ARYNews.tv | Urdu – Har Lamha Bakhabar

Tag: کورونا سے متاثرہ

  • پاکستان میں کورونا سے متاثرہ ہیلتھ کیئر ورکرز کی تعداد 19533 تک پہنچ گئی

    پاکستان میں کورونا سے متاثرہ ہیلتھ کیئر ورکرز کی تعداد 19533 تک پہنچ گئی

    اسلام آباد : پاکستان میں فرنٹ لائن ہیلتھ کیئر پر کورونا کے وار جاری ہے ، ایک روز میں مزید باون ہیلتھ ورکرز میں کورونا کی تصدیق ہوئی ، جس کے بعد  مجموعی تعداد 19533 تک پہنچ گئی۔

    تفصیلات کے مطابق ملک میں کورونا سے متاثرہ اور جاں بحق ہیلتھ ورکرزکی رپورٹ اے آر وائی نیوز کو موصول ہوگئی ، رپورٹ وزارت صحت نےتیارکی
    ہے۔

    رپورٹ میں بتایا گیا کہ گزشتہ 24 گھنٹے میں ملک بھر میں 52 ہیلتھ ورکرز کورونا سے متاثر ہوئے ، جس کے بعد ملک میں کورونا سے متاثرہ ہیلتھ ورکرز کی تعداد 19 ہزار 533 ہو گئی۔

    وزارت صحت کا کہنا ہے کہ کورونا سے متاثر ہونے والوں میں 62 فیصد ڈاکٹر، 25 فیصد پیرامیڈیکل سٹاف جبکہ 13 فیصد نرسز شامل ہیں، کورونا سے متاثرہ چوبیس فیصد ہیلتھ ورکرز آئیسولیشن وارڈز جبکہ 76 فیصد اسپتالوں کی او پی ڈیز اور ایمرجنسی سمیت مختلف مقامات پر خدمات انجام دے رہے تھے۔

    رپورٹ کے مطابق کورونا سے متاثرہ 93 فیصد ہیلتھ ورکرز صحتیاب ہو چکے ہیں جن کی مجموعی تعداد 18132 ہے۔

    رپورٹ میں کہا گیا کہ ملک بھر میں اب تک کورونا سے متاثرہ 174 ہیلتھ ورکرز جاں بحق ہو چکے ہیں۔ کورونا سے سندھ میں 62، کے پی میں 48، پنجاب میں 29 ، وفاقی دارالحکومت میں کورونا سے متاثرہ 14، آزادکشمیر اور بلوچستان میں بالترتیب 9 جبکہ گلگت بلتستان میں 3 ہیلتھ کیئر ورکرز جاں بحق ہو چکے ہیں۔

  • پاکستان میں کورونا سے متاثرہ ہیلتھ ورکرز کی تعداد 16 ہزار 500 سے تجاوز کرگئی

    پاکستان میں کورونا سے متاثرہ ہیلتھ ورکرز کی تعداد 16 ہزار 500 سے تجاوز کرگئی

    اسلام آباد : ملک میں کورونا سے متاثرہ ہیلتھ ورکرز کی تعداد16 ہزار 501 تک پہنچ گئی جبکہ تاحال 162 ہیلتھ ورکرزکورونا سے انتقال کرچکے ہیں۔

    ‌‌تفصیلات کے مطابق کوروناوائرس کے ملک بھر میں ہیلتھ کیئر ورکرز پر وار جاری ہے ، ذرائع وزارت صحت کا کہنا ہے کہ ملک میں کوروناسےمتاثرہ ہیلتھ ورکرزکی تعداد16501 تک پہنچ گئی ہے، جس میں 9 ہزار 856 ڈاکٹرز ، 2 ہزار 353 نرسز اور 4292 ہزار 292 ہیلتھ اسٹاف کورونا پازیٹو ہیں۔

    ذرائع کا کہنا تھا کہ ملک میں تاحال 162 ہیلتھ ورکرزکورونا سےانتقال کرچکےہیں اور 316ہیلتھ ورکرز گھر، 16اسپتالوں میں زیرعلاج ہیں جبکہ ملک میں 16007 ہیلتھ ورکرز کورونا سےصحتیاب ہو چکے ہیں۔

    وزارت صحت نے بتایا کہ کورونا سے متاثرہ اور انتقال کرنیوالے بیشتر ہیلتھ ورکرز کا تعلق سندھ سےہے، سندھ میں 5810 ہیلتھ ورکرز پازیٹو اور 56 انتقال کرگئے جبکہ پنجاب میں متاثرہ ہیلتھ ورکرز کی تعداد 3477 اور 29 انتقال کرچکے ہیں۔

