Tag: کوئٹہ

کوئٹہ : 132 ڈاکٹروں کو ہسپتالوں میں تعینات کرنے کی نوٹیفکشن جاری

کوئٹہ: محکمہ صحت بلوچستان نے ڈسٹرکٹ ہسپتالوں کو فعال بنانے کا فیصلہ کرتے ہوئے 132 ڈاکٹروں کو ڈسٹرکٹ ہسپتالوں میں تعینات کرنے کی نوٹیفکشن جاری کردیا ہے۔

وزیرصحت بلوچستان میررحمت صالح بلوچ نے کوئٹہ میں پریس کانفرنس سے خطاب کرتے ہوئے کہا کہ محکمہ صحت کو ماضی میں مفلوج کرکے رکھ دیا تھا تاکہ موجودہ حکومت نے صحت کے شعبے کو بہتر بنانے کیلئے ترجیحی بنیادوں پر اقدامات کئے ہیں اور بہترین پالیسیاں ترتیب دی ہیں۔

کوئٹہ کے ہسپتالوں میں ڈاکٹروں کی تعداد زیادہ تھی اور ڈسٹرکٹ ہسپتالوں میں ڈاکٹروں کی کمی کو مد نظر رکھتے ہوئے 132ڈاکٹروں کی تعیناتی کی نوٹیفکشن جاری کردیا ہے۔

ایک ہفتے میں ڈاکٹرز اپنے جائے تعیناتی پر حاضر ہو ، غیر حاضر اور جائے تعیناتیوں پر نہ جانے والے ڈاکٹروں کے خلاف کارروائی کی جائے گی۔

انہوں نے کہا کہ انہوں نے کہا کہ صحت کے شعبے میں کوئی غفلت برداشت نہیں کیا جائے گا اور عوام کو صحت کی بنیادی سہولیات فراہم کرنا حکومت اور محکمے کی ذمہ داری ہے۔

فروری 13, 2015
کراچی کے حالات کا سنجیدگی سے نوٹس لیا جائے،سراج الحق

کوئٹہ : جماعت اسلامی کے مرکزی امیر سراج الحق نے کہا ہے کہ ملکی مسائل کا حل صرف اور صرف شرعی نظام میں مضمر ہے گولی اور دباؤ کے ذریعے مسائل حل کرنے کا نظریہ فیل ہوگیا ہے۔،

کوئٹہ پہنچنے پرجماعت اسلامی کے صوبائی عہدیداروں کے ہمراہ پریس کانفرنس کرتے ہوئے سراج الحق کا کہنا تھا کہ کراچی کے حالات کا نوٹس نہ لیا گیا اور حالات کو درست سمت نہ دی گئی توپورا ملک متاثر رہے گا۔

انہوں نے کہا کہ بلوچستان کے حالات کو درست قراردینا غلط ہے، میاں نواز شریف اپنی کابینہ کے ہمراہ یہاں آکر مسائل کا حل بات چیت کے ذریعے نکالیں۔

ان کا کہنا تھا کہ ہماری خواہش ہے کہ حکومت اپنی پانچ سال کی مقررہ مدت پوری کرے ،قبل از وقت شہادت ملنے پرحکومت الزام لگائے گی کہ ہمیں کام کرنے کا موقع نہیں ملا۔

موجودہ حکومت پانچ سال پورے کریگی تو عوام جان لیں گے کہ وہ ان کے مسائل حل کرسکی یا نہیں،سراج الحق نے کہا کہ جماعت اسلامی ملک بھر کے محروم طبقات کو ایک پلیٹ فارم پر اکٹھاکرنے کی کوششیں کررہی ہے۔

جنوری 31, 2015
بلدیاتی انتخابات:بلوچستان تمام صوبوں میں بازی لے گیا

کوئٹہ :بلوچستان میں بلدیاتی انتخابات کے آخری مرحلے کے لئے پولنگ کا سلسلہ جاری ہے ، ڈسٹرکٹ کونسل کوئٹہ کے چئیرمین اور ڈپٹی چئیرمین کا انتخاب ٹاس کے ذریعے عمل میں آیا۔

