Tag: کوئٹہ

کوئٹہ : معروف قوال امجد صابری کو خراج عقیدت پیش کرنے کے لیے اسمبلی چوک پر دوسرے روز بھی شمعیں روشن کی گئیں.

تفصیلات کے مطابق بلوچستان کے دارالحکومت کوئٹہ سےتعلق رکھنے والے ٹی وی فنکاروں نے اسمبلی چوک پر جمع ہوکر امجد صابری کی یاد میں شمعیں روشن کیں اور انہیں خراج عقیدت پیش کیا.

فنکاروں نے امجد صابری کے قاتلوں کی گرفتاری اور دیگر مطالبات پر مبنی پلے کارڈز اٹھارکھے تھے جبکہ فنکاروں کے بچوں نے بھی شمعیں روشن کرنے میں حصہ لیا.

اس موقع پر امجد صا بری کی روح کے ایصال ثواب کے لیے فاتحہ خوانی بھی کی گئی،شمعیں روش کرنے والے فنکاروں کا کہنا تھا کہ امجد صابری کا قتل کاری ضرب ہے معروف قوال کی شہادت سے جو خلاء پید ا ہوا ہے وہ کبھی پر نہیں ہوسکے گا،انہوں نے کہا کہ امجد صابری کے قتل نے فنکاروں کو تنہا کردیا ہے.

کوئٹہ : وزیر اعلیٰ بلوچستان نواب ثناء اللہ زہری نے کہا ہے کہ دہشت گردی کے خاتمے کےلیے اربوں روپے خرچ کررہے ہیں ہماری خواہش ہے کہ کھیل کے میدان آباد ہو ں تاکہ دہشت گردی کا جلد از جلد خاتمہ ہوسکے.

تفصیلات کے مطابق کوئٹہ کے نواب بگٹی اسٹیڈیم میں چیف منسٹر ڈے اینڈ نائٹ رمضان کرکٹ چیمپئن شپ کی افتتاحی تقریب سے خطاب میں نواب ثناء اللہ زہری کا کہنا تھا کہ دہشت گرد بزدل ہیں وہ پیچھے سے وار کرتے ہیں لیکن بلوچستان کے عوام بہادر ہیں اوردہشت گردوں سے نہیں ڈرتے.

انہوں نے کہا کہ ہم عوام کو پڑھا لکھا اور ترقی یافتہ بلوچستان دےکر جائیں گے،اس موقع پر وزیراعلیٰ بلوچستان نے شاٹ لگاکر چیمپئن شپ کا افتتاح کیا.

چیمپئن شپ میں کوئٹہ کی تئیس ٹیمیں حصہ لیں رہی ہیں نواب ثناء اللہ زہری نے اس موقع پر کوئٹہ گلیڈیٹرز اکیڈمی کے قیام کے لیے اراضی فراہم کرنے کی حامی بھرلی.

کوئٹہ: ہزارہ ڈیموکریٹک پارٹی کے چیئرمین عبدالخالق ہزارہ کے بڑے بھائی کو اغوا کرلیاگیا.

تفصیلات کے مطابق ہزارہ ڈیموکریٹک پارٹی کے چیئرمین عبدالخالق ہزارہ کے بڑے بھائی عبدالعلی ہزارہ معروف کول ایجنٹ ہیں جو گزشتہ روز کوئٹہ کے وسطی علاقے ریگل پلازہ میں واقع اپنے دفتر پہنچے تو آٹھ مسلح افراد نے انہیں ملازم اور ڈرائیور سمیت اغواکرلیا.

اغواکاروں نے بعد میں ڈرائیور اور ملازم کو مستونگ کے علاقے دشت کے قریب چھوڑ دیا اور عبدالعلی ہزارہ کو اپنے ہمراہ لے گئے.

عبدالخالق ہزارہ کے رشتہ داروں کا کہنا ہے کہ ان کی کسی سے کوئی دشمنی نہیں تھی.

یاد رہے گذشتہ ماہ پشتونخوا ملی عوامی پارٹی کے مرکزی رہنما اور بلوچستان کے وزیر بلدیات سردارمصطفی خان ترین کے صاحبزادے سردار اسدخان ترین کو نامعلوم افراد نے پشین سے اغوا کرلیا تھا.

سردار اسد خان ترین کو اس وقت اغوا کیا گیا جب وہ کیڈٹ کالج پشین میں اپنی ڈیوٹی کرنے کے بعد واپس گھر جارہے تھے،اغوا کار اسد خان ترین کا موبائل فون بھی ساتھ لے گئے،جبکہ ان کی گاڑی سرخاب روڈ سے برآمد کرلی گئی تھی.

کوئٹہ : پولیس کے ساتھ مقابلے میں پانچ دہشت گرد مارے گئے ،پولیس نے اسلحہ اور گولہ بارود قبضے میں لے لیا.

تفصیلات کے مطابق خفیہ اداروں کی اطلاع پر پولیس نے شہر کے نواحی علاقے چشمہ اچوزئی میں دہشت گردوں کے خلاف کارروائی کے لیے نفری علاقے میں پہنچائی،تو وہاں موجود دہشت گردوں نے پولیس پارٹی پر حملہ کردیا.

پولیس نے مزید نفری طلب کرتے ہوئے دہشت گردوں کے خلاف کارروائی شروع کردی مقابلے کے نتیجے میں پانچ دہشت گرد مارے گئے.

پولیس نے دہشت گردوں سے پندرہ کلو گرام بارود،دو تیار بم ،سات ہینڈ گرینیڈز ،تین کلاشنکوفیں اور دو پستول میں قبضے میں لے لیے،مارے جانے والے دہشت گردوں کی نعشیں سول اسپتال پہنچائی گئیں.

پولیس حکا م نے بتایا کہ پانچوں کا تعلق کالعدم مذہبی تنظیم سے ہے،جبکہ ایک حملہ آور کی جیب سے سائنس کالج کا اسٹوڈنٹ کارڈ بھی برآمد ہوا.