ARYNews.tv | Urdu – Har Lamha Bakhabar

Tag: کوئٹہ گلیڈی ایٹرز

  • کوئٹہ گلیڈی ایٹرز کی لگاتار تیسری فتح، ملتان سلطانز کو 8 وکٹوں سے شکست

    کوئٹہ گلیڈی ایٹرز کی لگاتار تیسری فتح، ملتان سلطانز کو 8 وکٹوں سے شکست

    شارجہ: پی ایس ایل فور کے دوسرے مرحلے کے پہلے میچ میں کوئٹہ گلیڈی ایٹرز نے ملتان سلطانز کو شکست دے کر لگاتار تیسری فتح اپنے نام کرلی۔

    تفصیلات کے مطابق ملتان سلطانز نے کوئٹہ گلیڈی ایٹرز کو جیت کے لیے 161 رنز کا ہدف دیا جسے کوئٹہ کی ٹیم نے 2 وکٹوں کے نقصان پر باآسانی حاصل کرلیا، شین واٹسن نے شاندار نص سنچری اسکور کی۔

    کوئٹہ گلیڈی ایٹرز نے بیٹنگ کا آغاز کیا تو پہلی وکٹ جلد گرنے کے باوجود شین واٹسن اور روسو نے جارحانہ انداز اپناتے ہوئے گراؤنڈ کے چاروں اطراف دلکش شاٹس کھیلے اور ٹیم کی جیت میں اہم کردار ادا کیا۔

    روسو نے شاندار 67 رنز کی ناقابل شکست اننگز کھیلی جبکہ شین واٹسن 61 رنز بنا کر نمایاں رہے، عمر اکمل 17 رنز بنا کر ناقابل شکست رہے۔

    ملتان سلطانز کی جانب سے محمد عرفان اور شاہد خان آفریدی نے ایک، ایک وکٹ حاصل کی۔

    واضح رہے کہ آج کی فتح کے ساتھ ہی پوائنٹس ٹیبل پر کوئٹہ گلیڈی ایٹرز 6 پوائنٹس کے ساتھ سرفہرست ہے جبکہ ملتان سلطانز نے تین میچ کھیلے اور ایک میں کامیابی حاصل کی ان کے دو پوائنٹس ہیں۔

    تفصیلات کے مطابق ملتان سلطانز نے مقررہ اوورز 7 وکٹوں کے نقصان پر میں 160 رنز بنائے اور کوئٹہ گلیڈی ایٹرز کو جیت کے لیے 161 رنز کا ہدف دے دیا، شاہد آفریدی بغیر کوئی رن بنائے پویلین لوٹ گئے، عرفان جونیئر نے دو وکٹیں حاصل کیں،

    سرفراز احمد نے ٹاس جیت کر پہلے فیلڈنگ کا فیصلہ کیا تاہم ملتان سلطانز کے اوپنر بلے بازوں نے عمدہ پارٹنر شپ قائم کی، کپتان شعیب ملک 53 رنز بنا کر سہیل تنویر کی گیند پر آؤٹ ہوئے۔

    شاہد خان آفریدی بغیر کوئی رن بنائے محمد عرفان جونیئر کا نشانہ بنے، آندرے رسل کو 18 رنز پر مدثر نے کیچ آؤٹ کرایا۔

    کوئٹہ گلیڈی ایٹرز کی جانب سے عرفان جونیئراور مدثر نے 2 وکٹیں حاصل کیں، سہیل تنویر کے حصے میں ایک وکٹ آسکی۔

    تفصیلات کے مطابق شارجہ میں کھیلے جانے والے پی ایس ایل فور کے اہم میچ میں سرفراز احمد نے ٹاس جیت کر ملتان سلطانز کو بیٹنگ کی دعوت دی ہے۔

    پوائنٹس ٹیبل پر کوئٹہ گلیڈی ایٹرز 4 پوائنٹس کے ساتھ سرفہرست ہے جبکہ ملتان سلطانز نے ایک میچ جیت کر 2 پوائنٹس حاصل کیے ہیں۔

  • کوئٹہ گلیڈی ایٹرز نے پشاور زلمی کو 6 وکٹوں سے باآسانی شکست دے دی

    کوئٹہ گلیڈی ایٹرز نے پشاور زلمی کو 6 وکٹوں سے باآسانی شکست دے دی

    دبئی: پی ایس سیزن فور کے تیسرے میچ میں کوئٹہ گلیڈی ایٹرز نے پشاور زلمی کو باآسانی 6 وکٹوں سے شکست دے دی۔

    تفصیلات کے مطابق دبئی میں کھیلے جانے والے تیسرے میچ میں کوئٹہ گلیڈی ایٹرز نے پشاور زلمی کی جانب سے دیا جانے والا 156 رنز کا ہدف 6 وکٹوں کے نقصان پر باآسانی حاصل کرلیا، عمر اکمل نے شاندار نصف سنچری اسکور کی۔

    سرفراز احمد نے ٹاس جیت پہلے پشاور زلمی کو پہلے بیٹنگ کی دعوت دی تو زلمی کی ٹیم مقررہ اوورز میں صرف 156 رنز بناسکی، کامران اکمل اور مصباح الحق نے 49 رنز کی اننگز کھیلی۔

    کوئٹہ کی جیت میں عمر اکمل نے 75 رنز کی شاندار ناقابل شکست کھیلی اور کپتان سرفراز احمد 37 رنز بنا کر وہاب ریاض کی گیند پر سیمی کو کیچ دے بیٹھے۔

    پشاور زلمی کی جانب وہاب ریاض نے دو جبکہ  حسن علی اور عمید آصف نے ایک، ایک وکٹ حاصل کی۔

    قبل ازیں پی ایس ایل فور کے تیسرے میچ میں پشاور زلمی نے مقررہ اوورز میں 4 وکٹوں کے نقصان پر 155 رنز بنائے اور کوئٹہ گلیڈی ایٹرز کو جیت کے لیے 156 رنز کا ہدف دے دیا۔

    کوئٹہ گلیڈی ایٹرز کے کپتان سرفراز احمد نے ٹاس جیت کر پہلے فیلڈنگ کرنے کا فیصلہ کیا جو درست ثابت ہوا، 13 رنز کے مجموعی اسکور پر پشاور کی پہلی وکٹ گری جب فلیچر 1 رن بنا کر محمد عرفان جونیئر کا نشانہ بنے۔

    دوسرے آؤٹ ہونے والے کھلاڑی کامران اکمل تھے جو 49 رنز بنا کر محمد نواز کی گیند پر روسو کو کیچ دے بیٹھے، صہیب مقصود 26 رنز بناسکے۔

