Tag: کوئٹہ

کوئٹہ: وزیر اعلیٰ بلوچستان جام کمال نے بلوچستان اسمبلی کے اجلاس میں اظہار خیال کرتے ہوئے کہا ہے کہ بھارت پاکستان کی ترقی سے خوف زدہ ہے اس لیے وہ کشمیر کا مسئلہ لے آیا ہے۔

اسمبلی سے خطاب میں جام کمال کا کہنا تھا کہ آج کشمیریوں کے ساتھ اظہار یک جہتی کا دن ہے، حکومت اور عوام نے ہمیشہ کشمیریوں کا ساتھ دیا۔

وزیر اعلیٰ نے کہا کہ 2 لاکھ کشمیری اپنی جانوں کا نظرانہ پیش کر چکے ہیں، وزیر اعظم عمران خان نے امریکی جمہوریت کو مجبور کیا، ٹرمپ کی پیش کش ہماری بہترین خارجہ پالیسی کا نتیجہ ہے۔

جام کمال کا یہ بھی کہنا تھا کہ امریکی صدر ٹرمپ بھی پاکستان کے مسائل حل کرنا چاہتے ہیں۔

یہ بھی پڑھیں:  پاکستان نے مقبوضہ کشمیر سے متعلق بھارتی اعلان مسترد کردیا

وزیر اعلی نے حکومت اور اپوزیشن کے درمیان کش مکش سے متعلق کہا کہ سیاست جذبات سے چل سکتی ہے مگر حکومتیں نہیں، فیصلہ کرتے وقت مستقبل کا نہیں سوچا جاتا جس سے نقصان اٹھانا پڑتا ہے، حکومت اور اپوزیشن کی لڑائی میں عوام متاثر ہوتے ہیں۔

انھوں نے ریکوڈک مسئلے سے متعلق تبصرہ کرتے ہوئے کہا کہ یہ وقت بتائے گا کہ ریکوڈک کنٹریکٹ کینسل کرنا درست تھا یا نہیں۔

دریں اثنا، صوبائی اسمبلی میں وزیر اعلیٰ بلوچستان کے اظہار خیال کے بعد بی این پی کے ثنا بلوچ کھڑے ہوئے، تاہم پینل آف چیئرمین نے ثنا بلوچ کو اظہار خیال سے روک دیا جس پر حکومتی اراکین اور اپوزیشن اراکین کے درمیان شور شرابا ہوا۔

بعد ازاں بلوچستان اسمبلی کا اجلاس جمعرات کی شام 4 بجے تک ملتوی کر دیا گیا۔

کوئٹہ: وزیراعلیٰ بلوچستان جام کمال نے کہا ہے کہ چیئرمین سینیٹ صادق سنجرانی کے خلاف تحریک عدم اعتماد پر ہارس ٹریڈنگ نہیں ہوئی تھی۔

تفصیلات کے مطابق وزیراعلیٰ بلوچستان جام کمال نے پولیس یادگار شہدا پر پھول چڑھانے کے بعد میڈیا سے گفتگو کرتے ہوئے کہا کہ چیئرمین سینیٹ کے خلاف تحریک عدم اعتماد پر اپوزیشن نے ووٹ نہ دے کر اپنی پارٹیوں سے ناراضگی کا اظہار کیا۔

انہوں نے کہا کہ بلوچستان میں حکومت کی تبدیلی کی باتوں کی منطق سمجھ نہیں آتی ہے، ہماری اتحادی حکومت واضح عددی اکثریت کے ساتھ موجود ہے۔

وزیراعلیٰ بلوچستان جام کمال نے کہا کہ سیکرٹ بیلٹ میں ہر شخص دباؤ کے بغیر اپنا فیصلہ کرتا ہے، اپوزیشن کو جو مینڈیٹ ملا ہے اسی میں سیاست کرے۔

مزید پڑھیں: عمران خان بلوچستان کو خصوصی اہمیت دے رہے ہیں: جام کمال خان

جام کمال نے کہا کہ عمران خان بہتر انداز میں ملک چلا رہے ہیں، وہ پاکستان، بلوچستان کے لئےسوچ رہے ہیں، پہلی بارسرمایہ کار بیرونی ملک سے پاکستان میں آرہے ہیں۔

واضح رہے کہ چند روز قبل وزیراعلیٰ بلوچستان جام کمال کا کہنا تھا کہ وزیراعظم عمران خان بلوچستان کو خصوصی اہمیت دے رہے ہیں، صوبائی حکومت کی کوششوں سے وفاقی پی ایس ڈی پی میں بلوچستان کا حصہ بیس فیصد زیادہ ہے۔

ان کا کہنا تھا کہ وفاقی وصوبائی منصوبوں پر عملدرآمد سے بلوچستان میں ترقی کے ایک نئے دور کا آغاز ہوگا، وفاقی منصوبوں کے لئے مختص فنڈز میں اضافے کے لئے وفاقی حکومت سے رابطہ کریں گے۔

چمن/خانیوال: بلوچستان کے شہر چمن اور پنجاب کے شہر خانیوال میں مختلف ٹریفک حادثات میں ایک خاتون سمیت 10 افراد زندگی سے ہاتھ دھو بیٹھے ہیں۔

تفصیلات کے مطابق کوئٹہ چمن شاہراہ پر جنگل پیرعلیزئی کے قریب کوچ اور پک اپ میں تصادم ہوا، جس کے نتیجے میں 7 افراد جاں بحق ہو گئے۔

لیویز ذرایع کا کہنا ہے کہ چمن میں ہونے والے ٹریفک حادثے میں ایک شخص زخمی ہوا ہے۔ حادثے کے باعث مسافر کوچ پک اپ پر الٹ گئی تھی۔

حادثے میں جاں بحق ہونے والے افراد پک اپ میں سوار تھے، جن کی شناخت تا حال نہیں ہو سکی ہے، بتایا جاتا ہے کہ کوچ چمن سے کراچی جا رہی تھی۔

یہ بھی پڑھیں:  چوبیس گھنٹوں کے دوران پنجاب میں 807 ٹریفک حادثات، 9 افراد جاں بحق سیکڑوں زخمی

ریسکیو آپریشن کے بعد کوئٹہ چمن شاہ راہ ٹریفک کے لیے کھول دی گئی ہے۔

دوسری طرف پنجاب کے شہر خانیوال میں موٹر وے ایم 4 پر کار اور ٹرک میں ٹکر ہوئی جس کے نتیجے میں ایک خاتون سمیت 3 افراد جاں بحق ہوئے۔

ریسکیو ذرایع کے مطابق خانیوال حادثے میں 3 بچوں سمیت 5 کار سوار افراد شدید زخمی ہوئے ہیں جنھیں طبی امداد کے لیے فوری طور پر اسپتال منتقل کر دیا گیا ہے۔

خیال رہے کہ ملک کی سڑکوں پر آئے دن افسوس ناک ٹریفک حادثات رو نما ہو رہے ہیں، جن میں قیمتی جانیں ضایع ہو جاتی ہیں، ان حادثات کی اکثر وجہ تیز رفتاری بتائی جاتی ہے۔

دو ہفتے قبل پنجاب ایمرجنسی سروس کی ایک رپورٹ میں کہا گیا تھا کہ 20 جولائی کو چوبیس گھنٹوں میں صوبے بھر میں 807 روڈ ٹریفک حادثات ہوئے، جن میں 9 افراد جاں بحق جب کہ 892 افراد شدید زخمی ہوئے تھے۔