ARYNews.tv | Urdu – Har Lamha Bakhabar

Tag: کنگنا رناوت

  • کنگنا رناوت ’سڑا ہوا سیب‘ قرار

    کنگنا رناوت ’سڑا ہوا سیب‘ قرار

    ممبئی: بھارتی سیاست دان نے بالی ووڈ اداکارہ کنگنا رناوت کو سڑا ہوا سیب قرار دے دیا۔

    بھارتی میڈیا رپورٹ کے مطابق ریاست لدھیانا سے کانگریس کے بھارتی رکن پارلیمنٹ رنویت سنگھ بٹو نے اداکارہ کنگنا رناوت کو ریاست ہماچل پردیش کا سڑا ہوا سیب قرار دے دیا۔

    واضح رہے کہ بالی ووڈ اداکاروں کنگنا رناوت اور دلجیت دوسانج کے درمیان لفظی جنگ جاری تھی جس کی وجہ بالی ووڈ کی معروف ہیروئن اور پنگا فلم کی اداکارہ کنگنا رناوت کی ایک جعلی ٹویٹ بنی۔

    اس ٹویٹ میں کنگنا نے شمالی بھارت میں جاری کسانوں کے احتجاج میں شریک ایک پنجابی خاتون کے بارے میں ایک ٹویٹ کی۔

    اس ٹویٹ میں تصاویر بھی تھیں جن میں کنگنا کے خیال میں بلقیس بانو اور احتجاج کرنے والی دیگر خواتین بھی شامل تھیں، جس پر کنگنا نے انہیں کرائے کا احتجاجی قرار دیا تھا۔

    یہ پڑھیں: معمرخاتون پر تنقید: ساتھی اداکار کنگنا پر پھٹ پڑے

    اس پر ردِ عمل دیتے ہوئے کانگریس کے رکن پارلیمنٹ رنویت سنگھ بٹو نے کنگنا رناوت کو ریاست ہماچل پردیش کا سڑا ہوا سیب قرار دیا۔

    ان کا کہنا تھا کہ ’میں کنگنا کو ایک چیز واضح کرنا چاہتا ہوں کہ ہم پنجابیوں کے درمیان چاہیے سیکڑوں مسائل ہوں، لیکن ہم اپنے معاملات میں کسی بھی بیرونی شخص کو برداشت نہیں کریں گے۔

    انہوں نے کہا کہ وہ ہماچل کے کسانوں اور نوجوانوں سے جلد سبق سیکھ جائیں گی جنہوں نے کسانوں کو دہشت گرد قرار دیا اور اسے جلد ہی ہماچل میں داخلے پر پابندی کا بھی سامنا ہوگا۔

    ان کا مزید کہنا تھا کہ کنگنا کے پاس چھپنے کا بس ایک ہی گھر ہوگا اور وہ نریندر مودی کا ہوگا۔

  • مسلم مخالف ٹویٹ: ٹوئٹر نے کنگنا رناوت کی بہن کا اکاؤنٹ معطل کر دیا

    مسلم مخالف ٹویٹ: ٹوئٹر نے کنگنا رناوت کی بہن کا اکاؤنٹ معطل کر دیا

    ممبئی: سماجی رابطے کی ویب سائٹ ٹویٹر نے بالی ووڈ کی ادکارہ کنگنا رناوت کی بہن رنگولی چندل کا اکاؤنٹ معطل کر دیا ہے۔

    غیر ملکی میڈیا کے مطابق ٹویٹر انتظامیہ کو رنگولی چندل کا اکاؤنٹ نفرت انگیز متنازعہ پوسٹ کی وجہ سے معطل کرنا پڑ گیا، کنگنا کی بہن کی پوسٹ نے انٹرنیٹ کے صارفین کو بھی غم و غصے پر مبنی رد عمل دکھانے پر مجبور کر دیا۔

    رنگولی چندل اکثر و بیش تر ایسے ٹویٹ کرتی رہتی ہیں جن کی وجہ سے تنازعات کھڑے ہوتے ہیں، حالیہ ٹویٹ میں رنگولی نے مراد آباد میں پولیس اہل کاروں اور طبی عملے پر پتھراؤ کے واقعے کا ذکر کرتے ہوئے تبلیغی جماعت کے حوالے سے نہایت نفرت انگیز لہجہ اختیار کیا۔

