کوئٹہ : پاکستان تحریک انصاف ( پی ٹی آئی ) کا کوئٹہ میں آج ہونے والے جلسے کا اجازت نامہ منسوخ کردیا گیا۔
تفصیلات کے مطابق ڈپٹی کمشنر نے کوئٹہ میں آج پاکستان تحریک انصاف ( پی ٹی آئی ) کے جلسے کے لیے جاری کیا گیا این اوسی منسوخ کر دیا۔
اس حوالے سے ڈپٹی کمشنر نے مراسلے کے زریعے پی ٹی آئی کی صوبائی قیادت کو سکیورٹی خدشات کی بنا پر جلسہ کی اجازت نہ دینے کے فیصلے سے متعلق آگاہ کیا گیا۔
ڈی سی کا کہنا ہے سیکیورٹی تھریٹ کی وجہ سے ہرقسم کے اجتماع پرپابندی عائد کردی گئی ہے۔
ترجمان پی ٹی آئی بلوچستان نے کہا ہے آج کوئٹہ کے ہاکی گراؤنڈ میں تاریخی جلسہ کریں گے، عدالت نے انتطامیہ کو جلسے کے لیے جگہ دینے کا پابند کیا ہے۔
دوسری جانب کوئٹہ جلسہ گاہ کو پولیس کی بھاری نفری نے گھیرے میں لے لیا اور ہاکی گراؤنڈ مین گیٹ کو جلسہ کی وجہ سے سیل کردیا گیا جبکہ جلسہ گاہ کو جانے والے تمام راستوں پر پولیس کی بھاری نفری تعینات کردی گئی ہے۔
یاد رہے پاکستان تحریکِ انصاف نے کوئٹہ میں 8 نومبر کو جلسہ منعقد کرنے سے متعلق یک درخواست دی تھی جس میں جلسے کے لیے دو مقامات بھی تجویز کیے گئے تھے جن میں ایوب سٹیڈیم اور ہاکی گراونڈ شامل تھے۔
اسلام آباد: وفاقی وزیر اطلاعات شبلی فراز کا کہنا ہے کہ پی ڈی ایم پلیٹ فارم سے آزاد بلوچستان کے نعرے کی شدید مذمت کرتے ہیں، اویس نورانی کے بیانیےکی کڑی دشمن سےملتی ہے۔
تفصیلات کے مطابق اسلام آباد میں پریس کانفرنس کرتے ہوئے وزیر اطلاعات نے پی ڈی ایم کے کوئٹہ جلسے میں حکومت مخالف تقریروں پر ردعمل کا اظہار کرتے ہوئے کہا کہ ان چوروں نے ذاتی مفاد کے لئےاداروں کو داؤ پرلگادیا ہے، اثاثےکیسے بنائے، بیروں ملک پیسہ کیسےبھیجا، ان سوالات کےجواب کے دینے کے بجائے ملک میں ایک طوفان برپا کردیاگیا ہے، مگر ہم پاکستان کو ان چوروں سےآزاد کرائیں گے۔
پی ڈی ایم رہنما اویس نورانی کی تقریر پر شبلی فراز نے افسوس کا اظہار کرتے ہوئے کہا کہ اویس نورانی نے جلسے میں آزاد بلوچستان کا نعرہ لگایا، کوئی پاکستانی ایسی بات نہیں کرسکتا، اویس نورانی نےجو بات کی مقدمہ تو ان سب پربنتا ہے۔
سینیٹر شبلی فراز نے کہا کہ فوج خلاف ہرزہ سرائی سے دشمن کے بیانیےکو سپورٹ کیا جارہا ہے،دشمن نےجو کچھ بلوچستان میں کیا ان کےبیانیےسےلگتاہے یہ شریک ہیں، ہمارےجو دشمن ہیں اس کا تیسراحصہ نہیں مل رہاتھا، اب پی ڈی ایم کی شکل میں مل گیا ہے، اب بھارت، اسرائیل اور پی ڈی ایم ہمارے دشمن ہیں۔
