ARYNews.tv | Urdu – Har Lamha Bakhabar

Tag: کوئٹہ ریلوے اسٹیشن

  • کوئٹہ ریلوے اسٹیشن پر احتجاج، ایک ہزار سے زائد مسافر رُل گئے

    کوئٹہ ریلوے اسٹیشن پر احتجاج، ایک ہزار سے زائد مسافر رُل گئے

    کوئٹہ ریلوے اسٹیشن پر ملازمین کی احتجاج کے باعث ایک ہزار سے زائد مسافر اسٹیشن پر ہی رُل گئے۔

    تفصیلات کے مطابق کوئٹہ میں ریلوے ملازمین نے اندرون ملک جانے والی ٹرینوں کو احتجاجا گھنٹوں روک دیا جس کے باعث ایک ہزار سے زائد مسافر کو شدید مشکلات کا سامنا کرنا پڑا۔

    ریلوے ملازمین نے ریلوے اسٹیشن پر ٹرینوں کے سامنے ٹریک پر دھرنا دیدیا جس سے کوئٹہ سے صبح 8 بجے چمن کیلئے روانہ ہونے والی چمن پسنجر ٹرین، صبح 9 بجے راوالپنڈی پشاور کیلئے روانہ ہونے والی جعفر ایکسپریس اور صبح دس بجے کراچی جانے والی بولان میل دو سے چار گھنٹے تاخیر کا شکار ہوئیں۔

    ذرائع کا کہان ہے کہ ان ٹرینوں کی تاخیر کے باعث سفر کرنے والے ایک ہزار سے زائد مسافروں کو مشکلات کا سامنا کرنا پڑا، جعفر ایکسپریس سے سفر کرنے والے ایک مسافر ذیشان احمد نے بتایا کہ تین دن سے سفر مشکل ہوئی ہے۔ پنجاب کیلئے بس سروس بند ہے ٹرین کا انتخاب کیا تو آج یہ حال ہے۔

    واضح رہے کہ ریلوے یونینز کی جانب سے کوئٹہ کے زرغون روڈ پر ملازمین کے گھروں کی چاردیواروں کو مسمار کرنے کے خلاف ریلوے اسٹیشن پر ریلوے ٹریک پر دھرنا دیا گیا۔

    احتجاجی ملازمین کا کہنا تھا کہ رات کے اندھیرے میں ڈبل روڈ کی توسیع کے منصوبے کے۔پراجیکٹ ڈائریکٹر کی جانب جانب سے بلاجواز کارروائی کی گئی گھروں کی چار دیواریوں کو گرایا گیا۔

    مظاہرین کا کہنا تھا معاملہ عدالت میں ہے، چار دیواریاں مسمار کرنا ماورائے عدالت اقدام ہے، ڈی ایس ریلوے نے مظاہرین سے مذاکرات کرکے مسئلہ ضلعی انتظامیہ کے ساتھ حل کرانے کی یقین دہانی کرادی۔

    مسائل حل کرانے کی یقین دہانی پر ریلوے ملازمین نے ریلوے اسٹیشن پر جاری احتجاج دو روز کیلئے موخر کردیا جس کے بعد اندرون ملک جانے والی ٹرینوں کی روانگی کا عمل شروع ہوگیا۔

  • کالعدم بی ایل اے نے دہشت گرد کی تصویر سوشل میڈیا پر شیئر کردی

    کالعدم بی ایل اے نے دہشت گرد کی تصویر سوشل میڈیا پر شیئر کردی

    کالعدم بی ایل اے نے کوئٹہ ریلوے اسٹیشن پر خودکش حملے میں ملوث دہشت گرد محمد رفیق بزنجو کی تصویر سوشل میڈیا پرشیئر کردی۔

    تفصیلات کے مطابق تصویر میں دہشت گرد سر سے پاؤں تک غیر ملکی اسلحہ اور سامان سے لدا ہواہے، جس نے امریکی ساخت کی ایم فور رائفل اٹھار کھی ہے۔

