اسلام آباد: پاکستان تحریک انصاف نے قومی اسمبلی میں کوئٹہ کمیشن رپورٹ پر تحریک التوا جمع کرادی۔
تفصیلات کےمطابق تحریک انصاف کی جانب سے قومی اسممبلی میں کوئٹہ کمیشن رپورٹ پر تحریک التوا جمع کرادی ہے۔تحریک التوا شاہ محمود قریشی، شیریں مزاری اور منزہ حسین نے جمع کرائی ۔
تحریک انصاف کی جانب سے قومی اسمبلی میں جمع کرائی گئی جس میں سانحہ کوئٹہ کمیشن رپورٹ میں وزارت داخلہ کی نااہلی کی طرف نشاندہی کی گئی ہے۔
تحریک التوا میں بتایا گیا ہے کہ کمیشن رپورٹ میں وفاقی وزیر داخلہ چوہدری نثار کی کالعدم تنظیموں کے رہنماؤں کے ساتھ ملاقاتوں کا بھی ذکر ہے۔
رپورٹ میں کہاگیا ہے کہ سانحہ کوئٹہ کے رونما ہونے میں صوبائی حکومت کی کوتاہی اور غفلت بھی شامل ہے۔
بلوچستان میں دہشت گردی کو ختم کرنے میں سب سے بڑی رکاوٹ صوبائی حکومت اور سیاسی قیادت کی کرپشن ہے، کرپشن کے خاتمے تک دہشت گردی سے چھٹکارا نہیں پایا جا سکتا۔
واضح رہے کہ تحریک التوا میں کہا گیا ہےکہ سانحہ کوئٹہ کمیشن رپورٹ انتہائی اہم نوعیت کا معاملہ ہے،اس لیے قومی اسمبلی کی کارروائی روک کر اس پر بحث کرائی جائے۔