    کنگنا کی بہن کے ٹویٹ نے، جو نفرت انگیز اور نہایت فضول الفاظ سے بھرا ہوا تھا، ٹویٹر پر زبردست غصے کو جنم دیا، متعدد صارفین نے ان کا ٹویٹ ممبئی پولیس اور ٹویٹر انتظامیہ کو ٹیگ کر کے اس کے خلاف ایکشن لینے کا مطالبہ کیا۔

    اس سے قبل 12 اپریل کو بھی رنگولی چندل نے 2024 کے بھارتی انتخابات کے حوالے سے لکھا تھا کہ غیر ضروری طور پر ملکی ذرایع ضائع نہ کیے جائیں، نتیجہ تو ویسے بھی نریندر مودی کی جیت کی صورت میں نکلنا ہے اس لیے انتخابات معطل کیے جائیں اور مودی کی جیت کا اعلان کیا جائے۔

    یہ معلوم نہیں ہو سکا ہے کہ رنگولی کا اکاؤنٹ کس ٹویٹ کی بنیاد پر معطل کیا گیا ہے، تاہم صارفین نے اس پر نہایت خوشی کا اظہار کرتے ہوئے اسے خوش آئند قرار دیا۔ یاد رہے کہ ماضی میں رنگولی چندل پر تیزاب سے حملہ کیا گیا تھا جس کی وجہ سے ان کا چہرہ جل کر خراب ہو چکا ہے۔

    فلم میکر ریما کگتی نے بھی رنگولی کا نفرت انگیز ٹویٹ ممبئی پولیس کو ٹیگ کرتے ہوئے ایکشن کا مطالبہ کیا، اداکارہ اور اینکر کبریٰ سیت نے بھی یہی مطالبہ کیا اور لکھا کہ انھوں نے رنگولی کو ٹویٹر پر بلاک کر دیا ہے۔

    خیال رہے کہ ٹویٹر نے رنگولی چندل کا اکاؤنٹ نفرت پھیلانے پر معطل کر دیا ہے، انھوں نے مراد آباد میں کرونا وائرس کے سلسلے میں پیش آنے والے ایک واقعے کے تناظر میں تبلیغی جماعت کے بارے میں نہایت نفرت انگیز زبان کا استعمال کرتے ہوئے لکھا تھا کہ ان سب کو ایک قطار میں کھڑے کر کے گولی مار دینی چاہیے۔

  • کنگنا رناوت نے بھارتی میڈیا اور صحافیوں کو آئینہ دکھا دیا

    کنگنا رناوت نے بھارتی میڈیا اور صحافیوں کو آئینہ دکھا دیا

    ممبئی: بالی ووڈ کی معروف اداکارہ کنگنا رناوت نے بھارتی میڈیا کو بکاؤ اور ملک دشمن قرار دیتے ہوئے کہا ہے کہ انڈسٹری میں بیٹھے لوگ لبرل ازم کا لبادہ اوڑھ کر اپنے مذموم مقاصد پورے کررہے ہیں۔

    سماجی رابطے کی ویب سائٹ پر بھارتی صحافیوں کی جانب سے کیے جانے والے بائیکاٹ اور پروپیگنڈے پر کنگنا رناوت نے انکشاف کیا کہ جو لوگ مجھے دھمکیاں دے رہے ہیں وہ اتنے گرے ہوئے ہیں کہ انہیں خریدنے کے لیے لاکھوں روپے ادا کرنے کی ضرورت نہیں بلکہ وہ تو پچاس روپے میں بکنے کے لیے تیار ہیں۔

    اداکارہ نے کہا کہ میری کامیابی میں میڈیا کے اچھے لوگوں کا بھی ہاتھ ہے کیونکہ ہر انڈسٹری میں اچھے برے لوگ موجود ہیں، ایک طبقہ ایسا بھی ہے جو اپنے آپ کو صحافی تو کہتا ہے مگر انہیں صحافت کا درست طریقے سے علم نہیں ہے۔

