ARYNews.tv | Urdu – Har Lamha Bakhabar

Tag: کوالالمپور

  • ملائیشیا: مدرسے میں آگ لگنے سے 23 بچوں سمیت 25 افراد جاں بحق

    ملائیشیا: مدرسے میں آگ لگنے سے 23 بچوں سمیت 25 افراد جاں بحق

    کوالالمپور: ملائیشیا کے دارالحکومت کوالالمپورکے مدرسے میں آگ لگنے سے23 طلبہ سمیت 25 افراد جاں بحق جبکہ متعدد زخمی ہوگئے۔

    تفصیلات کے مطابق ملائیشیا کے درالحکومت کوالالمپور کے مدرسے دارالقرآن اتفاقیہ میں صبح کے وقت آگ لگنے کا واقعہ پیش آیا جس میں 23 طلبہ اور 2 اساتذہ سمیت کم از کم 25 افراد جاں بحق ہوگئے۔

    ریسکیو حکام کے مطابق آگ لگنے کے باعث زخمی والے طلبہ کواسپتال منتقل کردیا گیا ہے جہاں انہیں طبی امداد دی جارہی ہے۔

    کوالالمپور میں امدادی کارروائیوں سے متعلق محکمے کے سربراہ خیرالدین درہمان کا کہنا ہے کہ 23 طلبہ اور دواساتذہ کے جاں بحق ہونے کی تصدیق ہوچکی ہے۔

    خیرالدین درہمان کا کہنا تھا کہ گزشتہ 20 برسوں میں ملک میں یہ آگ لگنے کا بدترین واقعہ ہے۔

    دوسری جانب ملائیشیا کےوزیراعظم نجیب رزاق نےسماجی رابطے کی ویب سائٹ ٹویٹر پر مدرسے میں آگ لگنے کے واقعے پر افسوس کا اظہار کرتے ہوئے متاثرین کے ساتھ ہمدردی کا اظہار کیا ہے۔

    واضح رہے کہ مقامی میڈیا کے مطابق سنہ 2015 سے اب تک ملک میں آگ لگنے کے 200 سے زیادہ واقعات پیش آچکے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • ایشین ہاکی چیمپیئنز ٹرافی: پاکستان اور بھارت کی ٹیمیں آج مد مقابل

    ایشین ہاکی چیمپیئنز ٹرافی: پاکستان اور بھارت کی ٹیمیں آج مد مقابل

    کوالالمپور : ایشین ہاکی چیمپیئنز ٹرافی میں پاکستان اپنا اہم میچ آج بھارت کے خلاف کھیلےگا۔ گرین شرٹس نے جنوبی کوریا کو سخت مقابلے کے بعد ایک صفر سے شکست دی تھی۔ میچ پاکستانی وقت کے مطابق سہ پہر ساڑھے تین بجے شروع ہو گا۔

    تفصیلات کے مطابق ملائیشیا کےساحلی شہر کوانٹن میں جاری ایشین ہاکی چیمپیئنز ٹرافی ہاکی ٹورنامنٹ کا سب سے بڑا میچ پاکستان اور روایتی حریف بھارت کےدرمیان آج (اتوار) کو ملائیشیا کے شہر کوانٹن میں کھیلا جائےگا۔

    یہ میچ پاکستانی وقت کے مطابق سہ پہر ساڑھے تین بجے شروع ہو گا جو پاکستان میں پاکستان ٹیلی ویژن اسپورٹس (پی ٹی وی اسپورٹس) اور بھارت میں اسٹار سپورٹس 4 اور اسٹار سپورٹس ایچ ڈی 4 پر براہ راست نشر کیا جائے گا۔ ایونٹ میں پاکستان اب تک دو میچز کھیل چکا ہے۔

    پہلے میچ میں میزبان ملائیشیا نے پاکستان کو دو کے مقابلے چار گول سے ہرایاتھا۔ دوسرے میچ میں گرین شرٹس نے جنوبی کوریا کو سخت مقابلے کےبعد ایک صفر سے شکست دی۔

    پاکستان کے اسکواڈ میں عمران بٹ، امجد علی، علیم بلال، محمد عرفان، عماد شکیل بٹ، راشد محمود، تصور عباس، نواز اشفاق، فرید احمد، توثیق ارشد، محمد رضوان جونیئر، محمد عرفان جونیئر، عمر بھٹہ، ارسلان قادر، علی شان، اعجاز احمد، محمد رضوان سینئر اور عبدالحسیم خان شامل ہیں۔

