Tag: کوئٹہ

کوئٹہ: صوبائی وزیر سردار عبدالرحمان کیتھران کی بہ طور رکن اسمبلی کام یابی کالعدم قرار دے دی گئی۔

تفصیلات کے مطابق الیکشن ٹریبونل بلوچستان میں انتخابی عذرداری کی سماعت کرتے ہوئے ٹریبونل نے صوبائی وزیر سردار عبدالرحمان کیتھران کی بہ طور رکن اسمبلی کام یابی کالعدم قرار دے دی۔

الیکشن ٹریبونل نے پی بی 8 بارکھان میں دوبارہ الیکشن کا حکم دے دیا، الیکشن کمیشن نے پی بی 48 کیچ فور سے اکبر آسکانی کی کام یابی بھی کالعدم قرار دے دی، پی بی 48 کیچ فور میں بھی دوبارہ الیکشن کرانے کا حکم جاری کیا گیا۔

الیکشن کمیشن نے عبدالرحمان کھیتران اور اکبر آسکانی کی کام یابی کا نوٹیفکیشن معطل کرنے کا بھی حکم دے دیا ہے۔ خیال رہے کہ سردار عبدالرحمان کیتھران اور اکبر آسکانی کا تعلق بلوچستان عوامی پارٹی سے ہے۔

عبدالرحمان کھیتران کو انفارمیشن ٹیکنالوجی کا قلم دان سونپا گیا تھا، تاہم رواں سال جنوری میں بلوچستان کابینہ میں تبدیلی کرتے ہوئے صوبائی وزیر عبدالرحمن کیتھران محکمہ خوراک کا قلم دان سونپا گیا تھا، جب کہ محکمہ بہبود آبادی کی وزارت بھی انھیں دی گئی۔

کوئٹہ: وزیر اعلیٰ بلوچستان جام کمال نے محکمہ صحت کا قلم دان سنبھالتے ہی اقدامات شروع کر دیے، کوئٹہ کے 6 سرکاری اسپتالوں میں مشینری آلات اور عمارات کی مرمت کے لیے فنڈز جاری کر دیے۔

تفصیلات کے مطابق صوبائی وزیر صحت میر نصیب اللہ مری کو ہٹانے کے بعد صحت کا قلم دان وزیر اعلیٰ بلوچستان جام کمال کے پاس ہے، انھوں نے محکمہ صحت کے منصوبوں کے لیے درکار فنڈز فوری طور پر جاری کر دیے۔

اے آر وائی نیوز کے مطابق سرکاری اسپتالوں کی مشینری کے لیے 77 لاکھ روپے جاری کیے گئے ہیں، اسپتالوں میں مرمتی کاموں کے لیے 1 کروڑ 10 لاکھ روپے جاری کیے گئے۔ جن اسپتالوں کو فنڈز جاری کیے گئے ان میں سول، بی ایم سی، شیخ زید، فاطمہ جناح اور شہید بے نظیر بھٹو اسپتال شامل ہیں۔

وزیر اعلیٰ بلوچستان نے نصیب اللہ مری سے صحت کا قلم دان واپس لے لیا

اضافی فنڈز کا اجرا گزشتہ روز وزیر اعلیٰ کی زیر صدارت اجلاس کے تناظر میں کیا گیا تھا۔

کوئٹہ کے سِول اسپتال میں ناقص صفائی اور سہولتوں کی عدم فراہمی کی شکایت پر بھی وزیر اعلیٰ بلوچستان نے نوٹس لے لیا ہے، شکایت اسپیکر عبدالقدوس بزنجو نے کی تھی، شکایت پر حالیہ تبدیل سیکریٹری صحت، ایم ایس سول اسپتال اور دیگر متعلقہ افراد کو نوٹس جاری کر دیے گئے۔

گوادر ٹینکرز مالکان کے واجبات

ادھر گوادر میں پانی فراہم کرنے والے ٹینکرز مالکان کے 76 کروڑ روپے تاحال بلوچستان حکومت پر واجب الادا ہیں، مکران ٹینکرز ایسوسی ایشن کا کہنا ہے کہ 2018 میں پانی کے بحران کے وقت پانی فراہم کیا گیا تھا، حکومت بلوچستان پر 350 ٹینکروں کے 76 کروڑ واجب الادا ہیں۔

کوئٹہ: وزیر اعلیٰ بلوچستان جام کمال نے میر نصیب اللہ مری سے صحت کا قلم دان واپس لے لیا ہے۔