    کنگنا رناوت کا کہنا تھا کہ صحافیوں میں ایک طبقہ ایسا بھی ہے جو ملک کو دیمک کی طرح چاٹ رہا ہے اور جھوٹی افواہیں پھیلاتا ہے، جب ایسے لوگوں کو آئینہ دکھایا جائے تو وہ برا مان جاتے ہیں۔

    اداکارہ نے انکشاف کیا کہ چند نام نہاد صحافیوں جنہیں بلاگ تک لکھنا نہیں آتا نے میرے خلاف ایک گروپ بنا لیا اور اب مجھے دھمکیاں دیتے ہیں کہ وہ میری کوریج نہیں کریں گے، مجھے مستقبل تباہ کرنے کی دھمکیاں بھی دی گئیں اور کہا گیا کہ برباد کردیں گے۔

     

    View this post on Instagram

     

    would like your attention. This is important. Listen up!

    A post shared by Kangana Ranaut (@team_kangana_ranaut) on

    کنگنا کا کہنا تھا کہ ایسے صحافی انتہائی سستے داموں پچاس ساٹھ روپے میں خود کو فروخت کردیتے ہیں، وہ بھول رہے ہیں کہ آج میں بھارت کی سب سے زیادہ معاوضہ لینے والی اداکارہ ہوں۔

  • کنگنا رناوت بھی انتہاپسند بن گئیں، شبانہ اعظمی پر کڑی تنقید

    کنگنا رناوت بھی انتہاپسند بن گئیں، شبانہ اعظمی پر کڑی تنقید

    ممبئی: انتہاپسندانہ سوچ نے کنگنا رناوت کو بھی اپنی لپیٹ میں لے لیا، اداکارہ شبانہ اعظمی اور جاوید اختر پر برس پڑیں.

    تفصیلات کے مطابق اپنے متنازع بیانات کے لیے خبروں‌ کی زینت بننے والے کنگنا رناوت مودی سرکار کے رنگ میں رنگ گئیں.

    مقبوضہ کمشیر میں ہونے والے حملے کے بعد جہاں بھارتی میڈیا نے پاکستان کے خلاف محاذ کھول لیا ہے، وہیں اداکارہ بھی اس میدان میں کود پڑیں.

    انھوں نے شبانہ اعظمی اور جاوید اختر کو کڑی تنقید کا نشانہ بناتے ہوئے ان کی سوچ کو حب الوطنی سے متصادم قرار دے دیا.

    یاد رہے کہ شبانہ اعظمی اور  جاوید اختر کو کراچی میں ہونے والے فیسٹول میں شرکت کے لیے پاکستان آنا تھا، مگر مودی سرکاری کی انتہاپسندانہ سوچ کے باعث انھوں‌ نے پروگرام ملتوی کرنے ہی میں عافیت جانی۔

    مزید پڑھیں: اگر کسی نے ہراساں کیا تو سب تباہ کردوں گی، کنگنا رناوت کا انتہا پسندوں کی دھمکیوں پر ردعمل

    کنگنا رناوت نے اس موقع پر شبانہ اعظمی اور جاوید اختر پر تنقید کرتے ہوئے ان کی فکر کو ملک دشمنی قرار دیا اور کہا انھیں‌ پاکستان جانے کا پروگرام بنانا ہی نہیں‌ چاہیے تھا.

    یاد رہے کہ نریندد مودی کے حکومت میں آنے کے بعد پاکستانی فن کاروں‌ پر بالی وڈ کے دروازے بند کر دیے گئے.

  • اگر کسی نے ہراساں کیا تو سب تباہ کردوں گی، کنگنا رناوت کا انتہا پسندوں کی دھمکیوں پر ردعمل

    اگر کسی نے ہراساں کیا تو سب تباہ کردوں گی، کنگنا رناوت کا انتہا پسندوں کی دھمکیوں پر ردعمل

    ممبئی: بالی ووڈ اداکارہ کنگنا رناوت نے ہندو انتہاء پسندوں کو خبردار کیا ہے کہ اگر انہوں نے ’مانی کارنیکا’ کی ریلیز پر اعتراض اٹھایا یا ہراساں کیا تو وہ سب کو تباہ کردیں گی۔