وزیر اطلاعات کا مزید کہنا تھا کہ عمران خان نےتو پہلے ہی کہہ دیاتھا یہ چور ایک ہوجائیں گے میں اکیلا رہوں گا، عمران خان ایک اشارہ کردے آئیں بات کرتے ہیں تو یہ بھاگےآئیں گے،عمران خان ملک کو چوروں سےبچائیں گے، اور ادارے مضبوط کرینگے، ملک سے معاشی غداری کرنے والوں کو عمران خان نہیں چھوڑےگا۔
شبلی فراز نے کہا کہ بلاول بھٹو ہماری سیاست میں ایک تفریح کاسامان پیدا ہوا ہے، بلاول والد سے کیوں نہیں پوچھتےکہ عوام سے روٹی کپڑامکان کیوں چھین لیا، ان کو عوام، ملک سے کوئی دلچسپی نہیں ان کا سب کچھ باہرہے۔
لاہور: پاکستان مسلم لیگ ن کی نائب صدر مریم نواز نے میڈیا سے بات چیت کرتے ہوئے کہا ہے کہ کوئٹہ جلسے سے میاں نواز شریف خطا ب کریں گے۔
اے آر وائی نیوز کے مطابق پی ڈی ایم کے کل ہونے والے جلسے کے لیے کوئٹہ کے ایوب اسٹیڈیم میں تیاریاں جاری ہیں، جلسے کی سیکورٹی کے لیے 4 ہزار سے زائد اہل کار تعینات کر دیے گئے ہیں، جن میں کوئٹہ پولیس، ایف سی اور بی سی سمیت دیگر سیکورٹی اہل کار شامل ہیں۔
مریم نواز نے آج صبح لاہور میں میڈیا سے گفتگو میں کہا کہ نواز شریف کل کے جلسے سے خطاب کریں گے، واضح رہے کہ گوجرانوالہ جلسے میں خطاب کے دوران نواز شریف نے ملکی اداروں کو نشانہ بنایا تھا جس پر انھیں ملک بھر میں شدید تنقید کا سامنا ہے، اس وقت سابق وزیر اعظم ملک میں بدعنوانی کے کئی مقدمات میں مطلوب ہیں اور علاج کی غرض سے برطانیہ میں ہیں۔
مریم نواز نے کہا کہ اب پی ڈی ایم کی تحریک میں عوام شامل ہو گئے ہیں، ایک طرف پاکستان میں عوام روٹی کو ترس گئے ہیں، دوسری طرف حکومت کی توجہ صرف میاں نواز شریف پر ہے، اب این آر او کی عمران خان کو ضرورت ہے، کیپٹن (ر) صفدر واقعے سے حکومت نے بہت بدنامی کمالی ہے۔
ادھر کوئٹہ میں ہونے والے پی ڈی ایم جلسے کے لیے تیاریاں جاری ہیں، شہر بھر میں مختلف سیاسی جماعتوں کے جھنڈے اور بینرز آویزاں ہو گئے ہیں، محمود اچکزئی، ڈاکٹر عبدالمالک بلوچ اور اختر مینگل کوئٹہ پہنچ گئے ہیں، مولانا فضل الرحمان گزشتہ رات ضلع قلات پہنچ چکے ہیں اور آج سہ پہر کوئٹہ پہنچیں گے۔
مریم نواز 10 رکنی وفد کے ہم راہ آج نجی ایئر لائن کی پرواز سے کوئٹہ پہنچیں گی، وفد میں شاہد خاقان عباسی، کیپٹن (ر )صفدر، احسن اقبال و دیگر شامل ہوں گے۔ بلاول بھٹو گلگت سے خصوصی پرواز کے ذریعے کل کوئٹہ پہنچیں گے، اگر وہ کسی وجہ سے کوئٹہ نہ پہنچ سکے تو پھر ویڈیو لنک پر جلسے سے خطاب کریں گے، جب کہ نواز شریف لندن سے ویڈیو لنک کے ذریعے خطاب کریں گے۔