    امریکی ساختہ ایم فور رائفل افغانستان میں ڈالروں سے خریدی جا سکتی ہے، دہشت گرد نے جو یونیفارم پہن رکھا ہے وہ بھی یوایس میرین کور کا ہے، تصویر میں گولیاں، میگزین، جیکٹ اور ٹوپی بھی امریکی ساخت کی ہے۔

    را کے مہیا کیے جانے والے ڈالروں سے کالعدم بی ایل اے یہ سازو سامان افغانستان سے خرید کر معصوم پاکستانیوں کا قتل عام کر رہی ہے، قوم کو فارن فنڈڈ دہشتگردوں کے قلع قمع کے لیے افواج پاکستان کے ساتھ چلنا ہوگا۔

    کوئٹہ میں ریلوے اسٹیشن پر دھماکا، 24 افراد جاں بحق، 40 زخمی

    واضح رہے کہ کوئٹہ ریلوے اسٹیشن پر آج ہونے والے خودکش حملے میں 27 افراد شہید اور 40 زخمی ہوگئے تھے، 10 زخمیوں کی حالت تشویشناک ہے۔

    دھماکا صبح 8 بجکر 25 منٹ پر کیا گیا، جب پلیٹ فارم پر جعفر ایکسپریس کے مسافروں کا رش تھا، خود کش حملہ آور نے 8 سے 10 کلو بارودی مواد کا بیگ اٹھایا ہوا تھا، جس نے مسافروں کے درمیان پہنچ کر خود کو دھماکے سے اڑا لیا تھا۔

  • کوئٹہ ریلوے اسٹیشن پر خودکش دھماکا، دل دہلا دینے والی فوٹیج سامنے آگئی

    کوئٹہ ریلوے اسٹیشن پر خودکش دھماکا، دل دہلا دینے والی فوٹیج سامنے آگئی

    کوئٹہ ریلوے اسٹیشن پر دل دہلا دینے والے دھماکے کی سی سی ٹی وی فوٹیج اے آروائی نیوز نے حاصل کرلی۔

    تفصیلات کے مطابق کوئٹہ میں ریلوے اسٹیشن کے پلیٹ فارم پر خودکش دھماکے میں خاتون سمیت 24 افراد جاں بحق اور 40 افراد زخمی ہو گئے۔

    CCTV Footage oF Quetta Railway Stattion Blast

    ریلوے حکام کے مطابق جعفر ایکسپریس نے 9 بجے پشاور کے لیے روانہ ہونا تھا، ٹرین ابھی تک پلیٹ فارم پر نہیں لگی تھی  کہ دھماکا ہو گیا، دھماکا ریلوے اسٹیشن پر ٹکٹ گھر کے قریب ہوا جس کی فوٹیج اے آروائی نیوز نے حاصل کرلی ہے۔

    ویڈیو میں دیکھا جاسکتا ہے کہ پلیٹ فارم پر مسافروں کی بڑی تعداد موجود ہے جو ٹرین کی آمد کے منتظر ہیں جس کے فوراً بعد اچانک سے آگ کا شعلہ لپکتا ہے اور ساتھ ہی زوردار دھماکا ہوجاتا ہے۔

    ویڈیو میں دیکھا جاسکتا ہے کہ دھماکے کے بعد پلیٹ فارم پر موجود لوگوں میں بھگدڑ مچ جاتی ہے اور دھواں پھیل جاتا ہے، دھماکا ریلوے اسٹیشن کے پلیٹ فارم پر جعفر ایکسپریس کی روانگی کے وقت ہوا۔

    کوئٹہ ریلوے اسٹیشن پر دھماکے کی ذمے داری کالعدم تنظیم نے قبول کر لی

    کوئٹہ میں ریلوے اسٹیشن پر دھماکا، 22 افراد جاں بحق 51 زخمی