچلی کیپ بھی پہنی ہوئی تھی۔

37 سالہ کنگنا نے بھارتی رکن پارلیمنٹ بننے کی خواہش میں ریاست ہماچل پردیش سے بی جے پی کے ٹکٹ پر اپنے کاغذات نامزدگی جمع کرائے ہیں۔ کاغذات جمع کرانے کے بعد انتہا پسند اداکارہ مخالف سیاسی جماعت کانگریس پر تنقید کرنا بھی نہ بھولیں۔

بالی وڈ اداکارہ نے کہا کہ کانگریس پارٹی کی ملک دشمن ذہنیت ملک کے لیے تشویشناک ہے۔ آج میں نے مندی سے کاغذات نامزدگی داخل کیے ہیں، منڈی سے الیکشن لڑنے کا موقع ملنا میرے لیے فخر کی بات ہے.

ان کا مزید کہنا تھا کہ میں بالی ووڈ میں کامیاب رہی ہوں اور امید کرتی ہوں کہ سیاست کے میدان میں بھی مجھے کامیابی ملے گی۔