Tag: کوئٹہ

کوئٹہ: سیٹلائٹ ٹاؤن میں راستہ نہ دینے پر کارسوار نے طیش میں آکر احتجاجی مظاہرین پر فائرنگ کردی جس سے 4 افراد کو گولیاں لگیں۔

تفصیلات کے مطابق کار سوار شخص کی فائرنگ کے سبب 4 افرادز خمی ہوگئے، شدید تلخ کلامی کے بعد گاڑی میں سوار شخص نے مظاہرین پر فائرنگ کی، اس کے بعد وہاں موجود مظاہرین نے کار کو آگ لگادی۔

پولیس کا کہنا ہے کہ سیٹلائٹ ٹاؤن میں فائرنگ سے زخمی ہونے والے چاروں افراد کو سول اسپتال منتقل کردیا گیا ہے۔

کراچی کے شاپنگ سینٹر میں نامعلوم شخص کی اندھا دھند فائرنگ ، بھگدڑ مچ گئی

حکام نے بتایا کہ کارسوارشخص نے احتجاج کے مقام سے گزرنے کی کوشش کی، سیٹلائٹ ٹاؤن چاندنی چوک پر لوڈشیڈنگ کیخلاف احتجاج پر سڑک بند تھی۔

پولیس نے بتایا کہ چاندنی چوک پرگاڑی میں سوار شخص نے احتجاج کے مقام سے زبردستی گزرنے کی کوشش جس پر مظاہرین مشتعل ہوئے، فائرنگ کرنے والا کارسوار موقع سے فرار ہوگیا، گرفتاری کیلئے اقدامات جاری ہیں۔

https://urdu.arynews.tv/karachi-rangers-action-5-arrested/

کوئٹہ : گزشتہ سال نومبر میں کوئٹہ سے اغواء ہونے والے بچے مصور کاکڑ کی لاش مل گئی، بچے کو تاوان کے غرض سے اغواء کیا گیا تھا۔ 

تفصیلات کے مطابق ڈی آئی جی کوئٹہ اعتزاز احسن کا ترجمان حکومت بلوچستان شاہد رند کے ہمراہ کوئٹہ میں پریس کانفرنس کرتے ہوئے کہا دشت سے ملنے والی لاش مغوی بچے مصورخان کاکڑ کی ہے، ڈی این اے تصدیق کے بعد لاش لواحقین کے سپرد کردی گئی ہے۔

اعتزاز گورایا کا کہنا تھا کہ حکومت بلوچستان کی جانب سے بچے کی بازیابی کے لئے جے آئی ٹی بنائی ، گئی جے آئی ٹی میں شامل اداروں نے بازیابی کے لئے کوششیں کیں 19میٹنگز ہوئیں ، 2 ہزار گھروں کو سرچ کیا گیا 12سو پوائنٹس پر چھاپے مارے سی سی ٹی وی کیمرے چیک کئے اغواء میں استعمال ہونے والی گاڑی 17 نومبر کو برآمد کی۔

ڈی آئی جی بلوچستان پولیس نے کہا کہ کیس بند نہیں کیا گیا ،ملوث افراد کا تعاقب جاری ہے، کالعدم تنظیموں کی آپسی لڑائی کی اطلاعات ملی تھیں اور بچے کی شہادت لڑائی کے دوران ہوئی یہ تصدیق نہیں کر سکتا۔

ان کا کہنا تھا کہ تحقیقات میں معلوم ہوا کہ اغواء میں کالعدم تنظیم داعش ملوث ہے ، کالعدم تنظیم داعش کی جانب سے ایران اور افغانستان کی سموں سے لواحقین کو فون آ رہے تھے۔

ڈی آئی جی بلوچستان نے بتایا کہ 22 نومبر کو ایک گھر کا پتہ چلا اس پر کارروائی کی تو اغواء کار جا چکے تھے، تحقیقات کے مطابق اغوا ء کار افغانستان اور پاکستان کے شہر باجوڑ سے ہے اغواء کاروں نے مغوی بچے کو کوئٹہ بائی پاس سے دہشت منتقل کیا ہے ، دشت میں سرچ آپریشن کے دوران فائرنگ کا تبادلہ ہوا ایک خود کش بمبار نے خود کو دھماکہ خیز مواد سے اڑایا۔