تفصیلات کے مطابق آبادی کے لحاظ سے ملک کا سب سے چھوٹا صوبہ بلوچستان بازی لے گیا، بلوچستان میں بلدیاتی انتخابات کے نتیجے میں منتخب ہونے والے کونسلرز نے حلف اٹھا لیا ہے۔

کوئٹہ کےمئیر اور ڈپٹی مئیر اور دیگر اضلاع میں چئیرمین اور وائس چئیرمین کے انتخاب کا عمل جاری ہے، جبکہ متعدد اضلاع میں چئیرمین اور وائس چئیرمین کا بلامقابلہ انتخاب عمل میں آچکا ہے۔

دلچسپ صورتحال اس وقت سامنے آئی جب ڈسٹرکٹ کونسل کوئٹہ کے چئیرمین اور وائس چئیرمین کے لئے امیدواروں کو برابر ووٹ ملنے پر فیصلہ ٹاس کے ذریعے کیا گیا۔

فیصلے کے مطابق آل پارٹیز ڈیموکریٹک الائنس کے نعیم بازئی کو چئیرمین اور پشتونخوا ملی عوامی پارٹی کے عصمت اللہ بازئی کو کامیاب قرار دے دیا گیا۔

ڈیرہ بگٹی ، ہرنائی، پنجگور، جھل مگسی اور حب میں چئیرمین اور وائس چئیرمین کو بلامقابلہ منتخب کرلیا گیا ہے۔ جبکہ ژوب ، موسی خیل ، جعفر آباداور ڈیرہ مراد جمالی میں بھی چئیرمین اور ڈپٹی چئیرمین کا انتخاب عمل آ چکا ہے۔

جنوری 28, 2015
بلوچستان میں بجلی کا بحران، کاروبار زندگی مفلوج، زراعت تباہ

کوئٹہ : ملک میں بجلی کی لوڈشیڈنگ سے سب سے زیادہ متاثرہ صوبہ بلوچستان کو قرار دیا جائے تو بے جا نہ ہوگا،ہفتہ اور اتوار کی درمیانی شب طویل بریک ڈاﺅن کے باعث ملک بھر میں بجلی معطل رہی تاہم گزشتہ کئی ماہ سے بلوچستان کے دیہی اضلاع میں لوگ رات اور دن اسی طرح بغیر بجلی کے ہی گزارتے ہیں۔

جس سے زراعت کا شعبہ تباہی کے دہانے پہنچ گیا ہے ،صوبے کے ضلعی ہیڈ کوارٹرز میں بجلی کی اعلانیہ لوڈشیڈنگ کا دورانیہ14سے 18گھنٹے جبکہ صوبائی دارالحکومت میں 4سے 8گھنٹے بجلی بند رہتی ہے تاہم بجلی کے ٹاورز گرائے جانے اور دیگر وجوہات کے باعث غیر اعلانیہ لوڈشیڈنگ نے لوگوں کو اذیت میں مبتلا کردیا ہے۔

بریک ڈاﺅن کے بعد بلوچستان میں بجلی بحال تو ہوگئی تاہم چھتر میں تباہ شدہ ٹاورز کی مرمت کا کام مکمل ہوا ہی نہیں تھا کہ گزشتہ رات ضلع نصیر آباد کے علاقے نوتال میں بھی 220کے وی کے مزید دو ٹاوزر دھماکہ خیز مواد سے اڑا دئیے، جس سے کوئٹہ سمیت بلوچستان کے بیشتر اضلاع میں بجلی کی لوڈشیڈنگ میں مزید اضافہ ہوگیا ہے جو عوام کیلئے کسی اذیت سے کم نہیں۔‘

جنوری 25, 2015
ایران بلوچستان کودوہزارمیگاواٹ بجلی فراہم کرے گا

کوئٹہ : ایران نے صوبہ بلوچستان کیلئے دو ہزار میگاواٹ بجلی فراہم کرنے پر رضامندی ظاہر کر دی ہے۔ وزیراعلیٰ بلوچستان عبدالمالک اور گورنر سیستان نے پریس کانفرنس میں یہ اس معاہدے کی تفصیلات سے آگاہ کیا۔