تفصیلات کے مطابق جام کمال نے نصیب اللہ مری سے قلم دان واپس لے لیا ہے، دوسرے وزیر کی نامزدگی تک صحت کا قلم دان وزیر اعلیٰ ہی کے پاس رہے گا، اس سلسلے میں نوٹی فکیشن بھی جاری کر دیا گیا ہے۔

نصیب اللہ مری نے گزشتہ برس اگست میں صحت کا قلم دان سنبھالا تھا، انھوں نے کہا تھا کہ محکمہ صحت کا قلم دان چیلنج سمجھ کر قبول کیا ہے، بلوچستان کے عوام کو طبی سہولیات کی فراہمی کے لیے ہر ممکن کوشش کروں گا۔

میر نصیب اللہ مری نے 2108 کے عام انتخابات میں صوبائی اسمبلی کے لیے انتخابی حلقے PB-9 کوہلو سے پاکستان تحریک انصاف کی جانب سے نشست جیتی تھی اور بلوچستان اسمبلی کے ممبر منتخب ہوئے تھے۔

یاد رہے کہ گزشتہ ماہ 23 نومبر کو محکمہ صحت کی کوارٹرلی انٹر ڈسٹرکٹ میٹنگ میں وزیر صحت ڈی ایچ اوز پر برس پڑے تھے، انھوں نے سرزنش کرتے ہوئے کہا تھا کہ ڈی ایچ اوز کی کارکردگی اچھی نہیں، بہتر سہولتوں تب دی جائیں گی جب کارکردگی بہتر بنائی جائے گی، میڈیا سے گفتگو میں انھوں نے کہا تھا کہ ضلعی اسپتالوں میں آپریشن تھیٹرز فعال کر رہے ہیں۔

26 نومبر کو محکمہ صحت بلوچستان نے غیر حاضر ڈاکٹروں کے خلاف کارروائی کرتے ہوئے مختلف ضلعی اسپتالوں سے 9 ڈاکٹر اور ایک نرس بر طرف کر کے اعلامیہ جاری کر دیا تھا۔ قبل ازیں بلوچستان اسمبلی اجلاس میں بی ایچ یوز میں ڈاکٹرز کی تعداد کا مسئلہ بھی اٹھا تھا، جس پر میر نصیب اللہ مری نے کہا تھا کہ ہم ڈاکٹرز کو کنٹریکٹ پر تعینات کر رہے ہیں، تجاویز دی جائیں۔

کوئٹہ: ایران سے ٹماٹر کے مزید 50 کنٹینر کوئٹہ پہنچ گئے، تاہم شہر میں ٹماٹر کی قیمت میں استحکام نہیں آ سکا۔

تفصیلات کے مطابق میں ملک میں ٹماٹر کے اچانک بحران کے بعد ایران سے ٹماٹر درآمد کیے جا رہے ہیں، جس کا سلسلہ جاری ہے، ایران سے مزید 50 کنٹینر کوئٹہ پہنچ گئے لیکن بتایا جا رہا ہے کہ کوئٹہ شہر میں ٹماٹر کی قیمت میں استحکام نہ آ سکا۔

ہزار گنجی سبزی مارکیٹ میں ٹماٹر فی کلو 90 سے 110 روپے میں فروخت ہو رہا ہے، لیکن شہر میں ٹماٹر کی قیمت بدستور 150 سے 180 روپے فی کلو برقرار ہے۔

یاد رہے کہ جمعرات کو کراچی سبزی منڈی میں ایران سے درآمد ٹماٹر کے مزید 12 کنٹینرز پہنچ گئے تھے، جس کے بعد قیمتوں میں نمایاں کمی ہوئی، سبزی منڈی ہول سیل مارکیٹ میں درجہ اول ٹماٹر 120 روپے کلو ہو گیا تھا، درجہ دوم 110 روپے کمی کے بعد 90 روپے کلو ہوا تھا، جب کہ ریٹیل مارکیٹ میں ٹماٹر 200 روپے کلو کی سطح پر آیا۔

یہ بھی پڑھیں:  سبزی منڈی میں ایرانی ٹماٹر کی آمد، قیمتوں میں نمایاں کمی

واضح رہے کہ ایران سے مزید ٹماٹر درآمد کرنے کے سودے بھی طے پا گئے تھے، اس سلسلے میں مزید امپورٹ پرمٹ جاری کیے جا چکے ہیں، درآمد کنندگان نے 15 ہزار 500 ٹن ٹماٹر درآمد کے اجازت نامے حاصل کیے۔

دو دن قبل فروٹ اینڈ ویجی ٹیبل ایسوسی ایشن کا کہنا تھا کہ ایران سے 1276 ٹن ٹماٹر پہنچ چکا ہے۔