    بھارتی میڈیا کی رپورٹس کے مطابق راجپوت برادری کی انتہاء پسند تنظیم شری کرنی سینا نے اداکارہ کنگنا رناوت اور فلم پر اعتراض اٹھاتے ہوئے ہدایت کار ، پروڈیوسر اور رائٹر کو دھمکی آمیز خط بھیجا جس میں کہا گیا کہ اگر ’مانی کارنیکا؛ کوئین آف جھانسی‘  کو ریلیز کیا گیا تو حالات کشیدہ ہوجائیں گے۔

    شری کرنی سینا نے خط میں کہا کہ اگر فلم ریلیز کی گئی تو پورے ملک میں احتجاجی مظاہرے کیے جائیں گے کیونکہ ’مانی کارنیکا‘ میں رانی لکشمی بائی کی شخصیت کو بگاڑ کر پیش کیا گیا اور انہیں بدنام بھی کیا گیا۔

    راجپوت تنظیم نے لکشمی بائی کے رومانی مناظر اور رقص پر اعتراض اٹھایا جبکہ یہ بھی مطالبہ کیا گیا کہ شری کرنی کے سربراہ ریلیز سے قبل فلم دیکھیں گے۔

    مزید پڑھیں: کنگنا رناوت کی ملکہ کے لباس میں تصاویر وائرل

    یہ بھی پڑھیں: پدماوت کے بعد فلم ’ مانی کارنیکا، کوئین آف جھانسی‘ کو بھی دھمکیوں کا سامنا

    کنگنا رناوت نے راجپوت تنظیم کی دھمکی پر ردعمل دیتے ہوئے کہا کہ اگر فلم میں کاسٹ کسی بھی شخص کو ہراساں کیا گیا تو وہ دھمکی دینے والوں کو تباہ کردیں گی۔

    اداکارہ کا کہنا تھا کہ ہم نے منی کارنیکا چار تاریخ دانوں کو دکھائی جنہوں نے ہمیں سرٹیفیکٹ جاری کیا ، علاوہ ازیں سینسر بورڈ نے بھی فلم کو کلیئر کیا پھر بھی کچھ لوگ مسلسلس ہراساں کررہے ہیں۔

    اُن کا کہنا تھا کہ دھمکیاں دینے والوں کو یہ بتا دینا چاہتی ہوں کہ میں بھی راجپوت ہوں، اگر کسی نے میری طرف آنکھ بھی اٹھائی وہ کچھ ہوجائے گا جس کا شاید کوئی اندازہ نہیں لگا سکتا۔

    فلم 25 جنوری کو ریلیز کی جائے گی جس میں کنگنا رناوت لکشمی بائی کا کردار ادا کرتی نظر آئیں گی۔

  • اداکارہ کنگنا رناوت نے دلہن کا روپ دھارلیا

    اداکارہ کنگنا رناوت نے دلہن کا روپ دھارلیا

    معروف بھارتی اداکارہ کنگنا رناوت نے دلہن بننے کا فیصلہ کرلیا، سچ مچ کی نہیں بلکہ ایک فیشن میگزین کے فوٹو شوٹ کے لیے انہوں نے دلہن کا روپ دھارا ہے۔

    اپنے منفرد کرداروں اور اسٹائل کے سبب بالی وڈ میں منفرد سمجھی جانے والی اس اداکارہ نے یہ فوٹو شوٹ ’ایشیانہ ویڈنگ میگزین‘ کے کور پیج کے لیے کروایا ہے۔ جس پر ان کے مداح ملے جلے ردعمل کا مظاہرہ کررہے ہیں۔

    بالی وڈ کی یہ گینگسٹرکوئین شادی کے لباس بالکل الگ ہی نظر آرہی ہیں۔ انہوں نے عرب اور ہندوستانی روایتی دلہن ملبوسات کے باہمی ملاپ سے تشکیل پانے والے روز گولڈرنگت کا لہنگا زیب تن کیا ، جس کی ڈیزائنر سائرہ رضوان ہیں، ساتھ ہی ان کے
    بلاؤز پر زربفت کا انتہائی نفیس کام کیا گیا تھا، شادی کے اس لباس میں وہ کسی جل پری کی طرح دکھائی دے رہی ہیں۔