انھوں نے مزید کہا اغواء کاروں نے مغوی مصور کو دہشت سے اسپلنجی کے علاقے میں منتقل کیا 23 جون کو مصور کاکڑ کی قبر کا معلوم ہوا کارروائی میں ایک لاش برآمد کی گئی ، بچے کی لاشیں کی برآمدگی کے بعد والدین سے ڈی این اے کے لئے سیمپلز لئے گئے ڈی این اے کے سیمپلز برآمد ہونے والی لاش سے میچ کر گئے ہیں۔

ترجمان بلوچستان حکومت شاہد رند کا کہنا تھا کہ اغواکی واردات سے اب تک بچے کے والدین نے تعاون کیا، تافسوس ہے کہ تمام تر کوششوں کے باوجود بچے کو بحفاظت بازیانی نہ ہو سکی۔

یاد رہے گذشتہ سال نومبر میں بچے مصورکو نامعلوم افراد نے کوئٹہ میں اسکول وین سے اغواکیا تھا۔

بعد ازاں سپریم کورٹ کے آئینی بینچ نے بھی بچوں کے اغوا سے متعلق ایک کیس کی سماعت کے دوران کوئٹہ سے 10 سالہ بچے کے اغوا اور اس کا کوئی سراغ نہ ملنے پر نوٹس لے کر بچوں کے اغوا کے معاملے پر تمام آئی جیز اور سیکرٹری داخلہ کو طلب کیا تھا۔

کوئٹہ : مغربی بائی پاس رئیسانی ٹاؤن کے مقام پر لوڈر رکشا اور بس میں تصادم کے نتیجے میں پانچ افراد جاں بحق اور آٹھ زخمی ہوگئے۔

تفصیلات کے مطابق کوئٹہ میں مغرب بائی پاس کے قریب پٹرول کے ڈرموں سے بھری بس اور رکشے کے درمیان تصادم ہوا ، جس کے نتیجے میں کم از کم 5 مسافر جاں بحق اور 7 زخمی ہوگئے۔

پولیس نے بتایا کہ واقعہ کلی رئیسانی کے علاقے میں اس وقت پیش آیا، جب پیٹرول کے ڈرموں سے لدا ایک لوڈر رکشہ مقامی مسافر بس کے عقب سے ٹکرا گیا جس سے بس میں آگ بھڑک اٹھی اور آگ تیزی سے پھیل گئی، جس سے بہت سے مسافر اندر پھنس گئے۔

واقعے کی اطلاع ملتے ہی ریسکیو ٹیمیں فوری طور پر جائے وقوعہ پر پہنچیں اور جاں بحق اور زخمیوں کو قریبی اسپتال منتقل کیا۔

پولیس نے واقعے کی ایف آئی آر درج کرکے تحقیقات شروع کردی ہے۔

ترجمان بلوچستان حکومت شاہد رند کی جانب سے بیان میں کہا گیا ہے کہ مسافربس آتشزدگی واقعےکی تحقیقات شروع کردی گئیں، ذمہ داروں کے خلاف سخت کارروائی عمل میں لائی جائے گی، متاثرہ خاندانوں کی ہر ممکن مددو معاونت کی جائے گی، زخمیوں کو بہترین طبی امداد فراہم کی جا رہی ہے۔

یاد ہرہے گذشتہ ہفتے کوئٹہ جانے والی مسافر ٹرین ٹیکسلا میں مارگلہ ٹنل کے قریب پٹری سے اتر گئی تھی ، جس کے باعث راولپنڈی پشاور سیکشن کے درمیان ریلوے ٹریفک معطل ہو گئی تاہم خوش قسمتی سے حادثے میں کوئی جانی نقصان نہیں ہوا۔

واقعے کے فوراً بعد مقامی پولیس، ریلوے پولیس اور ریلوے مینٹیننس ڈیپارٹمنٹ کے اعلیٰ حکام جائے وقوعہ پر پہنچ گئے تاکہ واقعے کی تحقیقات کی جا سکیں اور مین ٹریک پر بحالی کا کام شروع کیا جا سکے۔