    واضح رہے کہ ایشین ہاکی چیمپین شپ میں پاکستان، بھارت، ملائیشیا، جنوبی کوریا، چین اور جاپان کی ٹیمیں شریک ہیں۔

     

  • مھا انٹرنیشنل 20 نومبر سے کوالالمپور میں ہوگی

    مھا انٹرنیشنل 20 نومبر سے کوالالمپور میں ہوگی

    زرعی ٹیکنالوجی ،لائیواسٹاک مصنوعات اور تازہ زرعی مصنوعات سمیت سبزیوں اور پھلوں کی مصنوعات کی بین الاقوامی تجارتی نمائش ”مھا انٹرنیشنل“ 20 نومبر 2014ءکو ملائیشیا کے شہر کوالالمپور میں منعقد ہوگی ، ٹریڈ ڈویلپمنٹ اتھارٹی (ٹی ڈی اے پی) نے ”مھا انٹرنیشنل“ میں شرکت کے خواہشمند اداروں سے 17 جولائی 2014ءتک درخواستیں طلب کی ہیں، حکام کے مطابق نمائش کا انعقاد 20 تا 30 نومبر 2014ءکو ملائیشیا کے شہر کوالالمپور میں ہوگا ،

    جس میں زرعی ٹیکنالوجی ، لائیوسٹاک مصنوعات، تازہ زرعی مصنوعات، بیکری اور کنفیکشنری، بیوریجز، پھل و سبزیاں ، جڑی بوٹیاں اور مصالحہ جات ، نامیاتی مصنوعات، ہارٹی کلچر اور جانوروں کی خوراک وغیرہ تیار وبرآمد کرنے والے ادارے شرکت کے ذریعے اپنی مصنوعات کی نمائش عالمی خریداروں کے سامنے کرکے کاروباری معاملات طے کرسکیں گے

  • کوالالمپور میں پاکستان کے معروف ریسٹورنٹ باربی کیو ٹو نائٹ کا افتتاح

    کوالالمپور میں پاکستان کے معروف ریسٹورنٹ باربی کیو ٹو نائٹ کا افتتاح

    ملائیشیا کے دارالحکومت کوالالمپور میں پاکستان کے معروف ریسٹورنٹ بار بی کیو ٹو نائٹ کا افتتاح کردیا گیا۔

    پاکستانی کھانوں کی خوشبوئیں اب ملائیشیا کی فضاؤں میں بھی مہکیں گی, پاکستان کے معروف ریسٹورنٹ باربی کیو ٹو نائیٹ کی سلور جوبلی کے موقع پر ملائیشیا کے شہر کوالا لمپور میں بھی بار بی کیو ٹونائٹ ریسٹورنٹ کی برانچ قائم کردی گئی۔

    بارکیو ٹونائٹ کے نئے ریسٹورنٹ کا افتتاح ملائیشیا کے وزیر سیاحت و ثقافت داتو سری محمد نزری بن عبدالعزیز نے کیا، انہوں نے کہا کہ ملائشیا کی حکومت پاکستان اور پاکستانی عوام کو قدر کی نگاہ سے دیکھتی ہے، باربی کیو ٹونائٹ ایک شاندار برانڈ ہے، وہ بزنس کے لئے ملائشیا کا انتخاب کرنے پر سردار رعبدالرحیم کے مشکور ہیں۔

    اس موقع پر باربی کیو ٹو نائٹ کے اونر سردار عبدالرحیم نے کہا کہ پاکستانی کھانوں سے دنیا بھرمیں ملک کا امیج بہتر کیا جاسکتا ہے، ان کا کہنا تھا کہ ملائشیا میں بہت جلد باربی کیو ٹو نائٹ کی دوسری برانچ بھی کھولی جائے گی جبکہ نیروبی ، سنگاپور کے بعد سعودی عرب میں بھی برانچ قائم کی جائے گی۔

    باربی کیو ٹو نائٹ ریسٹورنٹ کی افتتاحی تقریب میں پاکستانی ہائی کمشنر ندیم خان ، سیکریٹری وزارت ٹور ازم و کلچر مرزا خلیل بیگ اور دیگر مہمانوں نے بھی خصٓوصی شرکت کی۔