تفصیلات کے مطابق وزیراعلیٰ بلوچستان اور سیستان کے گورنر کے درمیان ہونے والے معاہدے کے مطابق ایک ہزار میگاواٹ بجلی گوادر کیلئے جب کہ بقیہ صوبے میں تقسیم کی جائے گی۔

اس کے علاوہ وزیراعلیٰ بلوچستان عبدالمالک نے ایرانی کاروباری حضرات کو پاکستان میں کان کنی ، انڈسٹریز اور فشریز میں سرمایہ کاری کرنے کی دعوت دی ۔

گورنر سیستان کا کہنا تھا کہ ایرانی حکومت کیلئے پاکستان سے تعلقات بہت اہمیت کے حامل ہیں۔

جنوری 12, 2015
کوئٹہ: پولیس موبائل کے قریب دھماکہ،اہلکارمحفوظ رہے

کوئٹہ : شہر کے نواحی علاقے مستونگ روڈ پر پولیس موبائل وین کے قریب سڑک کنارے بم دھماکہ ہوا خوشی قسمتی سے کوئی جانی نقصان نہیں ہوا۔

پولیس کے مطابق نیو سریاب تھانے کی گاڑی اپنے معمول کی گشت پر تھی کہ مستونگ روڈ پر لیبارٹری کے قریب گاڑی پہنچی توسڑک کنارے ریموٹ کنٹرول بم کا دھماکہ ہوا جس کے نتیجے میں پولیس کی گاڑی کو جزوی نقصان پہنچا۔

خوش قسمتی سے گاڑی میں سوار اے ایس آئی سمیت دیگر اہلکار محفوظ رہے، پولیس واقعہ کی مزید تفتیش کررہی ہے۔

جنوری 11, 2015
کوئٹہ: باچا خان چوک کے قریب بم دھماکہ ، 5 افراد زخمی

کوئٹہ: وسطی علاقے میں بم دھماکے سے پانچ افراد زخمی ہوگئے،جبکہ سرکاری ملازم کے گھر پر دستی بم سے حملہ کیا گیا۔

پولیس حکام کے مطابق باچا خان چوک کے قریب واقع فائربریگیڈ کے دفتر کے سامنے موٹرسائیکل میں نصب بم زور دار دھماکے سے پھٹ گیاجس کے نتیجے میں دو بچوں اور ایک پولیس اہلکار سمیت پانچ افرادزخمی ہوگئے جنہیں سول ہسپتال منتقل کردیا گیا۔

دھماکے سے قریب کھڑی گاڑیوں اورعمارتوں کے شیشے ٹوٹ گئے ،بم ڈسپوزل اسکواڈ کے ذرائع کے مطابق دو کلو وزنی تھا،دھماکہ کے بعد صوبائی وزیر داخلہ میر سرفراز بگٹی جائے وقوعہ پر پہنچ گئے میڈیا سے گفتگو میں ان کا کہنا تھا کہ دہشت گردوں کا آخری حدتک پیچھا کیا جائے گا۔

دوسر ی جانب شہر کے نواحی علاقے بروری روڈ پرتیسرا اسٹاپ کے قریب نامعلوم افرادنے ایک سرکاری ملازم کے گھر پر دستی بم سے حملہ کردیا تاہم جانی نقصان نہیں ہوا۔

جنوری 8, 2015
کوئٹہ میں مقامی نہیں غیرملکی آباد ہیں، ڈاکٹرعبدالمالک بلوچ

کوئٹہ : وزیراعلیٰ بلوچستان ڈاکٹرعبدالمالک بلوچ نے اعتراف کیا ہے کہ بلوچستان کے صوبائی دارالحکومت میں مقامی نہیں بلکہ غیر ملکی آباد ہیں۔

وفاق کے ساتھ بارہا اس مسئلے کے حل کے لئے بات کی ہے‘ تفصیلات کے مطابق کوئٹہ میں ادارہ اسلامی امور کے زیر اہتمام سیرت النبی قومی سیمینار کا انعقاد کیا گیا جس کے مہمان خصوصی وزیراعلیٰ بلوچستان ڈاکٹر عبدالمالک بلوچ تھے۔

