Tag: کوئٹہ

کوئٹہ : بلوچستان کے دارلحکومت کوئٹہ میں دو روز میں گیس لیکج سے تیسرے دھماکے میں تین افراد جاں بحق اور دو زخمی ہوگئے۔

تفصیلات کے مطابق ناقص گیس سلنڈرزکےباعث حادثات میں اضافہ ہونےلگا، کوئٹہ میں دوروزمیں گیس لیکج سے تیسرا دھماکا ہوا ، جس کے نتیجے میں تین افراد جاں بحق اور دو زخمی ہوگئے۔

ریسکیوحکام نے بتایا کہ ایئرپورٹ روڈ پر اچکزئی کالونی میں واقع گھر میں دھماکا ہوا، گزشتہ روزسمنگلی روڈ اور خروٹ آبادمیں گھروں میں گیس لیکج دھماکے سے تیرہ افراد زخمی ہوئے تھے۔

گزشتہ روز ہی ملتان میں گیس سلنڈر دھماکے کے نتیجےمیں تین منزلہ عمارت منہدم ہونے سے نو افراد جان س سے گئے،

ایک اور واقعے میں راولپنڈی بھابڑا بازارکے گھرمیں گیس لیکیج سےدھماکے میں دو بچے جاں بحق اور دوافراد جھلس گئے تھے۔

ریسکیو حکام کے مطابق آتشزدگی کے باعث گیس پائپ لائن میں آگ لگ گئی، گھر کے کمرے میں گیس جمع ہونے کے بعد بجلی کا سوئچ آن کرتے ہی دھماکا ہوا۔

کوئٹہ : بارش اور برفباری کے بعد بلوچستان میں یخ بستہ ہواؤں کا راج ہے، کوئٹہ میں پارہ منفی 5 تک گرگیا، آج پارہ منفی چارسے چھ ڈگری کے درمیان رہنے کا امکان ہے۔

تفصیلات کے مطابق ملک کے دیگر شہروں میں جاتی سردی نے یوٹرن لے لیا ہے، بارش اور برفباری کے بعد بلوچستان میں سردی کی شدت ایک بار پھربڑھ گئی ہے، قلات میں پارہ منفی آٹھ کوئٹہ میں منفی پانچ تک گرگیا۔

محکمہ موسمیات کا کہنا ہے کہ کوئٹہ میں آج پارہ منفی چارسے چھ ڈگری کےدرمیان رہنے کاامکان ہے جبکہ اسلام آباد اور پشاور میں چھ ڈگری لاہور میں آٹھ اورکراچی میں بارہ ڈگری سینٹی گریڈ ریکارڈ کیا گیا۔

لاہور میں صبح سویرے موسم سرد ہے، محکمہ موسمیات کے مطابق آئندہ چند روز موسم سرد رہے گا۔۔ تاہم سات سے نو مارچ کے دوران بارش برسانے والا سسٹم پھر سے داخل ہوگا۔

دوسری جانب سوات کے میدانی علاقوں میں بارش اورپہاڑوں پربرف باری کا سلسلہ جاری ہے، کالام، مالم جبہ اورگبین جبہ میں شدید برف باری سے کئی سڑکیں بند ہوگئی ہیں، جس سے سیاحوں کو مشکلات کا سامنا ہے۔

مانسہرہ کی کاغان ویلی میں تین فٹ برف تک برف پڑچکی ہے تاہم انتظامیہ کی جانب سے سڑکیں صاف کی جا رہی ہیں۔

کراچی : کوئٹہ میں کانگو وائرس کے تیز پھیلاؤ کے پیش نظر کراچی میں الرٹ بھی جاری کردیا گیا ہے، جس میں شہریوں اور طبی عملے کا حتیاطی تدابیر پر عمل کرنے کی ہدایت کی گئی ہے۔

تفصیلات کے مطابق کوئٹہ میں کانگو وائرس کیسز رپورٹ ہونے کے بعد محکمہ صحت حکومت سندھ نے بھی الرٹ جاری کردیا ہے۔

جس میں شہریوں اور طبی عملے کا حتیاطی تدابیر پر عمل کرنے کی ہدایت کی گئی ہے جبکہ گلشن اقبال میں واقع ڈاو یونیورسٹی آف ہیلتھ سائنسز کے سندھ انسٹیٹیوٹ آف انفیکشن ڈزیز اسپتال میں خصوصی کانگو وائرس وارڈ بھی قائم کردیا گیا ہے۔

نگراں وزیر صحت سندھ ڈاکٹر سعد خالد نیاز کے کانگو وائرس سے متعلق خصوصی اقدامات کرتے ہوئے سندھ انسٹیٹیوٹ آف انفیکشیز ڈیزیز اسپتال میں خصوصی کانگو وائرس وارڈ قائم کردیا گیا ہے۔