    کنگنا عموماً شوخ میک اپ سے اجتناب کرتی ہیں لیکن اس فوٹو شوٹ کے لیے انہوں نے لباس کی مناسبت سے انتہائی بھڑکیلا میک اپ کروایا جس کے سبب ان کے مداح اس نئے گیٹ اپ کو کچھ زیادہ پسند نہیں کررہے۔

    یاد رہے کہ کنگنا رناوت اس سے قبل ووگ ویڈنگ بک کے لیے بھی برائیڈل شوٹ کروا چکی ہیں جس میں انہوں نے تارن تاہلیانی کا لہنگا زیب تن کیا تھا جبکہ زیورات بھی ایک معروف برانڈ کے استعمال کیے تھے۔

    اس سے قبل کنگنا رناوت کو ’ملکہ ‘ کے کردار میں دیکھ کر مداحوں نے بے پناہ سراہا تھا۔ مانی کرنیکا نامی اس ڈرامے میں انہوں نے رانی لکشمی بائی المعروف جھانسی کی رانی کا کردار ادا کیا تھا ۔ اور ایک جنگجو رانی کے روپ میں انہیں دیکھ کر دیکھنے والوں کی آنکھیں کھلی کی کھلی رہ گئیں تھیں۔

  • کنگنا کی تقریب میں وزیراعلیٰ اور پارٹی صدر کی شرکت، تصویر وائرل

    کنگنا کی تقریب میں وزیراعلیٰ اور پارٹی صدر کی شرکت، تصویر وائرل

    ممبئی: بالی ووڈ اداکارہ کنگنا رناوت کی حکمراں جماعت بھارتیہ جنتا پارٹی سے قربت بڑھتی جارہی ہے یہی وجہ ہے کہ اُن کی فلم کے ریڈ کارپیٹ پر  پہلی بار کسی وزیراعلیٰ نے شرکت کی۔

    بھارتی میڈیا کے مطابق کنگنا گزشتہ دنوں سیاست میں آنے کا اعلان کرچکی ہیں، کچھ دن قبل نئی دہلی میں ہونے والی سرکاری تقریب کے دوران انہوں نے مستقبل میں سیاست شروع کرنے کا عندیہ دیا۔

    اس تقریب میں نریندر مودی بھی موجود تھے، بالی ووڈ اداکارہ نے اُن کی شان میں قصیدہ گوئی بھی کی اور انہیں ملک کا سب سے بہترین بھارتی وزیراعظم قرار دیا۔

    کنگنا کا کہنا تھا کہ وہ سیاسی میدان میں آکر ملک کی خدمت کرنے کے لیے تیار ہیں کیونکہ انہیں لگتا ہے کہ یہی ایک بہترین راستہ ہے جس کے ذریعے بھارت کی خدمت کی جاسکے۔

    بعد ازاں میڈیا سے گفتگو کرتے ہوئے اُن کا کہنا تھا کہ ’مودی بھارت کے جمہوری وزیراعظم ہیں جن کی قیادت میں ملک درست سمت پر گامزن ہے، ہمیں چار سال کی کارکردگی کو نہیں بلکہ ماضی کو دیکھ کر بی جے پی کی حکومت کا موازانہ کرنا چاہیے‘۔

    حکمراں جماعت کے حق میں اچانک کنگنا کے بیانات کا آنا ساتھی اداکاروں کے لیے حیران کُن تھا کیونکہ اداکارہ کافی عرصے سے خاموش بیٹھی تھیں اور شوبز انڈسٹری میں مصروف تھیں۔

    بی جے پی حکومت نے کنگنا کی حمایت کے بعد اُن کی نئی آنے والی فلم کی مکمل حمایت کا فیصلہ کیا جس کا عملدرآمد اُس وقت دیکھا گیا کہ جب ’چلو جیتے ہیں‘ کی تعارفی تقریب ہوئی تو اُس میں بھارتی ریاست مہاشٹرا کے وزیراعلیٰ دیوندرا اور بھارتیہ جنتا پارٹی کے صدر امیت شاہ نے بطور مہمان خصوصی شرکت کی۔

    دونوں مہمانِ گرامی نے اداکارہ کی نئی آنے والی فلم کے لیے نیک خواہشات کا اظہار کیا اور انہیں مودی کا خصوصی پیغام بھی پہنچایا۔

