Tag: کوئٹہ

  • کوئٹہ کے علاقے اغبرگ میں کالعدم تنظیم کے 4 دہشت گرد ہلاک

    کوئٹہ کے علاقے اغبرگ میں کالعدم تنظیم کے 4 دہشت گرد ہلاک

    کوئٹہ: کوئٹہ کے نواحی علاقے اغبرگ میں سی ٹی ڈی کی کارروائی میں فائرنگ کے تبادلے میں 4 مبینہ حملہ آور ہلاک ہو گئے۔

    تفصیلات کے مطابق ترجمان سی ٹی ڈی نے بتایا کہ کوئٹہ کے علاقے اغبرگ میں کالعدم تنظیم سے تعلق رکھنے والے 4 دہشت گرد ہلاک ہو گئے ہیں، یہ دہشت گرد پولیس اور قانون نافذ کرنے والے اداروں کی ٹارگٹ کلنگ میں ملوث تھے۔

    ملزمان کے زیر استعمال گھر سے اسلحہ و گولہ بارود برآمد ہوا، برآمد اشیا میں خود کش جیکٹ، 5 دستی بم، دھماکا خیز مواد سمیت دیگر ممنوع اشیا شامل ہیں۔

    ادھر افغانستان میں روپوش دہشت گردوں نے چترال میں پاک افغان سرحد پر حملے کیے ہیں، دہشت گردوں نے 2 فوجی چوکیوں کو جدید ہتھیاروں سے نشانہ بنایا، تاہم سیکیورٹی فورسز کی بروقت کارروائیوں سے دہشت گردوں کو بھاری نقصان پہنچا۔

    فائرنگ کے تبادلے میں 12 دہشت گرد ہلاک، اور متعدد زخمی ہو گئے، پاک فوج کے 4 جوان بھی بہادری سے لڑتے ہوئے شہید ہوئے۔

  • کوئٹہ میں  قتل ہونے والے وکیل چیئرمین پی ٹی آئی کیخلاف غداری کیس میں  پٹیشنر تھے

    کوئٹہ میں قتل ہونے والے وکیل چیئرمین پی ٹی آئی کیخلاف غداری کیس میں پٹیشنر تھے

    کوئٹہ : بلوچستان کے دالحکومت کوئٹہ میں قتل ہونے والے سپریم کورٹ کے سینئر وکیل عبدالرزاق ایڈووکیٹ چیئرمین پی ٹی آئی کیخلاف غداری کیس میں پٹیشنر تھے۔

    تفصیلات کے مطابق کوئٹہ میں ایئرپورٹ کے علاقے میں نامعلوم ملزمان کی فائرنگ سے جاں بحق ہونے والے سپریم کورٹ کے وکیل عبدالرزاق ایڈووکیٹ چیئرمین پی ٹی آئی کیخلاف غداری کیس میں پٹیشنر تھے۔

    عبدالرزاق ایڈووکیٹ کی گاڑی پر 14 گولیاں ماری گئیں، وکیل نے آئین کے آرٹیکل 6 کے تحت کارروائی شروع کرنےکی استدعاکررکھی تھی۔

    عبدالرزاق ایڈووکیٹ کی آئینی درخواست کی سماعت کل مقرر تھی اور سینئر وکیل امان اللہ کنرانی کیس میں پیروی کررہے ہیں۔

    یاد رہے آج صبح کوئٹہ ائر پورٹ روڈ پر سپریم کورٹ کے سینئر وکیل عبدالرزاق شاہ گھر سے ہائی کورٹ جارہے تھے کہ نامعلوم افراد نے فائرنگ کی اور وہ موقع پر ہی جاں بحق ہوگئے تھے۔

    پولیس سرجن ڈاکٹر عائشہ فیض کا کہنا تھا کہ 14گولیاں فائر کی گئیں مگر وجہ موت کی سر پر گولی لگنا بنی۔

