کراچی : شہرقائد کےعلاقے کورنگی میں واقع گھر میں آگ لگنے سے میاں بیوی جھلس کر جاں بحق ہوگئے، پولیس نے لاشوں کو اسپتال منتقل کردیا۔

تفصیلات کے مطابق کراچی کے علاقے کورنگی ساڑھے 3 نمبر کے قریب واقع گھر میں آگ لگنے سے میاں بیوی جان کی بازی ہار گئے۔

پولیس حکام کا کہنا ہے کہ شاہد خان اور شمیم بی بی بیٹی کی شادی کے بعد اکیلے رہتے تھے، جاں بحق افراد کی لاشوں کو اسپتال منتقل کردیا گیا ہے۔

پولیس کا کہنا ہے کہ ہلاک ہونے والے میاں بیوی کے گلے اورجسم پرتشدد کے نشانات ہیں، واقعے کی تمام پہلوؤں سے تحقیقات کررہے ہیں۔

جاں بحق ہونے والے میاں بیوی کے قریبی رشتہ دار نے دعویٰ کیا ہے کہ قتل کے بعد واقعے کو حادثے کا رنگ دینے کے لیے آگ لگائی گئی ہے۔

لاہور: بیکری میں آگ لگنے سے 5 افراد جاں بحق

خیال رہے کہ دوروز قبل لاہور کے علاقے گارڈن ٹاؤن کی برکت مارکیٹ میں علی الصبح بیکری میں اچانک آگ بھڑک اٹھی تھی جس کے نتیجے میں بیکری میں موجود 5 افراد دم گھٹنے سے جان کی بازی ہار گئے تھے۔

یاد رہے کہ گزشتہ ماہ 17 مارچ کو لاہور کے علاقے واپڈا ٹاؤن میں میں گھر میں آگ لگنے سے 4 افراد جھلس کر جاں بحق ہوگئے تھے۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

کراچی : شہرقائد کے علاقے کورنگی میں ڈاکوؤں کی فائرنگ سے رینجرز اہلکار سمیت خاتون زخمی ہوگئی جبکہ مختلف کارروائیوں میں 40 افراد کو گرفتار کراسلحہ ومنشیات برآمد کرلی گئی۔

تفصیلات کے مطابق کراچی میں کورنگی چمڑا چورنگی کے قریب موٹر سائیکل سوار ڈاکوخاتون سے لوٹ مار کررہے تھے کہ رینجرز کے پہنچنے پرڈاکوؤں نے فائرنگ کردی جس سے رینجرز اہلکار سمیت خاتون زخمی ہوگئی۔

دوسری جانب ایس ایس پی سینٹرل گلبہارحاجی مرید گوٹھ میں پولیس اوررینجرز نے مشترکہ سرچ آپریشن کے دوران 15 افراد کو حراست میں لے کر اسلحہ ومنشیات برآمد کرلی۔

ادھر کورنگی کے مختلف علاقوں میں پولیس نے کامبنگ آپریشن کے دوران 25 سے زائد افراد کو حراست میں لیا ہے، پولیس کا کہنا ہے کہ ان افراد کی بائیو میٹرک تصدیق کی جارہی ہے۔

پولیس کا کہنا ہے کہ آپریشن بلال کالونی، مہران ٹاؤن، ناصرکالونی میں کیا گیا اور اس دوران علاقے کے داخلی وخارجی راستے سیل کردیے گئے۔

کراچی میں ڈکیتی کےدوران فائرنگ ‘ رینجرزاہلکار شہید

خیال رہے کہ رواں سال 30 جنوری کوکراچی کے علاقے لانڈھی 89 میں ڈاکوؤں کی فائرنگ سے رینجرزاہلکار شہید جبکہ پولیس اہلکار زخمی ہوگیا تھا۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

کراچی: شہر قائد میں پولیس نے کارروائی کرتے ہوئے ایک ڈاکو کو ہلاک کردیا جبکہ دوسرا فرار ہونے میں کامیاب ہوگیا۔

تفصیلات کے مطابق کراچی کے علاقے کورنگی چکرہ گوٹھ میں 2 ملزمان شہریوں سے لوٹ مار کررہے تھے کہ پولیس موقع پر پہنچ گئی، ملزمان نے پولیس کو دیکھ کر فائرنگ شروع کردی۔

پولیس کی جانب سے جوابی فائرنگ میں ایک ڈاکو ہلاک جبکہ دوسرا فرار ہونے میں کامیاب ہوگیا، مارے جانے والے ملزم کے قبضے سے اسلحہ برآمد ہوا ہے۔

دوسری جانب پنجاب کے شہرچنیوٹ میں پولیس نے کارروائی کرتے ہوئے 2 اشتہاریوں کو گرفتار کرلیا، ملزمان دہشت گردی سمیت دیگرسنگین وارداتوں میں مطلوب تھے۔

پولیس حکام کے مطابق ملزمان نے فائرنگ کرکے خاتون سمیت 3 افراد کو قتل کیا تھا۔

ملتان میں پولیس مقابلہ‘ 2 ڈاکو ہلاک

یاد رہے کہ گزشتہ روز صوبہ پنجاب کے شہر ملتان میں پولیس نے کارروائی کرتے ہوئے شہری کے قتل میں ملوث دو ڈاکوؤں کو ہلاک کردیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