    ذرائع کے مطابق کے پی میں 3935 ہیلتھ ورکرز پازیٹو، 43 کا انتقال اور اسلام آباد میں 1501 ہیلتھ ورکرز پازیٹو، 13 کا انتقال ہوا جبکہ گلگت بلتستان میں متاثرہ ہیلتھ ورکرز کی تعداد 230 اور 3 انتقال کرچکے ہیں۔

    ذرائع وزارت صحت نے کہا ہے کہ بلوچستان میں 822 ہیلتھ ورکرز پازیٹو، 9 اموات اور آزادکشمیر میں 726 ہیلتھ ورکرز پازیٹو اور 9 کا انتقال ہوا۔

  • ملک میں کورونا سے متاثرہ ہیلتھ ورکرز کی تعداد16 ہزار سے تجاوزکر گئی

    ملک میں کورونا سے متاثرہ ہیلتھ ورکرز کی تعداد16 ہزار سے تجاوزکر گئی

    اسلام آباد: ملک میں کوروناسےمتاثرہ ہیلتھ ورکرزکی تعداد16 ہزار سےتجاوزکر گئی، مجموعی طور پر 9 ہزار 555ڈاکٹرز،2 ہزار 296نرسز اور 4 ہزار 154 ہیلتھ اسٹاف میں کورونا کا شکار ہوئے۔

    تفصیلات کے مطابق کوروناوائرس کے ملک میں ہیلتھ کیئرورکرز پر وار کے جاری ہے، ملک میں کوروناسےمتاثرہ ہیلتھ ورکرز کی تعداد 16 ہزار سے تجاوزکر گئی ، جس میں 9 ہزار 555ڈاکٹرز،2 ہزار 296نرسز اور 4 ہزار 154 ہیلتھ اسٹاف میں کورونا کی تصدیق ہوئی۔

    ذرائع وزارت صحت کا کہنا ہے کہ ملک میں تاحال 153 ہیلتھ ورکرز کورونا سے انتقال کرچکے ہیں جبکہ 564 ہیلتھ ورکرز گھروں، 22 اسپتالوں میں زیرعلاج ہیں اور ملک میں15 ہزار 266 ہیلتھ کیئر ورکرز کورونا سے صحتیاب ہوچکے ہیں۔

    ذرائع کے مطابق کورونا سے متاثرہ اور انتقال کرنیوالے بیشتر ہیلتھ ورکرز کا تعلق سندھ سے ہے ، سندھ میں5689 ہیلتھ ورکرز پازیٹو اور 53 انتقال کرچکے ہیں، صوبے میں پازیٹو آنے والوں میں 3362 ڈاکٹرز، 1098 نرسز، 1229 ہیلتھ اسٹاف شامل ہیں۔

    اعدادو شمار میں بتایا گیا کہ پنجاب میں3377ہیلتھ ورکرزپازیٹو ہوئے ، جس میں 2020 ڈاکٹرز ، 493 نرسز، 864 ہیلتھ اسٹاف شامل ہیں جبکہ 28 انتقال کر چکے ہیں، اسی طرح کےپی میں3832 ہیلتھ ورکرزپازیٹو اور 40 کا انتقال ہوا، کے پی میں1788 ڈاکٹرز،527 نرسز،1517 ہیلتھ اسٹاف پازیٹو آئے۔

    اسی طرح اسلام آباد میں 1444 ہیلتھ ورکرز میں  1270ڈاکٹرز،68 نرسز، 106 ہیلتھ اسٹاف پازیٹو آئے اور 11  انتقال کرچکے ہیں جبکہ گلگت بلتستان میں222 ہیلتھ ورکرز کورونا کا شکار ہوئے 3 انتقال کرچکےہیں، جس میں  125 ڈاکٹرز، 2 نرسز، 95 ہیلتھ اسٹاف شامل ہیں۔

    ذرائع کے مطابق بلوچستان میں751 ہیلتھ ورکرز پازیٹو آئے اور 9 انتقال کرگئے ، صوبے میں  593 ڈاکٹرز،49  نرسز، 109 ہیلتھ اسٹاف کورونا کا شکار  ہوئے ، اسی طرح آزاد کشمیر  میں 690 ہیلتھ ورکرز کورونا کا شکار ہوئے ، جن میں 397 ڈاکٹرز، 59 نرسز اور 234 ہیلتھ اسٹاف شامل ہیں جبکہ 9 انتقال کر چکے ہیں۔