  • پی آئی اے کی پہلی ہی حج پرواز 5 گھنٹے تاخیر کا شکار

    پی آئی اے کی پہلی ہی حج پرواز 5 گھنٹے تاخیر کا شکار

    کوئٹہ: پاکستان سے حج پروازوں کا آغاز ہوچکا ہے تاہم کوئٹہ سے جانے والی پہلی پاکستان انٹرنیشنل ایئر لائنز (پی آئی اے) حج پرواز 5 گھنٹے تاخیر کا شکار ہوگئی۔

    تفصیلات کے مطابق صوبہ بلوچستان کے دارالحکومت کوئٹہ سے حج کے لیے روانہ ہونے والی پہلی پرواز تاخیر کا شکار ہوگئی۔

    عازمین کو پی آئی اے کی پرواز سے کوئٹہ سے پہلے کراچی لے جایا جانا تھا، کراچی سے عازمین نے دوسرے جہاز میں مدینہ منورہ کے لیے روانہ ہونا تھا۔

    عازمین کو روانگی کے لیے صبح 8 بجے کا وقت دیا گیا تھا تاہم جہاز پہنچنے میں تاخیر کے باعث روانگی کا وقت تبدیل کر کے پہلے پونے 12 بجے کیا گیا۔

    تاہم پونے 12 بجے بھی پرواز روانہ نہ ہوسکی، کراچی کے لیے پرواز نے دوپہر 1 بج کر 40 منٹ پر ٹیک آف کیا۔

    ذرائع کا کہنا ہے کہ کوئٹہ سے پہلی 6 پروازیں براہ راست مدینہ منورہ نہیں جائیں گی تاہم ساتویں پرواز براہ راست مدینہ منورہ جا سکے گی۔

  • بلوچستان میں بدامنی کی وجہ نالائق لیڈر شپ ہے: سراج الحق

    بلوچستان میں بدامنی کی وجہ نالائق لیڈر شپ ہے: سراج الحق

    کوئٹہ: امیر جماعت اسلامی پاکستان سراج الحق نے بلوچستان میں بدامنی کی وجہ نالائق لیڈر شپ کو قرار دے دیا، انھوں نے کہا ’’میں ژوب پہنچا تو لوگوں نے کہا آپ نے بلٹ پروف گاڑی کیوں استعمال نہیں کی، بلٹ پروف گاڑی حل نہیں قوم کو امن چاہیے‘‘۔

    تفصیلات کے مطابق 19 مئی کو بلوچستان کے شہر ژوب میں ایک خود کش دھماکے سے بچنے کے بعد آج کوئٹہ میں پریس کانفرنس کرتے ہوئے سراج الحق نے کہا ’’نااہل اور نالائق لیڈر شپ کی وجہ سے پاکستان، خاص کر بلوچستان میں بدامنی ہے۔‘‘

    امیر جماعت اسلامی پاکستان نے کہا کہ ملک میں ترقی کا عمل رک گیا ہے، بلوچستان کا عام آدمی پانی اور نوجوان روزگار کے لیے تڑپ رہا ہے، بلوچستان میں گیس، بجلی، پانی اور روزگار نہیں ہے، روز سنتے ہیں گوادر اور بلوچستان میں سی پیک کی وجہ سے انقلاب آئے گا، لیکن گزشتہ 10 سال سے سڑکیں، فیکٹری، کارخانہ نہ ہی کوئی نیا پروجیکٹ دیکھا۔

    انھوں نے کہا ’’خود کش حملہ کیسے ہوا؟ کون لوگ ملوث ہیں؟ ایک شہری کی حیثیت سے میں جاننا چاہتا ہوں، حکومت سے کہوں گا کہ مکمل تحقیقات کر کے حقائق عوام کے سامنے رکھے، میں ژوب پہنچا تو لوگوں نے کہا آپ نے بلٹ پروف گاڑی کیوں استعمال نہیں کی، بلٹ پروف گاڑی حل نہیں قوم کو امن چاہیے۔‘‘

    سراج الحق نے کہا ’’بلوچستان کے نوجوانوں نے ہمارا بھرپور استقبال کیا، میں امید دلاتا ہوں کہ بلوچستان کا مستقبل روشن ہے۔‘‘