    مصباح الحق نے 49 رنز کی شاندار اننگز کھیلی لیام ڈوسن 21 رنز بنا کر نمایاں رہے۔

    کوئٹہ گلیڈی ایٹرز کے محمد نواز نے 2 وکٹیں حاصل کیں، محمد عرفان جونیئر اور غلام مدثر کے حصے میں ایک، ایک وکٹ آسکی۔

    قبل ازیں کوئتہ گلیڈی ایٹرز نے پشاور زلمی کے خلاف ٹاس جیت کر پہلے فیلڈنگ کا فیصلہ کیا ہے، سرفراز احمد نے کہا ہے کہ پشاور زلمی کے کھلاڑیوں کو کم اسکور پر آؤٹ کرنے کی کوشش کریں گے۔

    کوئٹہ گلیڈی ایٹرزاسکواڈ

    سرفراز احمد کپتان، احمد شہزاد، عمر اکمل، ڈیون اسمتھ، روسو، محمد نواز، شین واٹسن، غلام مدثر، سہیل تنویر، محمد عرفان جونیئر، فواد احمد شامل ہیں۔

    پشاور زلمی اسکواڈ

    ڈیرن سیمی کپتان، کامران اکمل، اینڈریو فلیچر، مقصود، مصباح الحق، کیرون پولارڈ، ڈاسن، وہاب ریاض، حسن علی، عمید آصف، ثمین گل شامل ہیں۔

    واضح رہے کہ پی ایس ایل سیزن فور کے دوسرے میچ میں کراچی کنگز نے محمد عامر کی شاندار بولنگ کی بدولت ملتان سلطانز کو 7 رنز سے شکست دی تھی۔

  • پی ایس ایل کےغیرملکی کھلاڑیوں کی لاہور آمد

    پی ایس ایل کےغیرملکی کھلاڑیوں کی لاہور آمد

    لاہور: پی ایس ایل تھری کے پلے آف مرحلےمیں شرکت کے لیے کراچی کنگز، کوئٹہ گلیڈی ایٹرز اور پشاور زلمی کے غیرملکی کھلاڑی لاہور پہنچ گئے۔

    تفصیلات کے مطابق پاکستان سپرلیگ کے غیرملکی کرکٹرز نجی ایئرلائنز کی پرواز کے ذریعے لاہورایئرپورٹ پہنچے جہاں ان کا شاندار استقبال کیا گیا۔

    غیرملکی کھلاڑیوں کے لاہورایئرپورٹ پہنچنے پر سیکورٹی کے سخت انتظامات کیے گئے تھے اورکھلاڑیوں کو فول پروف سیکورٹی حصار میں ہوٹل منتقل کیا گیا۔

    پاکستان پہنچنے والے غیرملکی کھلاڑیوں میں کراچی کنگز، پشاور زلمی اور کوئٹہ گلیڈی ایٹرز کے کھلاڑی شامل ہیں، غیرملکی کرکٹرز میں کراچی کنگز کے جوڈین لی، روی بوپارا، کولن انگرام، ٹائمل ملز، ڈیوڈویسی اور لینڈل سیمنزشامل ہیں۔

    غیرملکی کھلاڑیوں میں پشاور زلمی کے کپتان ڈیرن سیمی، ایون لوئس، رکی ویسلز، لیام ڈیواسن، کرس جارڈن، آندرے فلیچر شامل ہیں، کوئٹہ گلیڈی ایٹرز کے رائلی روسو بھی لاہور پہنچ گئے ہیں جبکہ کوچنگ اسٹاف میں مکی آرتھر، ویون رچرڈز، جولیئن فاؤنٹین شامل ہیں۔

    پی ایس ایل 2018: کوئٹہ گلیڈی ایٹرز آج پشاور زلمی سے ٹکرائے گی

    خیال رہے کہ پاکستان سپرلیگ کے دو ایلیمینیٹرز میچ لاہور کے قذافی اسٹیڈیم میں کھیلے جائیں گے، پہلے میچ میں دفاعی چیمپیئن پشاور زلمی اور کوئٹہ گلیڈی ایٹرز کی ٹیمیں آج مدمقابل ہوں گی اور فاتح ٹیم کل کراچی کنگز سے ٹکرائے گی۔

    یاد رہے کہ پی ایس ایل کا فائنل 25 مارچ کو کراچی کے نیشنل اسٹیڈیم میں کھیلا جائے گا اورایلیمینیٹرز میچز میں جیتنے والی ٹیم اسلام آباد یونائیٹڈ کے مدمقابل ہوگی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پی ایس ایل 2018: کوئٹہ گلیڈی ایٹرز آج پشاور زلمی سے ٹکرائے گی

    پی ایس ایل 2018: کوئٹہ گلیڈی ایٹرز آج پشاور زلمی سے ٹکرائے گی

    لاہور: پاکستان سپر لیگ کے تیسرے ایڈیشن میں آج کوئٹہ گلیڈی ایٹرز اور دفاعی چیمپئن پشاور زلمی کی ٹیمیں پہلے ایلی منیٹر میں آمنے سامنے ہوں گی۔

    تفصیلات کے مطابق پی ایس ایل تھری کے پہلے ایلی منیٹر میں پشاور زلمی آج کوئٹہ گلیڈی ایٹرز سے ٹکرائے گی، فاتح ٹیم بدھ کو دوسرے ایلی منیٹر میں کراچی کنگ سے مقابلہ کرے گی، میچ لاہور کے قذافی اسٹیڈیم میں کھیلا جائے گا۔

    دونوں ٹیمیں جیت کے لیے پر عزم ہیں جبکہ بین الاقوامی کھلاڑیوں سمیت لاہور پہنچتے ہی گوئٹہ گلیڈی ایٹرز اور پشاوہ زلمی نے بھر پور تیاریاں شروع کر دی ہیں۔

    پی ایس ایل کے میچز کے لیے خصوصی تیاریاں کی گئی ہیں: کمشنر لاہور

    خیال رہے کہ اسلام آباد یونائیٹڈ پاکستان سپر لیگ کے فائنل میں پہلے ہی کوالیفائی کرچکی ہے، اب تین ٹیموں کےدرمیان فائنل میں پہنچنےکے لیے کانٹے دار مقابلہ متوقع ہے، ہارنے والی ٹیم کو واپسی کا ٹکٹ کٹانا پڑے گا۔

    واضح رہے کہ پاکستان سپرلیگ کا فائنل 25 مارچ کو نیشنل اسٹیڈیم کراچی میں ہوگا، میچ کے موقع پر شاہراہ فیصل اور کارساز روڈ پرسیکیورٹی کے سخت انتظامات ہوں گے۔