  • پاکستان میں کورونا سے متاثرہ 20 حساس ترین شہر کونسے ہیں؟ نشاندہی کرلی گئی

    پاکستان میں کورونا سے متاثرہ 20 حساس ترین شہر کونسے ہیں؟ نشاندہی کرلی گئی

    اسلام آباد : نیشنل کمانڈ اینڈ آپریشن سینٹر (این سی او سی) نے کورونا سے متاثرہ حساس شہروں کی نشاندہی کرلی اور کہا 20 حساس شہروں میں کورونا کیسز کی تعداد میں تیزی سے اضافہ ہو رہا ہے۔

    تفصیلات کے مطابق کوروناہاٹ اسپاٹس کے حوالے سے نیشنل کمانڈاینڈآپریشن سینٹر نے بڑا اقدام کرتے ہوئے ٹریسنگ، ٹیسٹنگ اورقرنطینہ حکمت عملی کے تحت کورونا سے متاثرہ حساس شہروں کی نشاندہی کرلی۔

    اسمارٹ لاک ڈاؤن حکمت عملی کے بعد این سی اوسی نے ہاٹ اسپاٹس کاجائزہ لیا اور کوروناکیسز بڑھنےکے لحاظ سے 20شہروں سے متعلق صوبوں کو آگاہی دی گئی۔

    این سی او سی نے ملک کے 20 شہر کورونا کے حوالے سے حساس ترین قرار دیئے ہیں ، جن میں سندھ کے 6شہر کراچی، سکھر،حیدرآباد ، گھوٹکی، لاڑکانہ ، خیرپور کورونا کے حوالے سے حساس ہیں۔

    این سی او سی کے مطابق پنجاب کے 8 شہروں کو بھی حساس قرار دیا گیا ہے، جن میں راولپنڈی، لاہور، ملتان، گوجرانوالہ ، فیصل آباد، سیالکوٹ، گجرات، ڈی جی خان شامل ہیں۔

    خیبرپختونخوا کے چار شہر پشاور،سوات، مردان، مالاکنڈ اور بلوچستان کا ایک شہر کوئٹہ بھی کورونا کے حوالے سے حساس ہے۔

    این سی او سی کا کہنا ہے کہ 20 حساس شہروں میں کورونا کیسز کی تعداد میں تیزی سے اضافہ ہو رہا ہے، صوبوں کو حساس شہروں کے بارے معلومات فراہم کر دی ہیں، وفاقی دارالحکومت کے 2 سیکٹرز کورونا کے حوالے سے حساس ہیں، جی نائن ٹو، تھری، کراچی کمپنی میں 300 کورونا کیس رپورٹ ہوئے جبکہ آئی 8، آئی 10،غوری ٹاؤن،بارہ کہو،جی 6اور7نیوہاٹ اسپاٹ ہیں۔

    بریفنگ میں بتایا گیا ٹی ٹی کیو حکمت عملی بڑھتے کیسز والے علاقوں کی نشاندہی کے لیے ڈیزائن کی گئی، 2150مزید آکسیجنیٹڈ بیڈز جولائی کے آخر تک فراہم کیے جائیں گے، ایک ہزار آکسیجینٹڈ بیڈز جون کے آخر اور بقیہ 1150 جولائی تک فراہم ہوں گے۔

  • پاکستان میں کورونا سے متاثرہ ہیلتھ کئیر پروفیشنلز کی تعداد 3ہزار سے تجاوز

    پاکستان میں کورونا سے متاثرہ ہیلتھ کئیر پروفیشنلز کی تعداد 3ہزار سے تجاوز

    اسلام آباد : کورونا وائرس کےملک بھر میں فرنٹ لائن ورکرز پر وار جاری ہے، کورونا سے متاثرہ ہیلتھ کیئر ورکرز کی تعداد 3ہزار سے تجاوز کر گئی، جبکہ اب تک 31 ہیلتھ کیئرورکرز  جان کی بازی ہار چکے ہیں۔

    تفصیلات کے مطابق کوروناڈیوٹی پرمامور ہیلتھ کئیر پروفیشنلز کی رپورٹ وزارت صحت کوارسال کردی، ہیلتھ پروفیشنلز پررپورٹ نیشنل ایمرجنسی آپریشن سینٹر نے تیار کی ہے۔

    رپورٹ میں بتایا گیا 24 گھنٹےمیں مزید 108 ہیلتھ کئیر ورکرز میں کوروناکی تصدیق ہوئی ، جس کے بعد ملک میں کوروناسے متاثرہ ہیلتھ کئیر ورکرز کی تعداد 3196 ہوگئی جبکہ مزید2 ہیلتھ کئیرورکرز جان کی بازی ہار گئے اور کوروناسےمرنےوالےہیلتھ کیئرورکرزکی تعداد 31 ہوگئی ۔