    انھوں نے الیکشن کے حوالے سے اپنے مشورے سے متعلق کہا ’’میں نے سپریم کورٹ میں کہا تھا کہ اگست کا مہینہ پاکستان کی آزادی کا دن ہے، اگست کے مہینے میں لوگ حج سے واپس بھی آ جائیں گے، اس لیے اسی مہینے میں شفاف الیکشن کا انعقاد کیا جائے۔‘‘

  • کوئٹہ: تربوز کی تیار فصل خراب ہو گئی

    کوئٹہ: تربوز کی تیار فصل خراب ہو گئی

    کوئٹہ: کوٹ رئیسانی میں کئی ایکڑ پر محیط تربوز کی تیار فصل خراب ہو گئی۔

    تفصیلات کے مطابق بلوچستان کے ضلع کچھی کے علاقے کوٹ رئیسانی میں تربوز کی تیار فصل خراب ہو گئی ہے، جس کی وجہ سے کاشت کار شدید پریشانی میں مبتلا ہو گئے ہیں۔

    کاشت کاروں نے کہا ہے کہ تربوز کی فصل خراب ہونے سے ان کا لاکھوں روپے کا نقصان ہو گیا ہے، انھوں نے کہا کہ محکمہ زراعت کو فصل کے حوالے سے مسلسل آگاہ کیا جاتا رہا رہے لیکن کسی قسم کی مدد نہیں کی گئی۔

    واضح رہے کہ نوشکی وغیرہ میں فصلوں کو پانی کی فراہمی کا مسئلہ ہوتا رہتا ہے، اگر تربوز کی فصلوں کو مطلوبہ مقدار میں پانی نہ ملے، تو فصل خراب ہو جاتی ہے اور زمینداروں کو کروڑوں روپے کا نقصان ہوتا ہے۔

    ادھر بلوچستان کے شہر رنگپور میں بھی محکمہ انہار تریموں کی جانب سے کسانوں کا استحصال جاری ہے، سپر بند کی زد میں آنے والی زمینوں کے معاوضے کی ادائیگی میں رشوت خوری کا بازار گرم ہو گیا ہے۔

    کسانوں سے رشوت لینے کی فوٹیج بھی اے آر وائی نیوز نے حاصل کر لی ہے، فوٹیج میں محکمہ انہار کے پٹواری کو کسان سے رشوت وصول کرتے دیکھا گیا۔

  • بلوچستان میں سیکیورٹی فورسز کی بڑی کامیابی مل گئی

    بلوچستان میں سیکیورٹی فورسز کی بڑی کامیابی مل گئی

    کوئٹہ: سیکیورٹی فورسز کو بلوچستان میں بڑی کامیابی مل گئی ۔

    تفصیلات کے مطابق بارہ اور تیرہ مئی کو شمالی بلوچستان کے علاقے جٹ بازار ہوشاب میں کیا گیا آپریشن کامیابی سے ہمکنار ہوا ہے، آپریشن کے دوران دہشت گرد تنظیم بلوچستان لبریشن فرنٹ ( بی ایل ایف) کا اہم سرغنہ عصمی عرف وفا ہلاک ہوگیا ہے۔

    عصمی عرف وفا ان چھ ہلاک دہشت گردوں میں شامل ہے جنہیں سیکیورٹی فورسز نے ہوشاب چیک پوسٹ پر حملے کے دوران ہلاک کیا تھا، دہشت گردوں کا یہ حملہ سیکیورٹی فورسز نے ناکام بنادیا تھا۔

    ذرائع کے مطابق ہلاک دہشت گرد عصمی عرف وفا فورسزاورشہریوں پرحملوں میں ملوث تھا اس کے علاوہ ہلاک دہشت گرد بھتہ خوری، قتل وغارت اوراغوا کی وارداتوں میں بھی مطلوب تھا۔

    دہشت گردنےاپریل دو ہزار انیس میں مسافروں سےبھری بس پربوزی ٹاپ میں حملہ کیاتھا،اکتوبردو ہزار بیس میں کئی دیگرگاڑیوں کو بوزی ٹاپ پرگھات لگا کرنشانہ بنایاتھا۔