    کراچی کنگزکی ٹیم دبئی سےلاہورپہنچ گئی

    دوسری جانب پی ایس ایل تھری کا فائنل کراچی میں کرانے کے پیش نظر ٹریفک پلان بھی جاری کر دیا گیا ہے جس کے تحت شہریوں کو متبادل راستے اپنانے ہوں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پی ایس ایل 2018 : کوئٹہ گلیڈی ایٹرز اور اسلام آباد یونائیٹڈ کا ٹاکرا

    پی ایس ایل 2018 : کوئٹہ گلیڈی ایٹرز اور اسلام آباد یونائیٹڈ کا ٹاکرا

    شارجہ : پاکستان سپر لیگ کے دوسرے میچ میں آج کوئٹہ گلیڈی ایٹرز اور اسلام آباد یونائیٹڈ کی ٹیمیں ٹکرائیں گی۔

    تفصیلات کے مطابق پاکستان سپر لیگ میں سنسنی خیز اور اعصاب شکن مقابلے جاری ہے، آج دوسرے میچ میں کوئٹہ گلیڈی ایٹرز اور اسلام آباد یونائیٹڈ کی ٹیمیں آمنے سامنے ہوںگی۔

    دونوں ٹیموں کے درمیان مقابلہ رات نو بجے شروع ہوگا۔

    پاکستان سپر لیگ سیزن تھری میں اسلام آباد یونائیٹڈ اور کوئٹہ گلیڈی ایٹرز نے پلے آف مرحلے کیلئے کوالیفائی کرلیا ہے، اسلام آباد یونائیٹڈ 12 پوائنٹس کے ساتھ سر فہرست ہے جبکہ کوئٹہ گلیڈی ایٹرز نے دس پوائنٹس حاصل کرکے دوسری پوزیشن پر قبضہ جمالیا ہے۔

    کوئٹہ کی ٹیم دو مرتبہ فائنل کھیل چکی ہے اور اب تیسری بار فائنل میں جانے کے لئے سرفراز الیون کو اور بہتر کھیل پیش کرنا ہوگا

    کوئٹہ گلیڈی ایٹر

    سرفراز احمد کوئٹہ گلیڈی ایٹرز کے کپتان ہیں جبکہ دیگر کھلاڑیوں میں کیون پیٹرسن، ریلے روسو، اسد شفیق، محمد اللہ، انور علی، عمر امین، شین واٹسن، کارلوس بریتھوٹ، راحت علی، رمیز راجہ جونیئر، سعد علی، سعود شکیل، حسان خان، جیسن روئے، راشد خان، محمد اعظم خان اور فراز احمد شامل ہیں۔

    اسلام آباد یونائیٹڈ

    مصباح الحق اسلام آباد یونائیٹڈ کے کپتان ہیں جبکہ دیگر کھلاڑیوں میں آندرے رسل، سیموئل بدری، محمد سمیع، رومان رئیس، شاداب خان، افتخار احمد، عماد بٹ، آصف علی، جے پی ڈومنی، لیوک رانچی، فہیم اشرم، سیم بلنگز، ظفر گوہر، صاحبزادہ فرحان، حسین طلعت، ایلکس ہیلز، ڈیوڈ ولی، محمد حسن اور محمد حسنین شامل ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پی ایس ایل 2018 :کوئٹہ گلیڈی ایٹرزاورلاہورقلندرزآج مدمقابل

    پی ایس ایل 2018 :کوئٹہ گلیڈی ایٹرزاورلاہورقلندرزآج مدمقابل

    دبئی : پاکستان سپر لیگ میں آج چھبیسواں میچ کوئٹہ گلیڈی ایٹرز اور لاہور قلندرز کے درمیان شارجہ میں ہوگا، دلچسپ مقابلہ رات نو بجے شروع ہوگا۔

    تفصیلات کے مطابق پاکستان سپر لیگ میں سنسنی خیز مقابلے جاری ہے،شارجہ کے کرکٹ اسٹیڈیم میں کوئٹہ گلیڈی ایٹرز کی ٹیم آج لاہور قلندرز کے مدمقابل آئے گی۔

    دونوں ٹیموں میں دلچسپ مقابلہ رات نو بجے شروع ہوگا۔

    کوئٹہ گلیڈی ایٹرز اور لاہور قلندرز کے درمیان ایونٹ میں یہ دوسرا معرکہ ہے، دبئی میں کوئٹہ نے لاہور کو باآسانی نو وکٹوں سے شکست دی تھی۔

    لاہور قلندرز کے لئے ٹورنامنٹ میں اب بقیہ تمام میچز بے معنی ہوگئے، لاہور قلندرز کی ٹیم نے اب تک 8 میچز کھیلے جن میں سے انہیں صرف 2 میں فتح ملی اور 6 میں شکست کا سامنا کرنا پڑا۔

    پاکستان سپر لیگ سیزن تھری میں کوئٹہ گلیڈی ایٹرز نے پلے آف مرحلے کیلئے کوالیفائی کرلیا ہے، کوئٹہ گلیڈی ایٹرز نے دس پوائنٹس حاصل کرکے دوسری پوزیشن پر قبضہ جمالیا ہے۔

    کوئٹہ کی ٹیم دو مرتبہ فائنل کھیل چکی ہے اور اب تیسری بار فائنل میں جانے کے لئے سرفراز الیون کو اور بہتر کھیل پیش کرنا ہوگا،کوئٹہ ٹاپ دو بہترین ٹیموں میں برقرار رہا تو اسے پلے آف میں دو چانس ملیں گے۔

    کوئٹہ گلیڈی ایٹرز

    سرفراز احمد کوئٹہ گلیڈی ایٹرز کے کپتان ہیں جبکہ دیگر کھلاڑیوں میں کیون پیٹرسن، ریلے روسو، اسد شفیق، محمد اللہ، انور علی، میر حمزہ، عمر امین، شین واٹسن، کارلوس بریتھوٹ، راحت علی، رمیز راجہ جونیئر، سعد علی، سعود شکیل، حسان خان، جیسن روئے، راشد خان، محمد اعظم خان اور فراز احمد شامل ہیں۔

    لاہور قلندرز

    لاہور قلندر کی قیادت برینڈن مک کلم کر رہے ہیں ، ان کے علاوہ ٹیم میں عمراکمل اورفخرزمان، نیوزی لینڈ کے اینٹن ڈیوسچ ، بولر سہیل خان، یاسرشاہ ، شاہین آفریدی ، رضا حسن ، سنیل نرائن ، بلاول بھٹی ، غلام مدثر ، بلال آصف ، عامر یامین ، کیمرون ڈلپورٹ شامل ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس ایل 2018 : ملتان سلطانز کا کوئٹہ گلیڈی ایٹرز سے ٹاکرا