کوئٹہ:تحریک انصاف کے چیئرمین عمران خان نے کہا ہے کہ پاکستانی اگر بھارت میں پکڑا جاتا تو وہ کبھی آئی سی جے نہیں جاتے، نواز شریف بتائیں ان کے بھارت میں کیا مفادات ہیں؟ اپنے کاروبار سامنے لائیں، ڈان لیکس پر خاموش نہیں بیٹھیں گے، سوشل میڈیا پر کوئی قدغن لگائی تو سڑکوں پر آجائیں گے۔
یہ بات انہوں نے کوئٹہ ایوب اسٹیڈیم میں پانچ سال بعد کیے گئے جلسہ عام سے خطاب کرتے ہوئے کہی۔ اسٹیج پر شاہ محمود قریشی، جہانگیر ترین، عوامی مسلم لیگ کے سربراہ شیخ رشید اور دیگر رہنما بھی موجود تھے۔
بلوچستان میں اتنی بے روزگاری کیوں ہے؟
عمران خان نے کہا کہ کوئٹہ کے لوگ باشعور ہیں،اللہ نے پاکستان کو ہر نعمت سے نوازا لیکن یہاں بے روزگاری ہے، بلوچستان میں کیوں اتنی غربت اور بے روزگاری ہے؟ پاکستان کے شمالی علاقوں کے پہاڑ سوئٹزر لینڈ سے زیادہ خوبصورت ہیں،انگریز ہندوستان میں طویل حکومت کرکے سب سے امیر ملک بن گیا۔
ماضی میں ایسٹ انڈیا کمپنی تھی اور اب شریف فیملی لمیٹڈ کمپنی ہے
انہوں نے کہا کہ ماضی میں ایسٹ انڈیا کمپنی تھی اور اب شریف فیملی لمیٹڈ کمپنی ہے،شریف فیملی کے ساتھ اور بھی کچھ خاندانوں کی کمپنیاں ہیں، یہ کمپنیاں امیر تر ہوتی جارہی ہیں اور قوم غریب تر، یہ کمپنیاں یہاں سے پیسہ چوری کرکے ملک سے باہر بھیج رہی ہیں اور کرپشن کرکے قوم کو تباہ کررہی ہیں۔
منی لانڈرنگ اور کرپشن ہورہی ہے
انہوں نے کہا کہ عوام کا پیسہ حکومت کو جاتا ہے اور اقتدار والے چوری کرتے ہیں، یہ لوگ منی لانڈرنگ اور کرپشن کرکے پیسہ پاناما اور دبئی بھیجتے ہیں،قوم دو طرح سے نقصان اٹھاتی ہے،پیسہ چوری کرکے باہر بھیجا جاتا ہے اور پھر ٹیکس لگا کر چوری کی جاتی ہے۔
دبئی میں پراپرٹی خریدنے کے لیے یہاں سے 800 ارب روپے گئے
انہوں نے کہا کہ ملک کا زیادہ نقصان چوری کے پیسے کی منی لانڈرنگ سے ہوتا ہے،800 ارب روپے یہاں سے دبئی پراپرٹی خریدنے کے لیے گئے، ملک میں ہر سال ایک ہزار ارب روپے چوری ہوکر باہر جاتے ہیں، یہ سارا پیسہ اگر پاکستانیوں پر لگایا جاتا تو آج کا پاکستان بہت مختلف ہوتا۔
حکمرانوں نے سب سے بڑا ڈاکا بلوچستان پر مارا
انہوں نے کہا کہ حکمرانوں نے سب سے بڑا ڈاکا بلوچستان پر مارا ہے، وفاق سے حصہ نہیں ملتا اور جو لیڈر بیٹھے ہیں وہ لوٹ رہے ہیں، مشتاق رئیسانی جیسے لوگ پیسہ چوری کرتے ہیں جو آپ کا پیسہ ہے، لوچستان کا ترقیاتی فنڈ عوام کے پاس جاتا تو یہ حالت نہ ہوتی۔
پاکستانی بھارت میں پکڑا جاتا تو وہ کبھی آئی سی جے میں نہیں جاتے
کلبھوشن کے معاملے پر انہوں نے کہا کہ پاکستانی بھارت میں پکڑا جاتا تو وہ کبھی آئی سی جے میں نہیں جاتے، بھارت اس پاکستانی کو کب کا پھانسی پر لٹکا چکی ہوتی،نواز شریف اپنے ذاتی مفاد کےلیے کھڑے ہیں پاکستان کے مفاد کے لیے نہیں۔