    یہ بھی پڑھیں: ہوشاب : پاک فوج نے چیک پوسٹ حملہ ناکام بنا دیا، 5دہشت گرد ہلاک

    اس کے علاوہ جون دو ہزار اکیس میں دہشت گرد نےہوشاب میں فورسزکی پوسٹ پرحملہ کیاتھا اور مئی دو ہزار بائیس میں بھی عصمی عرف وفانےہوشاب میں فورسزکونشانہ بنایاتھا۔

    آئی ایس پی آر کے مطابق یہ آپریشن ملحقہ علاقوں میں فرار ہونے والے چند دہشت گردوں کا سراغ لگانے کے لیے کیا گیا تھا۔

    آئی ایس پی آر کے مطابق سیکیورٹی فورسز بلوچستان میں امن اور ترقی کوسبوتاژ نہیں کرنے دیں گی, قوم کے تعاون سے دشمن کی سازشیں ناکام بنادی جائیں گی۔

  • کوئٹہ: سیلابی ریلے کے باعث پنجرا پل کا ایک حصہ بہہ گیا

    کوئٹہ: سیلابی ریلے کے باعث پنجرا پل کا ایک حصہ بہہ گیا

    کوئٹہ: صوبائی ڈیزاسٹر مینجمنٹ اتھارٹی (پی ڈی ایم اے) کا کہنا ہے کہ سیلابی ریلے کے باعث وادی بولان کے پنجرا پل کا ایک حصہ بہہ گیا۔

    تفصیلات کے مطابق بولان میں رات گئے طوفانی بارشیں اور سیلابی ریلے کے باعث پنجرا پل کا ایک حصہ بہہ گیا، پی ڈی ایم اے کا کہنا ہے کہ پل کو بحال کرنےکیلئے این ایچ اے عملہ کام میں مصروف ہے۔

    پی ڈی ایم اے نے بتایا کہ پانی کا بہاؤ کم ہونےکے بعد صبح ہی متبادل راستے کے لئےکام کا آغاز کر دیا گیا، پنجرا پل متاثر ہونے سےکوئٹہ سکھر قومی شاہراہ گزشتہ رات سے بند ہے۔

    اس کے علاوہ کوئٹہ جیکب آباد جانیوالی گاڑیوں کو مچھ، سندھ سے کوئٹہ آنیوالی گاڑیوں کو سبی اور ڈھاڈر پر روک دیاگی، قومی شاہراہ پر ٹریفک معطل ہونے کے باعث شہریوں کو مشکلات کا سامنا کرنا پڑ رہا ہے۔

  • بیورو کریسی میں بڑے پیمانے پر تقرر و تبادلے

    بیورو کریسی میں بڑے پیمانے پر تقرر و تبادلے

    کوئٹہ: صوبہ بلوچستان کے سیکریٹری صحت صالح محمد ناصر کو ایڈیشنل چیف سیکریٹری داخلہ تعینات کرنے سمیت بیورو کریسی میں بڑے پیمانے پر تقرریاں و تعیناتیاں کی گئی ہیں۔

    تفصیلات کے مطابق بلوچستان کی بیورو کریسی میں بڑے پیمانے پر تقرر و تبادلے کیے گئے ہیں، سیکریٹری صحت صالح محمد ناصر کو ایڈیشنل چیف سیکریٹری داخلہ تعینات کردیا گیا۔

    ایڈیشنل چیف سیکریٹری داخلہ زاہد سلیم کو ایس اینڈ جی اے ڈی رپورٹ کرنے کی ہدایت کی گئی ہے۔

    تعیناتی کے منتظر وقاص علی محمود کو سیکریٹری صحت تعینات کردیا گیا، سیکریٹری ایکسائز محمد اکبر کو سیکریٹری انڈسٹریز تعینات کیا گیا ہے جبکہ سی ایم آئی ٹی ممبر ظفر علی بخاری کو سیکریٹری ایکسائز تعینات کیا گیا ہے۔