کوئٹہ : کراچی کے بعد کوئٹہ زلزلے سے لرز اٹھا، جس کے سبب عوام میں خوف و ہراس پھیل گیا۔

تفصیلات کے مطابق بلوچستان کے دارلحکومت کوئٹہ اور گردونواح میں زلزلے کے جھٹکے محسوس کیے گئے، جس سے شہریوں میں خوف و ہراس پھیل گیا۔

زلزلہ پیما مرکز نے بتایا شہر اور گردونواح میں 2.8 شدت کا زلزلہ آیا ،. ریکٹر اسکیل پر زلزلے کی گہرائی 23 کلومیٹرتھی جبکہ مرکز کوئٹہ سے 75 کلومیٹر شمال مشرق میں تھا۔

زلزلے کے باعث لوگ کلمہ طیبہ کا ورد کرتے ہوئے گھروں سے باہر نکل آئے تاہم فی الحال کسی جانی یا مالی نقصان کی اطلاع موصول نہیں ہوئی ہے۔

یاد رہے رات گئے کراچی میں قائد آباد اور ملیر کے مختلف علاقوں میں ایک بار پھر زلزلے کے جھٹکے محسوس کئے گئے۔

مزید پڑھیں : کراچی کے مختلف علاقوں میں ایک بار پھر زلزلہ

زلزلہ پیما مرکز کے مطابق شہر میں زلزلے کے جھٹکے رات ایک بجکر 44 منٹ پر محسوس کئے گئے، جس کی شدت ریکٹر اسکیل پر 2.6 ریکارڈ کی گئی۔

زلزلہ پیما مرکز کا کہنا تھا کہ زلزلے کی گہرائی 10 کلو میٹر تھی، زلزلہ ملیر اور اطراف کے ایک کلو میٹر علاقے میں آیا۔

اسلام آباد : بلوچستان کا دارلحکومت کوئٹہ زلزلے سے لرز اٹھا ، جس کے سبب عوام میں خوف و ہراس پھیل گیا۔

تفصیلات کے مطابق بلوچستان کے دارلحکومت کوئٹہ اور گردونواح میں زلزلے کے جھٹکے محسوس کیے گئے، جس سے شہریوں میں خوف و ہراس پھیل گیا۔

زلزلہ پیما مرکز نے بتایا کہ زلزلے کی شدت 4.9 ریکارڈ کی گئی اور زلزلے کا مرکز کوئٹہ سے 25 کلومیٹرمغرب میں تھا۔

زلزلے کے باعث لوگ کلمہ طیبہ کا ورد کرتے ہوئے گھروں سے باہر نکل آئے تاہم فی الحال کسی جانی یا مالی نقصان کی اطلاع موصول نہیں ہوئی ہے۔

یاد رہے گذشتہ ماہ پنجاب اور خیبر پختونخوا کے مختلف علاقوں میں زلزلے کے جھٹکے محسوس کیے گئے ، جن میں اسلام آباد، راولپنڈی، سوات، صوابی، لکی مروت، مردان، کالا باغ و گردونواح، کرک، چنیوٹ اور میانوالی شامل تھے۔

زلزلے کی شدت 5.5 جبکہ گہرائی 12 کلو میٹر ریکارڈ کی گئی، اس کا مرکز شمال مغربی راولپنڈی تھا۔

زلزلے کے دوران کیا کریں؟

سب سے پہلے پُرسکون رہیں کیونکہ گھبراہٹ سے حالات مزید خراب ہو سکتے ہیں

محفوظ جگہ پر چلے جائیں، اگر آپ گھر میں ہیں تو میز یا مضبوط فرنیچر کے نیچے چھپ جائیں، دیوار کے  ساتھ بیٹھ جائیں لیکن کھڑکیوں، شیشے یا بھاری چیزوں سے دور رہیں۔

لفٹ کا استعمال ہرگز نہ کریں۔

اگر آپ باہر ہیں تو عمارتوں، بجلی کی تاروں اور درختوں سے دور کھلے میدان میں چلے جائیں۔

اگر گاڑی میں ہیں تو گاڑی روک دیں لیکن پل، اوورہیڈز یا عمارتوں سے دور اور گاڑی کے اندر ہی رہیں جب تک زلزلہ ختم نہ ہو جائے۔