کانگو وائرس وارڈ 8 بیڈز پر مشتمل ہے ، وارڈ میں 24 گھنٹے موجود ڈاکٹرز و عملے کو ہائی الرٹ کردیا گیا ہے۔

کراچی میں اب تک کانگو وائرس کا کوئی کیس رپورٹ نہیں ہوا ہے جبکہ محکمہ صحت سندھ کانگو وائرس سے بچاوٴ و حفاظتی اقدامات سے متعلق جاری ایڈوائز میں عوام سے اپیل کی ہے کہ وہ زیادہ سے زیادہ احتیاط کریں اور کانگو وائرس کے پھیلاو کا سبب بننے والے عوامل سے دور رہیں۔

محکمہ صحت کے مطابق عمومی طور پر کانگو وائرس جانوروں کے ذریعے منتقل ہوتا ہے۔

کوئٹہ: صوبائی دارلحکومت میں  پھیلنے والے کانگو وائرس نے شدت اختیار کرلی ، جس کے بعد ہیلتھ ایمرجنسی نافذ کرتے ہوئے دو ہفتے کیلئے نجی مذبح خانوں پرپابندی عائد کردی گئی۔

تفصیلات کے مطابق کوئٹہ کے سول ہسپتال کے آئی سی یو میں پھیلنے والے خطرناک وائرس نے کانگو کی شکل اختیار کرلی۔

دو روز قبل آئی سی یو میں نا معرلوم پیتھوجینز پھیلنے کے باعث پانچ ڈاکٹرز سمیت آٹھ افراد میں کانگووائرس کی موجودگی کا انکشاف ہوا، جس کے بعدان تمام افراد کو کراچی منتقل کیا گیا تاہم ان میں سے ڈاکٹر شکراللہ نامی معالج جاں بحق ہوگئے۔

ینگ ڈاکٹرز بلوچستان کے مطابق ایک دن میں تین کیسزرپورٹ ہوئے، اس وقت تک مجموعی طور پرمحکمہ صحت کے سترہ اہلکاروں سمیت چالیس افراد میں کانگو وائرس کے ٹیسٹ پازیٹو آئے ہیں۔

محکمہ صحت بلوچستان نے حالات کے پیش نظر ہیلتھ ایمر جنسی نافذ کردی ہے اور سول ہسپتال کے آئی سی یو ، کارڈیولوجی سمیت متعدد شعبے سیل کردیئے گئے جبکہ اہلکاروں اور شہریوں کو احتیاط برتنے کی ہدایت کی گئی ہے۔

صوبے میں دو ہفتے کیلئے نجی مذبح خانوں پرپابندی عائد کردی ہے، شہری آبادی سےدورجانورذبح کیے جاسکیں گے۔

نگراں وزیراعلیٰ بلوچستان نے محکمہ لائیواسٹاک کو مویشی منڈیوں میں جراثیم کش اسپرے کی بھی ہدایت کردی ہے۔

کانگو میں مبتلا مزید تین مریضوں کو کراچی منتقل کردیا گیا جبکہ باقی ماندہ متاثرین کو فاطمہ جناح ہسپتال میں طبی امداد فراہم کی جارہی ہے۔

ینگ ڈاکٹرز بلوچستان اور پاکستان میڈیکل ایسوسی ایشن نے کانگو وائرس سے نمٹنے کیلئے حکومتی اقدامات کو ناکافی قرار دیا ہے۔

کوئٹہ : سیکیورٹی فورسز پر دہشت گردوں کے حملے کے نتیجے میں 3 دہشت گرد ہلاک جبکہ پاک فوج کا جوان شہید ہوگیا۔

تفصیلات کے مطابق مسلح افواج کے شعبۂ تعلقاتِ عامہ (آئی ایس پی آر) کی جانب سے بیان میں کہا گیا ہے کہ ولی تنگی کوئٹہ کے قریب 14ستمبر کو دہشت گردوں نے سیکیورٹی فورسز پر حملہ کیا۔

آئی ایس پی آر کا کہنا تھا کہ سیکیورٹی فورسز سے فائرنگ کےتبادلےمیں 3 دہشتگرد جہنم واصل ہوگئے جبکہ پاک فوج کے صوبیدار قیصر رحیم بہادری سے لڑتے ہوئے شہید اور ایک سپاہی شدید زخمی ہوئے۔

ترجمان نے کہا کہ سیکیورٹی فورسز دہشت گردی کی لعنت کو ختم کرنے کے لیے پرعزم ہیں، بہادر سپاہیوں کی ایسی قربانیاں ہمارےعزم کو مزید مضبوط کرتی ہیں۔