نواز شریف بتائیں ان کے بھارت میں کیا مفادات ہیں؟
عمران خان نے نواز شریف کو مخاطب کرتے ہوئے کہا کہ آپ کے بھارت میں کیا مفادات ہیں؟کاروباری شخص جندال آتا ہے اور کلبھوشن کو بچالیتا ہے،تحقیقات کی جائیں نواز شریف کے ملک سے باہر کیا مفادات ہیں؟ وہ اپنے کاروبار ڈکلیئر کریں۔
ڈان لیکس پر خاموش نہیں بیٹھیں گے
انہوں نے ڈان لیکس پر کہا کہ پاکستان قوم چاہتی ہےکہ نواز شریف قوم سے سچ بولیں، نوازشریف آپ نے پاکستانی فوج سے غداری کی ہے،نوازشریف صاحب سن لیں، ہم ڈان لیکس کے معاملے پر خاموش نہیں بیٹھیں گے۔
بلوچستان کی پولیس کو کے پی کے پولیس جیسا بنائیں گے
انہوں نے کہا کہ بلوچستان کے پولیس والے کہتے ہیں ہمیں کے پی کے جیسا ایکٹ چاہیے،آج خیبر پختونخوا میں سرمایہ کاروں کی لائن لگی ہوئی ہے،خیبرپختونخوا پولیس سے لوگ خوش ہیں وہاں سرمایہ کاری ہورہی ہے،انشااللہ بلوچستان کی پولیس کو بھی خیبرپختونخوا پولیس جیسا بنائیں گے۔
سوشل میڈیا پر کوئی قدغن لگائی تو سڑکوں پر آجائیں گے
سوشل میڈیا سے متعلق انہوں نے کہا کہ حکمران سن لیں، پی ٹی آئی کی سوشل میڈیا ٹیم کو ہاتھ نہ لگائیں، ہم کسی صورت عوام کی آواز دبانےنہیں دیں گے،چھوٹے صوبوں کو جو ان کا حق ہے وہ ہی نہیں دیا جاتا،سوشل میڈیا پر کوئی قدغن لگائی تو سڑکوں پر آجائیں گے۔
کے پی کے میں کرپشن ختم کردی
انہوں نے مزید کہا کہ خیبر پختونخوا میں کرپشن کافی حد تک ختم کردی گئی ہے، ایسا پاکستان بنائیں گے جہاں کرپشن کا نام و نشان تک نہ ہو۔
چین کے ذریعے بلوچستان کے عوام کو روزگار ملے گا، شیخ رشید
قبل ازیں جلسے سے خطاب کرتے ہوئے عوامی مسلم لیگ کے سربراہ شیخ رشید نے کہا ہے کہ چین پر ہماری جان قربان ہے وہ ہمارابھائی ہے،چین کو تجارت کے لیے راستہ دے رہے ہیں،چین کے ذریعے بلوچستان کے عوام کو روزگار ملے گا۔
چین کے ذریعے غربت کی جنگ لڑیں گے
ان کا کہنا تھا کہ ہم دنیا کی جنگوں میں نہیں جانا چاہتے،ہماری جنگ غربت سے ہے، چین کے ذریعے ہم اس غربت کی جنگ سے لڑیں گے۔
نواز شریف کی وجہ سے بھارت میں آج جشن منایا جارہا ہے
انہوں نے کہا کہ بھارتی صنعت کار سجن جندال پاکستان آیا اور نواز شریف نے غیر ذمہ داری کا مظاہرہ کیا جس کی وجہ سے بھارت میں آج جشن منایا جارہا ہے،جشن منانے والو سن لو، آج پاکستان متحد ہے،ہم سب ایک ہیں۔
ہم دوستی چاہتے ہیں لیکن کشمیر میں ظلم برداشت نہیں
انہوں نے کہا کہ ہم دوستی چاہتے ہیں لیکن کشمیر میں ظلم برداشت نہیں، پاکستان کی طرف میلی آنکھ سے دیکھنے والوں کو تباہ کردیں گے، کپتان کے ساتھ اس لیے ہوں کہ پاکستان کی تقدیر بدلتے ہوئے دیکھنا چاہتا ہوں۔