سیمینار سے خطاب کرتے ہوئے وزیراعلیٰ بلوچستان کا کہنا تھا کہ اگر بغور جائزہ لیا جائے تو آج کوئٹہ یہاں کے مقامی اقوام نہیں بلکہ غیرملکیوں کا شہر لگتا ہے۔

سیمینار میں شرکت کے بعد وزیراعلیٰ بلوچستان ڈاکٹر عبدالمالک بلوچ نے میڈیا سے بات چیت کرتے ہوئے کہا کہ ملکی سیاسی قیادت کو حالات نے 21ویں آئینی ترمیم منظور کرنے کے لئے مجبور کیا۔

انہوں نے کہا کہ دہشت گردی کو شکست نہ دے سکے تو ناقابل تلافی نقصان ہوگا،اس سے قبل سیرت النبی قومی سیمینار میں شریک مختلف مسالک کے جید علماءکرام نے ملک میں امن کیلئے نبی کریم کی تعلیمات اور اسوہ حسنہ پرعمل پیرا ہونے پر زور دیتے ہوئے کہا کہ اسلامی ممالک میں حقیقی اسلامی نظام نافذ نہ ہونے کی وجہ سے امت مشکلات کا شکار ہے‘ قرآن کو سمجھے بغیر مسلمانوں کی ترقی اورخوشحالی ممکن نہیں۔ ‘

جنوری 7, 2015
کوئٹہ میں سریاب روڈ دھماکہ، مبینہ دہشتگرد ہلاک

کوئٹہ: سریاب روڈ دھماکے کے نتیجے میں مبینہ دہشتگرد ہلاک ہوگیا۔

پولیس کے مطابق شہر کے نواحی علاقے سریاب روڈ موسیٰ کالونی میں زور دار دھماکہ ہوا دھماکے کی آواز دور دور تک سنی گئی ، واقعے کے بعد سیکورٹی فورسز کی بھاری نفری علاقے میں پہنچ گیا ایس ایس پی آپریشن اعتزاز کے مطابق دہشت گرد بم لے کر اپنے ٹارگٹ پر جارہا تھا کہ اُن کے ہاتھوں میں بم پھٹ گیا جس میں دہشتگرد ہلاک ہوگیا بم دو کلو وزنی تھا مطلوبہ ٹارگٹ سے پہلے بھٹ گیا، مزید تحقیقات سیکورٹی ادارے کررہے ہیں۔

جنوری 6, 2015
کوئٹہ :بلوچستان کانسٹیبلری کا کروڑوں کا اسلحہ چوری،6اہلکارگرفتار

کوئٹہ : بلوچستان کانسٹیبلری کے مال خانے سے کروڑوں روپے مالیت کا اسلحہ غائب کرکے مال خانے کو آگ لگا دی گئی، تحقیقات کے بعد بی سی کے چھ اہلکاروں کو گرفتار کرلیا گیا ہے۔

پولیس کے مطابق سات دسمبر کو بلوچستان کانسٹیبلری کے مرکزی مال خانے میں آگ لگ گئی، تحقیقات کی بعد معلوم ہوا کہ آگ لگی نہیں بلکہ لگائی گئی تھی اور یہ آگ مال خانے سے اسلحہ غائب کرنے کے بعد جان بوجھ کر لگائی گئی ۔

سی سی پی او کوئٹہ عبدالزاق چیمہ کا کہنا ہے کہ بلوچستان کانسٹیبلر کے اسلحہ خانہ سے اسلحہ مختلف اوقات میں غائب ہوتا رہا ہے، پولیس نے کارروائی کرتے ہوئے بلوچستان کانسٹیبلری کے مال خانہ انچارج سمیت چھ اہلکاروں کو گرفتار کرکے مقدمہ درج کرلیا گیا ہے۔

تحقیقات کے دوران پولیس نے مختلف علاقوں سے تیرہ اسلحہ ڈیلرز کو بھی حراست میں لیا ہے، اسلحہ خانے سے سات لاکھ سے زائد راؤنڈز ، درجنوں کلاشنکوفیں اورمختلف بورز کی رائفلیں چوری کی گئیں، علاقے کی ناکہ بندی کرکے اسلحہ کی تلاش میں سرچ آپریشن جاری ہے۔

جنوری 2, 2015