    اطلاعات کے مطابق ’چلو جیتے ہیں‘ فلم مودی کے بچپن پر بنائی گئی ہے جس میں اکشے کمار اور کنگنا سمیت دیگر اداکار کردار ادا کرتے نظر آئیں گے جبکہ ہدایت کاری کے فرائض آنند ایل رائے نے سرانجام دیے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کنگنا رناوت نے سوشل میڈیا سے دوری کی وجہ بتادی

    کنگنا رناوت نے سوشل میڈیا سے دوری کی وجہ بتادی

    ممبئی: بالی ووڈ کی معروف اداکارہ کنگنا رناوت نے انٹرنیٹ سے دوری کی وجہ بتاتے ہوئے کہا ہے کہ میری نظر میں سوشل میڈیا کا استعمال وقت کا ضیاع ہے۔

    تفصیلات کے مطابق انٹرنیٹ کے بڑھتے ہوئے رجحان کو مدنظر رکھتے ہوئے تقریباً تمام ہی معروف شخصیات سوشل میڈیا پر موجود ہیں اور وہ اسی کے ذریعے اپنے مداحوں سے وقتاً فوقتاً رابطے میں رہتی ہیں۔

    بالی وڈ اداکار ہوں یا پھر کوئی بھی معروف شخصیت اپنی روز مرہ کے معمول اور دیگر نئی چیزوں کو سوشل میڈیا پر اپ لوڈ کرتے ہیں جنہیں مداح بہت پسند بھی کرتے ہیں اور بعض اوقات تو یہ عام سی تصاویر وائرل بھی ہوجاتی ہیں۔

    مزید پڑھیں: اذان سے متعلق بیان: کنگنا رناوت کا سونو نگم کو کرارا جواب

    حیران کُن طور پر کنگنا رناوت کی سوشل میڈیا پر کوئی بھی آئی ڈی موجود نہیں اور اب بالی ووڈ اداکارہ نے خود اس کی وجہ بھی بیان کردی ہے۔

    بھارتی میڈیا سے بات کرتے ہوئے کنگنا رناوت کا کہنا تھاکہ ’ویسے تو سوشل میڈیا سے میری دوری کی کئی وجوہات ہیں تاہم میرے نزدیک سب سے اہم وجہ یہ ہے کہ انٹرنیٹ کا استعمال وقت کا ضیاع ہے‘۔

    اُن کا کہنا تھا کہ ’بہت ساری کمپنیز اور لوگ اپنی پروڈکٹس کی تشہیر کے لیے میرا سہارا لینا چاہتے ہیں تاہم وہ اس وجہ سے بھی میرے ساتھ کام نہیں کرتے کہ میں سوشل میڈیا پر موجود نہیں ہوں‘۔

    یہ بھی پڑھیں: کنگنا رناوت کی ملکہ کے لباس میں تصاویر وائرل

    کگنا رناوت کا کہناتھا کہ میرے نزدیک سوشل میڈیا پر موجودگی وقت کی اہم ضرورت تو ہے تاہم میرے نزدیک یہ درست نہیں کہ کوئی اور شخص آپ کی نجی زندگی کی نمائندگی کرے۔

    اداکارہ کا مزید کہنا تھا کہ جو کمپنیاں یا شخصیات اس بات کی خواہش مند ہیں کہ میں سوشل میڈیا پر اپنا اکاؤنٹ بنا لوں اُن کو بس اتنا کہتی ہوں کہ میں وہ کام کرنا نہیں چاہتی جو میں نے خود نہ کیا ہو۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • کنگنا کا بالی ووڈ ’خانز‘ کےساتھ کام کرنے سےانکار

    کنگنا کا بالی ووڈ ’خانز‘ کےساتھ کام کرنے سےانکار

    ممبئی: بالی ووڈ کی خوبرو اداکارہ کنگنا رناوت کا کہناہےکہ میں کبھی بھی بالی ووڈ خانز کےساتھ کام کرنا نہیں چاہوں گی۔