    پی ایس ایل 2018 : ملتان سلطانز کا کوئٹہ گلیڈی ایٹرز سے ٹاکرا

    دبئی : پاکستان سپر لیگ میں آج ملتان سلطانز کا مقابلہ کوئٹہ گلیڈی ایٹرز سے ہوگا، پاکستان وقت کے مطابق میچ رات نو بجے شروع ہوگا۔

    تفصیلات کے مطابق پاکستان سپر لیگ میں سنسنی خیز مقابلے جاری ہے، پشاور کو شکست دینے کے بعد اب سلطانز کا مقابلہ سرفراز احمد کی کوئٹہ گلیڈی ایٹرز ہوگا۔

    دونوں ٹیموں کے درمیان دلچسپ مقابلہ پاکستانی وقت کے مطابق رات نو بجے شروع ہوگا۔

    ایونٹ میں دونوں ٹیموں کے درمیان یہ دوسرا معرکہ ہے، شارجہ میں شعیب الیون نے باآسانی نو وکٹوں سے کوئٹہ کو زیر کیا تھا، ملتان سلطانز آج کا میچ جیت کر پوائنٹس ٹیبل پر برتری کو مزید مستحکم کرسکتی ہے جبکہ دبئی میں کوئٹہ کی بولنگ کا کڑا امتحان ہوگا۔

    ملتان سلطانز ایونٹ میں شاندار پرفارمنس کے بعد پوائنٹس ٹیبل پر سرفہرست ہے جبکہ کوئٹہ گلیڈی ایٹرز کا دو فتوحات کے ساتھ ایونٹ میں پانچواں نمبر ہے۔

    ملتان سلطانز

    پہلی بار پی ایس ایل میں شامل ہونے والی ٹیم ملتان سلطانز کے کپتان شعیب ملک ہیں جبکہ دیگر کھلاڑیوں میں احمد شہزاد، کیرون پولارڈ، کمار سنگاکارا، صہیب مقصود اور ڈیرن براوو، ورلڈ کلاس سپنر عمران طاہر ، پاکستانی فاسٹ بولرز محمد عباس، عمرگل، محمد عرفان، جنید خان اور سہیل تنویر شامل ہیں۔

    کوئٹہ گلیڈی ایٹرز

    سرفراز احمد کوئٹہ گلیڈی ایٹرز کے کپتان ہیں جبکہ دیگر کھلاڑیوں میں کیون پیٹرسن، ریلے روسو، اسد شفیق، محمد اللہ، انور علی، میر حمزہ، عمر امین، شین واٹسن، کارلوس بریتھوٹ، راحت علی، رمیز راجہ جونیئر، سعد علی، سعود شکیل، حسان خان، جیسن روئے، راشد خان، محمد اعظم خان اور فراز احمد شامل ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • کراچی کا لالا، سب سے نرالہ، شاندار کیچ کے بعد لاجواب انٹرویو

    کراچی کا لالا، سب سے نرالہ، شاندار کیچ کے بعد لاجواب انٹرویو

    دبئی: کراچی کنگز کے صدر شاہد خان آفریدی نے کوئٹہ گلیڈی ایٹرز کے خلاف کھیلے جانے والے میچ میں باؤنڈری لائن کے بالکل قریب شاندار کیچ پکڑ ا جو میچ کا ٹرننگ پوائنٹ ثابت ہوا، لالا کا شاندار کیچ دیکھ کر اُن کے مداح حیران رہ گئے۔

    تفصیلات کے مطابق دبئی اسٹیڈیم میں پی ایس ایل کے تیسرے سیزن کی رنگینیاں عروج پر ہیں، دیارِ غیر میں بسنے والے پاکستانیوں نے اسٹیڈیم کا رخ کیا تو ان کے پسندیدہ کھلاڑی شاہد آفریدی کے باؤنڈری لائن پر ناقابل یقین کیچ پکڑ کر مداحوں کے ٹکٹ کا مزہ دوبالا کردیا۔

    واضح رہے کہ کراچی کنگز کی ٹیم نے اپنے پہلے میچ میں کوئٹہ گلیڈی ایٹرز کو 19 رنز سے شکست دے کر معرکہ اپنے نام کیا، باؤلنگ، فیلڈنگ یا پھر بیٹنگ نوجوان کپتان عماد وسیم کی قیادت میں اترنے والی ٹیم ہر فارمیٹ پر کھری اترتی نظر آئی۔

    شاہد خان آفریدی نے گلیڈی ایٹرز کے نمایاں اسکور کرنے والے بلے باز عمر یامین کا باؤنڈری پر کیچ اُس وقت لیا جب میچ دوطرفہ چل رہا تھا، لالا کی اس کاوش نے مقابلے کا پانسا ہی پلٹ دیا۔

    عمر یامین 31 رنز بنانے والے کوئٹہ گلیڈی ایٹر کے واحد نمایاں بلے باز تھے کہ انہوں نے محمد عرفان کی بال کو باؤنڈری کے باہر پھینکنے کی کوشش کی، جاندار شارٹ دیکھ کر شائقین کا اندازہ تھا کہ بال سیدھی باؤنڈری لائن کے باہر جائے گی اور گلیڈی ایٹرز کو 6 رنز مل جائیں گے مگر اسی دوران شاہین کی طرح آفریدی بال پر جھنپٹے اور انہوں نے شاندار کیچ پکڑ کر سب کو ورطہ حیرت میں ڈال دیا۔

    انٹرنیشنل کرکٹ سے ریٹائرمنٹ کے باوجود آفریدی کو اس قدر فٹ اور متحرک دیکھ کر نہ صرف مداح حیران ہوئے بلکہ کمنٹری باکس میں بیٹھے مایہ ناز کرکٹر اور دنیا بھر میں پی ایس ایل دیکھنے والے لوگ بھی داد دیے بغیر نہ رہ سکے۔

    شاندار کیچ پکڑے کے بعد آفریدی نے اسٹیڈیم میں گفتگو کرتے ہوئے کہا کہ اچھا کیچ پکڑنے کی خواہش تھی اس لیے باؤنڈری لائن کے قریب آکر کھڑا ہوا، گیند ہوا میں تھی تو نظریں اُسی پر ٹکائے رکھیں اور کامیابی سے گیند کا جا لیا۔

    اُن کا کہنا تھا کہ فٹنس کے بغیر اچھی فیلڈنگ ممکن نہیں ہے، امید کرتا ہوں یہ سیزن اچھا رہے گا کیونکہ کراچی کنگز کی ٹیم میں تمام خصوصیات موجود ہیں۔