انہوں نے کہا کہ پاناما لیکس کی جے آئی ٹی سے ن لیگ کا سیاسی جنازہ نکلے گا۔
کلبھوشن کیس کا فیصلہ عالمی عدالت میں نہیں مری کی پہاڑیوں پر ہوا، شاہ محمود قریشی
اپنے خطاب میں پی ٹی آئی کے رہنما شاہ محمود قریشی نے کہا کہ کوئٹہ پہنچے تو دیگر سیاسی جماعتوں کے جلسے ملتوی ہوگئے، کلبھوشن کیس کا فیصلہ دی ہیگ میں نہیں،مری کی پہاڑیوں پر ہوا۔
انہوں نے کہا کہ جہاں 70 سال کی ناانصافی ہو وہاں غربت نہ ہوگی تو کیا ہوگا، پاکستان کا مستقبل محفوظ ہاتھوں میں ہوگا تو مستقبل محفوظ ہوگا، بلوچستان کو ہمیشہ احساس محرومی میں رکھا گیا،ہم تمام صوبوں کی لڑائی لڑیں گے،پاکستان کی عظمت کی لڑائی لڑیں گے۔
انہوں نے کہا کہ حکومت ملی تو بلوچستان کے قدرتی وسائل آپ کےلیے استعمال ہوں گے، 70 برس کی محرومیاں ختم کرکے آپ کو حق ملے گا،بلوچستان کے وسائل سب سے پہلے بلوچستان کے لیے استعمال ہوں ۔
انہوں نے مزید کہا کہ آج کہتے ہیں کہ کون بچائے گا بلوچستان، عمران خان عمران خان،اچکزئی خود کو پختونوں کا لیڈر سمجھتے ہیں اور بندکمرے میں آرام کرتے ہیں، بلوچستان میں غربت زیادہ ہے تو یہاں غیرت بھی زیادہ ہے، محمود خان اچکزئی فاٹا اصلاحات بل کی مخالفت کر رہے ہیں، عمران خان بلوچستان کے حقوق پر کسی کو ڈاکا ڈالنے نہیں دیں گے۔
پاکستان تحریک انصاف کوئٹہ کے ایوب اسٹیڈیم میں پی ٹی آئی کا یہ جلسہ پانچ برس بعد ہوا، جلسہ گاہ میں 40 ہزار افراد کے لیے کرسیاں لگائی گئی تھیں جبکہ اطراف میں عمران خان کی تصاویر والے بینرز اور پوسٹر آویزاں کیے گئے۔
جلسے کی سیکورٹی کے لئے سخت انتظامات کیے گئے، سکیورٹی ذرائع کے مطابق جلسے کی حفاظت پر پولیس اور ایف سی کے5 ہزار سے زائد اہلکار تعینات کیے گئے جبکہ ایف سی بلوچستان پولیس کو سیکیورٹی میں معاونت کا حکم دیا گیا۔
خیال رہے کہ گذشتہ روز پی ٹی آئی کے سربراہ عمران خان دیگر پارٹی رہنماﺅں کے ہمراہ جمعرات کو کوئٹہ پہنچے، ائیر پورٹ پر پی ٹی آئی بلوچستان کے صوبائی صدر سردار یار محمد رند دیگر رہنماﺅں اور کارکنوں کی بڑی تعداد نے ان کا استقبال کیا۔
ائیرپورٹ پر میڈیا سے گفتگو کرتے ہوئے عمران خان نے آئی سی جے کی جانب سے کلبھوشن کا فیصلہ آنے پر تبصرہ کرتے ہوئے کہا کہ ’’ممکن ہے یہ میچ بھی فکس کیا گیا ہو‘‘۔
عمران خان کا کہنا تھا کہ بلوچستان انہیں پہلے آنا تھا تاہم پانامہ کی وجہ سے نہ آسکے ، پانچ سال بعد کوئٹہ میں جلسے کرنے جارہے ہیں جس کے لئے بے حد منتظر ہوں‘۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