    تفصیلات کےمطابق بالی ووڈ کی بے باک اداکارہ کنگنا رناوت نےکہاہےکہ وہ بالی ووڈ کےبادشاہ شاہ رخ خان سمیت کسی بھی خان کےساتھ فلم میں کام کرنا نہیں چاہیں گی۔

    بالی ووڈ میں’کوئین‘ کے نام سے مشہور اداکارہ کنگنا رناوت نے کہاکہ کسی بھی خان کے ساتھ فلم میں کام کر کے خود کو پیچھےچھپانا نہیں چاہتی بلکہ ہمیشہ اپنی قابلیت دکھانے پر یقین رکھتی ہوں۔

    بالی ووڈ خانز کےساتھ کام کرنے سے متعلق سوال کےجواب میں کنگناکا کہناتھاکہ میں ایک مشہور اداکارہ ہوں اور میرے لاتعداد چاہنے والے ہیں خانز کے ساتھ کام کر کے ایسا کیا ملے گا جو میں نے ابھی تک اپنے کیریئر میں حاصل نہ کیا ہو۔

    بالی ووڈ کوئین نےکہاکہ خانز کےمقابلے میں کسی اور کی فلم میں جا کرکام کروں گی تواس سے مجھے مداحوں کو اپنی اداکاری کےجوہردکھانے کا پورا موقع ملےگا۔

    خیال رہےکہ اس سےقبل بالی ووڈاداکارہ کنگنا رناوت نےکہاتھا کہ وہ فلم انڈسٹری کی نمبر ون اداکارہ ہیں اور آج وہ جس مقام پر ہیں وہ ان کی انتھک محتنت کا نتیجہ ہے۔

    یاد رہےکہ گزشتہ دنوں ’کافی ود کرن‘ میں کنگنا رناوت نے معروف ڈائریکٹر کرن جوہر کو اقرباء پروری کےذریعے بالی وڈ میں اجارہ داری قائم کرنے کا طعنہ دیا تھا۔

    واضح رہے کہ بالی ووڈ اداکارہ کنگنا رناوت نے متعدد فلمی ایوارڈ اپنے نام کیے ہیں جس میں بھارت کا اعلی اعزاز’نیشنل فلم ایوارڈ‘بھی شامل ہے۔

  • عمران خان نہایت بوریت بھری شخصیت کے مالک ہیں، کنگنا رناوت

    عمران خان نہایت بوریت بھری شخصیت کے مالک ہیں، کنگنا رناوت

    ممبئی: بولی ووڈ کی ’کوئین‘کنگنا رناوت کا کہنا ہے کہ اداکار عمران خان نہایت بوریت بھری شخصیت کے مالک ہیں ۔

    رپورٹ کے مطابق اداکارہ کی طرف سے یہ بیان حال ہی اپنی نئی آنے فلم ’کٹی بٹی‘ کے سلسلے میں بات چیت کے لئے بلائی گئی پریس کانفرس کے دوران دیا گیا۔

    واضح رہے اداکارہ کنگنا اور عمران کٹی بٹی میں مین کردار ادا کر رہے ہیں، اداکار ہ کنگنا کا کہنا تھا کہ کٹی بٹی میں انکے ساتھی اداکار عمران کی شخصیت بہت بورنگ ہے۔علاوہ ازیں انکا یہ بھی کہنا تھا کہ کبھی کبھی تو انھیں عمران کی شخصیت میں دوہرا پن محسوس ہوتا ہے، اداکارہ کا مزید کہنا تھا کہ بعض اوقات انھیں عمران خان مجرمانہ ذہنیت کے نفسیاتی مریض نظر آتے ہیں۔

    تاہم اداکاری کی اہلیہ آوینتکا کا کہنا ہے کہ نا جانے کیوں لوگ انکے شوہر کے بارے میں ایسے خیالات رکھتے ہیں جبکہ میرے شوہر انتہائی خوش مزاج انسان ہیں۔

    جبکہ کنگنا کا کہنا ہے کہ اگر آوینتکا کے عمران کے بارے میں ایسے خیالات ہیں تو درست ہی ہوں گے۔یاد رہے کنگنا رناوت اور عمران خان کی ’کٹی بٹی‘ رواں سال 18ستمبر کو ملک بھر کے سینماﺅں میں نمائش کےلئے پیش کی جائے گی۔