    پاکستان سپر لیگ کے آفیشل ٹویٹر اکاؤنٹ نے آفریدی کے کیچ کو سیزن کا اب تک کا بہترین کیچ قرار دیا ہے، دوسری جانب لالا کہ مداحوں نے بھی اپنے پسندیدہ کھلاڑی کی شاندار فیلڈنگ پر خوب تعریف کی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کراچی کنگز پہلے معرکے کی فاتح، کوئٹہ گلیڈی ایٹرز کو شکست

    کراچی کنگز پہلے معرکے کی فاتح، کوئٹہ گلیڈی ایٹرز کو شکست

    دبئی: پاکستان سپر لیگ کے تیسرے سیزن کے اہم میچ میں کراچی کنگز نے شاندار بیٹنگ ، باؤلنگ اور فیلڈنگ کے باعث گلیڈی ایٹرز کو پہلے میچ میں 19 رنز سے شکست دے دی۔

    تفصیلات کے مطابق پاکستان سپر لیگ کے تیسرے ایڈیشن کے دوسرے میچ میں کراچی کنگز اور کوئٹہ گلیڈی ایٹرز کی ٹیمیں مد مقابل تھیں، کراچی کنگز کی کپتانی عماد وسیم جبکہ سرفراز احمد نے کوئٹہ گلیڈی ایٹرز کی قیادت کی۔

    عماد وسیم نے پہلے ٹاس جیت کر بیٹنگ کا فیصلہ کیا، کراچی کنگز نے کولن انگرام اور خرم منظور کی شاندار اننگز کی بدولت پہلے بیٹنگ کرتے ہوئے کوئٹہ گلیڈی ایٹرز کو جیت کے لیے 150 رنز کا ہدف دیا۔

    ہدف کے تعاقب میں کوئٹہ کی ٹیم کا کوئی بھی کھلاڑی کراچی کے باؤلرز کے آگے زیادہ دیر تک ٹک نہیں پایا، شاہد آفریدی نے سرفراز الیون کے سب سے نمایاں اسکورر عمر امین کا باؤنڈری پر ناقابل یقین کیچ پکڑا۔

    گلیڈی ایٹرز کی جانب سے عمر امین 31 ، محمد نواز 30 جبکہ روسو 18 رنز بناکر نمایاں بلے باز رہے جبکہ کراچی کنگز کے عماد وسیم، ٹی ملز اور محمد عرفان نے 2 ، 2 کھلاڑیوں کو پویلین کی راہ دکھائی۔

    اسکور کارڈ

    کوئٹہ گلیڈی ایٹرز اننگز خلاصہ

    بیسویں اوور میں گلیڈی ایٹرز کی ٹیم نے 8 رنز ضرور حاصل کیے مگر وہ کسی کام نہ آسکے، دو گیندوں قبل سرفراز الیون کے 9ویں کھلاڑی بھی پویلین لوٹے جس کے بعد کراچی کنگز نے 19 رنز سے فتح اپنے نام کی۔

    انیسویں اوور میں کراچی کنگز کو ایک اور وکٹ ملی جس کے بعد جیت کی راہ مزید ہموار ہوئی، اوور اختتام پر گلیڈی ایٹرز نے 8 وکٹوں کے نقصان پر 122 رنز بنائے۔

    اٹھارواں اوور کی دوسری بال پر گلیڈی ایٹرز کے بیٹسمین محمد نواز کیچ آؤٹ ہوکر پویلین لوٹے، اس طرح سرفراز الیون کو ساتویں کھلاڑی کے نقصان کا سامنا کرنا پڑا، اوور اختتام پر ٹیم کا اسکور 118 تک پہنچا۔

    سولہویں اوور میں سرفراز الیون کے مجموعی اسکور میں 10 رنز کا اضافہ ہوا جس کے بعد مجموعی اسکور 6 وکٹوں کے نقصان پر 107 تک پہنچا جبکہ 17ویں اوور میں صرف 6 رنز کا اضافہ ہوا۔

    پندرہویں اوور میں گلیڈی ایٹرز نے مجموعی اسکور 6 وکٹوں کے نقصان پر 97 تک پہنچایا۔

    تیرہویں اوور کی تیسری بال پر شاہد آفریدی نے بالکل باؤنڈری لائن کے قریب عمر امین کا شاندار کیچ لے کر انہیں پویلین کی راہ دکھائی، عمر امین نے 31 گیندوں کا سامنا کرتے ہوئے 31 رنز بنائے، اوور اختتام پر سرفراز الیون کا مجموعی اسکور 6 وکٹوں کے نقصان پر 74 تک پہنچا۔

    شاہد آفریدی کی شاندار فیلڈنگ

    بارہواں اوور کراچی کنگز کے لیے مثبت ثابت ہوا کیونکہ گلیڈی ایٹرز کے کپتان سرفراز احمد آفریدی کی گیند کو نہ سمجھ سکے اور ایل بی ڈبلیو ہوکر 7 رنز کے بعد پویلین روانہ ہوئے، اوور اختتام پر سرفراز الیون کا اسکور 5 وکٹوں کے نقصان پر 67 تک پہنچا۔

    گیارہویں اوور میں ٹیم کا مجموعی اسکور 58 تک پہنچا۔

    دسویں اوور میں صرف پانچ رنز کا اضافہ ہوا۔

    سرفراز احمد اور عمر امین نے شاہد آفریدی کے نویں اوور کو محتاط انداز میں کھیلا اور 7 رنز حاصل کیے، اوور اختتام پر گلیڈی ایٹرز کا مجموعی اسکور چار وکٹوں کے نقصان پر 53 تک پہنچا۔

    عماد وسیم نے اننگزکا نواں اوور کروایا جس میں روسو گیند کو باؤنڈری کے باہر پھینکنے کے چکر میں کیچ آؤٹ ہوکر پویلین لوٹے، روسو نے ایک چھکے اور ایک چوکے کی مدد سے 19 گیندوں پر 18 رنز بنائے، اوور اختتام پر گلیڈی ایٹرز کا مجموعی اسکور چار وکٹوں کے نقصان پر 46 تک پہنچا۔

    شاہد آفریدی نے اپنا پہلا اور اننگز کا آٹھواں اوور کروایا جس میں گلیڈی ایٹرز کی ٹیم صرف ایک رن ہی لے سکی، اوور اختتام پر سرفراز الیون کا مجموعی اسکور تین وکٹوں کے نقصان پر 41 تک پہنچا۔

    ساتویں اوور میں گلیڈی ایٹرز کے بلے باز روسو کے چھکے اور عمر امین کے چوکے کی بدولت ٹیم کا مجموعی اسکور 40 تک پہنچا۔

    چھٹے اوور میں ایک چوکے کی مدد سے گلیڈی ایٹرز نے مجموعی اسکور تین وکٹوں کے نقصان پر 26 تک پہنچایا۔

