کوئٹہ: چہلم کربلا شہدا کے موقع پر کوئٹہ میں پولیس وین کے قریب ہونے والے دھماکے نے خو ف و ہراس پھیلا دیا تاہم دھماکے میں کوئی جانی نقصان نہیں ہوا ہے۔ نیو افغان روڈ پر کمرے میں گیس بھر جانے سے میاں بیوی جاں بحق ہوگئے۔
کوئٹہ ہزار گنجی میں پولیس وین کو بم سے اڑانے کی کوشش کی گئی ہے۔ پولیس کے مطابق دھماکہ معمولی نوعیت کا تھا جس سے کوئی جانی نقصان نہیں ہوا۔
چہلم کربلا شہدا کے موقع پر پولیس پر ہونے والے حملے نے علا قے میں خوف و ہراس پھیلا دیا ہے۔ دھماکے کے بعد پولیس نے علاقے کو گھیرے میں لے کر تحقیقات شروع کردی ہیں۔
دوسری جانب پولیس کے مطابق گوالمنڈی تھانے کے حدود میں نیو افغان روڈ پر واقع گھر میں میاں بیوی سو رہے تھے کہ گیس لیکج کے باعث کمرے میں گیس بھر گئی اور دم گھٹنے کے باعث دونوں میاں بیوی جاں بحق ہوگئے ہیں، اطلاع ملنے پر ریسکیو ٹیم نے لاشوں کو سول ہسپتال منتقل کردیا گیا جہاں ضروری کارروائی کے بعد لاشیں ورثاء کے حوالے کردیا گیا۔