    رپورٹ کے مطابق مزید 61 ڈاکٹروں میں کورونا کی تشخیص ہوئی ، جس کے بعد مجموعی تعداد 1876 ہو گئی، مجموعی طور پر423 نرسیں اور897 دیگر اسپتال  ملازمین کورونا میں مبتلا ہیں۔

    وزارت صحت کوارسال  کی گئی رپورٹ میں بتایا گیا ہے کہ کوروناوائرس کا شکار 253 ہیلتھ پروفیشنلز اسپتالوں میں زیرعلاج ہیں جبکہ  کورونا میں مبتلا 5 ہیلتھ پروفیشنلز کی حالت تشویشناک ہیں اور  اب تک 1148 ہیلتھ پروفیشنلز صحتیاب ہوچکےہیں۔

    رپورٹ کے مطابق پنجاب میں380 ڈاکٹر، 138 نرسیں،طبی عملےکے203افرادمیں کورونا کی تشخیص ہوئی  جبکہ کے پی میں451 ڈاکٹر، 162نرسیں،طبی عملے کے 374 افرادکورونا میں مبتلا ہیں۔

    اعدادوشمار کے مطابق سندھ کے 616 ڈاکٹروں، 63 نرسوں،طبی عملےکے 122 افراد،  اسلام آباد کے164 ڈاکٹر، 51 نرسز اورطبی عملےکے83 افراد اور بلوچستان  کے238 ڈاکٹر، 4 نرسیں اور طبی عملےکے61 افرادکورونا میں مبتلا ہیں۔

    رپورٹ  میں بتایا گیا کہ گلگت بلتستان کے15 ڈاکٹر, 2 نرسیں،طبی عملےکے43 افراد اور آزادکشمیر کے12 ڈاکٹر،3 نرسیں اورطبی عملےکے11 ارکان میں کورونا کی تشخیص ہوئی۔

  • کورونا سے متاثرہ ڈپٹی ڈائریکٹر سمیت اے ایس ایف کے2 اہلکار جان کی بازی ہار گئے

    کورونا سے متاثرہ ڈپٹی ڈائریکٹر سمیت اے ایس ایف کے2 اہلکار جان کی بازی ہار گئے

    لاہور : کورونا وائرس سے ڈپٹی ڈائریکٹر سمیت اے ایس ایف کے 2 اہلکارانتقال کر گئے جبکہ اےایس ایف کے مزید23 اہلکاروں میں کورونا کی تصدیق ہوگئی ہے۔

    تفصیلات کے مطابق پاکستان میں کورونا کے وار جاری ہے ، کورونا سے ڈپٹی ڈائریکٹر سمیت اے ایس ایف کے2 اہلکارانتقال کر گئے، کورونا سے انتقال کرنیوالے ڈپٹی ڈائریکٹر کا تعلق اے ایس ایف لاہور سے تھا۔

    ذرائع کا کہنا ہے کہ ڈپٹی ڈائریکٹر کے ساتھ ڈیوٹی دینے والے17ملازمین میں بھی کورونا پایا گیا، جس کے بعد اے ایس ایف کے مزید23 اہلکاروں میں کورونا کی تصدیق ہوگئی ہے، اہلکاروں کا تعلق کراچی، لاہورایئرپورٹ اور ہیڈکوارٹر سے ہے۔

    https://youtu.be/j7pJWWDQkpk

    خیال رہے پاکستان میں کورونا کے تصدیق شدہ کیسز کی تعداد 11ہزار155 تک جاپہنچی ہے، اعدادو شمار کے مطابق سب سے زیادہ متاثرین کی تعداد پنجاب میں4767 ہے، سندھ میں 3671، خیبرپختونخوامیں 1541 اوراسلام آباد میں 214 مریض سامنے آئے جبکہ بلوچستان میں 607 ، گلگت بلتستان میں 300 ،آزاد کشمیر میں 55 کیسز رپورٹ ہوئے۔

    کورونا سے اموات کی تعداد بھی بڑھ گئی، ملک میں 24گھنٹےکےدوران 13 نئی اموات رپورٹ ہوئی اور کورونا سے اموات کی تعداد 237 ہوگئی، سندھ میں73 ،پنجاب میں65، کےپی کے میں 85 ، گلگت بلتستان میں 3،بلوچستان میں 8مریض جان سے گئے جبکہ اسلام آبادمیں کورونا وائرس کے3مریض دم توڑ گئے۔

    پاکستان میں 111 مریضوں کی حالت تشویشناک ہے جبکہ کرونا وائرس سے ابتک2527 افراد صحتیاب ہو چکے ہیں۔