    پانچویں اوور کی پہلی ہی بال پر پیٹریسن بغیر کھاتہ کھولے پہلی ہی بال پر ملز کا نشانہ بنے اور کیچ دے کر پویلین لوٹے، اوور اختتام پر گلیڈی ایٹرز کا مجموعی اسکور تین وکٹوں کے نقصان پر 22 تک پہنچا۔

    چوتھے اوور میں چار رن اضافے کے بعد مجموعی اسکور 15 تک پہنچا۔

    تیسرا اوور عماد وسیم نے کروایا جس کی پہلی ہی گیند کو باؤنڈری سے باہر پھینکنے کی کوشش میں اسد شفیق ہاتھوں میں کیچ دے کر پویلین روانہ ہوئے، اوپنر بلے باز نے 6 گیندوں پر 2 رنز بنائے، اوور اختتام پر سرفراز الیون کا مجموعی اسکور 2 کھلاڑیوں کے نقصان پر 11 تک پہنچا۔

    کراچی کنگز کے لیے محمد عامر کا پہلا اور اننگز کا دوسرا اوور مؤثر ثابت ہوا کیونکہ چوتھی گیند پر شین واٹسن رن لینے کی ناکام کوشش میں محمد رضوان کے ہاتھوں رن آؤٹ ہوکر پویلین روانہ ہوئے، واٹسن نے 6 گیندوں کا سامنا کرتے ہوئے صرف ایک رن بنایا۔

    سرفراز الیون کی جانب سے اننگز کا آغاز اسد شفیق اور شین واٹسن نے کیا جبکہ کراچی کنگز کے کپتان عماد وسیم نے پہلا اوور کروایا، اوور اختتام پر مجموعی اسکور بغیر کسی نقصان کے 3 رنز تک پہنچا۔

    کراچی کنگز اننگز خلاصہ

    اننگز خلاصہ

    کراچی کنگز نے مقررہ 20 اوورز میں پہلے بیٹنگ کرتے ہوئے کوئٹہ گلیڈی ایٹرز کو جیت کیلئے150 رنزکاہدف دیا، کولن انگرام 41 ، خرم منظور 35 اور روی بوپارا 24 رنز بنا کر نمایاں بلے باز رہے۔

    اننگز کا آخری اور بیسواں اوور کراچی کنگز کے لیے مؤثر ثابت نہ ہوا، شاہد خان آفریدی شین واٹس کی بال پر کلین بولڈ ہوئے جبکہ اگلی ہی بال پر محمد عرفان بھی آؤٹ ہوکر پویلین لوٹے اور پھر محمد رضوان بھی آؤٹ ہوئے، اوور اختتام پر 9 وکٹوں کے نقصان پر کراچی کنگ نے 149 رنز بنائے۔

    انسویں اوور کی چوتھی بال پر عماد وسیم 2 رنز بناکر پویلین روانہ ہوئے، یوں کراچی کنگز کا اوور اختتام پر مجموعی اسکور 6 وکٹوں کے نقصان پر 140 تک پہنچا۔

    اٹھارویں اوور کی تیسری بال پر روی بھوپارا 19 گیندوں پر 25 رنز بناکر پویلین لوٹے، اوور میں صرف چار رنز کا اضافہ ہوا جس کے بعد مجموعی اسکور 5 وکٹوں کے نقصان پر 135 تک پہنچا۔

    سترہویں اوور کی چوتھی بال پر انگرام کیچ آؤٹ ہوکر پویلین لوٹے، اوور اختتام پر ٹیم کا مجموعی اسکور چار وکٹوں کے نقصان پر 131 تک پہنچا۔

    سولہویں اوور میں دو چوکوں کی مدد سے ٹیم کا مجموعی اسکور تین کھلاڑیوں کے نقصان پر 122 رنز تک پہنچا۔

    پندرہویں اوور میں ایک چھکے اور دو چوکوں کی مدد سے مجموعی اسکور 111 تک پہنچا، روی بھوپارا اور کولن انگرام نے جارحانہ بیٹنگ کی۔

    چودہویں اوور میں صرف تین رنز بن سکے، مجموعی اسکور تین وکٹوں کے نقصان پر 93 تک پہنچا۔

    تیرہویں اوور کی دوسری بال پر خرم منظور 39 گیندوں پر 35 رنز بنا کر پویلین لوٹے، اوور اختتام پر مجموعی اسکور تین وکٹوں کے نقصان پر 90 تک پہنچا۔

    بارہویں اوور میں ٹیم کا مجموعی اسکور 2 وکٹوں کے نقصان پر 81 تک پہنچا۔

    گیارہوں اوور میں ایک چھکے اور ایک چوکے کی مدد سے ٹیم کا مجموعی اسکور تک پہنچا۔

    دسویں اوور میں کراچی کنگز کے بلے باز خرم منظور اور کولن انگرام کریز پر موجود رہے، اوور اختتام پر ٹیم کا مجموعی اسکور 2 کھلاڑیوں کے نقصان پر 60 تک پہنچا۔

    نویں اوور میں راحت علی کی بال پر بابر اعظم 12 گیندوں پر 10 رنز بناکر آؤٹ ہوئے۔

    پانچواں اوور: شین واٹسن

    0-4-w-0-0-1

    شین واٹسن نے ڈینلی کو رن آؤٹ کیا، انہوں نے 14 گیندوں کا سامنا کرتے ہوئے 1 چوکے کی مدد سے 14 ہی رن بنائے۔

    چوتھا اوور: محمد نواز

    1,1,0,1,1,1

    تیسرا اوور: شین واسٹن

    1.1.0.2.1.1

    دوسرا اوور: جوفرا

    1LB,1,4,2,1,4,

    پہلا اوور: انور علی

    1,4B,0,0,0,1,0

    کوئٹہ گلیڈی ایٹرز سے کراچی کنگز پاکستان سپر لیگ کا اپنا پہلا میچ کھیلے گی۔ ٹیم کراچی کنگز فاتحانہ آغاز کے لیے پرعزم ہے۔ پی ایس ایل سیزن تھری کی فیورٹ دلوں کے بادشاہ کراچی کنگز کی یہ پہلی آزمائش ہے۔

    مزید پڑھیں: پی ایس ایل کی افتتاحی تقریب

    کراچی کنگز کوئٹہ گلیڈی ایٹرز سے صف آرا ہونے کے لیے مکمل تیار ہیں۔ بیٹنگ، بولنگ اور فیلڈنگ کا شعبہ مضبوط ہوگیا اس حوالے سے ٹیم ڈائریکٹر راشد لطیف کا کہنا ہے کہ کراچی کنگز کا کامبینیشن مضبوط ہے۔

