Tag: کوئٹہ

کوئٹہ میں وزیرِاعلیٰ بلوچستان کے مشیر عبدالماجد ابڑو سڑک کنارے نصب بم کے دھماکے میں محافظ سمیت زخمی ہوگئے 

پولیس حکام کے مطابق مغربی بائی پاس پر ایئر پورٹ پولیس تھانہ کے قریب دھماکہ اس وقت ہوا جب وہاں سے وزیر اعلیٰ بلوچستان کے مشیر برائے زکواة وعشر عبدالماجد ابڑو کا قافلہ گزررہا تھا،دھماکے میں عبدالماجد ابڑو محافظ سمیت معمولی زخمی ہوئے اور ان کی گاڑی کو شدید نقصان پہنچا۔

وزیر اعلیٰ بلوچستان ڈاکٹر عبدالمالک بلوچ نے عبدالماجد ابڑو سے ٹیلی فونک رابطہ کرکے ان کی خیریت دریافت کی اور واقعے کی مذمت کرتے ہوئے پولیس حکام سے رپورٹ طلب کرلی۔

 عبدالماجدابڑو دھماکہ کے بعد فوری طور پر ایئر پورٹ تھانہ پہنچ گئے جہاں میڈیا سے گفتگو کرتے ہوئے انہوں نے کہا کہ دھماکے کا ہدف میں ہی تھا لیکن اللہ تعالی نے بچالیا ،انہوں نے کہا کہ صوبائی وزراء اور مشیروں کی سیکورٹی کے لئے فوری اقدامات ہونے چاہئیں اور کم از کم بلٹ پروف گاڑیاں فراہم کی جانی چاہئیں

کوئٹہ میں گیس لیکج کے باعث یکے بعد دیگرے ہونے والے دو دھماکوں میں ایک بچی جاں بحق اور خاتون سمیت چھ افراد زخمی ہوگئے۔ پولیس حکام کے مطابق پہلا دھماکہ مشرقی بائی پاس کے قریب واقع سوئی سدرن گیس کمپنی کے آفیسر میس میں گیس بھرجانے کے باعث ہوا جس میں ایک اہلکار جھلس کر شدید زخمی ہوگیا۔

دھماکے سے آفیسر میس کے سات کمرے مکمل طور پر تباہ ہوگئے دوسرا دھماکہ پشتون آباد کے علاقے ولی خان چوک پر ایک گھر میں ہوا جہاں رات کو ہیٹر جلتا چھوڑ دیا گیا تھا دھماکہ میں ایک بچی جاں بحق اور خاتون سمیت پانچ افراد زخمی ہوگئے۔

دھماکے سے گھر کے تین کمرے اور باورچی خانہ تباہ ہوگیا ،کوئٹہ میں ایک ماہ کے دوران گیس لیکج سے دھماکوں کا یہ تیسرا واقعہ ہے ،زخمیوں کو فوری طور پر بولان میڈیکل کمپلیکس ہسپتال منتقل کردیا گیا۔

کوئٹہ میں انسداد پولیو ٹیم کو دستی بم حملے کا نشانہ بنایا گیا ہے، جس کے نتیجے میں ایک بچہ زخمی ہوگیا ہے۔

کوئٹہ میں انسداد پولیو ٹیم کے کارکنوں کو نشانہ بنانے کی کوشش کی گئی ہے اور پشتون آباد کے علاقے میں انسداد پولیو کی ٹیم پر دستی بم حملہ کیا گیا ہے، جس کے نتیجے میں ایک بچہ زخمی ہوگیا، بچے کو اسپتال منتقل کر دیا گیا ہے جہاں بچے کی حالت خطرے سے باہر بتائی جاتی ہے۔
   

کوئٹہ کے نواحی علاقے قمبرانی روڈ پر گھر کے کمرے میں گیس بھر جانے سے دھماکے کے نتیجے میں بچہ اور خاتون سمیت تین افراد زخمی ہوگئے۔

ریسکیو ذرائع کے مطابق قمبرانی روڈ کے کلی بیڑﺅمیں اہل خانہ رات کو سوتے وقت گیس  کاچولہا بند کرنا بھول گئے تھے صبح جب نماز کی تیاری کے لئے اٹھے اور ماچس کی تیلی جلائی تو کمرے میں موجود گیس کے باعث دھماکہ ہوا جس سے کمرے کی چھت اڑ گئی ۔

آگ کے شعلے بھڑک اٹھنے سے خاتون اور بچہ سمیت ایک شخص شدید زخمی ہوگیا ، مقامی لوگوں نے اپنی مدد آپ کے تحت آگ پر قابو پالیا، زخمیوں کو بولان میڈیکل کمپلیکس منتقل کردیا گیاہے۔