    سیکریٹری انڈسٹریز عابد سلیم قریشی کو بھی ایس اینڈ جی اے ڈی رپورٹ کرنے کی ہدایت کی گئی ہے۔

  • سبی: پولیس کی گاڑی کے قریب دھماکا، 9 اہلکار شہید

    سبی: پولیس کی گاڑی کے قریب دھماکا، 9 اہلکار شہید

    کوئٹہ: صوبہ بلوچستان کے شہر سبی میں پولیس کی گاڑی کے قریب دھماکا ہوا ہے جس میں 9 پولیس اہلکار شہید اور 11 زخمی ہوگئے۔

    تفصیلات کے مطابق صوبہ بلوچستان کے شہر سبی میں، کوئٹہ سبی قومی شاہراہ کمڑی پل پر پولیس کی گاڑی کے قریب دھماکا ہوا ہے۔

    ایس ایس پی کچھی محمد نوتیزئی کا کہنا ہے کہ دھماکے میں 9 پولیس اہلکار شہید جبکہ 11 پولیس اہلکار زخمی ہوئے ہیں۔

    ایس ایس پی کے مطابق دھماکا موٹر سائیکل سوار خود کش حملہ آور نے کیا، زخمی اہلکاروں کو طبی امداد کے لیے سول اسپتال سبی منتقل کیا جا رہا ہے۔

    خیال رہے کہ گزشتہ روز صوبہ خیبر پختونخواہ کے شہر بنوں میں بھی موٹر سائیکل میں نصب بارودی مواد کا دھماکا ہوا تھا۔

    دھماکا تھانہ بکا خیل کی حدود میں ہوا تھا جس میں 2 افراد جاں بحق ہوگئے تھے۔

  • سبی: پولیس کی گاڑی کے قریب خودکش حملہ، 9 اہلکار شہید

    سبی: پولیس کی گاڑی کے قریب خودکش حملہ، 9 اہلکار شہید

    کوئٹہ: صوبہ بلوچستان کے شہر سبی میں پولیس کی گاڑی کے قریب دھماکا ہوا ہے جس میں 9 پولیس اہلکار شہید اور 11 زخمی ہوگئے۔

    تفصیلات کے مطابق صوبہ بلوچستان کے شہر سبی میں، کوئٹہ سبی قومی شاہراہ کمڑی پل پر پولیس کی گاڑی کے قریب دھماکا ہوا ہے۔

    ایس ایس پی کچھی محمد نوتیزئی کا کہنا ہے کہ دھماکے میں 9 پولیس اہلکار شہید جبکہ 11 پولیس اہلکار زخمی ہوئے ہیں۔

    ایس ایس پی کے مطابق دھماکا موٹر سائیکل سوار خود کش حملہ آور نے کیا، زخمی اہلکاروں کو طبی امداد کے لیے سول اسپتال سبی منتقل کیا جا رہا ہے۔

    وزیر داخلہ بلوچستان میر ضیا اللہ لانگو نے سبی میں حملے کی شدید الفاظ میں مذمت کرتے ہوئے رپورٹ طلب کرلی ہے۔

    وزیر داخلہ نے انتظامیہ کو زخمیوں کو بہترین طبی سہولتیں فراہم کرنے کی ہدایات کی ہیں جبکہ شہید اہلکاروں کے لواحقین سے اظہار تعزیت بھی کیا ہے۔

    میر ضیا اللہ لانگو کا کہنا ہے کہ صوبائی حکومت فورسز کی استعداد بڑھانے میں معاونت کرے گی، دشمن کی بزدلانہ کارروائیوں سے امن کو نقصان پہنچانے کی ہر کوشش ناکام ہوگی۔

    خیال رہے کہ گزشتہ روز صوبہ خیبر پختونخواہ کے شہر بنوں میں بھی موٹر سائیکل میں نصب بارودی مواد کا دھماکا ہوا تھا۔

    دھماکا تھانہ بکا خیل کی حدود میں ہوا تھا جس میں 2 افراد جاں بحق ہوگئے تھے۔