    یاد رہے کہ سرفراز احمد کی کپتانی میں کوئٹہ گلیڈی ایٹرز مسلسل دو بار ایونٹ کی رنراپ ٹیم رہ چکی ہے۔ کوئٹہ گلیڈی ایٹرز آسان حریف نہیں ہیں، دونوں ٹیموں کے درمیان دبئی کرکٹ اسٹیڈیم میں گھمسان کا رن پڑنے جارہا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پشاورزلمی نے پی ایس ایل کا ٹائٹل اپنے نام کرلیا

    پشاورزلمی نے پی ایس ایل کا ٹائٹل اپنے نام کرلیا

    لاہور: پی ایس ایل فائنل میں پشاور زلمی نے کوئٹہ گلیڈی ایٹرز کو 58 رنز سے شکست دے کر فتح اپنے نام کرلی، 149 رنز کے تعاقب میں کوئٹہ کی ٹیم 90 کے مجموعی اسکور پر آؤٹ ہوئی۔

    لاہور کے قذافی اسٹیڈیم میں کھیلے جانے والے میچ میں پشاور زلمی اور کوئٹہ گلیڈی ایٹرز مدمقابل ہیں، سرفراز الیون نے ٹاس جیت کر پشاور زلمی کو بیٹنگ کی دعوت دی۔ پشاور زلمی کی جانب سے بیٹنگ کا آغاز تیز تھا، تاہم ڈیوڈ میلان کے آوٹ ہونے کے بعد کامران اکمل نے بھی محتاط انداز میں بیٹنگ کی، کامران اکمل چالیس رنز کی عمدہ بیٹنگ کے باعث نمایاں بیٹسمین رہے، جبکہ ایمرٹ تین کھلاڑیوں کو آوٹ کر کے گلیڈی ایٹرز کے اچھے بالر ثابت ہوئے۔

    زلمی کے کپتان نے 11 بالز پر 28 رن کی اننگز کھیلی جبکہ مارلن سیموئلز 19 اور ڈیوڈ میلان نے 17 رنز بنائے۔ ہدف کے تعاقب میں گلیڈی ایٹرز کی بیٹنگ جاری ہے۔

    ہدف کے تعاقب میں کوئٹہ کی بیٹنگ کا آغاز اچھا نہ رہا اور سرفراز الیون کے کھلاڑی جلدی جلدی پویلین لوٹتے رہے، گلیڈی ایٹرز کی جانب سے شان ارون 24 رنز بنا کر نمایاں بیٹسمین رہے جبکہ محمد اصغر نے زلمی تین کھلاڑیوں کو پویلین بھیجا۔

     گلیڈی ایٹرز اننگز اوور بائی اوور

    سترہویں اوور کی تیسری بال پر گلیڈی ایٹرز کا آخری کھلاڑی بھی پویلین لوٹا اور زلمی کو 58 رنز سے فتح حاصل ہوئی۔

    سولہویں اوور کے اختتام پر گلیڈی ایٹرز کی ایک اور وکٹ گری جس کے بعد مجموعی اسکور 9 وکٹوں کے نقصان پر 88 تک پہنچا۔

    پندرہویں اوور میں گلیڈی ایٹرز کا ایک اور کھلاڑی پویلین لوٹا، اوور اختتام پر ٹیم کا مجموعی اسکور 83 تک پہنچا۔

    چودہویں اوور کے اختتام پر گلیڈی ایٹرز کا مجموعی اسکور 80 تک پہنچا۔

    تیرہویں اوور میں گلیڈی ایٹرز کو مزید 2 وکٹوں کا نقصان اٹھانا پڑا، 13 اوورز کے اختتام پر گلیڈی ایٹرز کا مجموعی اسکور 7 وکٹ کے نقصان پر 72 تک پہنچا۔

    بارہویں اوور کے اختتام پر ٹیم کا مجموعی اسکور 5 وکٹوں کے نقصان پر 69 تک پہنچا۔

    گیارہویں اوور کے اختتام پر ٹیم کا مجموعی اسکور 5 وکٹوں کے نقصان پر 60 تک پہنچا۔

    دسویں اوور میں 7 رنز کا اضافہ ہوا اور اسکور 55 تک پہنچا۔

    نویں اوور میں 10 رنز اضافے کے بعد مجموعی اسکور 5 وکٹوں کے نقصان پر 48 تک پہنچا۔

    آٹھویں اوور میں ٹیم کو ایک اور وکٹ کا نقصان اٹھانا پڑا، اوور اختتام پر مجموعی اسکور میں صرف ایک رن کا اضافہ ہوا۔

    ساتویں اوور میں چھ رنز اضافے کے بعد مجموعی اسکور چار وکٹوں کے نقصان پر 37 رنز تک پہنچا۔

    چھٹے اوور میں سرفراز احمد دو چوکے مارنے کے بعد 22 رنز بناکر آؤٹ ہوئے، 6 اوورز کے اختتام پر گلیڈی ایٹرز کا مجموعی اسکور چار وکٹوں کے نقصان پر 31 تک پہنچا۔

    پانچویں اوور میں احمد شہزاد ایک رن بنا کر پویلین لوٹے اور اس طرح گلیڈی کو تیسری وکٹ کا نقصان اٹھانا پڑا، اوور اختتام پر زلمی کا مجموعی اسکور 20 تک پہنچا۔

    چوتھے اوور میں گلیڈی ایٹرز کا دوسرے کھلاڑی انعام الحق بھی تین رن بناکر پویلین روانہ ہوئے، سرفراز احمد نے آتے ہی پہ در پہ دو چوکے مار کر ٹیم کا مجموعی اسکور 13 تک پہنچایا۔

    تیسرے اوور کے اختتام پر ٹیم کا مجموعی اسکور ایک وکٹ کے نقصان پر 5 تک پہنچا۔

    دوسرے اوور میں گلیڈی ایٹرز کے مورنی وین ایک رن بنا کر رن آوٹ ہوئے، اوور اختتام پر گلیڈی ایٹرز کا مجموعی اسکور 2 رن ہوا۔

    گلیڈی ایٹرز کی جانب سے اننگز کا آغاز احمد شہزاد اور مورنی وین نے کیا، پہلے اوور کے اختتام پر سرفراز الیون صرف ایک رن بنانے میں کامیاب رہی۔

    پشاور زلمی اننگز اوور بائی اوور

    بیسویں اوور میں سیمی کی جارحانہ بیٹنگ کے باعث 15 رنز کا اضافہ ہوا اور ٹیم کا مجموعی اسکور 148 تک پہنچا۔

    انیسویں اوور میں 18 رنز اضافے کے بعد زلمی کا مجموعی اسکور 133 تک پہنچا۔

    اٹھارہویں اوور کے اختتام پر زلمی کا مجموعی اسکور 6 وکٹوں کے نقصان پر 115 تک پہنچا۔

