بھارت کے تلنگانہ کے منچریال ضلع کے مندامری کے علاقے میں واقع سنگارینی کوئلہ کی کان میں پیش آئے حادثہ میں ایک نوجوان مزدور جان کی بازی ہار گیا۔
بھارتی میڈیا رپورٹس کے مطابق راما کرشنا پور سے تعلق رکھنے والے شراون کمار جنرل اسسٹنٹ کی حیثیت سے کام کرتے ہوئے عارضی طور پر ایس ایل ٹی آپریٹر کے فرائض انجام دے رہاتھا۔
رپورٹس کے مطابق حادثہ اس وقت رونما ہوا جب ایس ایل ٹی مشین میں خرابی آنے پر وہ اس کا جائزہ لے رہے تھا کہ اچانک کان کی دیوار گر گئی، شراون کمار کوئلہ کی تہوں اور مشین کے درمیان پھنس کر بے ہوش ہو گیا۔
واقعہ کی اطلاع ملتے ہی حکام نے فوری طور پر زخمی کو اسپتال منتقل کیا۔ اچھے علاج کے لیے کریم نگر لے جایا جا رہا تھا کہ راستے میں ہی دم توڑ دیا۔
مزدور یونین کے قائدین نے اس واقعہ پر شدید برہمی کا اظہار کرتے ہوئے کہا کہ یہ حادثہ حکام کی لاپرواہی کے باعث رونما ہوا ہے۔
یاد رہے کہ اس سے قبل ایران کے صوبے خراسان میں کوئلہ کی کان میں دھماکا ہوا تھا جس کے نتیجے میں 51 افراد جاں بحق ہوگئے تھے۔
دکی میں کوئلے کی کانوں پر مسلح افراد کا حملہ ، 20 کان کن جاں بحق، 7 زخمی
ایرانی میڈیا کے مطابق یہ واقعہ جنوبی صوبے خراسان میں پیش آیا، کوئلے کی کان میں دھماکے کے وقت کام میں درجنوں افراد موجود تھے جن میں سے ابتدائی طور پر 30 افراد کے جاں بحق ہونے کی تصدیق ہوئی تھی تاہم وقت گزرنے کے ساتھ مرنے والوں کی تعداد میں اضافہ ہوگیا۔
غیر ملکی میڈیا نے بتایا ہے کہ کوئلے کی کان دھماکے میں جاں بحق افراد کی تعداد 51 ہوگئی ہے۔