    سترہویں اوور کی دوسری بال پر محمد حفیظ 12 رنز بنا کرآوٹ ہوئے، جس کے بعد زلمی کو پانچویں وکٹ کا نقصان بھی اٹھانا پڑا، اگلی ہی بال پر افتخار احمد بھی ایل بی ڈبلیو ہوکر پویلین لوٹے، ریاض ایمرت کے اوور میں صرف دو رنز کا اضافہ ہوا، اختتام پر زلمی کا مجموعی اسکور 6 وکٹ کے نقصان پر 112 تک پہنچا۔

    سولہویں اوور میں پشاور زلمی کا مجموعی اسکور 110 تک پہنچا۔

    ہندرہویں اوور میں زلمی کا مجموعی اسکور چار وکٹوں کے نقصان پر 104 تک پہنچا۔

    چودہویں اوور میں زلمی نے اپنی سنچری مکمل کی، اوور اختتام پر مجموعی اسکور 101 رنز تک پہنچا۔

    تیرہویں اوور کے اختتام پر زلمی کا مجموعی اسکور چار وکٹوں کے نقصان پر 90 تک پہنچا۔

    بارہویں اوور میں زلمی کی چوتھی وکٹ 86 کے مجموعی اسکور پر گری، خوش دل ایک رن بنا کر پویلین لوٹے، اوور اختتام پر ٹیم کا مجموعی اسکور 87 تک پہنچا۔

    گیارہویں اوور میں سیمولز 19 رنز بنا کر پویلین لوٹے انہیں محمد نواز نے آوٹ کیا،

    دسویں اوور میں پشاور زلمی کی دوسری وکٹ گری، کامران اکمل 40 رنز بنا کر پویلین لوٹے، اوور اختتام پر زلمی کا مجموعی اسکور 2 وکٹوں کے نقصان پر 82 تک پہنچا۔

    نویں اوور کے اختتام پر زلمی کا مجموعی اسکور ایک وکٹ کے نقصان پر 64 تک پہنچا۔

    آٹھویں اوور کے اختتام پر زلمی کا مجموعی اسکور 57 تک پہنچا۔

    ساتویں اوور کے اختتام پر پشاور زلمی کا مجموعی اسکور 54 تک پہنچا۔

    چھٹے اوور کے اختتام پر پشاور زلمی کا مجموعی اسکور ایک وکٹ کے نقصان پر 52 تک پہنچا۔

    پانچویں اوور کی چوتھی بال پر پشاور زلمی کی پہلی وکٹ 42 کے مجموعی اسکور پر گری، میلان 17 رنز بنا کر پویلین لوٹے، نئے آنے والے بیٹسمین سیمولز ہیں، اوور اختتام پر زلمی کا مجموعی اسکور ایک وکٹ کے نقصان پر 46 تک پہنچا۔

    چوتھے اوور کے اختتام پر زلمی کا مجموعی اسکور بغیر کسی نقصان پر 41 تک پہنچا۔

    تیسرے اوور میں چھ رنز اضافے کے بعد زلمی کا مجموعی اسکور 34 تک پہنچا۔

    دوسرا اوور انور علی نے کروایا جس میں ایک چھکے اور ایک چوکے کی مدد سے زلمی کا مجموعی اسکور 28 تک پہنچا۔

    پشاور زلمی کی جانب سے اننگز کا آغاز کامران اکمل اور ڈیوڈ میلان نے کیا جبکہ گلیڈی ایٹرز کی جانب سے پہلا اوور ذوالفقار بابر نے کیا، اوور اختتام پر پشاور زلمی نے دو چوکوں کی مدد سے تیرہ رنز اسکور کیے۔

    ٹاس کے بعد میڈیا سے گفتگو کرتے ہوئے سرفراز نے کہا کہ ’’کھلاڑیوں کے واپس جانے سے تھوڑا ڈباؤ ضرور ہے مگر ٹیم آج اپنے روایتی کھیل کو پیش کرتے ہوئے جیتنے کی کوشش کرے گی۔

    پشاور زلمی کے کپتان سیمی نے کہا کہ لاہور آکر کھیلنے میں بہت مزہ آرہا ہے، اتنی بڑی تعداد میں لوگوں کی موجودگی اور اُن کی سپورٹ دیکھ کر بہت خوشی ہورہی ہے، یہاں کا ماحول بہت پرجوش ہے، عوام کی طرح پوری ٹیم شاہد آفریدی کی کمی کو شدت سے محسوس کررہی ہے۔

    اسکواڈ

    quetta-squad

    peshawar-squad

    پشاور کی ٹیم میں شاہد خان آفریدی کی جگہ افتخار احمد کو شامل کیا گیا ہے۔

    احمد شہزاد نے گفتگو کرتے ہوئے کہا کہ آج اپنے جذبات کو بیان نہیں کرسکتا، خواہش تھی کہ اپنے ملک میں اپنے لوگوں کے سامنے پرفارم کروں، اس موقع پر رمیز راجہ نے احمد شہزاد کو سیلفی لینے کا مذاق بھی بنایا۔

    10

    رمیز راجہ سمیت ڈیری مورسن نے شیروانی اور پاجاما زیب تن کیا۔ میچ سے قبل دونوں ٹیموں کے کھلاڑی میدان میں آئے اور قومی ترانہ پڑھا گیا۔

    تقریب تقسیم انعامات

    پی ایس ایل 2 کے بہترین کھلاڑی کی حنیف محمد کے نام کی اعزازی ٹرافی کامران اکمل کو دی گئی اور وہ ہی سیزن 2 کے بہترین وکٹ کیپر بھی قرار دیے گئے، کراچی کنگز کے سہیل خان کو سب سے زیادہ وکٹیں لینے پر بہترین باؤلر کی ٹرافی دی گئی۔

    پشاور زلمی کو جیت کے بعد 5 لاکھ ڈالرز کا انعام اور ٹرافی دی گئی، اس موقع پر رمیز راجہ نے زلمی کے کپتان سے گفتگو کرتے ہوئے کہا کہ آپ کے بورڈ نے آپ لوگوں کو عزت نہیں دی مگر ہم کھلاڑیوں کو عزت دینا جانتے ہیں۔

    سیمی نے تمام پاکستانیوں کا شکریہ ادا کرتے ہوئے کہا کہ ’’آج کا دن کرکٹ کے نام ہے، مجھے بہت خوشی ہے کہ پاکستان آکر کھیلنے کا موقع ملا، ٹیم کے تمام کھلاڑیوں نے بہت محنت کی اس لیے پشاور زلمی کو فتح حاصل ہوئی‘‘۔